sözaltı fotoqrafiya

Bu başlıqda sincabın gözündəki istanbul şəkilləridə olsun dedim.

1. Küçüksu Kasrı


2. Dolmabahçe sarayı (Mütləq gedin)


3. Topkapı sarayı (Sultanın ayaq uzatmağa seçdiyi otağı) (getməsəzdə olar sevemedim orayı)



4. Beşiktaş-Akaretler (içki içməyə, gecə həyatı yaşamağa istanbulluların seçdiyi yer. Mənim orda nə itim azıb bu uzun sohbətdi)



5. Fatih (Eminönü) mütləq Fatih-Kumkapı tərəfləri gəzin


6.Üsküdar sahili (galp)



7. Kadıköy (mamamın gözüm üstündə dediyi gözü)



8. Beyoğlu





10. yazarların əlləri


11. yazarların ayaqları


12. Yazarların çipsi almağa getdiyi yolu

barbie

Yarım saat əvvəl izlədiyim, çox zövq aldığım, həm çox güldüyüm həm də çox kövrəldiyim film.
Yeni çıxan filmlərin hər biri yeni bir şey öyrətmək üçün deyil də, daha çox fərqindəlik yaratmağa çalışdığını bilirik. Barbie filmidə bu sıraya aiddir.

---Spoiler---

Film başladığı anda ilk barbienin libasını görürük. Əslində həm məntiqli həm də biraz düşündürücü bir seçimdir deyə düşünürəm. Çünki mattel tərəfindən 1955-1964.illərdə almanyada istehsal olunan bild lillinin olmasını daha çox istəyərdim. Ya da ilk barbienin yanında olmasını. Çünki barbie oyuncağının məhz anası filmdə də deyildiyi kimi matteldir, ancaq Elliot və Ruth bild lillidən ilhamlanaraq o barbie'ni yaradıbdır.
Barbie adıda elə mattelin qızı bild lillidən yaranıbdır. Film boyu ssenarist mattelə xüsusi yer verməyi və elliotla ruth'a sətraltı atmacalarla yaxınlaşmağı yaxşı idi.
Aşağıdakı şəkil 15 oktyabr tarixində istanbulda yerləşən "oyuncak müzesi"ndə çəkdiyim şəkildir.


Sağda balaca olan bild lillidir soldaki isə ilk barbiedir. Barbie filmi başlayarkən soldakı barbienin sarışın halıyla başlayır.
Barbie hərgünün eyni keçməsindən məmnunkən bir gün səhər oyandığında ölümlə bağlı düşüncəsi olur. Növbəti gün isə pəncə üstü olan ayaq artıq düz yerə dəyir, narahatçılıq hissləriylə tanış olur. Bunun üçün barbie dünyasında qəribə adlandırılan barbienin yanına gedir. Orada əsl dünyaya dönməsini, onunla oynayan uşağl tapmalı olduğunu deyir qəribə barbie. Əlqərəz bu barbie real dünyaya kenlə bərabər gedir. Barbie insani hisslərlə tanış olarkən kendə ataerkil cəmiyyəti, kişilərin qadınlar üstündəki basqısını, bir sözlə dəxlisiz şeylər kəşf edir və bunu da barbie dünyasındakılara danışaraq kenlər dünyasının təməlini qoyur. Bizim barbie'sə insanlar kimi qarışıq düşüncələrin, hisslərin altında çabalamağa özünü toparlamağa və təkrar öz sahibiylə bərabər barbie dünyasına dönərək düzəlməyə hədəfləyir. Barbie dünyasına gələndə isə ken dünyasının olduğunu, barbielərin kenlərə pivə təklif etdiyini, kenlərin hakimlik qurduğunu görüb tipik barbie yıxıımasıyla ümidsizliyə qapılır. Bu zaman onun köməyinə onunla oynayan qadın gəlir.
Ən sonda hərşey düzəlir, barbie insan olmağı seçir və ginekoloq yanına müayinəyə gedir.

