fregoli sindromu

Fregoli sindromu dünyada nadir görülən bir psixoloji xəstəlikdir. Fregoli sindromunda, xəstə bir insanın üzünü hər kəsin üzündə görür.Məsələn, Fregoli sindromlu bir insan ətrafındakıların hamısı özü xaricində eyni adam olduğunu düşünür. Qorxur, hamının pis insanlar tərəfindən alındığını düşünür.
Əlamətləri:
Fregoli sindromu əlamətləri göstərən insanlar qorxularına görə maskalı insanlar tərəfindən təcavüzə məruz qaldiqlarını düşünür və təcavüz paranoyası yaşayırlar. Fregoli sindromunda insanlar uzaqdan tanıdıqları və ya ən yaxın dostlarını belə özlərinə zərər verəcək insanlar arasında bir təhlükə olaraq qəbul edirlər.

Hər kəsə şübhə ilə yanaşılmasına səbəb olan və skeptisizmin zirvəsində olan fregoli sindromuna, "min bir üz sindromu" da deyilir. Sindrom ilk dəfə 1927-ci ildə, gənc bir qadının teatrda gördüyü aktyorun onu izlədiyini iddia etdiyi zaman ortaya çıxdı. Araşdırmalar nəticəsində psixoloji xəstəlik tibb tarixində yerini aldı. Dolayı yolla xəstəliyin adını verən aktyor, 1867-1936-cı illər arasında yaşayan italyan aktyor Leopoldo Fregoldur.

Fregoli sindromu, bir çox psixoloji pozğunluq kimi inkişaf etmiş ölçülərə getmədən bir həkim nəzarəti altında izlənilməli bir xəstəlikdir. Fregoli sindromlu insanlarda limbik sistem, beyindəki duyğuları idarə edən bölgə və insan üzünü xatırladan sahələr arasında həddindən artıq bir əlaqə var. Bu səbəbdən gördükləri hər kəsin eyni insan olduğunu və bir xəyal qurduqlarını düşünürlər.

tarixin ən böyük umbaylamaları

Psixologiya sahəsində kişilərin qəbullanmadığı qadınların isə çox sevdiyi ən böyük umbay Karen Horni və Freyd arasında olmuşdur.
Z.Freyd ortodoksal psixoanalitiklərin nəzər nöqtələrini araşdırarkən qadını kişidənyaranma olaraq, lakin çoxlu çatışmamazlıqları olan,kişi anatomiyasına hədsiz paxıllıq duyan və qeyri-mükəmməlik kompleksindən əziyyət çəkən məxluq kimi qeyd edirdi.

Karen Horni isə uzunmüddətli kişi psixoanalizinin əsasında kişinin analığa və uşaq doğumuna çox güclü qibtə etdiyini,qeyri mükəmməllik kompleksinin tərəfdarların qeyri-şüuru kişi meyillərindən yarandığını , partiarxat xarakter daşıdığını, qısaca kişinin qadın üzərində qorxusu seksuallıqda özünə kök saldığını və kişinin yalnız cəlbedici və ağıllı qadınlardan qorxduğunu sübut etmişdir. Məhs bu qorxuya görə də kişilərdə qadınlara qarşı rəftar bucür formalaşmışdır.
Onlar Belə bir qadını nə qədər şiddətlə arzu etsə də, kişi onu itaətə salmağa çalışır və qeyri-mükəmməllik kompleksindən əziyyət çəkdiyi üçün qadınları zəif məxluq kimi görməyi seçir deyə qeyd edərək Freyd və onun tərəfdarlarını umbaylayır.

psixoloji şiddət

bu sifarişi verən: adsızinsan
Şiddət haqqında orta dövr fransız alimləri bir insana güc və ya təyziq edərək istəmədiyi bir şeyi etdirmək, duyğularını, ifadələrini kobudca bildirməsi kimi deyimləri göstəriblər.
Şiddət fiziki, cinsi, iqtisadi, psixoloji olaraq bir neçə yerə bölünür.
Psixoloji şiddət bunlar arasında ən çox istifadə edilən, günümüzdə ən ağır nəticələrə gətirib çıxaran şiddətdir.
Psixoloji şiddətin
1. Özünə qarşı şiddət
2. Ailə daxili şiddət
3. Qrup daxili şiddət
4. Kütlə şiddəti olaraq sinifləndirmək mümkündür.
Bunların ortaq nöqtəsi insanı incitmək, yaralamaq, öldürmək,ölümə təşvik etmək, təhtit,təhqir etməkdir.
Özünə qarşı şiddət özünü tənqid etmək, özünü aşağı ,zəif gücsüz görmək, özünü təhqir etmək, daimi obsessiv düşüncələri nəticəsində pessimist düşüncələrlə özünü təcrid etmələr daxildir.
Ailə daxili şiddət ailə tərəfindən uşaqların sevilməməsi, emosional tələbatların ödənilməməsi, valideynlərin mübahisəsinə şahid olması, valideynləri tərəfindən tənqid, təhtit,təhqirlə üzləşməsi, sözhaqqının əlindən alınması, alçaldılması, erkən yaşda məsuliyyətlərlə yüklənilməsi, boşanma mərhələsində valideynlərin uşaqlara təyziqi və s. Əlamətlər aiddir.
Qrup daxili şiddət mobbing və buling olaraq özünü təzahür edir.
Mobbing iş yerində təcrid olunma, hor görülmə, alçaldılmadırsa buling məktəbdə ,sosial çevrəsində təzyiqlərə məruz qalması, təcrid olunmasıdır.
Kütlə şiddəti isə siyasi mövqelərin toqquşması,iqtisadi baxımdan yetərsizlik, sosial gözlənilmələrin yerinə yetirilməməsi zamanı yenidən tənqid ,təhqir, təhtit, hor görülmə,alçaldılma halları ilə müşahidə edilir.

