augusto pinochet

Haqqında oxuyanda insanın onu dəstəkləməsi, ya da qarşı çıxması üçün səbəbi tapa bilmədiyim general.

Demokratiyaya qarşı gəlib, xalq rəyi ilə seçilən (burada da əmma var, devirdiyi salvador allende sol partiyaların ittifaqı ilə sadəcə 36% səs toplaya bilmişdi, mütləq çoxluq yox idi) prezidentə qarşı cia dəstəkli çevriliş etdi və hakimiyyətə əyləşdi. Sol ideologiyaya senzura tətbiq etdi, minlərlə insanı öldürtdü, ölkəni abş-ın əlinin içinə qoydu. Lakin ondan sonra ölkəni ağ günə çıxarmağı bacardı, liberal azad bazarla yerdə qalan əhalini və ölkəni yüksəlişə apardı. bunu ABŞ-dan gələn pullarla əlaqələndirən var, inkar etmirəm mən də, mütləqdir ki, onun rolu danılmazdır. Lakin mühüm olan əlinə gələn pulu düzgün dəyərləndirməkdir və görünən odur ki, pinoçet bunu bacarıb. Həmçinin, Özü silahla gəlməyinə rəğmən 1989-cu ildə xunta rejiminin davam edib-etməməsini dəqiqləşdirmək üçün keçirilən plebisitdə patricio aylwin-in rəhbərliyi ilə 17 müxalif partiyanın birləşmiş ittifaqına qarşı 54-46 ilə məğlub olmuş və səssiz-səmirsiz vəzifədən getmişdi. istəsəydi, silaha əl vura bilməzdimi?
qeyd: bir ehtimal isə Reyqanın gedişindən və SSRI-nin gücdən düşməsinə görə artıq ABŞ-ın kommunizmə qarşı neoliberal çevrilişlər etməyinə ehtiyac qalmadığı üçün mülayimləşmə və demokratikləşmə siyasətini izləməsinin pinoçetin iqtidarına son qoymasıdır.

Belə olanda da, insan demokratiyanı mühakimə etməyə başlayır. Əslinə, demokratiyanın hər yerdə ən yaxşı sistem olmadığını çoxdan dərk etmişəm, yenə də içimdəki demokratlıq bir xuntaçıya haqq verməyimə mane olur. rifahın azadlıqlardan daha mühüm olub-olmadığını qavrayanda pinoçetlə bağlı mövqeyimə bir istiqamət verəcəyəm deyəsən.

azərbaycanın eurovisionda təkrar qalib olması

Bu ilki performans və mahnının reytinqinə baxsaq, finala qalması belə möcüzə olacaqdır* glş . illərin avroviziya fanatı kimi deyirəm, keçən ilki klip-mahnı ilə çox daha rahat danışmaq olardı qələbə üçün, bu il gözlənilməz ölkələr (fransa, san-marino, norveç, italiya və s.) ilkin rəğbəti qazandılar, Azərbaycan da illərdir işlətdiyi taktikanı* mahnının əsas production hissəsini ev sahibi ölkədən olan şəxslərə elətdirmək yürüdüb adi mahnı ilə çıxış edib. iki-üç zurna-balaban qoymaqla olmaz o işlər.

sözaltı meme

Biraz da özeleştiri...

hərbi qənimətlər parkı

Çox absurd bir yerə bənzəyir, içərisində #noldupaşinyan heşteqli köynəklərin satılmasından tut, maket erməni əsgərlərinə qədər mənasız və ağıllarınca "qələbə" ab-havası yaradıblar. Belə ucuz işlər görəndə ölkəyə olan nifrətim dəfələrlə artır.
Həqiqətən soruşuram, özünüzü niyə məsxərəyə qoyursunuz axı? Heç mi oturub bunun necə populist əməl olduğunu düşünmürsünüz?

texnokratiya

Uğurlu təyinat edildikdə faydası qatbaqat çox olan idarəetmə sistemi. Amma "uğurlu" təyinat edildikdə əlbəttə.
Bu termini ilk dəfə eşidəndə Azərbaycandakı sistemlə bənzər olduğunu düşünürdüm, təyinetmə yolu ilə idarəçilik, həmçinin xalq rəyinin minimum nəzərə alınması və s. Amma içini oyanda əlaqəsiz olduqlarını anlaya bilirsən. Texnokrat hökumət ilk entry-də də yazıldığı kimi mütəxəssislərdən qurulan rejimdir, orada səhiyyə naziri həkim, mədəniyyət naziri ictimai xadim olur və hər texnokrat öz sahəsini irəli aparmağa can atır. Bizdəki sistem isə nepotizmdən o tərəfə keçmir, ən bariz nümunə Mikayıl cabbarovdur. Aradakı fərqlər haqqında Artıq söz lazım deyil məncə* glş

#314209 nömrəli entry-də yazdığım kimi ölkə insanı tam seçmə səlahiyyəti qazanarsa, seçimlərinin 90%-i uğursuz olacaq. demokratiyanı bir alət olaraq istifadə edən demoqoqlar xalqın damarını tutub yüksələcək, olan yenə bu xalqa və ölkəyə olacaq. Ona görə də xalqı tərbiyə edib aydın bir nəsil yetişdirənə qədər ən ideal idarəetmə sisteminin məhz texnokratiya olduğu qənaətindəyəm.

seksendört

Ad seçimində maraqlı addım atan üzvlərə sahib musiqi qrupu. Qrupun vokalisti tuna velibaşoğlu ad seçimini belə açıqlayır:
Grup ilk kurulduğunda biz ingilizce cover’lar yapıyorduk. 2000 yılına kadar da böyle devam ettik. Fakat kendi bestelerimizi yapmaya başladığımızda ve dönem içerisinde de büyük konserler verip kitlelere ismimizi duyurmaya başladığımızda ismimizi Türkçe’ye çevirdik. Grubun ilk ismi aslında “Sex and Dirt”tü. Ama ismimiz duyulmaya başlayınca farklı bir şekilde değiştirmek yerine, o kitleyi de kaybetmemek adına “84” olarak değiştirdik. Yani doğum yılı veya başka bir anlamı yok.

