köhnə sevgili

durduq yerə və səbəbsiz yerə, bəlkə də səbəbli, bilmirəm, yadıma düşür.. axırıncı dəfə 2019- cu ilin yayında danışdıq. Zəng eləyib nəsə soruşdu, sonra gileyləndi ki, bəs niyə axtarıb eləmirsən? mən sənə sadiq bir dost idim axı. heçnə demədim, susdum. necə ki, bir zaman Oqtayın susduğu kimi (baxma: göndərmə var ) (baxma: gün keçdi filmi). həmin yay işlərim çox super və inanılmaz qəşəng gedirdi. avropa, phd, iki yerdə iş. və bunun üzərinə diplomatik iş və pasport təklifi. sadəcə hə deməliydim, vəsəllam. bu qədər sadə. mən isə.. (baxma: hə deməli olduğum yerdə, yox dedim)
telefonda soruşdu ki, neynirsən? nə işlə məşğul olursan? dedim, hər şey super gedir, amma bəzi şeyləri danışmalıyıq. dedi, bakıdayam, nəsə demək istəyirsənsə, gəl görüşək.

(youtube: )

(youtube: )

pəncərə açıq yatmaq

yata bilmirəm. hava nə qədər isti olur olsun, üşümə tutur məni. üşümə tutan kimi də periodik olaraq, "ciyerlenirəm" və dəxlisiz yuxular görməyə başlayıram. pəncərə açıq = soyuqlamaq absurd yuxulular. ona görə nə qədər isti olur olsun, həmişə yorğanla yatıram. tez üşüməyim deyə. yayda da uzunqol köynək və üstündə yüngül pencək əksik olmur. (baxma: qalxanabənzər vəzinin düzgün işləməməsi )

niyaməddin musayev

kişi ilə zarafat edirik, amma məhşur "dünya sənin, dünya mənim, dünya heç kimin" mahnısını tamam başqa cürə oxuyur. yəni, əlbəttə, yeni nəsil arasında ondan səs baxımından qat-qat anlaşılan oxuyanlar var, söz yox. amma, niyaməddinin oxumağı daha " yanıqlı" təsir edir? səbəbi sadədir. yaşlı birinin məsləhəti, " dünya heç kimin" deməyi başqa, cavan birinin " əbədiyə gülər, əbədi dünya" deməyi hara. bir de o məhşur məclisdə/ verilişdə kimlər yoxdu ala. Heydər belə ağlamsınır. "pristav elə də, niyaməddin necə damardan giribsə artıq.

bir də sözlərə bax:
bir taleyin oyununda cütlənmiş zərik,
yüz il qoşa atılsaq da, qoşa düşmərik. nə qədər insanla rastlaşmışıq, həyatımızdan keçib, sonralar baxıb demişik ki, heyf, səhv zamanda doğru insan.. və bir daha qoşa zərlər kimi cüt düşmürük.
bir sözlə, Məmməd Araz yaradıb. Azərbaycan mahnıları ona görə şedevrdir ki, sözləri çox vaxt şeirlərdən götürülür və içi boş deyil, məna yükü var.