Təəssüf ki günümüzdə psixoloji şiddətə nə məruz qalmayan nədə psixoloji şiddəti törətməyən insan yoxdur.
Psixoloji şiddət yetərsizlik, əksiklik, gücsüzlük kimi düşüncələr sferasında formalaşıb müxtəlifcür təzahür edə bilir.
Psixoloji şiddətə uzun məruz qalan insanlar içinə qapanıb,antisosial, hərşeydən tez qorxan, suisid və ya deviant davranış sərgiləyən,aqressiv, gərgin olurlar.
Fiziki şiddətlə psixoloji şiddət müqayisəyə açıq deyil, lakin fiziki şiddət özü belə psixoloji şiddəti yaradarkən psixoloji şiddət bəzən fiziki şiddəti yaratmır.
Psixoloji şiddətin həll yolu təəssüfki tam olaraq mövcud deyil.
Psixoloji şiddətin yaratdığı ən böyük problem və fəsat intihara meyilliliyi artırmasıdır.
Risk qruplarına aiddir.
Yaş : Gənc və Ahıl yaşlar
Cins : Kişi
Ailə vəziyyəti: boşanmış,subay
iş: təqaüdün itirənlər, təqaüdə çıxanlar, iş tapa bilməyənlər
Həyat vəziyyəti: yaxın adamın itirilməsi, şəxsi münaqişə.
Fiziki sağlamlıq: Ciddi somatik xəstəliklərdən əziyyət çəkənlər( QiÇS,xərçəng,seksual problemlər)
Psixi xəstəliklər: Depressiya, şizofreniya, psixatrik müalicə alan, post sematrik stress pozuntusundan əziyyət çəkənlər, nevrozlar, eyforiyya ,bipolyar pozğunluq,obsessiv kompulsiv pozuntulardan əziyyət çəkənlər.
Zərərli adətlər: alkoloq, narkotik, həddindən çox antidepressan qəbulu
Əvvəlki cəhdlər: Olmuş olanlar
Yaşayış yeri: şəhər
Dinə münasibəti :ateist
Yardımın mümkünlüyü və qəbul etmə istəyi: Yoxdur.
Suisid davranışlar haqqında məlumatı: Var
Suisidin planlaşdırılması: Ciddi və gizli
ilin vaxtı : isti( Yaz ,yay və payız öncəsi)
Üsul: silah tətbiqi, özünü hündürlükdən atma, özünü asma.
Cəhd yeri: Öz evi, öz evinə yaxın ərazi
Sutkanın vaxtı 6:00 -17:59
Qeyd edim ki bu statistikalar dəqiqdir və dünya üzrə qəbul edilmişdir.
Əlavə olaraq qadınlar üçün daha çox orta yaş təhlükəlidir və daha çox suisidal davranışlara cəhd edirlər. Kişilərdə isə tamamlanmış suisidlər 4 dəfə çox rast gəlinir.
Əvvəllər intihara cəhd etmiş şəxsin təkrar intihar etmə riski 65 dəfə çoxdur.
Suisidal davranışların profilaktikası 3 yerə bölünür.
1. Birincili profilaktika əhali arasında səhiyyə maarifi işi, sağlam həyat tərzinin təbliğatı, narkomaniya və alkoqolizmlə mübarizə aiddir. Həmçinin tibb işçilərinin bilik səviyyəsinin yüksəldilməsi, psixoloq və sosial işcilərin peşəkar hazırlandırılması daxildir. Silah alveri və dərman vasitələrinin satışı üzərində nəzarətin gücləndirilməsi mütləqdir. Halhazırda bəzi psixotrop maddələr vardırki qadağan edilsədə özəlliklə yeniyetmə və gənclər arasında satışı qəbul edilməsi var. Buna görə də əczaçılar bu maddələrin tərkibinə azca qusdurucu maddə əlavə edirlər.
2. ikinci profilaktika böhran mərkəzləri ,inam telefonları(hot line) kimi ictimai yönümlü müəssələr,həmçinin suisidönü dAvranışlı xəstələrə yardım göstərən qeyri-hökumət təşkilatları (qadınlar,gənclər,istehlak cəmiyyəti vəs) səviyyəsində aparılır.
3. Üçüncü profilaktika isə təkrari suisidal davranışların cəhdlərini aradan qaldıran tibbi,sosial tədbirlər və özünəyardım qarşılıqlı yardımın müxtəlif formaları aiddir.

Psixoloji şiddətin profilaktikası qeyri-mümkündür. Lakin psixoloji şiddətin nəticəsində yaranan suisidal davranış meyllərinin profilaktikası mümkündür.
Ətrafınızda olan çox insan içi siz daxil olmaqla psixoloji şiddətə məruz qalır. Həmin insanlara xüsusi diqqət yetirmək hərbir şəxsin borcudur.

sözlük yazarlarının niklərinin hekayəsi

Otağımda çox vaxt kravatımın üzərində divara söykənmiş və bağdaş quraraq keçirdiyimdəm mamam tərəfindən ağacdələn ləqəbi əldə etmişdim. Sözlüyə qeydiyyatdan keçəndə öncə ağacdələn yazım dedim, sonra "bu axı mənim özümə seçdiyim ləqəb deyil" deyərək çox düşünmədən "sincab" seçmişdim.
sonradan bu heyvan haqqında bir az daha məlumatlar oxudum və bu heyvana ciddi-ciddi vuruldum. ən sevdiyim özəllikləri isə güllərə olan sevgisi və ilan yeməsidi. Həm narin, həm sərt. Bu mənə ooblecki xatırladır. Nyutonun qaydasına riayət etmədiyi kimi, sincablar da həm vəhşi, həm də narin olaraq təbiətin qaydalarına riayət etmir.