Əslində daha çox detallara enə bilərdim ancaq izləməyə dəyər film olduğu üçün təkcə oxuyaraq keçməyinizi tövsiyyə etmirəm.
izlədiyim saytın linkini qoyuram ancaq birdə sinema zalında da izləməyə gedəcəyimi xüsusilə qeyd edirəm.
link

ölümü qəbullanmamaq

ölümü qəbullana bilməməyin əslində çox normal olduğunu və bunun bir yas mərhələsinin ilkin parçası olduğunuzu bildirdinizmi?
sevdiyimiz birini itirdiyimizdə, ayrıldığımızda, dəyərli birinin vəya mənəvi olaraq dəyərli bir əşyanın itkin düşməsi yas mərhələsinin başlanmasına səbəb olur.
yas mərhələsi nin ümumi 5 mərhələsi var.
1. ölümü qəbullanma bilməmək
2. günahlandırma
3. mübadilə
4. depressiya
5. qəbullanmaq

ölümü qəbullana bilməməyimiz əsasən ani ölüm hallarında baş verir. Uzun müddət xəstəlikdən əziyyət çəkən vəya həkimlərin müddət qoyduğu insanların ölümlərinin qəbullanması 1 aydan qısa müddətə baş verə bilir.
nə qədər yasla bağlı adət-ənənələrimizdə əskiklər olsa da bu mərhələni daha rahat keçirməyimizdə də qismi faydası var. Necə?
ilkin olaraq, ölən şəxsin yaxınlarının semaşkaya getməsi və ölən şəxsi yuması. Nə qədər travmatize olmalarına səbəb olsa da bu onların qəddarcasına səslənsə də ölümü qəbullanmalarına kömək edir.
Ölən adamın 1 gün boyunca evində qalması adəti də həmin şəxsin artıq var olmadığını, son dəfə gördüyümüzü ağrılı da olsa qəbul etməyimizə kömək edir.
bilavasitə yaxınlarının iştirakı ilə torpağa basdırılması da eyni şəkildə təsiri var.

adət-ənənənin mənfi tərəfinə gəldikdə isə yas yaşayan insanlara qarşı "güclü ol, ağlama, artıq yükün daha çoxdur;" kimi düşüncələri aşılamağa çalışmalarıdır. Məhs bu uzanmış yasın yaranmasına tətikləyici faktordur.
digəri isə dini baxımdan tələb olunan ehsanların, yemək verilmə kimi məsələlərin ölən şəxsin 1-ci dərəcəli yaxınları tərəfindən olmasını istəməkdir. Onsuzda yaralı bir insan varkən , o yara dayanmadan qanayarkən bu şəkildə onları yormaq, incitmək, duyğularını basdırmalarına səbəb olur.
Yasın qəbullanmamaq mərhələsi qadınlar üçün çətin keçdiyi düşünülsə də kişilərdə daha çətindir. Çünki, mentalitetimizin kişilərə dayatdığı etiketlər onların psixoloji olaraq 2 qat zərbə almalarına və əziyyət çəkmələrinə səbəb olur. "Sən kişisən, ağlama!; Kişi dediyin sərt olar!; özüvü saz tut anan-bacına sən dayaq olmalısan!" və s.

Ölümü qəbullanmaqda çətinlik yaşanması və yasın uzanmasında əsas səbəblərdən birisi də ani ölümlər, itkinlərdir. Əgər ki, ölən şəxsin yaxınları kobud dildə ölü olaraq görməyibsə ən çətin məsələ başverdi deməkdir.
Pandemiya zamanı bir çox insan dünyasını dəyişdi. ilk zamanlar ölən insanların basdırılma anlarında belə yanında olmağa icazə verilməməsi bugün hələdə uzamış yas yaşayan insanların olmasına səbəbdir. Çünki "belirsizlik, insanlığa yapılan en büyük işgencedir"
bu insanlar ölən şəxsin öldüyünü qəbullanmır, qəbullandığını düşünsə belə içdən-içə o şəxsin uzaqlara getdiyini, ölmədiyini belə düşünə bilir. gündəlik həyatlarında o şəxsə bənzəyən insanları o zənn edə bilirlər. yaxınlaşdıqlarında isə həmin şəxs olmadığını gördüklərində ağır depressiv şikayətlərinin ortaya çıxmasına səbəb olur.
qısaca yasın digər mərhələlərini də qeyd edim.

