dizatriya

sözlərin aydın tələffüzünün pozulması. nitqi tənzim edən sinir mərkəzlərinin , aparıcı yolların və ya periferik sinirlərin zədələnməsi ; əzələ qrupları , səs telləri innervasiyasının pozulması , həmçinin dovşandodaqlılıq , dişsizlik və sairə nəticəsində baş verir. pozğunluq ifrat dərəcəyə çatdıqda tələffüz çox çətinləşir , ifadə olunan sözlər başa düşülmür.

neokonfusiçilik

çin fəlsəfəsində idealist məktəb. sun dövründə (x - xııı əsrlər) təşəkkül tapmışdır. əsasən etnik -siyasi konsepsiyalardan ibarət olan konfusiçilkdən fərqli olaraq neokonfusiçilikdə başlıca yeri ontologiya , naturfəlsəfə və kosmoqoniya məsələləri tutur. görkəmli nümayəndəsi çju si hesab olunur. sosial qayda-qanunların sarsılmazlığı prinsipini irəli sürən neokonfusiçilər xx əsrin əvvəlinədək çin fəlsəfəsində və ictimai-siyasi fikrində hakim mövqe tutmuşdur

loqopatiya

normal eşitməklə yanaşı nitqin çatışmazlığı. bura tələffüzün , söz ehtiyatının çatışmazlığı , temp və səlis nitq pozğunluğu daxildir. dilin yazılı formasının pozğunluğu da loqopatiya anlayışına aiddir.

melkart

finikiya dilində hərfi mənası şəhər padşahı anlamına gələn elə finikiyalıların mifologiyasında günəş allahı. əvvəlcə tirdə sonra isə karfagendə baş allah kimi sitayiş olunub

şərtilik

ədəbiyyat və incəsənətdə obrazın yaradılma üsulu , həyatabənzərlikdən şüurlu , bilərəkdən əl çəkməyə əsaslanan bədii təsvir prinsipi. şərtilik anlayışı tarixən dəyişkəndir. nümunə versək homer dövrünün mifoloji obrazları öz dövrünə görə həyati olduqları halda , Klassisizm ədəbiyyatında sırf şərtidir. faust , çevrilmə , burun (qoqol) , master və marqarita , iblis (h.cavid) , pəri cadu (ə.haqverdiyev ) və sairə kimi roman və pyesləri şərtilik nümunələridir. bir sıra janrlar (təmsil , elmi fantastika) şərtiliyə daha artıq meyl edir.

ingiloy

gürcü tələffüzündə ingiloy olaraq da bilinən qax , zaqatala və baləkən rayonlarında yaşayan etnik qrup. təqribən x - xıı əsrlərdə dil cəhətdən gürcüləşdikləri ehtimal edilir. xvı əsrin sonlarında islam dinini qəbul etmiş və yengiloy (yeni dinə keçmişlər) adlanmışlar.

kolliziya

bədii əsərlərdə iştirak edən qüvvələr arasındakı ziddiyyət , münaqişə. estetikaya hegel tərəfindən daxil edilmişdir. konfliktin sinonimi kimi işlənir. konfliktdən fərqi isə kolliziyada münaqişə daha dərin ,
əhatəli səciyyə daşıyır

iles de la societe

azərbaycanca adlandırsaq cəmiyyət adaları. sakit okeanın cənubunda polineziyada arxipelaq. fransanın mülkü sayılır. inzibati mərkəzi papeetedir. iki qrup adalardan ibarətdir : küləktutan və küləktutmayan . ən böyük adası isə taitidir. adaların çoxu vulkan mənşəli olub , mərcan rifləri ilə əhatələnmişdir. adalar qrupunu 1767-ci ildə Samuel Wallis kəşf etmiş london kral cəmiyyətinin şərəfinə adlandırılmışdır. arxipelaqa daxil olan adalardan bizə ən çox tanış olan ad yəqin ki taitidən savayı bora bora adasıdır.

ştreykbrexer

almanca hərfi mənası tətil dağıdan anlamını verən kapitalist ölkələrində işçilərin tətil etdikləri zaman işə gedən şəxs. əsasən sinfi simasını itirmiş , eləcə də işsiz qalmaqdan sarsılmış insanların əl atdıqları axırıncı yol. iqtisadi səbəbi isə işsizlikdir.

qış ab-havalı filmlər

(bax: The Hateful Eight)

azərbaycandakı vəziyyəti ifadə edən xəbər başlıqları

(baxma: narazı olsam da razıyam)

bulla

latınca kürəcik sözündən yaranmışdır. roma papasının dəyirmi möhürlə təsdiq olunmuş sərəncamı ,məktubu və ya müraciətnaməsi

selibat

nikahsızlıq, katolik keşişləri tərəfindən qəbul olunan və on birinci əsrdə müəyyən edilmiş əhd. tətbiq edilməsinin başlıca səbəbi kilsənin öz torpaq mülkiyyətini saxlamaq , varislər arasında bölünməsinə yol verməmək səyindən ibarət idi. həmçinin kilsənin , dindarların nəzərində ruhanilərin hörmətini qaldırmaq , din xadimlərinin həyat tərzini xristian asketizminin normalarına uyğunlaşdırmaq niyyəti əhəmiyyətli rol oynamışdır. amma selibatın həyata keçirilməsi ruhanilər arasında pozğunluğun yayılmasına gətirib çıxarmışdı.

çaçvan

müsəlman qadınlarının evdən kənarda olduqları vaxt üzlərini və sinələrini örtdükləri və at tükündən hazırladıqları sıx tor örtük