təhsil və şiddət

bir qonaqlıqda maraqlı bir söhbətə şahid olmuşdum. Müəllimlər uşaqlarla ünsiyyətdə artıq 1 yox bir neçə dəfə düşünmək məcburiyyətində qaldıqlarını, uşaqları içlərində söyüb üzlərinə süni gülümsəməylə qızım-oğlum deyə müraciət etdiklərini dedilər. Ardıyca isə ssri dönəmində müəllimin uşaqları döyməsini ,söyməsini,sinif içində uşağın təcrid edilməsini müsbət gördüklərini deyib sonra isə ibtidai sinif uşağının sinifin ortasında kəmərindən tutub havaya qaldırmasının şahidi olduqlarını dedilər.
haqlı və haqsız tərəfləri var əlbəttə. Şiddət istər fiziki,istərsə də psixoloji olsun heç vaxt təqdirə laiq görülə bilməz. lakin günümüzdə müəllimlərin zamanında şiddət üzündən travma almış sinif yoldaşlarına şahid olmalarına baxmayaraq və həmin müəllimi əslində daxilən qınamalarına baxmayaraq özləri bugün uşaqlara güldən artıq söz deyə bilmədikləri üçün gərginləşirlər.
Əslində günah kimdədir? deyə düşünsək ailədədir məncə. Ailələrdə uşaqlar ya həddindən çox diqqət mərkəzindən böyüdülməsi yada heç diqqət verilməməsi uşaqda arzu olunmaz davranışlar sərgiləməsinə səbəb olur.
Məhs şikayətçi müəllimədə şagirdi ilə arasındakı dialoqu bucür deyir.
"Online dərsdə niyə oxumamısan dediyimdə kamerasını bağlayıb dərs boyunca nə qədər səslənsəmdə cavab verməmişdi. Məktəbdə dərs keçdiyim gün həmin şagirdimi görəndə dedim ki, nə gözəl olmusan bugün? oxumusanmı dərsidə? şagird əsəbi əsəbi- yox müəllimə, o gün ad günüm idi ona görə oxuya bilmədim. Müəllimə yenə səbrlə nolsun ad günündü niyə oxumamısan? axı bu dərs sənə lazım olacaq? deyib və o an şagird qışqıraraq eee müəllimə guya oxusam nolacaq? məni evdəkilər sevmirlər deyib. Bu yerdə qonaqlıqda hərkəs təəssüfki gülürdü amma gülünəcək bir hal deyil mənim fikrimcə.
Yeniyetməlik yaş dövründə uşaqların tək məqsədi kənardakıların təsdiqini almaqdır. Amma birşeyi unutmamaq lazımdır ki,ailədə məhs o yaş dönəm üçün kənardakı insanlar rolunu oynayır.
Yeniyetmə qız dərsi oxumadığını sevilmədiyinə və oxusa sanki nə dəyişəcək ifadələriylə üsyanını bildirir. Bunu bütün yeniyetmələr deyir onsuzda deyə düşünə bilərsiz. lakin bir yeniyetmə bunu artıq özünə bəhanə edirsə vəziyyət həqiqətən ciddidir dostlar. Müəllimə yeniyetmə qıza görünüşü haqqında xoş söz deyir, amma qız buna deyil məhs ona verilən suala diqqətini verir. Sual dərsini niyə oxumamısandır, bu sualın səbəbi ad günüdü, ad günündə valideynləri ilə vaxt keçirib.
Təkrar diqqət edək son hissəyə. Yeniyetmə qız tərifə deyil ailəsinə və kökü sevilməyə gedən suala diqqətini verir. Psixologiyada çox gözəl söz vardır, bir insanı tanımağın ən yaxşı yolu onu həqiqətən dinləməkdi. Uşaq üçün önəmli olan doğum günündə belə o sevgini tam almadığı üçün artıq ona gözəl görünmək təsdiqlənmək heçdə maraqlı gəlmir. Lakin valideynlərinin diqqətinidə necə çəkəcəyini şüuraltı bilir.
indi təsəvvür edin ki ssri dönəmindəki uşaqlar necə idi. Müharibə görmüş valideynlərin tərbiyə ilə böyümüş və hərşeydən qorxan ailəyə ,sevgiyə ehtiyac duyarkən bunlardan məhrum qalan onlarca uşaq Və bu uşaqları psixoloji və ya fiziki şiddətlə cəzalandıran müəllimlər.
Təhsil sadəcə insanlara elm öyrətmir. təhsil təlim və tərbiyə ocağıdır.Özəlliklə problemli uşaqlara xüsusi diqqət verilməsi lazım ikən təəssüflər olsun ki müəllimlərimiz asann yolu seçir. YAxşı oxuyanı əzizləmək,pis oxuyanı isə uzaqlaşdırmaq.
isveçrə psixoloqları illər öncə çox yaxşı bir eksperiment edir. Random seçilmiş 2 müəllim və 30 şagird eksperimentə cəlb edilir.A və B qrupu olaraq adlandıracam