2-ci mərhələdə günahlandırma, əsəbilik baş verir. Ölən şəxsin yaxınları başqalarını günahlandırır, qisas hissiylə yanıb tutuşur. Çox zaman Allaha qarşı üsyan edir, "niyə o?!" suallarıyla inancları həmin zamanlar zəifləyə bilir. Bu mərhələdə insanların verdiyi reaksiyalar imansızlıqdan vəya qudurmuşluqdan deyil, tamamən çox təbii və olması gərəkən bir reaksiya olduğunu başa düşmək, həmin insanlara qarşı gəlməmək lazımdır. günahlandırma mərhələsi qısa müddət davam edir və sonrakı mərhələyə keçid başlayır.
3-cü mərhələ mübadilə . Bu mərhələdə insan ətrafındakılara qarşı həddindən çox həssaslaşır, "ya o da ölərsə?; ya o da xəstələnərsə?" düşüncələri formalaşır. Həddindən çox müdaxilələr edir, qorumağa çalışır. Əsasən insanlar bu mərhələdə həmçinin ölən insanla bağlı özünü eyniləşdirməyə, oxşar xüsusiyyətlər taparaq eyni sonluğa sahib olacağı inancına da düşə bilir.
4-cü mərhələ depressiya mərhələsidir. Artıq yavaş-yavaş ölümü qəbullanmağa başlayır. Ancaq yenə iç çatışmaları, birilərinə bənzətmə, üsyanlar, insanları qorumağa çalışması, ümidsizlik, çökkünlükdə özünü göstərir. Depressiya mərhələsindən qorxmamaq lazımdır. Bu mərhələdə heç bir şəkildə depressiyaya qarşı psixiatrik dərman müalicəsi və psixoterapiya olmaz! Duyğuların azad olmasında, yasın ağır mərhələlərinin tamamlanmasında səbr əsas məsələdir. Dərmanlar və psixoterapiyalar yasın qısa müddətli olaraq ertelenmesinə və sonraki zamanlarda təkrar ortaya çıxmasına səbəb olur.
sonuncu mərhələsə isə qəbullanma mərhələsidir.

Əgər ki, 6 aydan çox davam edən yas varsa bu zaman kliniki olaraq uzamış yas diaqnozu qoyulur və depressiyaya qarşı dərman müalicəsi başlanılır. 1-2 ay sonra isə şəxs toparlandığında psixoterapiyayla tamamən uzamış yas bitir.

azərbaycan toylarının olmazsa olmazı

uzun müddət ağzı göyçəklər tərəfindən danışılsın deyə, 30 dəqiqə fonaqramayla bahalı paltarlarını toydakı insanlara nümayiş etdirmələri üçün pop tərzi oxuyan müğənnilərin çağrılması, həmin müğənniləri çağırmağı da fəxr bilmələri düşünürəm ki bizim millətin toylarında əsas olmazsa olmazıdır.
Bugünə kimi "populyar-bahalı" bir çox müğənninin iştirak etdiyi toylarda olmuşam, biri belə canlı oxumayıbdır. insanlar ancaq əllərinə telefon alıb onları çəkir, bəzən müğənnilər gəlinlə bəyi də yanına rəqqas kimi çağırıb özünü bir də elə reklam edir.
Millət olaraq həqiqətən anlamağımız gərəkən çox şey var, bunlarında başında pulu düzgün və məntiqli xərcləməkdi. Aygün, röya, zamiq, tünzalə, afaq və s. kimi bahalı müğənnilərə 30 dəqiqə oxumaları üçün minimum 3000 manat verəcəklərinə , canlı konsertlərinə maksimum 100 manat verib 2 saat dinləyə bilərlər. Ən absurd tərəfi isə çağırdıqları müğənnilərin çox mahnısı heç toyda oynamağa uyğun gəlmir, ancaq əlinə telefonu al çək müğənnini, sonra get ancaq flankəsin toyu bahalıydı de prinsipiylədi.

