həyat

içimdən gəldiyi üçün yazacam. həyat çox gözəldir. həmişə hansı problemin, stressin içində olsam da bütün bunlar həyəcan verir mənə. həyat həyəcanlandırır. vaxtsız ölməzsəm, hələ görəcəyim çox şey var. amma ölümdən də qorxmuram* vaxtsız ölmək istisna , o da maraqlı gəlir ki, görəsən, öləndən sonra nə olacaq. yəni baxın hal-hazırda çox stressim var, amma içimdə bu stressə qarşı belə həyəcan var. sevgi var. sevgi. bəlkə də bütün bunların səbəbi yaşama oyun kimi baxmağımdır. fərqli challangelər. vaxt isə amansızdı, tez keçir, heç bir şey geri qayıtmır, qayıtmayacaq da. zamanla itirəcəksən ailəni, dostlarını, vətənini, evini axırda da özünü. qısa olan həyatı yaxşı dəyərləndirmək lazımdır. əvvəllər bunu sadəcə bilirdim, indisə dərk edirəm. məsələn, sabah oyanmaq üçün belə səbirsizlənib, həyəcanlanıram. sevgi ilə ahəngdə olan hər şey düzəlir. və neqativə qapılıb, illərimizi hədər etməyək, gəlməyəcək bir də. içimizdəki nifrəti, kini öldürək.

(youtube: )

(youtube: )

ying yang

ying yang çin fəlsəfəsindən və taoizmdən gələn bir qavramdır. qısaca, ying yang təbiətdə və kainatda olan ziddiyyətlərin bir birini tamamladığını və birlikdə bir ahəng içində olduğunu iddia edir. məsələn, xeyir ilə şərin, gecə ilə gündüzün, qadın ilə kişinin, isti ilə soyuğun, sözlük ilə edward wittenin.* bu zarafatı etməməliydim, keçin günahımdan

ying - qaranlıq, soyuq, gecə kimi özəlliklərlə əlaqələndirilir. feminəndir. ay simvoluyla təmsil edilir.

yang - aydınlıq, isti, gündüz kimi özəlliklərlə əlaqələndirilir. maskulendir. günəş simvoluyla təmsil edilir.

belə ki, ying yang kainatdakı hər şeyin bu ziddiyyətlərin kombinasiyası yaxud balansı olduğunu və bir birini tamamladığını deyir. demək olar ki, ying yang taoizmin mərkəzində yer alır. elə taoizmin simvolu da ying yangdır.
sifarişi verən: Bertrand Zobrist

çakra

hind fəlsəfəsində və bəzi inanc sistemlərində insanda olan bütün enerjini bədənin müxtəlif hissələrinə dağıdan enerji nöqtələrinə çakra deyilir. sanksritcə təkər, dönüş, çarx kimi anlamlara gəlir. bədənimizdə enerji axışını sabitləmək üçün 7 əsas çakra var. çakraların normal işləməyi üçün açıq olması lazımdır. əgər hərhansısa bir çakra bağlı olarsa və yaxud sabitliyini qoruya bilməzsə, insandan müxtəlif fiziki, mənəvi, ruhani narahatlıqlar baş verər. həmin o 7 çakra:

1) kök çakra (muladhara) - birinci və ən çox enerjili çakradır. götdə olur (tam azərbaycanca izah edə bilmədim, türkçə kuyruk sokumu deyirlər, ingiliscə coccyx), dəqiq yeri şəkildədir. rəngi qırmızıdır. bu çakra fiziksəl dünyayla bağlantımızı, aidiyyət və güvən hisslərimizi, həyatda qalma instinktlərimizi təmsil edir.


2) sakral çakra (svadhishthana) - narıncı rəngdədir. cinsəlliyi, seksi, həzz duyğusunu, kefini-əhvalını, yaradacılığı və xəyal gücünü təmsil edir. əgər cinsi istəksizliyiniz varsa və aseksual deyilsinizsə, bu inanca/çakralara inanırsınızsa, deməli, bu çakranız böyük ehtimal bağlıdır. göbəyinizdən 2 barmaq aşağıda yerləşir.