Psixoloq A qrupunda 3 şagirdin yaxşı oxuduğunu x müəlliməsinə bildirir. Əslində isə həmin şagirdlər zəif oxuyur digər şagirdlər isə yaxşı .
B qrupunda 3 şagirdin digərlərinə nisbətən zəif oxuduğunu Y müəlliməsinə bildirirlər. Əslində isə 3 şagird yaxşı oxuyan sinifin geri qalanı isə zəif oxuyan idi.
Eksperiment şərtinə görə bu sinif kollektivi və müəllimlər 1 ay boyunca onlara dərs deməlidir.
1 ay sonunda A qrupunda 3 şagird digər şagirdlərdən daha yaxşı oxumağa başlamış, hətta sinifin ən yaxşıları olmuşdur.
B qrupunda 3 fərqlənən şagird digərlərindən biraz daha geriləmişdir.
Bunun belə olma səbəbi isə x və y müəllimləri ən rahatı seçdilər.Yaxşı oxunduğu bilinənlərə xüsusi diqqət,qayğı verildi.Onlarla daha çox vaxt keçirdilər,yeni dərs izahatında özəlliklə onların cavablarına nəzarət edirdilər.
Bu eksperiment sonrası isveçrədə müəllimlik fəaliyyəti haqqında yeni qaydalar çıxarıldı lakin çoxda işə yaraya bilmirdi.
Günümüzdə də bir çox müəllimlər təəssüflər olsun ki şagirdləri arasında şəxsi fikirləri əsasında qənaətinə gəldikləri fikirlərlə yaratdıqları ayrı seçkilik onların həyatına kəskin təsir edir.
müəllim ehtiyyatsızlığı,diqqətsizliyi bugün bir çox insanın faəliyyətinədə təsir edir.
Klinik psixologiya müəlliməmin çox gözəl bir sözü var. insanlar göyüzünə baxdıqlarında səmanı görsələr belə əslində ordan onları izləyən uşaqlığı və yeniyetməliyidir.
Əlbəttə mükəmməl müəllim ,valideyn,insan anlayışı yoxdur. Ola da bilməz . Lakin təhsildə istər fiziki,istərsə də psixoloji şiddətlər yaxşı ola biləcək insanları məhv edir.
Həyatımda unutmayacağım və bağışlaya bilməyəcəyim ibtidai sinif rəhbərim var. Bugün hansıki seçmə sayılan liseyin müəllimidir. Həmin müəllimə 1ci sinifdə oxuduğumda bilə biləki babamı itirmişəm və ailəmin psixolojik olaraq çöküşünü görmüşəm, içə qapanıq, səssiz olmuşam buna baxmayaraq yasa görə gələ bilmədiyim sətrdən sətirə keçməni löhvədə səhv etmişdim deyə başımı lövhəyə vurmuşdu. O görüntü , o vuruş,sinifdəkilərin o siması hər bir şey dünən kimi yadımdadı. Ata sözünü a-ta deyə keçirmişdim və nəticəsi olaraqda başımın bərk ağrısını həmin an hiss etmişdim. Tənəffüsdə isə mənə bunu evdəkilərə deməməyimi əks təqdirdə etdiyim ata sözündəki səhvimə görə məktəbdən qovula biləcəyimi
bildirmişdi. O gün müəllim bəlkədə başqa birşeyə əsəbləşmişdi, bəlkədə vurduqdan sonra peşman olmuşdu amma o müəllimə üzündən mənim itirdiyim yeniyetməliyim oldu. O gün sincabın beynində bir şey oturdu, sus yoxsa qovularsan.
Nə qədər isyankar nə qədər bəzən çox haqq ədalət desədə bu yazını yazan sincab özü özünə gəldikdə susmağa məcbur qalır. Çünki sincabda aldığı həm fiziki həmdə psixoloji şiddətə görə heç vaxt düzəltməsi mümkün olmayacaq. Maksimum biraz ilərləyiş qət edəcək.
Yazarkən elə fərqinə vardım ki yuxumda hər zaman və hər daim gördüyüm məktəbdəki sinif həmin sinif, gördüyüm əsas löhvə həmin löhvə və otaq həmin işıqlandırmadadı. Təşəkkürlər sözlük aylardı niyə məhs ibtidai sinifim axı dediyim sualıma indi cavab tapa bildim.
Qısaca istər təhsildə istərsədə başqa birşeydə aldığımız hər şiddət bizdən bir parçanı qoparır o şiddəti törədən istədiyi parçanı qopan yerə qoyur.
Ailədə görülən şiddət varsa belə bir şagirdin məktəbdə də şiddət görməsi artıq mənim üçün müəllimin yetərsizliyindən gəlir.
Heçbir uşaq şiddətə laiq deyil, onların 11 il tutunacağı təhsil məktəb onlar üçün cəhənnəm deyil cənnət olmalıdı.
Bilmirəm nə vaxtsa məktəbdəki qismən mövcud olan fiziki və dəqiq mövcud olan psixoloji şiddət bitərmi ya yox amma bildiyim bir şey o da ailə qədər təhsil sisteminində uşaqda böyük təsiri olur.