benzodiapezin yoxsunluq sindromu

Benzodiapin tərkibli dərmanları özbaşına kəsilməsi nəticəsində ortaya çıxan sindromdur. Bu sindroma sahib şəxslər ya öz şəxsi istəkləri ilə yada psixiatrın yazdığı reseptə uyğun olaraq istifadə edib anidən kəsilməsiylə yuxu pozulması, əsəbilik, generalizə olunmuş təşviş, əl-ayaqlarda şiddətli titrəmələr, tərləmə, diqqətin fokslaşmasında yaşanan problem, qusma, mədə ağrısı, ürək ritminin artması, baş ağrıları, baş gicəllənməsi, ağırlaşmış vəziyyətlərdə psixoz, nonepileptik nöbetlər , derelizasiya və hallisünasyonlarla özünü göstərir.
Nə üçün?

Benzodiapezin beyində seratoninin ifraz edən hər bir şeyi kəskin oyandırır. istifadə edən şəxslərdə xalq dilində xoşbəxtlik yaşamalarına, təşviş vəziyyətlərinin kəskin azalmasına, rahatlaşmalarına kömək edir.
Benzodiapezin tərkibli dərmanlar minimum 3 möhürlü reseptlə satılır.
Asılılıq yaratma dərəcəsi yüksəkdir , buna görə də istifadəsi 1 aydan çox olmamalıdır. Xəstələrdə ən çox görülən problem isə dərmanı kəsmək istəməməlidir.
1 aydan çox istifadə zamanı həmin xəstə benzodiapezin asılılığı diaqnozu ala bilər.

Praktiki təcrübəmdə rastlaşdığım xəstə 7 ildən çox idi ki, benzodiapezin qəbul edib. 5 gün öncə səyahət üçün bakıya gəlir, dərmanları yanında almağı unudur. ilk gün hərhansısa problem yaşamır ancaq səhəri gün yuxarı yazdığım əks təsirlərin hər birisini əvvəlcə yüngül dərəcəli sonra isə orta-ağır dərəcəli yaşamağa başlayır. Xəstəxanaya gəldiyində isə ağır dərəcəli vəziyyətdə gəlir. Təəccüblü hissə isə budur ki, benzodiapezini tam 7 ildir gündə 3 dəfə istifadə edirmiş. (Xarici ölkədə həkim yazıb)
Xəstə ilə konsultasiyada travmatizə olduğu hadisələri xatırladığında nonepileptik nöbetlərində artış var idi. Bu da onu göstərirdiki, müalicəsi tam deyil, sadəcə simptomların azaldılması, basdırılması şəklində aparılıbdır.
Əziz sözlük, əgər bir gün psixiatr sizə benzodiapezin tərkibli dərman yazarsa dərman istifadəsinin 1 aydan çox çəkməməsinə diqqət yetirin. Həkimin təyin etdiyi azaltma dozlarıyla dərmanı azaldaraq kəsmək lazımdır. Anidən kəsildiyi zaman 1 aydan az istifadə etsəniz belə yenə eyni əks təsirləri yüngül vəya yüngül- orta dərəcəli yaşaya bilərsiniz.
Dərmanın asılılıq yaratmağı yalnız 1 aydan çox istifadəsində və anidən kəsilməsində yaranır.