qubad ibadoğlu

Təəssüfləndim. Ona görə ki, artıq kiminsə tutulması, şərlənməsi heç kimin vecinə deyil. Heç kim də səsini çıxartmır. Çünki? Çünki qorxaxıq, özü də en betərindən. Biz bir dəfə adam balası kimi yaşayıb, ölməkdənsə, hər gün ölməyi daha məqbul bilirik. Arzuladığımız avropa həyatı, amerika demokratiyasıdır, amma elə bilirik ki,onlara bu demokratiya məcməyidə (baxma: padnos )hədiyyə olunub. Heç bir mübarizə aparılmayıb və aparmayıblar. Ölkə başdan ayağa polis dövlətinin əsiridir. Kim biraz səsini ucaldır, şikayət edir, basıb aparırlar şöbəyə. Başqaları da oturub baxır, çünki.. ictimai güvən yoxdu. Olsa, ictimai bir şüur formalaşar, insanlar ən azından sorqulamağa başlayar ki, "ay bala, bu bahalı maşınları sürən, bahalı həyatı yaşayan məmurların bu qədər pulu hardandı? Axı bunun rəsmi maaşı bu qədərdi, bu necə olur? Bu dəyirmanın suyu hardan gəlir?" Deməli ortada rüşvət var. Başqa adı ilə korrupsiya. Korrupsiya isə eyni zamanda bir şeyin çürüməsi, xarab olması, əxlaqi cəhətdən deqradasiyaya uğramasıdır. Bibliyada iblisin allahın sözündən çıxıb, cənnətdən qovulması latıncada corrumpte sözü ilə təsvir olunur. Korrupsiya sözünün kökü də burdan gəlir. Yəni, qısası, cəmiyyətin çöküşü.
Azərbaycan cəmiyyəti çöküb, mövcud deyil. Heç kimə də ədalət anlayışı da gərək deyil, sadəcə tək istəyi qısa yoldan varlanmaq, başqalarını əzməkdir. Çünki? Bir qul heç vaxt azad olmaq istəməz ki. Tək istəyi digər qulları əzməkdir. Neynir azad olsun?! Çünki, azadlıq özlüyündə məsuliyyətdir, qeyri-müəyyənlikdir, öncədən bilməyən şeylərdir, hadisələrdi. Axı, bu hər ay vaxtı-vaxtında yatan dövlət maaşına, "qismət", "səbr" anlayışına uyğun gəlmir. "Ehh, nəmmə lazım, mənə qalıb?!" Təfəkkürü ilə uzlaşmır. Həm Axı, ədalətli olmaq ona da sərf eləmir. Çünki özü də rüşvət verir, alır, işini kimlərinsə əli görür, tapış var haralardasa, onu qanun hərləmir.

Bir də Çünki... müdir əlini 300-400 manatlıq işə götürəndə, hansındakı o 6 gün işləmələdir, gəlmədəyi günlər də maaşından kəsilir, əli onda şikayət eləmir ki, "ay müdir axı, mənim maaşım niyə bu qədər azdı?" Müdir nə deyir?: "Sikdir get! Xoşun gəlmir, sənin yerinə işləməyə çöldə minlərlər adam var". Bax, o çöldəki adam, bu çürük sistemin dayağıdır. Məhz o adam deməlidir ki,müdir bu işin dəyəri ən azı 1500-2000 manatdır fərq eləmir, nə iş oldu. Həftədə 5 gün, həftəsonu məni narahat eləmə. iş müqaviləsi və sığortam da olmalıdır. Müdir bu həmrəyliyi görsə, qayıdıb əliyə ən azı 1200 manatlıq iş təklifi edəcək. Etmir? Niyə? Çünki vəli, "əşşi acam günümü qurtarım, kreditlər tökülüb qalıbee" fikirləşərək 300 manatlıq qul əməyinə razı olur. Beləliklə ölkədə qul və quldarlıq davam edir.

6-ci sinif qədim dünya tarixində bir şəkil var idi. Qədim romada bir küçə. iki dənə qul küçədə daş döşəyirlər. Yanlarıdan hansısa senatdan biri xərəydə keçir. Onu da qullar daşıyır. Amma, o qullar xoşbəxtdir, çünki onlar senatı daşıyırlar. Onlar özlərini daha imtiyazlı hesab edərkən, halbuki senatın və daha "ağ romalı"larin gözündə dəyərləri birdir, daha doğrusu yoxdur, çünki quldular. iki şey nəsibləridir: "çörək qırıntıları və qamçı"

Bütün bu yazdıqlarımın qubad ibadoğlu ilə nə əlaqəsi var, deyəcəksən? Çünki qubad alimdir. Bizim kimi cəmiyyətdə alim hələm-hələm yetişmir və bu keyfiyyətdə. Qubad ibadoğlu ingiltərədə yeni azərbaycan gəncləri fondu yaradıb. Məqsədi tələbələri gənc alimləri dəstəkləmək, təhsillərində maddi dəstək olmaqdır. Maliyyəsi təkcə yığılan üzvlük haqqlarından olmayacaqdı, həm də xaricdə dondurulmuş, azərbaycan dövlətinə məxsus illeqal pulların məhkəmə yolu ilə qazanılması idi. Yəni illərdi bizdən oğurlananı bizə qaytarmaq istəyirdi. Ki, bakıya qayıdanda qubadı saxta pul alveri maddəsi ilə tutublar. Ölkəyə saxta pul soxmaq olar? Quru yolu bağlı. Həm başqa ölkənin havalimanında 10 mindən artıq avro, dollar gətirəndə deklarasiya verirsən ki, bu pullar səndən hardandı. Yəni saxta olsaydı, orda tutardılar. Lap deyək ki, ordan keçdi, burda hava limanında saxlayardılar. O da olmayıb. Bandotdel evində gəlib "tapıb". 8 ildən 12 ilə kimi iş kəsəcəklər. Yox, illah ki, bandotdel nağılına inan varsa, gəlsin sabahdan qəşəng 300 manatlıq iş var,verim işləsin.