erotomania

Bu sindromdan əziyyət çəkənlər hər hansı məşhurun onlara aşiq olduğunu düşünür. Onlar məşhurun onlara diqqət göstərdiyinə, onlara media vasitəsilə gizli mesajlar göndərdiyini və telepatiya yolu ilə ünsiyyət qurduğunu iddia edir.
Sevgi insanın düşünmə, danışma və davranış tərzini dəyişdirə və qarşılıq verildiyi zaman böyük bir rifah mənbəyinə çevrilə bilər.
Bununla birlikdə, birisi, gerçəklik fərqli olduqda, digərinin də ona aşiq olduğu fikrinə qapıldıqda nə baş verir? Düşüncənin bu dəyişikliyi erotomaniya olaraq bilinir və onda insan sevgisinin qarşılıqlı olduğuna tam əmindir, baxmayaraq ki, buna dair bir dəlil yoxdur.
Bu xəstəlik olan insanların çoxunun nadir hallarda zehni sağlamlıq xidmətlərinə müraciət etmələrinə baxmayaraq, erotomaniya psixoterapevtik müdaxilə tələb edir təxəyyül pozğunluqlarının müalicəsinə uyğun olur.

Əlavə olaraq Türk filmi olan "Neredesin Firuze" məhs erotomaniya xəstələrinin yalnız özlərinə deyil bir çox insanın həyatına təsir edə biləcəklərinin bariz nümunəsidir.

işləməyəcəyi halda universitet oxuyan qız

hər qrupda mütləq şəkildə olan, bəzənib-düzənib gəlib sadə görkəmli insanlara söz atan, "əşi onsuz işləməyəcəm dəə, ondansa elə indidən oğlan tapım işimi qarantiliyim" deyən, məqsədsiz, boş insan tipidir mənə görə.
Və təəssüflər olsun ki, bu cür düşüncəyə sahib insanların formalaşmasında başlıca amil ailələridir. Ya "Əşi, oxuyub adam olacaqsan?! Qızsan, qız yerivi bil! Ərivə kim qulluq edəcək?! Bu zamanədə oxumamış qız almırlar, dizivi qır oxu!" kimi şüarlarıyla böyüyürlər, ya da ailə "bu uşaq böyüsün, ərinin ayağını yumağı özünə fəxr bilən deyil işləməyini özünə fəxr bilən biri olsun deyə düşünsün" desələr də zengin koca təhsildən iləridir fikri yaranmış qızına heç cür təsir edə bilmirlər təəssüf ki.
işləməyəcəyi halda universitet oxuyursa bir qız, sizi əmin edirəm ki, o qız ancaq özünü düşünən, eqoist birisidir. Hamıya məlumdur ki, qəbul imtahanı tam rəqabətdir və yerləşdirmələrdə məhz oxumaq istəyən gələcəkdə mütəxəssis olmaq istəyənlər qalır qıraqda, hansı ki universitetdə moda göstərib bəyənilsin deyə özünü parçalayan bu qızcığazlar qəbul olur.
Burda genderi atıram bir qırağa və hər zaman rastlaşdığım bir halı qeyd edəcəm. 9 il əvvəl bacım tibbə qəbul olduğunda qrup yoldaşlarından birisi ən axrıncı qəbul olan idi. Yəni balı ən az olan və onunla da açılan yerlərin dolması deyək. Nəysə bir neçə ay sonra oğlan bunu öyrənir ki, o hansısa tələbənin yerinə giribdir. Özü stomotoloq olmaq istəyirdi lakin "leçvak yazımda onsuz düşmərəm" adıyla yazaraq leçvak istəyənin yerinə gəlmişdi. Bacım deyirdi ki, həmin oğlan aylarca özünə gələ bilmirdi. Onsuzda stomotoloq olmaq istəyirdi və unini atıb təzədən imtahana girəcəkdi. Amma tutduğu yer məsələsinə görə oturub qara-qara düşünürdü ki, ya gələn il də kiminsə yerinə keçsəm necə olar o tələbə?
Qızlarda necədir bəs? Hamısını demirəm, amma çoxu "əşi mənə nə ee" deyərdi, ya da "fərasəti olub girərdi çox bal toplayardı" deyir. Məhz buna görə hansısa tələbə qız "onsuz da işləməyəcəkdim" dediyində ağzının ortasından birini patlatasım gəlir, yalan yok.
işləməyəcəksənsə, sənə varlı ər lazımdırsa, universitetə getmədən də tapa bilərsən. Camaatın uşağının xəyallarından ayırmaq üstünə pişkin-pişkin əşi işləməyəcəm demələri axmaqlıqdır.
Hələ bir kütlə də var ki, atıram misal müəllimlik ixtisasındadı deyir istəmirəm müəllimə olum dövlət işində işləyərəm deyir. Sən bir zəhmət heç nə etmə, çünki onda da bir halt olmayacaqsan, orada da hansısa işçinin haqqına girəcəksən.
Ən çox da əsəb olduğum hissə isə, həm oxumur, həm də deyir "əşi diplom olsun əsas" yemin ederim oxumayıb işləyənlərlə heçbir fərqi yoxdur. Gərəksiz, mənasız, faydasız insanlar silsiləsi.

Bugün də sakit ola-ola əsəbləşib təzədən sakitləşdiyim bir post.

mədəni insanın zəif görülməsi

millət olaraq o qədər vəhşiliklər görülüb ki, mədəni insan gördüklərində qəribsəmələrinin nəticəsidi zəif görmələri. Məktəb vaxtı hansı oğlan uşağı mədəni, etik, davranışlarına nəzarət edən olubsa, mütləq sinfin manqurt ayısı ona ilişir, onu vurur və onun gücsüz olduğuna inanır.
Uşaqlara hələ balacalıqdan "kimsə səni vursa, sən də onu vur, döyülüb gəlmə üstümə" kimi ifadələrlə böyüdən valideynlərin ucbatından geri-geri gedir cəmiyyət.
Söyüş söyməyi, vurmağı, yersiz davranış sərgiləməyi vorluq sayan qadın və kişilər bunu uşaqlarınada öyrədirlər, zənn edirlər ki, uşaqları vulqar və deviant davranış sərgiləyən birisi olarsa bu uşağın beli yerə gəlməz. Deyən də yoxdu ki, sənin uşağın beli yerə gəlməz çünki başı yerdədir və bədəni üçün sütun rolunu oynayır.