Fiziki sağlamlığınızı qorumaq üçün öncə psixoloji sağlamlığınızı qorumağı unutmayın!

yemiş

Yayın ən möhtəşəm meyvəsi olan yemiş, balqabaqkimilərin gövdəli bitki növünün meyvəsidir. Elmi adı cucumis melodur.
Vətəni misir kimi düşünülsədə, iran, hindistan ,orta asiya və afrika da vətəni olaraq görülür
Yemiş ən çox kalsium 9 mg və c vitamini 36.7 ilə zəngindir, bununla bərabər dəmir, b1, b2, b5, b6 vitamini, magnezyuma da sahibdir. Həmçinin dərimizin uv şüalarına qarşı qoruyan yüksək miqdarda e vitamininə də sahibdir.
Ümumi yağ dəyəri 0,2 gr , karbonhidratı isə 8 gr dır. Bu karbonhidratında 7.86 gr'nı glukoza, fruktoza və saxaroza təşkil edir.
Buna görə də şəkər xəstələrinin az yeməyi hətta demək olar ki, heç yeməməyi tövsiyyə olunur. Ancaq ümumən çox faydalı meyvədir.
Mütəmadi olaraq istifadəsində c vitamini ilə immun sistemimizi gücləndirir, damar tıxanması, təzyiq kimi problemlərinə, böyrək daşlarının və duzların düşməsinə, yuxu və sinirlilik problemlərinə , göz quruluğuna, saç quruluğuna, qəbzliyə, revmatizmaya və dəri nəmlənməsinə qarşı effektiv təsir göstərir. Əsas məsələsi həddindən çox yeyilməməsidir. Gündə 3 dəfə yeyilə bilər, o şərtlə ki dilim sayı hər birində 2'ni keçməməlidir.

havana sindromu

amerikalı mütəxəssizlərin araşdırmalarına görə istiqamətləndirilmiş zərbəli radyo frekans enerjisi ( sonic attack) olaraq adlandırılan sindromdur.
Havana sindromunu ilk dəfə 2017-ci ildə havana şəhərindəki amerika səfirliyinin nümayəndələrində ortaya çıxmışdır. Amerika bu hadisəni bir akustik zərbə olaraq bildirsə də əldə tutulan ,gözlə görülən bir dəlillərin olmamasına görə fərziyyə olaraq qalmaqdadır. Bu hadisədən Sonra çin və bir neçə ölkədə də bu sindromu yaşayan amerikalı səfirlik işcilərinin olduğu bildirilmişdir.
Havana sindromu baş dönməsi, kəskin qulaq ağrısı, sızlaması, ürək bulantısı, qusma , qaməti ani olaraq itirmək, eşitmənin itməsi, migren və vertigo qarşımı nevroloji xəstəlik simptomları olaraq özünü göstərir.
Özəlliklə amerika səfirlik nümayəndələrinin başına bu hadisənin gəlməsi, amerika dövləti üçün bir təxribat olaraq görməsinə və bununda kökündə rusiyanın durduğunu düşünməsinə səbəb olur. Son araşdırmalara görə də havana sindromu yaşayan işçilərinin 100 nəfərindən 40-da beyin mrt-də patoloji izləmələr görünübdür.
sifarişi verən: Aşmış kamazın şoferi

panendeizm

panendeizm, platon, bruno,hegel, mevlananın fikirlərindən ilhamlanaraq ortaya çıxan fəlsəfi və teoloji bir baxışdır.
pandeizm ə bənzəyən, kainatı tanrı olaraq görən ,ancaq pandeizmdən fərqli olaraq yaranan bütün hərşeyin tanrının bilavasitə özündən bir parçalar olaraq yaratması anlayışıdır.
pandeizm də hərşey tanrıdır.
panendeizmdə yaranan hərşey tanrıdandır.
Bu inanca görə ruhun əsas məqsədi bədəni tərk etdiyində təkrar tanrı halına dönməsidir. Ruh bədəndə var olduğu zamanlarda isə o tanrı deyildir.
onlar üçün tanrı və kainatda olan hərşey həm dəyişən həm stabil, həm sonlu həm də sonsuzdur.
sifarişi verən: Aşmış kamazın şoferi