Paralelində də siyasi müxalif ola biləcək siyasi partiyalar bağlanır. Heç kimin də vecinə deyil. Çünki...

Elə bilmə o dəhşətli yanğın bitdi, batdı, getdi.
Hələ durur, davam edir 37!
Daha kəskin, daha ciddi!
O yaşayır, qorxularda, ürkülərdə.
-Bəlkə bir də qaytarıldı... bəlkələrdə
Vicdanları basıb yeyən ləkələrdə, kölgələrdə.
Nə qədər ki, bir milləti 70 yerə bölənlər var
Nə qədər ki, rütbə üçün, şöhrət üçün ölənlər var.
Nə qədər ki, kabineti, vəzifəni gözlərinə təpənlər var,
Tiranların yanbızını bir az altdan öpənlər var,
Nə qədər ki, istedadı addım-addım pusanlar var,
Xalq dərdini hayqırmağın əvəzinə
əqrəb kimi susanlar var.
Nə qədər ki, iş başında bunca kütbaş,
kəmsavad var.
..Davam edir 37!

azərbaycanda yaşamağı sevmə səbəbləri

Çox şey... Ən əvvəlindən saymalı olsaq, təkrar da olsa, ailə, dost-tanış, çevrə. Dünyanın harasında olursan, ol, Bakıda ki çevrəni orda qura bilməzsən, əgər orda da azərbaycanlılar yoxdursa. Avropada/qərbdə super-muper bir çevrəniz sözsüz ki ola bilər, amma iki şərtlə: ya orda doğulma böyümə birisiniz, ya da dost çevrəniz elə sizin kimi əcnəbilərdi. Məsələn, almaniyada ruslarla, türklərlə, pakistanlilarla dostluq əlaqələri daha tez yaranır. Niyə? Mədəniyyət, şərq, eyni fikrə uyumluluq. Bir sözlə düşüncə tərzi/ mindset. Ailə, ən əsası. ailə ən mühümüdür. Yanında olmaları, daim sənə canlı dəstək çıxmaları dünyalar deməkdir. ikincisi, bürokratik əngəllər yox kimidir. Yəni, siyasi filan deyilsinizsə və kimlərlərinsə gözünə batmirsinizsa, heç kim sizə sənəd məsələsində əngəl törətməz. Asan xidmət bütün almaniya dövlət sistemindən milyon dəfə yaxşı işləyir. Mübaliğəsiz və olduğu kimi deyirəm. asan xidmətdə istənilən sənədi bir neçə dəqidədən tutmuş, bir neçə gün içərisində ala bildiyin halda burda 3-4 ay hələm appointment gözləyirsən ki, sənədləri verəsən onun da çapa filan verilməsi 3-4 ay. Yəni, "ölmə eşşəyim ölmə"
Bizdə tək problem maddidir. Siyasini demirəm, çünki 30 ildən çoxdu başın buraxmışıq xalq olaraq. Normal maaş olsa, minumum net gəlir 1500-dən yuxari olsa, xaricdə yaşayan konkret xiyardi. Gəzmək istəmirsən? Al şengen vizasını 3 ay yayı firlanda avropada, ya amerika hər il multi entry elə getsin də.
Sırf bakıdan danışıram, bəyənmədiyim çox şeyləri var, yollar, nəqliyyat və s. Və ilaxır. Amma, multi-kulti, kosmopolit bir şəhərdir, normal bir çevrən, maaşın varsa, yaşamağa dəyər.

