yazarların ən nifrət etdiyi yeməklər

1) Borş* acığa ac yatdığım, yavan çörək yediyim olub, amma borş yeməmişəm. ;
2) Badımcanlı yeməklər* fal-fal olan qızartmasını ildə 1 dəfə qatıq və ya dovğa ilə yeyə bilirəm kefim çox əla olsa. Yoxsa ac qalsam da, yemirəm ; * amma adamın allahı olar, badımcan turşusu ləzzətlidir.
3) Boranılı nələrsə* tək bircə dəfə qutabını xoşlamışdım təsadüfən, sonra yenə yeyə bilmədim .
4) südlü aş.

Əlavə olaraq, Bişmiş bibər və ağzımda hiss edəcəyim dərəcədə böyükdürsə, bişmiş soğan* kababın yanında olanda istisna. Tam olaraq o soğan bişmiş də sayılmır. .

maska taxmağın müsbət tərəfləri

Obyektiv yöndən baxanda insanı infeksiya və viruslara, havadakı toz və digər zərrəciklərə qarşı qoruması müsbət tərəflərin ən təpəsində gəlir. Hə, bir də subyektiv olaraq müsbət yanları var. Mənimçün subyektiv tərəflərin də ən təpəsində üzü, dolayısılə, mimikalarımı örtməsi gəlir. Ona görə yox ki, insan yolda öz-özünə danışanda və ya dişinin arasında qalmış şeyi çənəsini və ağzını rahat tərpədərək təmizləyəndə heç kim görməyəcək. Bunlar ikinci və üçüncü şeylərdir. Birincisi isə başqadır.

Ayın 10-dan bəri, nəhayət ki, bu gün(gecə yatmadığım üçün "bu gün" deyirəm. Yəni ayın 25-i gündüz) şeytanın qıçını qırıb, marketə getmək adılə özümü aldadıb, çıxıb bir az - "bir az" dediyim 2 həftənin acığını çıxaraq 18-20k addım atmaqdır - gəzdim. Çoxdandır qulaqlıqda mahnı da dinləmirdim, üstəgəl, son açdığım başlıqdan* Söhbət "nostalgiya yaradan mahnı və musiqilər" başlığından gedir. gravitonla bağlı olan anlıq məcburiyyətdən oldu deyə onu saymıram. da göründüyü kimi əməlli nostalgiyadaydım. Köhnə zamanları: olan, olmayan, yaşadığım, yaşamadığım* bura aiddir: musiqinin yaratdığı illüziya və xəyallar xoş günləri yada salırdım. Uzunmüddətli hərəkətsizlikdən sonrakı aktivliyin, havanın sərin olmasının da qaz verməsi ilə kefim pik həddə idi; mahnıların vibe-na düşüb hər zamankı trayektoriyam üzrə fırlanırdım. Bir də ayıldım ki, türklər demiş, sırıtıram, elə sevincli vəziyyətdəyəm ki* bu durumdakılar yaxşı bilər, sonradan adam tamam sönür. indi də həmin sönük halımla yazıram , sifətimdə ixtiyarsız bir gülümsəmə yaranıb və bu, normaldan çox uzun müddətdir ki, davam edir. Belə baxanda, təəccüblü bir şey yoxdur deyə görünür, amma var. Çünki mən küçədə gəzəndə yanımdan keçən, demək olar, bütün insanların sifətinə baxan* uzun-uzun baxmıram. Sadəcə, tanış və ya hər zaman gördüyüm adam olub-olmamasını bilmək üçün göz gəzdirirəm adamam deyə üzümdə gülümsəmə olanda hər zaman bunu hər necəsə öyrənirdim. Yəni qarşıdan gələn adamların qəribə baxışlarından o dəqiqə bilirdim ki, "nəsə olub", ordan anlaşılırdı ki, gülümsünürəm.

