sözaltı etiraf

həmişə kiməsə bağımlı qalmaqdan, asılı olmaqdan qorxmuşam. tam qorxu deməyək də, narahat olmuşam və ürkmüşəm. bu gün fərqinə vardım ki, antidepressant və yuxu dərmanından asılı hala gəlmişəm artıq. dünən yataqdan qalxmağa ərinəcək qədər yorğun olduğumdan dolayı *ketilept*i götürüb atmağa ərindim. yerin içində 1 saat fırlansam da, yuxu getmədi gözümə. üsttəgəl depressiv düşüncələrə və beynimdəki səslərə boğuldum. məcbur dərmanı içdiim yenə...

bu səhər də antidepressantı içməyi unutmuşam. bütün gün ərzində gərəksiz həssaslıq, əsəbilik, kədər mənimlə olub. gərgin olarkən dırnaqlarımı ovcuma batırmaq vərdişimə görə dırnaqlarımı da dibindən kəsmişəm.

nə ara bu həddə gəldim, heç özüm də bilmirəm...

april rain

dinləyərkən insanı kədərə boğan, düşündürən, "niyə yaşayıram ki?" deyə sorğuladan *post rock* qrupu.

dünən moodumdan dolayı uniyə gedərkən april rain dinləyirdim. "one is glad to be of service" mahnılarında *bicentennial man* filmindən olan lyrics məni yıxdı sürü. eşitdikcə beynimə həkk olub mənə həyatımı sorğulatdı.
"Partcia, I have done everything inside and out
But that stuff doesn't matter to me"

ruh halım elə bir dönəmdə idi ki, lyrics tam oturdu yerinə. biraz da keçsə ağlayacaqdım elə küçədəcə. amma keyidim eyni zamanda, ətrafdan qopub ancaq lyricsi düşündüm elə. məndən 5 metr uzaqda bir qadın özündən getmişdi, hamı onu ayıltmağa çalışırdı. mənsə ona reaksiya verməyəcək qədər keyimişdim...
sizi musiqiylə baş-başa buraxım. çalışın tam dinləyin, sözləri beyninizdə analiz edin.

(youtube: )

mübahisədən qaçan adam

mübahisə nəticəsində yarana biləcək daha böyük problemləri əvvəldən görə bilən, gərəksiz nübahisəyə vaxtını və enerjisini itirmək istəməyən adamdır.

mən də həmişə mübahisədən qaçan adam olmuşam, amma gərəksiz mübahisədən. qarşı tərəfin tutarsız iddialarına çox vaxt susmaqla cavab verirəm. çünki bilirəm sonda özüm əsəbiləşəcəm, həm də qarşımdakı zatən məni başa düşmür. boşuna əsəbiləşib ən sonda da başa düşülməməyə dəyərmi? dəyməz əlbəttə. buna görə çox vaxt sakit insan, yaxud sözünü deyə bilməyən kimi təəsüat yaradıram çoxunda. amma başa düşülməyəcəksənsə özünü yorub mübahisə etməyin nə mənası?! zatən belə anlaşılmazlıq sonunda daha böyük problemlər yaranır.

pet sematary

insanoğlunun həddini aşacağı təqdirdə olanları göstərən, bolca qorxu dolu *stephen king* romanı(1983).

"insan qəlbi torpaqdan daha daşlıdır. yetişdirə bildiyini yrtişdirir ancaq."

Kitabın mövzusuna gəldikdə isə, louis creed işi üçün (həkim) ailəsiylə və church adlı pişikləriylə birgə yeni qəsəbəyə köçür. Evlərinin yaxınlığından iri yük maşınlarının yolu keçir.
Həmin qəsəbədə qızıldərili micmac qəbiləsinin müqəddəs məzarlığı var. hansı ki, toxunulmaması, qarşı çıxılmaması gərəkdir. Tabular tapdandıqda isə hər şey çox daha pis olur.

Kitabın dili olduqca axıcıydı. əvvəlcə hər şey şən və maraqlı başlayır, daha sonra yerini qorxu və ürpərtiyə, kədərə buraxır. kingin digər kitabları kimi anidən özünüzü *thriller* içində tapırsız.
insanın səhv olduğunu bildiyi halda eyni xətanı üst-üstə etməsinin nəticəsini çox gözəl göstərir kitab. bəzən işləri qaydasına salmağa çalışdıqca hər şeyi daha bərbad vəziyyətə salırıq.

kitab əsasında 1989 və 2019-cu ildə 2 film çəkilib. mən 2019 versiyasına baxmışam, o da bərbad idi. kitabda yaşanan həyəcanın yarısı belə yox idi. 4/10 idi film olaraq.
kitab isə mənə görə 9/10.

kiki's delivery service

*hayao miyazaki*nin rejissorluğu ilə 1989-cu ildə çəkilmiş gözəlim *studio ghibli* animesi.

Pozitiv, xoş aurası ilə insanın içini sevgi ilə dolduran animedir. azyaşlı uşaqlarla birgə oturub baxmaq olar, amma böyük olaraq izləmək ayrıca zövq verir insana.