rövşən cavadov

tansu çilərin adamı idi. daha doğrusu onun əliylə burdakı hakimiyyəti ələ keçirtmək istədilər, alınmadı. səbəbi isə... mart ayında 16-si səhv oxumamışamsa, bir gün qabaq. süleyman dəmirəl heydər əliyevə zəng edib deyir ki, sabah səni devirəcəklər. təyyarə ilə qayıdanda bakıya hava limanında enmə, vuracaqlar səni. (baxma: bir pezevengin tarihi).bu sözlərin üzərinə, heydər əliyev, namı diğer "baba", bir gün öncə ayın 16-sı indiki heydər əliyev adına, zamanında binə hava livamı idi, enmir, tam əksinə hövsanda yerləşən hərbi məqsədlər nəzərdə tutulmuş meydançaya eniş edir. rövşənə sonradan dəstək gəlmir. üsyanın sonlarına doğru, atışma zamanı omonçular artıq təslim olmuşdular, ağ bayrağı qaldırdılar. amma, baba qəzəbli idi və hamıya görk olsun deyə, üsyançıları məhv eləməyi əmr eləmişdi. guya ki kommunikasiya kanallarında problem olub, hər iki tərəfin arasında anlaşılmazlıq filan meydana çıxıb. məhşur köhnə ans-in kadrlarında da eyni səhnələri görmək olur: ağ bayraq qalxıb, amma döyüş gedir. sonra rövşən cavadovu vururlar, yaralanır. bilərəkdən xəstəxanaya gec çatdırılır. qanaxmadan elə yoldaca keçinir. belə. sonralar qardaşını da sürgün edirlər, gedir. bir xeyli zaman keçəndən sonra pıttığı bizə qurban olan tansu çilərdən soruşandakı, "bəs rövşan cavadovla aranızda bir şey olub?", "dəstək filan?".(baxma: ahmet kural: eskiden sevdiğim kadin). nə deyəcək ?! deyəcək dəstəkliyirimdim? üsyanlar həmişə belədi: "ya dövlət başa, ya kuzğun leşə!". burda da dövlət başa oldu. və bununla da süleyman dəmirəl və heydər əliyev can bratlığı başladı.
off the topic: türkiyə bizi həmişə, istinasız, tarix boyu arxa bağçası kimi görüb. qardaşdı, candı filan eyvallah da, 82 nahçivan, 83 moğul fikri ilə yaşayırlar elə. çox küçümsəyirlər bizi, çox. ona görə forever heydər əliyevin azərbaycançılıq məfkurəsi. yalnışı və doğrusu ilə buyuq. azərbaycanlıyıq. azəri də deyə bilərsiniz qısaltma olaraq. (baxma: qatıq bu dəfə ağdır )

peraşki vs qutab

hərəsinin öz yeri var. peraşkilər belə fərqlənir, öz aralarında bölünür, metro çıxışı motor yağında bişənlər (baxma: расим яг), evdə həm normal yağda, həm sobada bişənlər. ət, pendirli, kartoflu versiyaları var. peraşki dadimliq bir şeydi,ayda ildə bir dəfə yeyərsən, olar bitər. amma, qutab öz özülüyündə bir seremoniyadır. qarın təmizlənmesi, göyərtilər dogranmasi olsun, nar, sumaq, qatıq və s. bir oturuma ən azı 5-in yemək olar. Bakı qutabı biraz balaca olur, ondan daha çox yemək olar. bir də dəvə qutabı boş söhbətdir, yoxdu demirəm, sadəcə boş söhbətdir, ətə şəkər qatırlar çox vaxt dəvə ətinin tamını almaq üçün. kimdi hər gün dəvə kəsən?

öyrənildiyində təəccübləndirən məlumatlar

Ərəbcə məcnun və cunun eyni kokdəndi. Məcnun dəliyə, cunun isə xəstəliyin/ dəliliyin özünə deyirlər. Dilimizdəki "vaveyla gəzmək" ifadəsidi də məcnunla bağlıdır. Rəvayətə görə quran dərsinə yazılan məcnun qədr surəsinə çatanda leylətul-qədr sözünü oxuyur və istədiyi yarın, leylasının adını görən məcnun quran dərslərini buraxır (baxma: yar diyende kalem elden düşüyor ). Bunu seyid əzim Şirvani belə nəzmə çəkir:
Məcnun ilə bir məktəbi-eşq içrə oxurdum,

Mən xətmi-kəmal etdim, 0, “Vəlleyl”də qaldı.

