lüdviq mis van der roe

az çoxdur (less is more) gördüyü işlərini belə adlandıran alman memar və konstruktor. 1919-1933 cü illər almaniyada fəaliyyətdə olmuş bauhaus məktəbinin nümayəndəsidir. ilk işləri mebel dizaynı üzərində olmuşdur. birinci dünya müharibəsində iştirak edib qayıtdıqdan sonra göydələnlərə xüsusi marağı oyanmışdır. 1930-cu illərdə isə abş-ə köçdükdən sonra çikaqo texnologiya insitutunun memarlıq fakültəsinin rəhbəri olur. memarlıqdan əlavə həm də mebel dizayneri kimi də fəaliyyət göstərmişdir. işlərindən bəziləri:
1) 1945-1951 ci illər arası dizayn və konstruksiya etdiyi çikaqodakı Farnsworth evi


2) alman və ya barselona pavilyonu. 1928-ci il



3) 1958-ci ildə tamamlanan seagram göydələni. nyu-york


4) çikaqoda 1949-1951-ci illər arası tikilən 860-880 north Lake Shore Drive binası

5) lilly reichlə birgə dizayn verdikləri barselona stulu.

1962-ci ildə Neue Nationalgalerienin ( yeni milli qalareya) dizaynı və heykəlləri də onun tərəfindən edilmişdir. di gəl ki muzeyin açılışına (1968) gəlməyə səhhəti imkan vermir.

günah yeyənlər

xvııı - xıx əsrlərdə ingiltərə , uels və şotlandiya kimi ölkələrdə ölən insanın bədəni üzərində qoyulmuş yeməyi yeyən şəxsin icra etdiyi iş. ayin halını almış bu hərəkətlə ölənin yaxınları artıq onlarla olmayan bir nəfərin günahlarının beləcə günah yeyən tərəfindən təmizləndiyinə inanırdılar. yeməyi yedikdən sonra üstündən də içki içərək ayin yerinə yetirilirdi. günah yeyənlər əsasən kasıb , yeməyə çörək tapmayan şəxslər tərəfindən icra edilirdi. qarşılığında onlar ölünün bədəni üzərindəki yeməklə həm azca da olsa aclıqdan xilas olurdular həm də qəpik-quruş alırdılar. sözü gedən ayin 1900-cü illərə qədər davam etmişdi. sonuncu günah yeyənin richard Munslow adlı bir nəfər olduğu yəqin edilir.

esxatalogiya

yunancadan sonuncu təlim mənasına gələn və bəşəriyyətin və bütün dünyanın son günləri haqqında dini təlim. esxatoloji ideyalar dünyanın yaranması və yox olması haqqında ən qədim mifoloji təsəvvürlərlə xüsusilə həlak olmaqda olan kainat və dünya xaosunun baş verəcəyi haqqında qədim babil təsəvvürləri ilə bağlı olmuşdur. bu təsəvvürlər iudaizmin köhnə əhdinə daxil olmuş esxatalogiyanın işlənib hazırlanmasının ideya mənbəyini təşkil etmişdi. dünyanın axırı haqqında kumran ( yəhudi səhrasında mağara. burada manuskriptlər tapılmışdır. ölü dəniz perqamentləri olaraq da bilinir) icmasının ideoloqları tərəfindən inkişaf etdirilmişdir. xristian esxatalogiyası roma imperiyasının quldarlıq ictimai münasibətlərinin sosial və mənəvi böhranı dövründə təşəkkül tapmışdır. qullar və cəmiyyətin ümidsizlik hissinə qapılmış və sosial cəhətdən alçaldılmış təbəqələri yer üzündə yeni eranın başlayacağını günbəgün gözləyirdilər. bu əhvali-ruhiyyələr fantastik formada romaya dərin nifrətlə dünyanın sonunun məhşərin tezliklə baş verəcəyi barədə xəbərlərlə həqiqi dindarlar üçün səma səltənətinin və mürtədlərin cəzalandırılacaqlarının vəd edilməsilə aşılanmış iohanın vəhyində öz ifadəsini tapmışdır. xristianlıq roma imperiyasının dövlət dininə çevrildiyi zaman dünyanın sonu onun ideoloqları tərəfindən qeyri-müəyyən vaxta keçirilir. birinci plana axirət dünyasında əcr ( cəza) ideyası çəkilir. din xadimləri dindarlar qarşısında məhşərin mənzərələrini canlandırmaqla istismar olunan kütlələri qorxudur ,onları tabeçilikdə , itaətdə saxlamağa çalışırdılar.