psixoloq vs psixiatr

tibb təhsili alan rezidentura sahəsində də psixatriyanı seçən mütəxəssislər psixatr adlanır. Psixatr psixoloq kimi konsultasiya götürmür. Psixatr şizofreniya, bipolyar pozuntu kimi dərman tələb edən müalicə işlərinə baxır. Tək halda fəaliyyət göstərmir. Psixatr və psixoloq birgə işləyir və dərman müalicəsi qəbul edilərkən konsultasiyanı psixoloq qəbul edir.
Psixoloq 2 sahə üzrə mövcuddur halhazırda. Təhsildə sosial psixoloji xidmət türkçə PDR olaraq bilinir. Keçən ilə kimi bu sahəyə 3cü ixtisasa daxil olan tələbələr qəbul olurdu və pedaqoq kimi yetişdirilir. Onların klinik psixoloq olmaq hüquqları yoxdur. Maksimum uşaq psixoloqu kimi autizm, oliqofreniya və əqli gerilikdən əziyyət çəkən uşaqlarla məşğul ola bilərlər.
ikinci olaraq isə 4cü qrupla daxil olan Psixoloqlardır. Bu tələbələr məzun olduqdan sonra adi bir mərkəzdə işləməsi üçün belə magistr tələbi var. Yalnız məktəbdə tspx kimi fəaliyyət göstərə bilirlər bakalavr diplomu ilə.
Magistr aldıqlarında isə 6 sahəyə müraciət edə bilərlər,bunlardan ən çətini və ən rəqabətcil sahəsi klinik psixologiyadır.
Klinik psixoloq daxilində ailə,uşaq,psixoterapevt,psixoloji xəstəliklərin qiymətləndirilməsi və diaqnozçusu və s. bölgülər var.
Diaqnozu ilk psixoloq qoyur , konsultasiyalar ilk psixoloq tərəfindən aparılır. Dərman müalicəsi yazılmır, psixoterapevt xaric olmaqla.
Psixoloq haqqında nə görür deyiləndə dinləyir ,məsləhət verir kimi güzəran fikirlər mövcuddur. Əslində isə dinləmək varsa belə hər pasiyent danışmağa meyilli olmur. Və hər pasiyent dürüst olmur. Psixoloq olaraq ilk vəzifələri analitik müşahidəni aparmaq sonra bəzi psixoloji suallarla pasinyentin əsl bilinməsi gərəkən məlumatlarını puzzle şəkildə toplama işləri var.
Psixoloq məsləhət vermir! Psixoloqun məsləhət vermə hüququ yoxdur! Psixoloq sizlərin qarışıq fikirlərinizi özünüz aydınlatmağınız üçün varlar.
Psixoloq güzəran fikirlərdəki kimi boş boş oturub maaş almır. Psixatr kimi aktiv iş görür .
Hansı hallarda psixoloqa müraicət edilir?
Obsessiv düşüncələrdən əziyyət çəkdiyiniz zaman, depressiya və ya eyforiya halları yaşanıldığında, yüngül şizofreniya, somatik və onkoloji xəstəliklərdən əziyyət çəkənlər, natamam ailə fərdləri, aqressiv və ya suisid davranış sərgiləyən insanlar,narkomaniyadan əziyyət çəkənlər, yuxu problemi yaşayanlar,vaginizm,idrak fəaliyyətlərində pozuntu olan şəxslər,şəxsiyyət pozuntuları, okp ,imposter sindromu, bipolyar pozuntu,narsizim,sadizm, mazoxizm , psixoloji şiddətə məruz qalanlar, təcavüzə, tacizə məruz qalanlar, post sematrik stress yaşayanlar, müharibə iştirakçıları, yaxınlarını itirənlər, mobbing və ya bulingə məruz qalanlar,ailə daxili təyziqlərə məruz qalanlar,autizm,oliqofreniya,əqli gerilik ,intihara meyillilikvə s. problemlərlə mübarizə aparan şəxslər gələ bilər.
Psixatr yanına ağır halda olan və mütləq şəkildə xəstəxanada müalicəsi davam etdirilməli olan insanlar göndərilir. Paralel olaraq psixoloqda konsultasiyalara davam edir.

instagramda tanış olmaq üçün atılan ilk mesaj

əsas 3 mesajı olduğu kimi yazıram
1.Salam atanın soyadını təhvil verib mənim mocuzem olarsan? Yoxsa gedim bir də gəlim?
(baxma: get o tərəfdə oyna)

2.salam sizdən bir söz soruşum olar? uzun saçlı qızlar ehtiraslı olur düzdü?
(baxma: libidosuyla ətrafa baxan qaqa )
3.(orfoqrafik səhvlər edirəm o heç amma bu yazıdakı səhvlər mənə məxsus deyil vallahi)
salam sizə özəl yazmışam. inşAllah bəyənərsən. insanlara zaman zaman inanıb hər səfərində güvənin qırıldın. Bax bu o insan, bu belə deyil dediyin güvəndin və yenə səni əzdilər. Və insanları tanımağı bacardın insanlardan uzaqlaşmağa çalışdın. Daha kimsə sənə yaxınlaşanda insanların necə biri olduğunu artıq təxmin edə bilirsən, və hisslərin səni yanıltmır mükəmməəl bir insanların ürəyini oxumaq bacarığın var, əslində çox gözəl ürəyə sahibsən amma insanlar səni dəyişdi.
(baxma: falçılığa addım atıb şüşbələ olan qaqa )

qızardılmış kartofu dadsız bişirənlərə məsləhətlər

Kartofu soyduqdan sonda buz su yerinə soyuq amma əli dondurmayacaq suya atın. Həddindən çox soyuq su məncə kartofun dadını pisləşdirir. 1-2 dəqiqə suda saxladıqdan sonra suyu süzün və duz istiot adəti üzrə ədviyyat tökə bilərsiz. Amma mənim kimi yenilik sevirsizsə duz istiot,nanə qurusu əlinizdə ovalayıb qarışdırın üzərinə qırmızı toz bibər tökün vəə çox yaxşı qarışdırın. 1 dəqiqə falan qarışdırdıqdan sonra kənarda tutun. Kartoflarl bilinən adət üzrə deyil mcdonads kartofları kimi nə çox qalın nədə nazik şəkildə doğrayın. Yağ qızdırılnış olmasın qətiyyən, əriyən kimi kartofu tökün aşağı dərəcədə tavanın qapağıyla bir pişməyə qoyun. Püf nöqtəsi kartofun bişmə qoxusu gəlməsidi.onda qapağı qaldırın və dərəcəni ən yüksəyə qoyub qarışdırın. Tez tez qarışdırsanız mcdonalds kartofları kimi çöldən xırt xırt içdən yumşaq olacaq.rəngini qırmızıya çevirməuin qətiyyən. Sapsarı və sarıdan artıq qismən qızarmağa doğru getdijcə çevirin. Bu kartof resepti bəlkədə bilinəndi burasınl bilmirəm amma özüm bucür bişirməyi kəşf etdiyimdən çox da sevirəm.

