mandela effekti

Fiona broome adlı bloqqer 2009-da Nelson mandelanın hələ 80-ci illərdə məhbəs həyatı yaşarkən öldüyü ilə bağlı bloq yazıb. Lakin 2013-cü ildə mandela həqiqətən "öləndə" çaş-baş qalmış, mandelanın yaşaması, hətta cənubi afrika respublikasının prezidenti olmasını ilk dəfə eşitmişdi. internetdə insanlar arasında yayılan bu məlumatdan sonra əksər istifadəçinin də mandelanın həbs olanda öldüyünü zənn etdikləri ortaya çıxmışdı. O cümlədən, 80-ci illərdə ölən şəxsin (yəni fiona və digərlərinin mandela zənn etdiyi şəxsin) kimliyi isə müəyyənləşdirilə bilmədi, qısaca, elə bir şəxs yox idi.

Effekt də beləcə meydana çıxır. Təkcə bir toplumda yox, dünya əhalisinin əksər hissəsi bir çox saxta məlumatı gerçək kimi qəbul edir və onların doğru olmaması ilə üzləşdiklərində kiçik bir şok keçirirlər. Bu gün məşhur olan konspirasiya nəzəriyyələrinin çıxış nöqtəsi də əslində bu effektdir, elmi əsası olmayan fikirlərin geniş auditoriya tərəfindən mənimsənilməsi effektin asanlıqla manipulyasiya məqsədilə istifadəsinə şərait yaradır.

bayram məmmədov

Qiyasdan fərqli olaraq demək olar ki, ortalarda görünmürdü. Səhv etmirəmsə, neçə vaxtdır da Türkiyədə yaşayırdı, bura ilə bağlarını qoparırdı. Heyif oldu sadəcə, 20-li yaşlarının başında boş bir şey üstündə həbsə girib bütün həyatını alt-üst edəsən, tam hər şeyi yoluna qoymuşkən (intihardırsa, yolunda deyilmiş demək) 26 kimi bir yaşda bu həyatdan köçüb gedəsən.

Ağır gəlir insana.

Not: rest in peace! Biz-siz-hamımız heç kimin vecinə deyilik, nə qərblilərin, nə şərqlilərin.

.

study with me

Aludəsi olduğum YouTube contenti, mütləq hər gün azı bir videoya baxıram. Əsasən koreyalı-yapon gənclərin ərsəyə gətirdiyi, gongbang adlanan format daha sonra dörd bir yana yayıldı və indi kiminsə saatlarla pomodoro taktikası üzrə dərs çalışması milyonlarla istifadəçi tərəfindən izlənilir. Çoxuna məntiqsiz fikir gəlsə də, öz adıma deyə bilərəm ki, karantin dönəmində ölən məsuliyyətimi yerinə gətirməkdə əvəzsiz rola malikdir. Bir videoya baxıb necə həvəsə gəlirəmsə, aralıqsız 2-3 saat dərslərlə məşğul ola bilirəm.
Favorit youtuberlərimdən merve study corner i, james scholz u, gutsy study girl i misal göstərə bilərəm.
buradan format haqqında qismən tənqidi, qismən də ümumi məlumatlar ala bilərsiniz.

erməni soyqırımı

Soyqırımı deyil, lakin qətliam kimi düşünmək mümkündür bu hadisəni.

Əvvəla soyqırımı bir millətin, etnik Vahidin kökünün kəsilməsi məqsədilə aparılan təmizləmələrdir. Osmanlının etdiyi isə soyqırımı deyildi, çünki erməninin kökünü qırmaq istəyən onu elə yerindəcə edərdi, ora-bura sürgün həyata keçirməzdi. Ki Osmanlı imperiyasının saraydan başlayaraq alt təbəqələrə doğru getdikcə ağır bir qeyri-türk gücünün olduğunu görürük, bunların arasında rumlardan sonra bəlkə də ən böyüyü ermənilər idi. Onlara qarşı bir nifrət ola bilməzdi, olsa belə bu soyqırımı/qətliam həddinə çata bilməzdi.