3) solar plexus çakrası (manıpura) - sarı rəngdədir. fərdi gücümüzü, iradəyi, özgüvəni, empatiyanı, dözümlülüyü, özünə hörməti və dəyəri təmsil edir. daxili gücümüzü kəşf etməyə kömək edir. göbəkdən 3 barmaq yuxarıda yerləşir.

4) sevgi (qəlb) çakrası (anahata) - yaşıl rəngdədir. hüzurun, sevginiz, sülhün, bağlılığın təmsilcisidir. əgər daimi nifrət, kin, özünü günahlandırma hissinə sahibsinizsə, bu çakrayla probleminiz ola bilər. iki məmənin arasında yerləşir.

5) boğaz çakra (vishuddha) - mavi rəngdədir. bu çakra özümüzü ifadə etmə bacarığımızı, sağlam ünsiyyətləri təmsil edir.* mənim də bu çakramı açmağıma sözlük kömək edir, sağolsun :d boğazda qırtlaq bölgəsində yerləşir.

6) üçüncü göz çakrası (ajna) - bənövşəyi rəngdədir. bu çakra düşüncə, algılama, intuisiya, zehini təmsil edir. həmçinin, fiziki dünyanın ötəsinə varmağa və dərin anlamları kəşf etməyə də kömək edir. alında, qaşların arasında yerləşir.

7) təpə çakra (sahasrara) - ağ rəngdədir, sonuncu çakradır. "öz"ü, ilahi gücü, anda qalabilməyi, yaşam məqsədini, ruhsal bilgəliyi, aydınlanmanı təmsil edir. həmçinin, təpə çakra ruhsal yüksəlişdə ən yüksəl bilincə çatmağa və varoluşsal anlamı kəşf etməyə, özünü aşıb, üst insan olmağa kömək edər. təpəmizin ortasında yerləşir.

ümumi çakraların yerləşməsi:


simvolları:

uşaq istismarı

Uzunmüddətdir üzərinə yazmağı düşündüyüm başlıq.

Yazacağım istismar növü uşaqların sosial şəbəkələrdə paylaşılması, üzərindən reytinq yığılması, valideynlərin, müəllimlərin, sosial media səhifələrinin 3-5 layk, şərh və öz mənafeləri uğruna uşaqların video və yaxud şəkillərinin paylaşması haqqındadır.

Uşaqlara nə kimi zərəri var?

ilk öncə hırla, zırı qanmayan Azərbaycan xalqı uşağa aid iyrənc, bütləşmiş "zarafat"larını uşağa qarşı şərhlərdə yönəldir.
Bir neçəsi; "işığı düz tutmayan oğlan", "mexanika sürməyən oğlan", "x-i etməyən qız", "y-ə baxmayan oğlan/qız" və s. Və yaxud zarafat deyil də birbaşa uşağa qarşı təhqirlər yağdırılması. Uşağın sosial şəbəkə hesabı varsa, bu yazılanları görüb, travma alacaq, yoxdursa, böyüyəndə görəcək. Və ətrafı davamlı olaraq onla məzələnəcək. Uşaq da yavaş-yavaş özünü cəmiyyətdən izolyasiya edəcək. Və boomm! Artıq 1 nəfəri cəmiyyət məhv etdi.

ikinci olaraq, uşağın şəxsisi dediyi anlayış qalmır. Buna əsasən uşağ doğulmamış instaqram açıb, hər gün uşağın 5-10 fotosunu çəkib, paylaşması. Okey, gözəl bir şeydir, uşağa xatirə qalır, amma hesab bağlı olarsa və sırf uşağa xatirə buraxılmağı üçün edilərsə. Əks halda, açıq hesablarla uşağın full həyatını internetə sərmək düzgün deyil.
(baxma: truman)

Başlanğıcda niyə müəllimləri yazdım?