derealizasiya

tam olaraq yaranma səbəbi bilinməsədə, müasir neyropsixiatri araştırmalar nəticəsində sağ ventral prefontral korteks də yaranan problemlə ortaya çıxa bilən , şəxsin özünə qarşı yadlaşması, özünü "bu bədənə aid deyiləm" düşüncələrinə qapılması, özünü və həyatını kənardan izləyən 2-ci şəxs olaraq düşünməsinə səbəb olan qavrayış problemi olaraq adlandırılır.
Bu şəxslər özləri ilə bağlı kritik və kəskin vəziyyətlərə qarşı vecsiz, hissiz ola bilir, özlərini anlamaqda, bədənlərini tanımaqda , yaşadıqları həyatda sahib olduqları rolu dərketməkdə çətinlik çəkə bilirlər.
Akut stress pozuntusu və travma sonrası stress pozuntusu yaşayan insanlarda sıx-sıx rastlansada, xroniki ağırlaşmış depressiya -ya sahib şəxslərdə də rastlana bilir . Əsasən gənc vəya orta yaşlarda ortaya çıxsada yaşlı insanlarda da demensiya nın başlanmasıyla bərabər paralel şəkildə mövcud ola bilir.
Müalicə və profilaktikasında psixoterapiyanın rolu böyük olsa da, ilkin mərhələnin psixiatrik dərman müalicəsiylə getməsi lazımdır.

Derelizasiyanın ağırlaşmış forması isə depersonalizasiya-derelizasiya halıdır.
(bax: depersonalizasiya )
(baxma: depersonalizasiya-derelizasiya )
sifarişi verən: catasterismi

ortoreksiya nevrozu

günümüzdə çox insanda ortaya çıxan ortoreksiya nevroza, sağlam qidalanmağa qarşı şəxsin özündə yaratdığı obsessiyalardır. Sağlam qidalanacaq deyə, hərcür marketləri gəzir, hər məhsulun tərkibini ən incə nöqtəsinə qədər araşdırırlar.
ilk dəfə Steven Bratman tərəfindən 1997-ci ildə bu termin işlənməyə başlaşmışdır.
Mənbələrdə bu psixoloji pozğunluq, yemək pozğunluğu növü vəya obsessiv kompulsiv pozğunluğu olaraq sistemləşdirilir.
Hər iki xəstəliyə aid olmasındakı əsas səbəb , yemək pozuntusu kimi dəyərləndirildiyi zaman durmadan sağlam yemək yeməyə çalışmaq, ancaq tərkibi saf qidalar qəbul etməyə çalışmaq; obsessiv kompulsiv pozğunluq olaraq isə "sağlam qidalanmalıyam" düşüncələri ilə yaranan ancaq təbii tərkibli qidaları araşdırmaq, almaq, istifadə etməsi, sonralar isə yediyi qidalara qarşı şüphəciliyin artması, təmiz olub-olmamasına, həqiqətən sağlam olub-olmamasına qarşı yaranan şüphələrlə təkrarlayıcı yoxlamalar etməsidir.
amerikada aparılan bir araşdırmada 6.9-57.6%, xüsusi qruplarda isə 81.1% insanlarda bu problem görülübdür.
Ortoreksiya nevrozanın günümüzdə aktuallaşmasında və çox insanda görülməsində əsas səbəb, medyanın insanlara aşılamağa çalışdığı gözəllik düşüncəsidir. Arıq olmaq üçün sağlam qidalanmağı, üzün məxmər kimi olması üçün tərkibi saf qidaların tükətilməsi lazım bilinməsi, günlük həyatımızda istifadə etdiyimiz qida məhsullarının tərkiblərinin kimyəviləşdirilməsi, xərçəng və rəngli boya maddələrinə sahib qidaların tükədildiyi ilə bağlı cəmiyyət arasında bir düşüncənin formalaşmasına görə düşünülür.
Müalicə və profilaktikasında həm cognitive bihevioral terapiya həm də obsessiv kompulsiv pozuntu və yemə pozuntularında istifadə olunan psixiatrik dərmanlar effektiv təsir göstərir.