illər əvvəl oxuduğum bir kitabda, adı yadımda olmasa da, bu məsələni bir roman daxilində izah edirdi. O vaxtdan etibarən hər ilin bu günü gələndə "erməni soyqırımı"nın mövcudluğunu sual altına qoyuram. Kitabda soyqırım olduğunu bildirmirdi, sadəcə bütün dünyanın sənədsiz, sübutsuz bir hadisənin üstündə ilişib qalmasına təəccüblənirdim. indi də o təəccübüm keçmiş deyil əslində. Başdan-aşağı siyasiləşdirilmiş bir oyundan ibarət olan bu hadisə nə Türkiyənin, nə də Azərbaycanın (hadisəyə doğrudan əlaqəmiz olmasa da, erməniyə bir çırtma vuran kimi özümüzü ağlaşmaların ortasında görürük) vecinə olmamalıdır. Bir əsrdən çox əvvəl baş verən bir hadisəyə görə biz təqsirləndirilməməliyik. Əgər müharibənin olması normaldırsa, əsgər ölümü normaldırsa, təhcir də normal olmalıdır, əgər panerməniçilər müharibə üçün, itirdikləri "torpaq"ları üçün alışıb yanırlarsa, Osmanlının da torpağını qorumaq üçün təhcir həyata keçirməsində haqq var deməli.

Qeyd: Ermənistanla Türkiyənin açılım həyata keçirdikləri dönəmdə Serj Sarkisyannın joe biden-ə verdiyi təlimatı təqdim etməkdə fayda var:

.

(youtube: )

(youtube: )

atatürk fetişizmi

Təsir əks-təsirə bərabərdir. Başa gələn öz əqidəsini məcbur yeridir deyə zamanla xalqın dəstəyi ona itir və onun əksinə olan ideologiyaya * kamalizmi nəzərdə tuturam maraq göstərir. Tək partiya dönəminin mövcudluğunun labüd olduğunu düşündüyüm qədər onun tez bitirilməsini və bu tək partiyalı dönəmdə xalqdan uzaqlaşılmasını da bir o qədər doğru hesab etmirəm. Osmanlı təsiri altında qalmış kütlənin dünyəviləşməsi 10-20 ilə olası bir məsələ deyildi, üstəgəl radikal qərarların icrası demoqoqların törəməsi ilə nəticələndi.
Yəni deyəcəyim odur ki, kamalist idarəetmədə xalq islamçılığa meyil etdi, əzanın türkcə yox ərəbcə verilməsi ilə dinlərinə edilən zərbənin aradan qaldırıldığını düşündülər, amma bu dünyəviləşə bilməyən xalqın geriçiliyindən başqa bir şey deyildi. indi də islamçıların təzyiqi ilə xalq kamlaizmə yönələrək Atatürkün necə dahi bir şəxs olduğunun fərqinə varıblar. Elə fetişin mənbəyi bura dayanır, insanlar bir vaxtı nifrət etdikləri şəxsin əslində çox layiqli fərd olduğunu anlayanda bəzən həddən artıq sevgi göstərə bilirlər. Bir növ bizdəki Rəsulzadə-elçibəy sevgisi kimi. Sırf bu gün Rəsulzadəyə qarşı iddiham irəli sürülür deyə millət onunla dərindən bağ qurur* çox vaxt digər cümhuriyyətçilər yada düşmür çünki Rəsulzadənin adı daha çox çəkilir indiki hakimiyyət tərəfindən , Elçibəy də alçaldılır deyə xalqın ona sevgisi daha da artır. Üstünə bu qədər gedilməsəydi qabardılacaq bir xətti yox idi əslində* siyasi prizmadan dəyərləndirsəm .

saadet şen

motivasiya söhbətlərinə inanmasam da, youtube alqoritminin qarşıma çıxarması ilə tanıdığım və diksiyası ilə sevdiyim motivator. diksiyasını keçmiş trt müxbiri olması ilə əlaqələndirirəm, ən əsası mənə güvən verir və heç bir halda sünilik hiss etmirsən digərləri kimi.