Əlavə olaraq isə 3 kartofu rəndənin iri gözündən keçirin, suyunu sıxın üzərinə 50qr sarı pendir rəndələyib bir qabda qarışdırın. Duz vurun amma çox yox.
Sonra bu qarışımı yağı ərimiş və isinməyə doğru gedən tavaya tökün , qaşıq köməyi ilə yayın. Üzərinə kip oturacaq şəkildə qapaq qoyun. Dərəcəsi az olsun. Artıq qıraqları qızardəğını gördüyünüzdə tərs çevirin digər tərəfinidə yenə qapaqla qızardın. Çox ləzzətli olur.

Nuş olsun.

universitetə qəbul olanlara məsləhətlər

Universitetə girdiyinizdə sosial çevrə yaradın özünüzə. Müəllimlərlə ünsiyyətinizə diqqət edin, timsah gözyaşlarına,saxtasəmimiyyətlərinə əsla inanmayın. Bir tələbə ata sözü deyir ki, ilk gündən hansı müəllimi sevməsəniz ən ədalətli müəllim odur, ilk gündən hansı müəllimə özünü sizə xoş göstərirsə ən pisi odur.

Qrup yoldaşınızla və ya patok yoldaşınızla sevgili olmayın. Bu sağlam münasibət deyil. Mümkündürsə birinci kursa girən kimi eşq macəralarından uzaq durun. ilk dönəmlər hərkəs sosial maskalanmada olur. Yox ,nə danışırsan?mən onu yaxşı tanıyıram deyirsinizsə təbrik edirəm.yaxın zamanda kazığı yeyəcəksiniz. Unutmayın ,heçkimi qısa müddətdə tanıya bilmərsiz. Aşiq olanda isə heç tanıya bilmərsiz. Bir insanı tanımaq üçün onu kənardan müşahidə edin, film izləyirmiş kimi onun çevrəsi daxil hərkəsi müşahidə edin. Unutmayın ki, dostluqları hər zaman tək bir motiv eynidirsə belə uzun müddətli ola bilər.
Özünüzü mükəmməl və ya əksik hiss etməyin. Yuxarı kurslar qızların sizə ayy uşaqdılar ee kimi səslənişləri sizi ilk gündən qıcıqlandıra bilər. Amma qətiyyən narahat olmayın, onlar anaların qarnından sizdən yuxarı kurs olaraq birbaşa doğulmayıblar.
Yuxarı kurs oğlanlarada diqqət edin. Birinci kurs qızlar onlar üçün av kimidir. Gözlərinə bir qızı kəsdirirlər, ona yürüyürlər. Qətiyyən inanmayın onlara. Özəlliklədə 7/24 çöldə oğlan talpasıyla fırlananlara heç inanmayın. Siz tək vəya özəl deyilsiniz, sizin kimi çox qıza eynicür yanaşırlar.
Onlara üz verməyin, mümkündürsə hətta ilk sizə yürüdükləri an hoşt deyin. Əks təqdirdə sizin xoşgörülü davranışlarınızı "qızışmış qız" deyə adlandıra bilərlər.
Qrup yoldaşlarınızla dalaşmayın, mümkün qədər sakit olmağa çalışın. Qrupun starıstasıyla yaxın olun, yuxarı kurslarda çox işinizə yarıyacaq.
Müəllimlər bəzən dərsdə fikirləri dağınıq olduğundan hər hansısa məlumatı səhv deyə bilər. Durub müəllimə siz səhvsiz! Deməyin. Siz doğru olanı bilirsiz, susun sakitcə mühazirənizi yazın.
Seminarlarda 8 və 8 qiymətlər alın. Stipendiya üçün deyil ,savadınızın yüksək olması üçün yaxşı oxuyun.
Kim deyire ki ,əşi universitetdə oxudun oxumadın özünü inkişaf etdirsən savadlısan deyə, inanmayın. Siz oxuyun, bu sahənin mütəxəssizi olacaqsınız əlbəttə bəsit anlayışlardan tutnuş mürəkkəb olan hərşeyi bilməlisiz. Asudə vaxtınızı isə bəli əlavə məlumatlar oxuyaraq inkişaf etdirin özünüzü.
Qrupda kiminsə və ya kimlərinsə ev tapşırıqlarını etməyin. Sabah birigün səhv çıxanda üzünüzə bozaracaqlar, dədənizin borcu varmış kimi həmdə.
Qrupunuzda mütləq şəkildə paxıl olan tələbələr olacaq.özəlliklədə sizə yuxarl bal yazılanda sazan kimi ortaya atacaqlar özlərini. Müəllimə mən daha yaxşı danışdım mənə niyə aşağı yazırsız eee dediklərində gülümsəyin və müəllim belə uyğun bilib deyin. Müəllimənin qarşısında bal üçün didişməyin heçkimlə. Siz oxuyun, təmkinli və gülərüz olun.
Birinci kursda ad günü təşkil edən gariban olmayın.başınızı çox ağrıdacaq bu işlər.
Tgt və tht kimi sosial təşkilatlara qatılın. Aktiv iştirakçıları olun, sosiallaşın. inanın mənə bu sizin şəxsi keyfiyyətlərinizə müsbət təsir edəcək.
Bufetdən hərşey alıb yeməyin. Mümkündürsə dönər kimi qidalardan uzaq durun.
Müəllim sizin haqqınıza girirsə mütləq dekanlığa bildirin.
Tələbə olaraq öz hüquqlarınızı mütləq öyrənin. Bəzi vicdansız müəllimlər sizin haqqınıza girmək üçün səbirsizlənir ,unutmayın.
Qarşınıza çıxan hərkəsə özünüzıə bağlı heçnə danışmayın. Ən yaxın dostum dediyiniz yeni tanıdığınızada deməyin. 4 il az müddət deyil, bugün dostunuz olan sabah sizin arxanızdan quyu qazan əsas insan ola bilər.