Öz dərslərində uşaqları icazəsiz çəkib, paylaşırlar.

Hal-hazırda nümunə kimi ölkə gündəmində olan Adəm adlı uşağı misal göstərmək olar. Dəhşətli tərəfi isə odur ki, artıq adəmi rol model kimi götürən balacalar var, yəni tək Adəm deyil, o balacalar da onun təsirinə düşür. Ayrıca, şəxsi biznesi reklam etmək üçün də Adəm istifadə edilir, çünki bilirlər ki, qıjı Azərbaycan xalqı bundan orqazm olacaq.

sözaltı günlük

sevgili sözlük,
bu gün eqom qırıldı, niyə bu qədər dayaz olduğum halda şişirmişəm, anlamıram. düşünürəm, bir az tək qalmağa ehtiyacım var. iç səsimi, özümü dinləməliyəm. əslində, eqomun qırılması yaxşı oldu, özümü bir zibil sanırdım, deyilmişəm. bu heç nə olmaq məgərsə bomba bir şey imiş. bəli, bəsitəm, olduqca bəsitəm, sikik formada bəsitəm. sözün əsl mənasında, dünyanı dəyişdirəcəyini düşünən bir sikikəm. artıq "mən"ə "özümə" qayıtmalıyam. özümə vaxt tanımalıyam, sikik siyasətdən, günlük mənasız söz-söhbətdən, sikik mahnılardan, xəbərlərdən, özünü ən bomba saymaqdan, "mən bunu eləmirəm, mən zoram ahahahhahah" kimi şeylərdən, sikik insanların özləri kimi sikik söhbətlərindən uzaqlaşmalıyam. məgərsə indiyə kimi oxuduğum kitabları, dinlədiyim mahnıları, yaratdığım şeyləri, izlədiyim filmləri, baxdığım yutub videolarını sadəcə eqomu tətmin etmək üçün edirəmmiş. heç onlara marağım da yox imiş. düşüncələrim başqalarının düşüncələridir, soruşsan heç bir şey haqqında öz təbii fikrim yoxdur. etdiklərim başqalarının etmədikləridir, bunu da özümü bir pox sanmaq üçün edirəm. və ümumiyyətlə, həyatım başqalarının həyatlarının yansımasıdır. özün olmaq çox rahatladıcı bir şeydir. rola girməkdən bezmişəm artıq. hey, mən buyam.

paternalizm

paternalizm tam anlamı ilə ata kimi davranmaqdır. anlamadınız, hə? belə başa salım. təsəvvür edin, uşaqsınız. və yanınızda isti çaydanlıq var, o çaydanlığa əlinizi vursaz, əliniz yanacaq, dərinizə ziyan dəyəcək. atanız da sizə deyir ki, a bala, əlini vurma ona, icazə vermirəm. bu halda ata övladının üzərində üstünlük quraraq övladını ona zərər verəcək şeydən qoruyur.

yəni ki, siyasi olaraq da paternalizm ziyanın/zərərin qarşısını alıb, fayda vermək üçün başqaları üzərində qurulan otoritedir. məsələn, maşınla gedərkən sürücünün kəməri taxmaq məcburiyyəti. tam olaraq, paternalizmdir. dövlət sizin qəza edərkən daha az zərərlə çıxmağınız üçün, belə bir qayda qoyub. əlqərəz; sizin üzərinizdə sizin xeyirinizə olan qayda qoyub.

amma hər zaman belə xeyirlidirmi? bu artıq sual altındadır. mən burada xeyirli bir misal göstərdim. amma öz fikirlərimə qalsa, düşünürəm ki, cəmiyyətin taleyini hər hansı bir liderə təslim etmək olduqca təhlükəlidir. fərq etmir lider hər kimdir, dəlidir ya ağıllıdır. hətta, richard sennettin sevdiyim bir fikiri var: "paternalizm saxta sevgiyə dayalı otorite növüdür".

tanah

tanah yəhudilərin 24 kitabdan ibarət olan müqəddəs yazılar toplusudur. 3 hissədən ibarətdir; tövrat* torah , peyğəmbərlər* neviim , yazılar* ketuvim . elə tanah da bu 3 sözün baş hərflərinin birləşməsindən alıb.