dost-tanışın dediyinə əsasən, normalda qaşqabaqlı, çox kobud görünüşüm var* bu hissəni açım: universitet vaxtlarında, elə işdə də uşaqların "ala, millətə elə baxma aq. Elə bil bu dəqiqə vurub aşırdassan adamı. Bir az yumşaq ol" deməyi az olmayıb və heç vaxt bunun problemini yaşamamışam. Heç vaxt o qəribə "bu gijdıllağ/başıxarab niyə gülür, ala? Havalanıb, deyəsən" baxışının antonimi olan "bu niyə qaşqabaqlıdı, ala?", ya da "bu xiyar niyə belə kobud baxır?" yanaşması görməmişəm kiminsə baxışlarında. Qeyd-şərtsiz heç kimin ha! Cinsindən asılı olmadan nə qocasında, nə orta yaşlısında, nə cavanında* yaxşı, yaxşı, çox şişirtməyim. Ara-sıra "nəsə olub, qaqa?!" söhbətləri başıma gəlib . Yəni bunlar məni daim qaşqabaqlı görüb sonra güləndə görən adamlar olsalar, keçmək olar ki, hə də, gördükləri normadan kənardır deyədi, təbəssümümə qəribə reaksiya verirlər. Amma ki, ilk dəfə görən adamlarda belə eyni hadisə olurdu. Mən də hər dəfə əcaib yanaşmalarından çəkinib, məcbur olub sevincimi içimdə boğası olurdum, ya da adam olayan tərəflərdən fırlanırdım ki, görən olmasın gülərək getdiyimi. həqiqətən, iyrənc, qəliz və çətin vəziyyət idi.

Bu qədər gətirdim söhbəti, lakin nə hansısa sosial mesaj vermək, nə şikayətlənmək, nə də ki, niyə ölkədə qaşqabaqlılığın normallaşdığının, vəziyyətin belə olduğunun sosial, mental, iqtisadi tərəfdən izahını vermək niyyətində deyiləm. Elə olsaydı da, bir şey dəyişən deyil onsuz da. Uzağı 5-10 əjdəha, 3-5 favori; 1 həftə sonra da hamı əvvəlki vəziyyətinə qayıdacaq: yenə hamıda yuxarıdakı cümlə, qızlarda da ekstra olaraq "gülə-gülə baxırsa, məndən xoşu gəlir* həmin an qızın sevgilisi varsa, ya da bəyənəcəyi tip adam, yaşıdı deyilsənsə, elə baxır ki, bləə, adam özünü çox günahkar və borclu hiss edir. Dönüb deyə də bilmirsən ki, sənlik bir şey deyil, öldürmə həvəsimi " düşüncəsi. Ən əsası isə bu tip adamlar bunları oxumur, düzəlmək niyyətində deyillər.

Nəysə, uzun sözün qısası, bəlkə də, bu bir ildən yuxarı karantin dövründə neçə dəfə olub, amma fikir verməmişəm. Amma bu gün əməlli diqqətimi çəkdi. istədim yazım sözlüyə. Doğrudan, çox möhtəşəm bir şeydir, təksən, özünçün gülə-gülə gəzirsən, arada hansısa hadisəni, meme-i xatırlayıb alçaq səslə, fısıldayaraq gülürsən, amma heç kim tutmur məsələni. Düzdü, maska uzadılan saqqalını nümayiş etdirmək kimi tipik erkək istəyinin, rahat nəfəs almağın qarşısını alır, amma məncə, dəyər. Bu gedişlə koronadan sonra da maska ilə gəzəcəm, deyəsən.

graviton

Tanımadığım, bilmədiyim, haqqında heç nəyi mənə bəlli olmayan, hesabını deaktiv etmiş bilməm neçənci nəsil yazar. Məcburiyyətdən (baxma: sözlükdə ən çox tanış olmaq istənilən yazarlar) və (bax: geri dönməsi ən çox istənilən yazarlar)

ən yaxşı roman personajları

1) Patris Merso. (bax: Albert Camus)

hüseynbala mirələmov

Haqqında çıxan videoya diqqətlə baxılmalı olduğunu düşündüyüm adam.
O dəqiqə deputatı hamı daşqalaq edir, bəs o xanım? ilk başda üzü gülür, ürəyincədir, hər şey okaydır. Kameranı görəndən sonra əlini üzünə tutub utanır, xəcalət çəkməyə* dırnaq içində başlayır* sual yaranır, video olmasaydı, yenə də utanacaqdı, yoxsa bu günə qədər olduğu kimi yenə də də davamı olacaqdı? . Yenə deyirəm, o videoya diqqətlə baxın. O videoda təcavüzə uğrayan, intihar edən və s. ümumiyyətlə, bütün xanımların haqqında deyilən "yəqin nəsə edib ki, başına gəlib də" sözünün haradan yarandığının konkret praktiki nümunəsi görünür. Hər zaman bu sözləri deyənlər qınanılır, amma iş orasıdır ki, bu tip cümlələr də boş yerdən, havadan yaranmır.