əziyyət çəkdiyim iki mövzuda olan videolarının linkini atıram, digərlərinin də keyfiyyətli olacağını düşünürəm.

(youtube: )

(youtube: )

qəbul imtahanı verəcəklərə məsləhətlər

Qəbul imtahanından qabaq yazmaq fikrim var idi əslində bu başlığa, yenə də nə qədər yadımdadır, yazım.

Əvvəla, bu ilki vəziyyətin keçən ildən yaxşı olduğunu fikrində qalıb abituriyentlərin nəticələrinin yaxşı olacağını deyə bilərəm. Təki blok imtahanı zamanı karantin sərtləşdirilməsi xəbəri gəlməsin.

Keçim əsas mətləbə. Keçən həftədən başlayan imtahan sessiyaları sabah öz axarınca davam edəcək. Buraxılış imtahanlarında bir aşağı-bir yuxarı suallar ortalama eyni səviyyədə olur. Yəni keçən həftə asan oldu bu həftə çətin, ya da çətin oldu bu həftə asan deyə bir şey yoxdur. Məsələn deyim ki, bir imtahanda riyaziyyat asan dillər çətin olursa, digərində vəziyyət əksinə baş verir.
imtahana xarici dil ilə başlasanız, yaxşı olar. Keçən il imtahan başlayan kimi dinləmə mətnini ardıcıl qoşdular, ona görə də sual kitabçalarını paylayan kimi ilk 6 sualı diqqətlə oxuyun. Mən rus dilində vermişəm və çox asan idi. ingilis dili də elə olub, bu ildən xəbərim yoxdur. Yenə də qorxduğunuz qədər deyil, rahat olun.
ikinci olaraq Riyaziyyata başlayın və Çalışın vaxtınızı düzgün bölməyi bacarın. imtahana qədər heç baş yormadım bunun üstündə, lakin ən əsas mərhələ məhz 3 saatın hər dəqiqəsini düzgün istiqamətləndirməkdir. Riyaziyyat sualları, əsasən, çətin olmur, vaxt aparan olur. Birinci başlamağı məsləhət bilməzdim, ən yaxşı bildiyiniz fənn olsa belə. Stressə düşüb heç şərti də başa düşmərsiniz.
Azərbaycan dili isə qrammatika hissəsi 5 dəqiqəlik işdir, amma igidi öldür, haqqını ver, mətnləri dəhşət çətin və uzun olur. Keçən il 2 mətndən 4 açıq sual salmışdılar karantinə görə, dua eliyin ki bu il çox olsun, çünki paradoks da olsa, açıq suallar asan olur* glş . Çaşdırıcı variantlar olacaq, ona görə mətni diqqətlə oxuyub lazımlı cümlə ola bilər deyə düşündüyünüz cümlələrin altından xətt çəkin, çünki testi oxuduqca mətn yadınızdan çıxacaq. mən Azərbaycan dilinə ikinci başladığım üçün vaxtımın çoxunu buna həsr elədim. ixtiyar sizindir əlbəttə, amma indiki ağlım olsaydı axıra saxlayardım.

Əlqərəz, özünüzü qorxutmayın. Mümkün qədər pozitiv yanaşın imtahana, hətta eyni məktəbə düşmüş dostlarınıza, sinif yoldaşlarınıza yoldaşlıq edin. Bir də yadınızda qalmayan düstur filan olsa, mütləq içəri keçməzdən öncə oxuyun, yadda qalır * təcrübədən keçib, uğurlu olub (◔‿◔ ). Blokla bağlı olan hissəni o imtahana az qalmış yazacam, hələlik sizə uğurlar -*

razi nurullayev

Haqq yolunu yap yolunda görən eks-cəpəçi, özünü babat biabır edib bu gün -*
mehman hüseynov yalanını üzə çıxardıqdan sonra səssizcə paylaşımını silər yəqin -*