Kiki 13 yaşlı cadıdır (witch). təhsilini tamamlamaq üçün 1 il başqa bir şəhərdə yaşamalıdır. jiji adlı şirin pişiyini də götürüb okean kənarında, cadısı olmayan bir şşəhərə uçur süpürgəsiylə. şəhərdə çörəkçi ailəsinin verdiyi otaqda qalır kiki. orada süpürgəsiylə kuryerlik servisinə başlayır. beləcə maraqlı bir ssenari axır.

filmdə xeyir və şər mübarizəsi yoxdur. sanki dostluq, sevgi, ümid ön plana çəkilir. kefsiz olanda açıb izləyin, biraz pozitivliklə dolsun içiniz.

(youtube: )

(youtube: )

cəmiyyət tərəfindən normal qəbul edilən anormal şeylər

(bax: yengə)

(youtube: )

sözaltı art

ilham pərilərim gələndə psychedelic bir şeylər çəkim dedim, boyayanda artıq pərilərim getmişdi deyə ibtidai sinif rəsminə oxşadı.


bu da boya mənlik deyil deyib karandaşla çəkdiyim.
(bax: faye valentine)

cleo de 5 a 7

*agnes varda* rejissorluğu ilə 1962-ci ildə çəkilmiş, *fransız yeni dalğası*na aid gözəl bir film.

film tarot kartlarının çəkilməsi ilə başlayır, burada artıq gedişatı görürük. zatən filmin tək rəngli səhnəsi ilə bu kart səhnəsidir.

Cleo gənc, gözəl bir musiqiçi qızdır. nazıyla çox oynansa da, filmin əvvəlində gördüyümüz kimi heç vaxt həqiqi sevgi göstərilməyib ona. gözəlliyindən zövq alır, egoistdir birazca. xərçəng xəstəsi olduğundan şübhələndiyi üçün analiz verir, lakin cavabları öyrənməyə çəkinir.
nə qədər zəngin və ziyalı olsalar da, batil inanclara inanırlar.

filmin estetikası, simmetriyası, heyəti çox gözəldi. 1960-cı illərin fransız gözlliyini görə bilirik. ümumiyyətlə, *art-house film* olaraq qəşəngdir. piano səhnəsində cleonun kədərlə mahnı oxumasından xüsusi təsirlənmişdim.

filmdə sevmədiyim tək şey sanki birazca yarımçıq olmasıdır. cleonun həyatından müəyyən qədər vaxtı görürük. nə sonrası, nə əvvəli var. amma estetika və gözəlliyi üçün izləməyə dəyər.

"qaçma, sevimli kəpənək. çirkinlik ölümün bir şəklidir... gözəl olduğum müddətcə yaşayıram... "

həmin o piano səhnəsi:

(youtube: )

(youtube: )

qızardılmış kartofu dadsız bişirənlərə məsləhətlər

kartofu duru yağda qızardarkən üzərinə duzla bərabər qədərində kəklikotu, quru nanə, sarıkök* çox yox amma , qara və qırmızı istiot əlavə edin. amma kartodu tavaya atan kimi yox, gözləyin, yağı özünə çəkən vaxtı.

tələbələr də stipendiyanız keçən vaxtı gələn həvəslə extra bir şey eləmək istəsəz, marketdən hazır toyuq içalatı alın, sudan keçirib yağ-soğana atıb qovurun. amma kərə yağında ha. üzərinə də yuxarıdakı ədviyyatlardan. biraz suyu çıxacaq, amma gözləyin, suyu çəkiləndə super alınır. yuxarıda dediyim kartof qızartması resepti ilə gedir!

ketilept

müxtəlif psixoloji xəstəliklərin müalicəsində əsasən yuxu rejimini qaydaya salmaq üçün istifadə edilən antipsixotik dərman. əsas təsiredici maddəsi ketiapindir. hallusinasiyalar, major depressiv ataklara qarşı çox yaxşı təsir göstərir.
psixiatrın yazdığı resept üzrə hər gecə yarım tablet atıram. 15 dəq keçməmiş artıq əsnəməyə başlayır adam, yarım saata da yuxu tutur. yuxuya gedərkən sanki əriyib yatağa qarışdığını hiss edirsən. necə ki, içkinin təsiri özünü göstərməyə başlayır, elə.
ilk atdığım gecə ölü kimi az qala 11 saat yatmışdım. amma zamanla adam öyrəşir, səhərlər oyanmaq daha asan olur.
gecə kofe içib sonra dərmanı atmayın, gic olacaqsız. adam gecə oyanır, amma yuxuluyla oyaq arasında bir şey olur. eləməyin elə.
bir də qətiyyən alkollu halda atmayın. Qətiyyən! mən içkili halda atdığım yarım tabletlə səhər altıda boğulma, ürək bulantısı, bütün bədəndə ağrıyla oyandım. Bir də o qələti eləmərəm.
Yan təsiri ağızda quruluq yaratmasıdır. Bir də dərmanı atıb biraz oyaq qalsaz trippy kimi şey olur. yüngülvari baş hərlənməsi və ürək döyüntülərinin artması baş verir.

sextile

*los angeles*də yaranmış *post punk*, *synthwave*, electronic rock qrupu. mahnılarında biraz techno havası var. səhərdən *spotify* profillərində ilişib qalmışam, çox zor işləri var. bu tip mahnıları sevirsizə bi göz atın. *she past away* sevən sextile də sevər.

(youtube: )

(youtube: )

(youtube: )