qəribə təsadüflər

20 dəqiqə öncə baş verdi. Öncə evə qayıtma avtobusumun tam 30 dəqiqə gec gəlməyi sonra avtobusdan düşüb binaya qədər gedərkən yoldan 5 manat tapıb özümə çipsi qonaqlığı vermək üçün məhlənin başındakı al marketə getməyim və marketdən çıxdığım an uşaqlıq dostumu ağ gəlinlik içində blokdan enərkən görməyim oldu.
Hər zaman mindiyim avtobus sadəcə bir ədəd yox bir neçə ədəd olaraq dayanacaqda dayanırdı ancaq bugün yox idilər. Heç vaxt yoldan pul tapmayan mən bugün yoldan pul tapıb çipsi almağı seçdim. Bəlkədə o avtobus hərzamanki vaxtında gəlsəydi 5 manat tapıb çipsi alıb çıxdığımda uşaqlıqda canımdan da çox sevdiyim dostumu görməzdim.
Ən əsası isə o qıza yeniyetməlik zamanımda ürəkdən səni gəlinlikdə görsəm kaş dediyimi net xatırlayıram. illər keçdikcə çox insanda olduğu kimi bizimdə əlaqəmiz tamamən kəsilmişdi ancaq həyat yenə qərinə təsadüfüylə məni həm sevindirdi həm kövrəltdi.

prozac

fluoksetin təsir maddəsinə sahib olan , antidepressan dərman qrupunun atasıdır deyə bilərik prozac üçün.
1972-ci ildə yaradılan və 1986-cı ildən etibarən psixiatrik xəstəliklərin müalicəsində effektiv rol oynayan prozac, əsasən depressiv şikayətlərdə, kompulsiyalarda,təşviş pozuntularında və adhd bizim dildə isə diqqət və hiperaktivlik pozuntusu olaraq bilinən xəstəlikdə istifadə oluna bilir.
SSRi grupuna aiddir və əsas olaraq duyğu durumunuzu stabilizə etməyinizə kömək edir.
hər antidepresan dərmanı kimi prozacında əks təsirləri ola bilir. Əsasən iştahda dəyişiklik, ürək ritmində artış, yuxuda azalma, ürək bulanma və s. Dərmanın istifadəsinin 10-14-cü günündən sonra əks təsirləri də azalmağa başlayır.
Prozacın ilk qəbulu zamanı placebo yəni aldadacı təsiri ola bilər. ilk zaman zaman yaxşılaşma halında dolayı qudurub dərmanı kəsməmək lazımdır qısaca.
ilk dəfə müalicə başlayıbsa 4-6 ay dərmanın mütəmadı təsir dozasında qəbulu mütləqdir, sonraki zamanlarda şikayətlərdə azalma vəya artmaları nəzərə alıb müalicənin davamı necə olacaq planlaşdırılır. Əgər ikinci dəfə başlamısızsa o zaman dərman müalicəsi 1-2 ilə qədər uzana bilər.
Prozacın seratonin üzərindəki müsbət təsiri sinklomatik bipolyarlarda və hafif-orta adhd diaqnozu olanların yaşadığı depressiv ataklarında effektiv rol oynaya bilir.
adhd üçün təsiri mükəmməldir deyə bilərəm. Gələn depressiv ataklarımın anidən olmasa da yavaş-yavaş amma daha səliqəli şəkildə azalmasına və daha optimist, enerjili, hiperaktiv və diqqətin mərkəzləşməsinə də kömək etdiyini qeyd etmək istəyirəm.
Bəzən insanlar psixiatrik dərmanların istifadəsinə qarşı önyarğılı davrana bilir. Unutmamaq lazımdır ki, həkim nəzarəti ilə kəsilən dərmanların asılılıq yaratma ehtimalı çox azdır.
Əgər həkim bunu sizə uzun müddətli istifadə olaraq yazıbdırsa və ya müalicə müddətində dərmanı içməkdən bezirsinizsə özünüzə "necə ki şəkər xəstəsinin insulinə ehtiyacı var mənimdə seratoninə ehtiyacım var." deyin.
Sadəcə bədən deyil, ruhumuzunda xəstələnə bildiyini və bədənimiz kimi onunda kənar dəstəyə ehtiyacı olduğunu unutmamalıyıq.

