no country for old men

yaxşı film deyil. müdafiə olunası tərəfi də yoxdur. hər cəhətdən zəif bir işdir. coen qardaşlarının başqa bir filmi olan fargo ilə adı hallana belə bilməz. filmi pisləmək istəyirəm, fəqət ortada pislənəsi bir şey də yoxdur. heç nə yoxdur sanki. o qədər istəksiz və mənasızdır ki.
bircə vermək istədiyi mesaj barədə yazacağam. film boyunca gözümə soxaraq demək istədiklərini Noah Hawley fargo serialında çox daha yaxşı izah edib. Xüsusilə də, dördüncü sezonda. istəmədən Malvo ilə müqayisə etdiyimdən Chigurh'u da heç sevmədim.
serialla filmin müqayisəsi nə qədər ədalətlidir, bilmirəm, lakin chigurh qarşımda olsa, uzağı, saçına gülərdim. bundan filmin mənə yansıtmağa çalışdığı gərginlyin nə qədər uğurlu olduğunu anlayın.

stoner doom

təbii ki, stoner da, doom da təxminən black sabbathdan gəlir. həmin dövrdə pentagram, black widow, iron claw, zion, buffalo, sir lord Baltimore və s. kimi qruplar nəinki günümüz metal subjanrlarının təməlini atıblar, hətta fikrimcə, dinləyə biləcəyiniz ən original rock/metal işlərinə imza atıblar.
davamında isə saint vitus, the obssessed, candlemass kimi qruplar jarnı əsas bir neçə qola böldü. aralarından candlemass Epicus Doomicus Metallicus albomu ilə epic doom metal subjanrının əsasını qoydu. üçünü də hədsiz sevsəm də, mən bu hissədən sonra amerikan qruplarının səsini daha çox bəyənmişəm. bununla da, son hissəyə gəlirik.

amerikanın stoner musiqisi ilə birləşəndən sonra doom, şübhəsiz, ən gözəl dövrlərini yaşayırdı. sleep və electric wizard kimi qruplar bu dövrdə ilk ağıla gələnlərdir. ikisi də black sabbathın (sleep saint vitusdan da xeyli ilhamlanıb) çox daha ağırlaşmış versiyaları olan bu qruplar özlərini stoner doom subjanrına aid bilirlər.
dinləyə biləcəyiniz ən ağır metal rifflərinə sahib bu iki qrup death metal və onun törəmələrinə "ağır" deyənləri gülünc vəziyyətə salır.
bu izdən davam etsək, qarşımıza acid king, uncle acid & the deadbeats, OM, sunn o))), blood ceremony, acid mammoth, mars red sky, sons of otis, rezn, highest priest of saturn, dopelord, mammoth weed wizard bastard, sergeant thunderhoof, dope smoker və s. və s. kimi qruplar çıxır. ilk ağlıma gələnləri yazdım.

xülasə, gözümün işığı olan bu janrı izah etmək istədim. eqoist yazıram deyə səliqəsiz oldu. olsun. dopethrone dinləyin.

counter strike

oyunun mexanikalarının bəsit olduğunu keçirəm. (bundan bəsit olsa, fps sayılmır. bare minimum fps. -*)
oyun başlayır və qaçmağa başlayırsınız. ekranda kiçik bir qaranlıq görürsünüz və həmin hədəfi vurmağa çalışırsınız. rəqibiniz adətən bir saniyənin altında ölür. sonra başqa kiçik qaranlıqlar axtarmaq üçün yenə qaçırsınız. bir raund iki dəqiqədirsə, bunun 5-10 saniyəsini oynayırsınız. (xeyr, qaçmaq oynamaq sayılmır. bura qədər bunu bilməmisinizsə, təəssüf.) əgər rəqibiniz sizi öldürürsə, narahat olmayın. çox şey itirmirsiniz. 10 saniyə əvəzinə 1 saniyə oynamış olacaqsınız. raundun qalan hissəsini də digərlərini izləməklə keçirəcəksiniz. günümüz oyunlarında bu hal çox görünsə də, rəqabətcil fps oyununda bu hal rəzalətdir.
oynayanın özünə hörmət etmədyini düşünürəm.

mammoth weed wizard bastard

musiqiylə tanışlığım çox xaotik olub. musiqini bir ağac kimi, janrları da budaqları kimi düşünsək, mən ilk öncə gövdəni yox, yarpaqları görürəm və görməyə də davam edirəm.

mammoth weed wizard bastard birləşmiş krallıqdan bir stoner/sludge/doom instrumental metal qrupudur. 2008-də qurulan mother of six stoner rock qrupunun dağılmasından sonra qrupun bəzi üzvləri tərəfindən 2014-cü ildə qurulmuşdur. mən bu nəhəng janrları bu qrupla tanımışam. black sabbath belə dinləməmişdim hələ. ilk dəfə Noeth Ac Anoeth albomundakı Nachthexen mahnısını dinləmişdim. dinlədiyim heç nəyə bənzəmirdi və yarım saat olmasına baxmayaraq ard-arda, günlərcə dinlədim. verdiyi hissi başqa heç bir işdən ala bilmirdim. dinləyəndə janrın necə də uc nöqtəsində olduğunu görəcəksiniz. hamı üçün deyil, fəqət janrı sevib daha da ekstrim şeylər axtaranlar üçün dərman kimidir.

demon cleaner

kyussın ən sevdiyim mahnısıdır. josh homme bir müsahibədə mahnının dişlərini fırçalamaqla əlaqəli olduğunu demişdi.

adını bu mahnıdan götürən 1996-cı ildə qurulmuş isveçli bir stoner rock qrupu belə var. 2000-ci ildə the freeflight albomlarını yayımladılar. 2 il sonra da demon cleaner adlı albomları yayımlandı və həmin ildə dağıldılar.
qrupun mahnılarını molten universe (başqa bir kyuss mahnısı) adlı label yayımlayırdı.

link

qara yumor

yumorun bəsit, təxmin olunan və tənbəl növlərindən biridir. adətən yumorun digər növlərində güldürə biləcək qədər ağıllı və yaradıcı olmayan insanlar tərəfindən işlədilir.
bundan əlavə, günümüzün böyüyə bilməmiş kişilərinin yetkin görünmək üçün istifadə etdiyi bir alətdir. cəmiyyətin normlarına aid olmadıqlarını düşünən və bunu qara yumorla sübut etməyə çalışan bu insanlar həyatlarında cəmiyyətin normlarından uzaq bircə nəfər görsələr, tərbiyə olardılar deyə düşünürəm.
qara yumoru digərlərindən fərqləndirən cəhət daha şok edici olması olur adətən. hazırda isə məqsədi yuxarıda qeyd etdiyim səbəblərdən ötrü güldürmək olmadığı üçün çox sıxıcı və narahat edicidir.