qeyd: istəyirəm niyyətim düzgün anlaşılsın. Mən deputata haqq vermirəm. Qətiyyən! Onsuz da onun haqqında layiq olduğu-olmadığı hər söz deyiləcək, necə deyərlər, abrını büküb verəcəklər qoltuğuna. Heç yuxarıda misal çəkdiyim tip cümlələrə də haqq vermirəm. Mən, sadəcə, dediyim məqamı diqqətə çatdırmaq istəyirəm. Düşünürəm ki, bu və bu kimi hadisələrdə kişilər qınandığı qədər hadisənin digər iştirakçıları da qınanmalıdır. Xüsusilə də, xanımlar tərəfindən. Çünki sabah siz xanımların başına bir iş gələndə, analoji ifadələr deyiləndə bilin ki, bir vaxtlar qınamadığınız, etdiklərinə necəsə bəraət qazandırdığınız, hansısa addımını malaladığınız, yumşaltmağa çalışdığınız və ya diqqətinizdən yayınan bu tip hadisələrin iştirakçısı olan həmcinslərinizə görədir.

Mən elə məhz buna görə heç bir hadisədə əminliklə o ifadələri deyən həmcinslərimə qarşı çıxa bilmirəm. Videodakı xanıma baxıram, heç bir açıq-saçıq yeri, üzündə abartılı makiyajı, bir sözlə, təhrik edici heç nəyi yoxdur, hər şey qaydasındadır. sözün əsl mənasında normal, necə deyərlər, ədəb-ərkanı, əxlaqı* əxlaqı 2 qılça arasında, vid-fasonda axtaran adam deyiləm. Sadəcə, ümumi qəbul edilmiş, mental durumumuza uyğun işlədirəm bunu. yerində xanım təsiri bağışlayır. Hətta kənardan baxanda həyatda ağlıma gətirmərəm belə him-cim şeylər edəcəyini, sabah başına bir iş gələndə "özü şərait yaratmışdı" düyilsə, qəti ağlıma gəlməz, amma(!)... Göründüyü kimi, gözləmənilməyən görünüşdə insanlar nələr edir bağlı qapılar arxasında. indi belə olanda cəmiyyətin mental normalarına uyğun tərzdə olmayan birinə qarşı necə belə hərəkətlər, tacizlər edilməsin? Nəm... * yenə vurğulayım, kişilərə qəti haqq vermirəm.

Sonradan edit: vov. 6 umbay. deyəsən, ya dediyim anlaşılmayıb, ya da ki * yenə də dediyim anlaşılmayıb . Özümə də maraqlı gəldi nəyi yanlış dediyim. Önəmli mövzudur, Zəhmət olmasa, aydınladın məni də.