Bir dəqiqə əvvəl rastıma çıxaraq qrupu xatırladan mahnını da atım onda* glş

(youtube: )

montrö konvensiyası

Türkiyə cümhuriyyətinin 1923-cü ildə imzaladığı lozanna müqaviləsindakı boğazlarla bağlı olan qərarı dəyişdirmək üçün 1936-cı ildə imzaladığı sənəddir. Lozanna çərçivəsində alınan qərara görə, Türkiyə Bosfor, dardanel boğazlarını və mərmərə dənizindəki adaları silahsızlaşdırmalı, boğazları bütün ölkələrə açıq elan etməli idi. Lakin bu Türkiyənin suverenliyi üçün təhlükəli maddə idi; boğazların, o cümlədən bölgənin təhlükəsizliyi millətlər cəmiyyətinin qarantiyası ilə lozannanı imzalayan ölkələrdən asılı idi.

Keçən 12 il ərzində bölgənin silahsızlaşdırılması yavaş gedirdi və millətlər cəmiyyətinin boğazların təhlükəsizliyinə verdiyi vədlər özünü doğrultmadı. Buna görə də Türkiyə 1935-ci ildə boğazların statusunu yenidən müəyyənləşdirəcək bir müqavilənin imzalanması üçün işə başladı. Bir neçə dəfə məsələ cəmiyyətin konfranslarında qaldırıldı, lakin üzv ölkələr qətiyyətlə hökmləri qorumaqda qərarlı idilər.

Almaniyanın militarist mövqe sərgiləməsindən narahat olan dünya ictimaiyyəti bir dəfə də 1935-ci ilin 17 aprelində növbədənkənar iclas keçirdi və Türkiyə almaniyanın addımlarının Türkiyə üçün təhdid təşkil etdiyini irəli sürərək boğazlarla bağlı hökmlərin dəyişdirilməsini bir daha tələb etdi. Ölkələr arasında yalnız SSRi Türkiyəyə haqq verdi və həmin maddələrin dəyişdirilməsi üçün dəstəyini nümayiş etdirdi. irəliləyən dövrdə adolf hitlerin işğallarının başlaması və benito mussolininin ikinci cəhddə efiopiyanı işğal etməsi dünyanın yeni müharibənin astanasında olduğunu xəbər verirdi. Türkiyə artıq birdəfəlik bu məsələni bitirmək üçün millətlər cəmiyyətinin üzvlərinə özünümüdafiə edə bilmələri üçün boğazların yeni statusunu müəyyənləşdirmək üçün nota verdi. Durumun ciddiliyini qavrayan böyük Britaniya həmçinin aralıq dənizində müttəfiq əldə etmək niyyəti ilə Türkiyənin tələbinə müsbət cavab verən ilk ölkə oldu, ardınca da ssri və fransa da lehinə qərar verərkən italiya ingilislərin türklərlə yaxınlığına müsbət baxmırdı, buna görə də qərara qarşı çıxdı.* 1938-ci ildə italiya da konvensiyanı tanıdı.

Buna rəğmən 22 iyun 1936-cı ildə yeni müqavilənin imzalanması üçün isveçrənin montrö şəhərində danışıqlar başladı, 20 iyul tarixində isə tam adı istanbul boğazlarının statusu haqqında Montrö konvensiyası olan müqavilə imzalandı. Konvensiyanın şərtlərinə görə; ərazinin demilitarizasiyası ləğv edildi və türk əsgərləri yenidən boğazların qorumasını həyata keçirdilər. Bununla yanaşı, boğazların tam idarəsi Türkiyəyə verildi, belə ki baş verəcək hər-hansı müharibədə əgər Türkiyə iştirak etmirsə, heç bir dövlət boğazlara daxil ola bilməyəcəkdi, iştirak etdiyi təqdirdə də boğazlardan Türkiyənin razılığı ilə istifadə etmə haqqına sahib olacaqdılar. Müqavilənin ən mühüm maddələrindən biri qara dənizə sərhədi olmayan dövlətlərin burada saxlaya biləcəkləri hərbi sursatlara kvotanın tətbiq edilməsi idi ki, bu da başda ABŞ olmaqla, böyük dövlətlərin Rusiyaya qarşı müharibəsində qara dənizdən istifadəsinə məhdudiyyət qoyur, beləcə qara dənizin "sülh dənizi" olmasına şərait yaradırdı. konvensiya 20 illik imzalansa da, tərəf dövlətlərin heç biri müqavilədən narazı olmadığı üçün hələ də öz keçərliliyini qoruyur.

Günümüzdə isə, Ərdoğanın israrla həyata keçirmək istədiyi kanal istanbul layihəsi ilə müqavilənin öz mövcudluğunu itirəcəyi və ABŞ-ın bölgəyə rahatlıqla hərbi sursat daşımasına yardımçı olacağı ilə bağlı narahatlıqlar hökm sürür.