Ağlınıza, savadınıza və tərbiyənizə arxayın olun. Başınız hər zaman dik dursun, kimlərsə sizə altdan yuxarı baxarsa o insana gülümsəyin.
Birinci kursa başlar başlamaz qızlar makyajı abartırlar. Abartmayın. Üz cizgiləriniz 18 yaşınızdan sonra tam oturur, sadə makyaj edin, toya gedirmiş kimi etməyin.
Birinci kursda oğlanlar əllərində təsbeh fırlatmaq həvəsində olurlar. Tək olduğunuzda fırladın amma insan içində etik deyil. Qızlara baxarkən fiqurasından öncə simalarına baxın , ək halda sapık kimi görünürsünüz və 4cü kurs bitənə kimi qızlar arasında adınız çıxmış olur.
Xarici tələbə olduqda qızların o tələbələrin ağızlarına düşmək kimi davranışlarını görə bilərsiniz, amma durub orda kişilənməyin ki ,aə azərbaycanlısız ee siz biz dura dura bunlar nə əlaqə deyə. 1 ilə o xarici tələbələrdə sapık və babnik adı ilə öz bəxtlərinin üzərindən xətt çəkirlər.
Universitetdə qız oğlan fərq etmir,kimisə vurmayln. Bu sizin universite4dən atılmağınıza səbəb ola bilər.
Etiraf səhifələrindən uzaq durun. Adminləri özlərinə sevgili axtararkən ara yerdə siz qaynaya bilərsiniz.
Dərsin ilk həftəsi dərslərə cavab verin, sonraya saxlamayın. Oxuyan tələbə olduğunuzu ilk gündən bəlli etsəniz dərsə hazır olmadığınız günlər müəllimlər sizə 0 və ya 2 yazmaz.
Müəllimlər günündə hansısa müəlliməyə ayrıca nəsə almayın. Qrupun sabun titulunu daşımaq istəmirsinizsə qrupla birgə hərəkət edin.
Başlar başlamaz bütün kitablarıda almayın. Yuxarı kursıardan kserokslarını alın həm daha ucuz həm daha sərfəli.
Qayıbları limitə kimi gətirməyin. Limitə azı 2 qayıb qalmış dayandırın dərslərə girməməyi. Bəzən tyutorlar səhv saya bilir və nəticədə kəsrdə otura bilərsiniz. Müəllimlərdə bəzən qb sözünü ib vəya qe kimi yazıb sizi pis vəziyyıtdə qoya bilər.
Sizə aydiyyatl olmayan məsələlərə əsla qarışmayın əks təqdirdə kabak sizin başınızda partlayır.
Pakazuxalıq etməyin, heçkimə siz və sizin imkanınız şöhrətinzi maraqlı deyil. insancıl olun, mərhəmətli davranın.
Enerjinizi yeyən, sizə mənfi yükləyən, öz problemlərini danışıb sizin ömrünüzə girənlərdən uzaq durun. Vampir kimidirlər bu insanlar. Sizin enerjisinizi alaraq öz mənfi enerjilərini sizə yükləyirlər.
Metroda xalalarla dalaşmayın, özəlliklə yanındakı qıza özünü göstərmək üçün genələn qaqaşlarlada. Qızlara əsas məsləhətim odur ki, metroda üzünüzə hansısa oğlan sapık sapık baxırsa ona baxın və qaşınızı qaldırıb başınızı hayırdır bilader ? Demiş kimi sallayın. Yerini bilməlidi, bilməsə bərkdən qaqaş nə baxırsan ,problem var? Deyin. Şəxsi təcrübəmlə deyirəm mükəmməl işə yarıyır.
Əgər metroda kimsə arxanızca düşsə çıxışa çatmamış ona çönün və qaqaş deyəsən məni kompas seçmisən gedək polisə sənə kompasla insan fərqini izah etsin deyin. Bunu bir dəfə yoxlamışdım oğlan uzaqlaşmışdı. işə yarıyır qısaca.
Dayılardan əgər sizə sapık sapık baxan olarsa gözünün içinə baxın və deyin ki babacan deyəsən çox fikrə dalmısan qızınmı yadına düşdü? Bunu yoxlasanız əgər nəticəni də mənə deyərsiz bunu etməyə duxum çatmayıb.
Əzbərə polisin nömrəsini bilin ən əsası. Və üzünüzə baxan kiməsə gülümsəməyin, bunu ağlınızdan beıə keçirməyin! Nəticəsi həqiqətən pis ola bilər. Afçarka sifət alın uzaqlaşacaq.
Oğlanlar isə libido təpənizə vuran zamanlarda qızlara gəzən fiqura kimi baxmayın təpənizə sumka yeyərsiniz. Kabluk geyinib əlində də kitabları olan yükü ağır olan qız görsəniz insanlıq naminə ya əşyalarını tutmağı təklif edin yada oturması üçün yer verin.
Qızlarda həmçinin yorğun ,yükü çox olan oğlan gördüyünüzdə aa oğlandıda dursun ayaq üstə deməyin. Qalxın yer verin, oğlan qürur etsə belə yorğunsunuz xaiş edirəm oturun deyin. Sizdən daha çox dincəlməyə ehtiyacı var nəticədə.
Həm oğlan həm qızın başını xalalar kəsdiribsə və təlim tərbiyədən danışırsa saata baxın. Saat əgər günorta saatlarıdırsa rahatlıqda o xalalara siz gəzməkdən gəlirsiz biz isə dərsdən insafınız olsun deyin. Yox əgər axşama yaxlndırsa bpyüj ehtimal müəllimədir və xala siz savadlı insana oxşuyursuz, müəlliməsiz bəlkədə ,oturun yaxşı amma kiminsə ailə tərbiyəsini müzakirə etməyin sizə yaraşmır deyin.
Siz heçkimə borclu deyilsiz əziz 1ci kurslar. Nə universitetdə nədə metroda. Hüquqlarınızı tanıyın, bilin,qoruyun.