Sonradan edit2:
Məndən sonrakı entry-ni indi(səhər) gördüm. Orada xanımı müdafiə hiss olunur. Burdan yola çıxaraq bir neçə məqama aydınlıq gətirmək istəyirəm:
1) niyə xanımı müdafiə, onun hərəkətinə hansısa cəhətdən izah etmə məcburiyyəti hiss edir bu adam(lar)? Qınayanların 95%-i mirələmovun üstünə düşdüyü halda niyə xanımın hərəkətinə izah vermə ehtiyacı duyurlar? Həmin yazar mirələmovun hərəkətinə obyektiv baxış yetirmək əvəzinə - ki, aydın görünür, bütün sosial şəbəkələrdə, elə başlıqda da mirələmova basqı var, təkcə mən hər ikisinin də qınanmalı olduğunu demişəm - xanımın hərəkətini aydınlaşdırma məcburiyyəti hiss edib. Başa düşmədim, əksinə olmalı deyildi ki? Niyə "kişidir, ehtirasını idarə edə bilməyib", "təbii davranışdır, cinsi istəkdən tıbii nə ola bilər ki?" və ya "olsun da hansısa vəzifəsi, hər şeydən öncə insandır, o da səhv edə bilər" kimi mirələmova haqq verəcək ifadələr yoxdur da, çox az qismin vurğu etdiyi adam haqqında danışılıb?
2) yazarın birinci arqumentindəki kimi əgər qadının qarşı çıxması yoxdursa, "alan razı, verən razı" məntiqi ilə baxılırsa, okay, onda gərək mirələmov da qınanılmasın. Məsələni də böyütməyək, bitsin-getsin. Mən tam razı. Amma məsələ iş yerində olub. işdən kənar olan şeyə görə kimsə kimisə qınaya bilməz, orası elədir. iş şəraitində olmasıdır problem yaradan. "professional deyil. bunu çıxmaq şərti ilə razılıq varsa, deyiləcək başqa bir şey yoxdur və bunun üzərinə əxlaq fəlsəfəsi çürütmək mənasızdır" yazılıb. "professional deyil" yox e, ümumiyyətlə, qayda-qanuna ziddir. işdə professional olmayan davranış yüngülvari tanışlıq, bir növ korrupsiya ilə rəqabətdə önə keçmə, psixoloji manipulyasiya və s. bu kimi taktika və hərəkətlər ola bilər; bu kimi davranışlar ilə "professionallıqdan kənar" yox, "nizam-intizamı, qaydaları pozma" kateqoriyasına aiddir. Belə - yəni yazarın və o düşüncədə olanların - məntiqdən baxsaq, onda gərək metroda, avtobusda, parkda, ofislərdə gələn-gedən oxşar davranışlar sərgiləyəndə qarışan olmasın ki, "sadəcə içtimai asayişi pozur. ikisi də razıdırsa, deyiləcək söz yoxdur ortada". Olmaz axı belə şey, bu cümlənin ucundan tutub hara desən aparmaq olar.
3) yəni yazarın 2-ci qeyd etdiyi qadının vəziyyətdən razı olmadığı, lakin qarşı gələ bilməməyi üçün bir növ müdafiə mexanizmi ilə çıxış etməsidir. Ola bilər, məntiqli səslənir. Okay. Bəs Xanım bu qədər müddətdə bir dəfə səs yazmadı, videogörüntü çəkmədi? Deyək ki, sübut edə bilməyəcək. Tamamilə razıyam ki, mirələmov ona qarşı təzyiq edərdi, bəlkə də, edib də. Ola bilər. işdən çıxma necə, bu mümkün olmazdı? Başqa yerdə, başqa işdə işləmək mümkün olmaz? Daha aşağı və ya başqa yerdə işləməklə itiriləcək 100-300 manata görə narazı olduğun, taciz olunduğun, nəticədə ciddi psixi sarsıntı alacağın şəraitə dözmək ağlasığan, məntiqli və realist davranış gəlir? Səmimi sözümdür, ilk dəfədir belə nümunə eşidirəm. Vəziyyət bu cür olsa belə, yenə də tənqid olunmalı və üzərinə düşülməli haldır. Çünki belə vəziyyətdə susmaq olmaz. Hər şeyi qırağa qoyub, bu kimi durumlarda susulmanın özü ayrıca bir şəkildə, başlı-başına müzakirə və çıxış yolu tapılmalı mövzudur. dediyim kimi, hələ eşitməmişəm mən ki, hansısa xanım özünə bu cür hərəkətləri sığışdırıb dözsün.

Son olaraq, aydın fikrimi bildirim istəyirəm. Mən, əgər qınanılacaqsa* ki, mən qınanılmasının tərəfdarıyam. Bura vurğu edim, asılıb-kəsilməsinin, yerin dibinə soxulmasının yox ha, qınanılmasının, tənqid olunmaqlarının hər iki tərəfin eyni dərəcədə qınaq obyekti olunmasını deyirəm, yoxsa da ki, yuxarıda dediyim vəziyyətlərdə, ümumən, heç nədə heç nə deməyək. Hamı daima mumlasın. Lakin niyəsə hər dəfə bir tərəfə basqı olunur.

bütün entry-m sadəcə və sadəcə 1 şeyə vurğu edir: o da eyni dərəcədə tənqidə tuş gəlinməkləri, təqsirin bir tərəfdə deyil, hər iki tərəfdə də görülməsidir. Yoxsa biri tənqid olunsun, cəzalansın; o biri qalsın qıraqda, hərəkətinə bəraət qazandırılsın, yumşaldılsın və s. - elə şey düzgün deyil. Tərəf müqavili olaraq hər ikisi də günahkardır.