1-tövrat* torah
tövrat hz.musaya endirilən və musa tərəfindən qeydə alınan 5 kitabdan ibarətdir; yaradılış, misirdən çıxış, levililər, saylar və qanunun təkrarı.

-yaradılış(genesis)
dünyanın yaranması, nuh tufanı, israil xalqının ilk əcdadlarından bəhs edən bölüm.

-misirdən çıxış(exodus)
israil xalqının misir köləliyinin altında olmasından və ordan hz.musanın sayəsində çıxmasından bəhs edən bölüm.

-levililər(leviticus)
bu bölümdə israil xalqının adət-ənənələri, ibadətləri, dini mərasimləri haqqında məlumat ala bilərsiniz. məsələn, shabbat günü də məhz bu bölümdə keçir. bu bölümdə müxtəlif əxlaqi qaydalar qoyulur. kahinlər haqqında qərar qəbul edilir. həmçinin, müqəddəs günlər və bayramlar haqqında da bu bölümdə məlumatlar verilir. ibadət və qurbanlar üçün(məs, günah qurbanı) yehovanın buyuruğu nəticəsində daşınıla bilən çadır tikilir. halal-haram heyvanlar ayırd edilir və s.

-saylar(numbers)
saylar bölümündə israil xalqının misir köləliyindən qurtulduqdan sonra başına gələnləri anladır.

-qanunun təkrarı(deuteronomy)
levililər kitabının təkrarı deyə bilərik. və bu bölümdə, həmçinin, musanın ölümü də qeydə alınır. deyilənə görə, musanın ölümü hissəsini yeşua yazmışdır.


2-peyğəmbərlər* neviim
8 kitabdan ibarətdir.

1.yeşua (yehoşua) - yehova tərəfindən israillilərə vəd edilən torpaqların bir hissəsinin yeşua tərəfnidən ələ keçirilməsindən bəhs edir.

2.hakimlər (shoftim) - yeşuadan sonraki düzənsiz dönəmdən bəhs edir. belə ki, israil xalqı kim olduğunu unutmuş, özləri üçün bütlər yaratmış, yollarından və yehovadan azmışdılar.

3. şamuel (şı'muel) - kitab iki hissədən ibarətdir, 1-ci və 2-ci şamuel. 1-ci hissədə düzənsiz dönəmdən düzənli dönəmə keçişdən bəhs edilir. 2-ci hissədə isə hz.davuddan danışılır.

4. padşahlar (melakhim) - bu kitab da iki hissədən ibarətdir, 1-ci və 2-ci padşahlar. 1-ci hissədə hz.süleymanın padşahlığı dövründə olan hadisələrdən və hz.süleymandan sonra padşahlığın bölünmə müddətindən bəhs edilir. 2-ci hissədə də bu bölünmənin ardından yaşanan hadisələrdən danışılır.

5. yeşaya (yeşeyahu)

6. yeremya (yirmiyahu)

7. yezekel (yehezkeel)

8. on iki kiçik peyğəmbər (tre asar) - hoşea, yoel, amos, obadiah, yonah, mika, nahum, habakkuk, tsefenya, haggay, zekeriya və malaki adlı peyğəmbərlərin kəhanətlərindən bəhs edir.


3-yazılar* ketuvim
tanahın fərqli dönəmlərə aid dini, ədəbi, tarixi və fəlsəfi yazılarından ibarət olan bölümdür. və 11 kitabdan ibarətdir.