monolink

adı Steffen Linck olan almaniya doğumlu söz yazar , bəstəkar və dj. musiqi fəaliyyətini 2014-ci ildən başlamışdır. müraciət etdiyi janrlar ambient , texno, electronika və house-dur. ilk albomu 2018-ci ildə buraxdığı on bir mahnıdan ibarət amnioticdir. albomda riverman , sirens , burning sun və return to oz kimi mükəmməl musiqilər var. sənətçinin return to oz mahnısına artbatın etdiyi əfsanəvi remixi var. ikinci albomu olan Under Darkening Skies-i 2021-ci ildə reliz edib. albomda laura , under dark musiqiləri dinlənməyə layiqdir. qulağa yatımlı səsinin olmasından dolayı bir dəfə dinlədikdən sonra bütün musiqilərini açıb dinləmək məcburiyyətində saxlayır. xüsusən uzaq yol çıxacaqsınızsa musiqiləri yol yoldaşınız olacaq.
burning mandəki çıxışı

(youtube: )

(youtube: )

kazka

elektro pop/folk janrlarında ifa edən ukraynalı qrup. kazka nağıl (skazka) mənasındadır . qrup üç nəfərdən ibarətdir. onları bir araya gətirən isə vokalist oleksandra zaritskadır. 2017-cı ildə ilk mahnıları olan Sviata (müqəddəs) reliz olandan sonra tanınmağa başlayırlar. əsas uğur gətirən mahnı isə 2018-ci ildə karma albomlarına daxil olan plakala (ağlayan) oldu. adı çəkilən musiqi dünyanın bir çox musiqi çartlarında liderliyə yüksəlir. bununla yanaşı shazamda ən çox axtarılan 10 musiqi sırasına daxil olur ki ukraynada bu nailiyyəti əldə edən ilk qrup olur. 2019-cu ildə nirvana albomları işıq üzü görüb. hələki son albomları isə svitdir. qrupun ən sevdiyim mahnısı nirvana albomuna daxil olan palaladır.. bir çox qruplar kimi kazka da youtubeda kanallarındakı videolarının üzərində bu videoya baxdığınız müddətdə ukraynalılar rusiyanın hücumu nəticəsində ölür kimi yazı var..müharibənin vuracağı yaralar gələcəkdə çıxaracaqları musiqilərdə özünü göstərəcək.. ən azından müharibə nəticəsində həyatlarından olmasalar.

blue fugates

200 ildən çox kentukkidə yaşayan kentukkudəki mavi adamlar olaraq bilinən fuqate nəsli. 1820-ci ildə əslən fransız olan martin kentukkinin bir qəsəbəsində məskunlaşıb. burada e.smit adlı qadından 7 uşaq dünyaya gətirir ki bunların da dördü dünyaya mavi dərili rənglə gəliblər. genetik problemə malik olan nəslin nümayəndələri bu səbəbdən ancaq qohumları ilə evləniblər. vəziyyət o həddə çatıb ki martinin övladlarından olan Zachariah öz xalası ilə evlənir. onların mavi rəngdə doğulmalarının səbəbi isə qanlarında methemoglobin olmasıdır. methemoglobin isə oksigen daşıyan sağlam qırmızı hemoqlabin proteinin funksional olmayan mavi variyantıdır. internetdə paul karason (benjy stacy adı ilə) adlı bir nəfərin də fuqate nəslindən olması barədə paylaşımlar edirlər. karason da mavi dərili olub amma onda dərinin rənginin dəyişməsi Arqiroz xəstəliyi ilə əlaqədardır.