e-devlet

2008-ci ildə Recep tayyip erdoğanın icazəsiylə açılan günümüzdə elektron hökumətin türk versiyası olan saytdır. Özəlliklə türkiyədə oxumaq vəya yaşamaq fikriniz varsa e-devletinizin olmağı hər baxımdan mütləqdir.
E-devlet almaq üçün ilk olaraq oturum icazənizin olmağı və ən əsası yabancı kimlik kartınızın olmağı mütləqdir. Bununla bərabər sizin adınıza nömrənizin olmağı da vacibdir. Sonra ptt yəni poçt xidmətinə yaxınlaşırsınız vəe-devlet şifresi istədiyinizi bildirməyiniz lazımdır. Vəsiqənizi təqdim etdikdən sonra 4tl ödəyirsiniz. Əməkdaş həmin dəqiqə telefonunuza e-devletə daxil ola biləcəyiniz şifrəni yollayır.
sayta girdiyinizdə yeni şifrə yazmağınız və onu heçkimlə paylaşmamağınız lazımdır. (bax: dələduzluq )
e-devletin sizə faydaları çoxdur, bunlar içində ən vacib olanları isə sizin bütün məlumatlarınızın orada olması və hər sənəd üçün ayrı-ayrı mərkəzə getmək yerinə tək sistemlə hərşeyi həll edə bilməyinizdir.
Günümüzdə bir çox təlim mərkəzləri bildiyiniz kimi e-devlet onaylı sertifikalar verməkdədir. Aldığınız sertifikatın türkiyə daxilində tanınması və ən əsası sizə sertifikat verən qurumunda dövlət tərəfindən tanınan bir qurum olması baxımından önəm daşıyır. Məlum məsələdir ki, pandemiya zamanı hər yerindən duran təlimçi olub sertifikatlar payladığı üçün düşünürəm ki, azərbaycanda da asan imza təsdiqli sertifikatların verilməsi lazımdır.
Təhsil aldığınız müddətdə e-devletdə sizin təhsil həyatınızla bağlı demək olar ki hərşey qeyd olunur. Əgər sistemdə görünmürsə universitetinizə gedib yabancı kimlik nömrənizi yenilətməyiniz mütləqdir.
Eyni zamanda günümüzün xaricdə təhsil şirkətlərinində bəzən türkiyədə qiyabi təhsillə oxuyacağınızla bağlı vəədlər verə bilir. Dedikləri universitetlərin e-devlet tərəfindən qiyabi olaraq tanınıb-tanınmadığını, həmçinin elə proqramın olub olmadığını da müəyyən etməyinizdə kömək edir bu sistem.
Əlavə olaraq isə digər üstünlüyü resept itirmək qorxunuzun olmamağıdır və həkim olaraqda yazdığınız dərmanın verdiyiniz sayına görə məsuliyyəti rahat daşıya bilməyinizdir. Sistemdə sizin online reseptiniz qeyd olunur və əczaçılar sizin kimlik nömrənizi alaraq adınıza olan resepti tapıb dərmanlarınızı həkimin yazdığı qədər sizə təqdim edir.
Uzun sözün qısası bəsit amma bir o qədərdə çox faydalanacağınız bir sistemdir.