Məcnun əsil adı olan qiyas və müqayisə eləmək də eyni kökdəndi. Mı⁴ ön şəkilçilər işin davamiyyətini, təkrar olunduğunu göstərir. Ərəb- fars dilli lüğətdə bu tip sözlərə rast gəlmək olar.

yazarların linçə səbəb olacaq fikirləri

sadəcə iki cins var: qadın və kişi. bioloji olaraq belədi. indi arada istisna hal kimi doğulan körpələr ola bilər, amma lgbt və tayfası sadəcə psixoloji bir fərqlilikdir. bir kişinin feminin davranışlar göstərməyi və ya qadının sərt maskulin çıxışlar eləməyi illah ki onun trans, ftm və qadından kişiyə keçməyə haqq vermir.(baxma: kadindaki eril enerjiye bakarmısın, şırıl-şırılım şu an ) biseksual, gey tarixən olub və olacaq. bunu kimsə inkar eləmir. amma hər addım başı, mən transam, geyəm, panseksualam və bir əlifba söz-söhbət normal olanı anormal göstərməyə çalışmaqdan başqa bir şey deyil. media gecə-gündüz pompalayır: Netflix-dən tutmuş, hər hansı reklama kimi. almaniya kimi ölkə belə xarici siyasətinin motivini dəyişib " feministische Außenpolitik" (feminine foreign policy) qoyub. sorry, amma gijdillaxsız? ukraniyanın yarısı yox, orta şərq pox çuxuruna dönüb, girən çıxa bilmir. Çin bütün gostəricilərdə avropanı keçib, heç bir regional və beynəlxalq qüvvə qayda qanun önəmsəmir. (baxma: ay qanacaqdı, manacaqdı qurtardıı!!! )almaniyanın dərdi nədi? hansı yüksək vəzifəyə xanım və lgbt fərd gətirək, dəxli yoxdu ora layiqdi ya yox və hər şeyi "gendern"( gender üzrə müəyyən eləmək və ya eləyə bilməmək).
kimsə, qadın və digər cinsi azlıqların öz haqq və hüquqlarını tələb və/ya müdafiə eləməsin demir ki. get elə də, non-binary bacım, qardaşım. qanun qarşısında hamı bərabərdirsə, onlar da qanunla eyni statusun dadını çıxarırlar, day artıq nəyəsə ehtiyac yoxdu. siyasi sistem işlək deyilsə, o tamam başqa bir mövzudur, bunun cinsi orientasiyaya heç bir dəxli yoxdur.
hələ bunun üstünə bir də heteroflexible çıxıb -*) yəni adamına və yerinə görə heteroyam, amma həmcinsin dəhşət bir şey olsa, baxaram.

əsgərlik

gəzən əhli twitter və şəhər şayələrinə görə hamını tutub, basıb aparırlar. taaa rüşvət müşvətdi, qurtardı. daha doğrusu qurtarmayıbe "tası" qaldırıblar. əvvəl 3-5-ə həll olunan şey indi 20 minə yaxın duran yoxdu. səbəb kimi də, hərbi komissarlıqlardakı həbsləri göstərirlər. bütün bunlar, bir daha sistemin nə qədər çürük olduğunu göstərir. elə bunu pullu əsgərlik (baxma: bədəlli), keç professional orduya; 100-150 minlik daimi qoşunun olsun, maaş kəs. həftə sonları evdə, üz qırxmaq şərt olmasın, təmizlik işini xadiməcilərə həvalə elə. minimum yaş 20, max 40 və hər yaş kateqoriyasına uyğun bölgü, vəsəllam. ondan sonra heç kim heç kimi peysər çıxartmağa calismayacaq, bir birini əsgərlikdə "minməyəcək", pul verib "niqodniy" almayacaq. əsgərlik müddətini də qeyri-professionalda elə 8 həftə, 45 gün. heç getmək istəmirsən? xub, ver 50 min dövlət rüsumu vəsəllam. onsuz da varlıların balaları getmir də. amma indi konkret hava atacaqlar ki, " əəə, bəə qaqan da əsgərlikdən saxlatdirdi axı, heç getmədi" o pulu da yönləndir orduya. bu qədər sadə olan şeyi eləmirlər, etmək də istəmirlər. yoxsa kim yesin rüşvəti? zastavadaki əsgər payını, yataqxana/istixana üçün ayrılan nöyütü? meşəbəyi ilə danışıb odun satmağı? olmur axı, yeyinti lazımdı, bəylər, yeyinti!! hamıya.