öyrənildiyində nə qədər cahil olduğunu göstərən sadə məlumatlar

klaviyaturanın ən üst sırasındakı [f1-f12] düymələrinin "function", yəni qısayol düymələri olmağı* üzərindəki şəkillərdə göstərilən və ya parametrlərdən özümüzün təyin etdiyi, hər dəfə etmək üçün əlləşmək istəmədiyimiz hansısa sadə əməliyyatı icra etmək üçün istifadə olunurlar və windows düyməsinin yanındakı "fn" düyməsi ilə birgə basılanda işləməsi. təxminən, 6 il xəbərsiz olmuşam. həmin 6 ildə o düymələrə sözün əsl mənasında fiziki və sözlü təcavüz edirdim ki: "blyaaaa, bu zibil haçan işləyəcək?! yenə səs aləmi götürəcək, sən allah, işləginən!".

mənə ən çox gecələr lazım olurdu. gecənin ölü səssizliyi zamanı notbuku yandıranda o bildiriş səsinin maksimal səviyyədə çıxmağı başımı az zibilə salmayıb deyil* zibilə salmağı da cəhənnəm, adamın özünün əsəbinə toxunur . onun dərdindən söndürəndə gərək hər dəfə səsi azaldıb söndürəydim və təbii ki, bu da həmişə yadıma düşmürdü. gecə 4-5-də "onsuz da günorta yandıracam, problem deyil" deyib üstündən keçib, növbəti gün nəsə işi çıxıb, sonra yenə gecə kompüteri yandırası olanda yenə bildiriş səsinin bütün evə yayılmasının verdiyi əsəb, stress tamam başqa səviyyədir. çarə üçün qulaqlıq şunurunu taxırdım ki, səs ordan çıxsın, amma bəzən çatdırıb onu da edə bilmirdim.
işin maraqlısı, tam azad şəkildə, kiminsə gecələr kompüter qarşısında oturmağıma qarışmayacağı mərhələdə öyrəndim bu düymələrin necə işləməsini. elə bayaq 3-də yandıranda səs qulağımı deşdi, ordan yadıma düşdü ki, qoy yazım. bəlkə, hələ də bu cəhalətdə olub bu stresi yaşayanlar olar, vaxtında öyrənsinlər, mənə olan olub day.

keçmiş sevgilinin sənə işi düşməsi

əgər münasibət bir-birini cinsi, maddi və ya fiziki olaraq tətminiyyət (bax: fuckbuddy)

gravity falls

"this sounds like something dipper would listen to on the bus back home"
See you next summer...

(youtube: )

yetkin qadın davranışları

Heç vaxt yetkin* söhbət mənim yetkinlik kriteriyalarımdan gedir qadın görmədiyim üçün haqqında heç bir məlumat bilmədiyim davranışlardır. Başlığın belə sönük olması da, məncə, əksəriyyətin elə mənim vəziyyətimdə olmasıdır.
* Amma ki, yox əgər yetkin qadın deyərkən evlənib uşaq doğmaq, 30-35 olmaq, dövlətdə xüsusi vəzifə sahibi olmaq, yaxşı maşın sürmək, babat əri/işi/biznesi olmaq, gözəl fiquraya sahib olmaq, evdar olmaq, 3-4 uşağa baxmaq, yaxşı yemək bişirmək və s. bu kimi şeylər - hamısı eyni adamda olmasa da, olar, Yəni əsas bu keyfiyyətlərdə olmaqlarıdır - nəzərdə tutulursa, hə, n qədər yetkin qadın görmüşəm və əsasən davranışları haqqında 1 ton şey danışa bilərəm.