1. zəbur (tehilim) - zəbur ayrıca 4 müqəddəs kitabdan biri kimi sayılır. kitab hz.davuda endirilmişdi.

2. məsəllər (mişle)

3. eyyub (iyov)

4. nəğmələr nəğməsi (şir haşirim)

5. rut - israilli olmayan rut adındakı bir qadının başına gələn hadisələri anladır.

6. mərsiyələr (ekha/kinot)

7. vaiz (kohelet)

8. ester

9. daniel

10. ezra-nehemya

11. səlnamələr (divrey hayamim) - 2 hissədən ibarətdir, 1-ci və 2-ci səlnamələr. 1-ci hissədə hz.adəmdən hz.davuda qədər olan nəsil kökdən və hz.davudun padşahlığı dönəmindən bəhs edir. 2-ci hissədə isə hz.süleymanın krallığından.

qeyd: yoruldum, daha da təkmilləşdirəcəm entrini. səhvim ola bilər, əgər səhv görübsünüzsə, yazın, düzəlişlər edim.

unudulmaz film replikaları

Choose Life. Choose a job. Choose a career. Choose a family. Choose a fucking big television, choose washing machines, cars, compact disc players and electrical tin openers. Choose good health, low cholesterol, and dental insurance. Choose fixed interest mortgage repayments. Choose a starter home. Choose your friends. Choose leisurewear and matching luggage. Choose a three-piece suit on hire purchase in a range of fucking fabrics. Choose DIY and wondering who the fuck you are on Sunday morning. Choose sitting on that couch watching mind-numbing, spirit-crushing game shows, stuffing fucking junk food into your mouth. Choose rotting away at the end of it all, pissing your last in a miserable home, nothing more than an embarrassment to the selfish, fucked up brats you spawned to replace yourselves. Choose your future. Choose life... But why would I want to do a thing like that? I chose not to choose life. I chose somethin' else. And the reasons? There are no reasons. Who needs reasons when you've got heroin?

(bax: trainspotting)

sözaltı etiraf

bu hadisənin üzərindən artıq 1 il keçir. 2023-cü il 3 may tarixində, yaşadığım ərazinin yaxınlığındaki bravoya getdim. yolda gedə-gedə gangster fikirlər vurdu başımı. dedim, ala, bu səfər də risk al, bu son olsun. * guya da nəysə, girdim marketə 2 dənə marker oğurladım. və rahat öz işimi bitirib, çıxdıqdan sonra 100 metr getmişdim ki, gördüm uzaqdan bravonun işçisi məni çağırır. * düşdük poxa dedim pəhhh. aramızda keçən dialoq;

-nolub, nə məsələdir?
marketdən nəsə götürmüsünüz?
-yox.
gəl, gedək, dəqiqləşdirəcəyik.

apardılar məni qaranlıq, qəribə otağa, düz müdirin ya da adminstratorun yanına. açdılar kameranı zad. mən də gördüm day biliblər, çıxartdım cibimdəkiləri. dedim, bir qələtdi eləmişəm, bir də etmərəm. rəhm edin mənə. başladılar üstümdən tutmuş, çantama qədər yoxlamağa. çantamdan da kitab çıxdı sadəcə. dedilər, qərarı müdir verəcək. müdir də sağ olsun, insaflı imiş. dedi, buraxın, getsin. sakitcə arxa qapıdan buraxdılar məni.

sonra düz dekabr ayına qədər girmədim ora. indi day girirəm. hətta hal-hazırda bu entrini həmin bravoda dönər yeyərək yazıram. * amma hələ də göt qorxusu var, birdən tanıyarlar-zad deyə bu da belə.

qeyd: məqsədim qətiyyən oğurluq deyildi, sadəcə bu oğurluq adlı məfhumu təcrübə etmək idi, maraqlı gəlirdi. etdim və peşman deyiləm. bir də olsa, bir də etmərəm.