dissection

Əvvəlcə 1989-1997 sonra 2004-2006-cı illər arası fəaliyyətdə olmuş, Strömstad, isveçdə qurulmuş Melodic Black Metal qrupudur. Dissection Melodic black metal janrının ən məşhur qruplarından biri olaraq tanınır. Jon ilk albomları olan The Somberlain-i yazanda 17-18 yaşlarında idi. Qrup fəaliyyətdə olduğu dövr boyunca da cəmi 3 albom yayımlaya bildi. Buna baxmayaraq, hələ də melodic black metal deyiləndə ağıla ilk gələn qruplardan biridir Dissection. Hələ də bir çox qrup onun ifalarından ilhamlanaraq albomlar yazmağa davam edir.
1997-ci ildə qrupun dağılma səbəbi isə Dissection-un yaradıcısı olan Jon Nödtveidtin 38 yaşlı Əlcəzayirli homoseksual Josef Ben Meddourun ölümündə təqsirkarlardan biri olaraq 10 illik həbsə məhkum edilməsi idi. 2004-cü ildə həbsdən çıxdığı kimi qrupu yenidən qurdu. Ancaq, 2006-cı ildə Jon intihar etdikdən sonra isə qrup da təbii olaraq dağıldı. Bədəni şamlarla çevrili bir dairənin içində tapılmışdı və yanında deyilənlərə görə Satanic Grimoire kitabı var idi. intihar səbəbinə gəldikdə isə Jon satanist idi və Dissection ilə yaratdığı musiqini bir növ insanlara fikirlərini çatdırmaq üçün bir yol kimi görürdü. Onu tanıyanların fikrincə özünü öldürmə səbəbi də budur ki, artıq bu həyatda əldə etmək istədiyi hər şeyi əldə etmişdi və artıq onun getmə vaxtı gəlmişdi.

mastodon

2000-ci ildə Atlanta, Georgia, ABŞda yaranmış Sludge/Progressive Metal qrupudur. ilk bir neçə albomlarında daha sərt bir musiqiləri var idi. Dövr keçdikcə musiqilərində yumşalma baş versə də öz tərzlərini qoruyub saxlamağı həmişə bacarıblar. 90-larda başlayan və 2000-lərin əvvəlində bir az da yayılan NWOAHM* new wave of American heavy metal -in əsas qruplarından biri idi Mastodon. Hal-hazırda festivalların əsas headliner qruplarından biri kimi görünürlər. Yarandıqları gündən bu yana bir dəfə belə üzv dəyişikliyi yaşanmayıb qrupda. ilk dörd albomlarında sözlərində bir konsept var idi amma The Hunter albomuyla bərabər konsept albom stilindən çıxıb, bir albom içində bir çox tema üzərinə ifalar yazmağa başladılar. Ailə üzvlərinin ölümündən öz şəxsi həyatlarındakı problemə qədər. Qısaca desək The Hunter-dan sonra daha öz həyatlarında baş vermiş hadisələr üzərinə sözlər yazmağa üstünlük verdilər.
Yeni albomları Hushed and Grim 29 oktyabrda yayımlandı və Emporer Sand albomuyla başlayan ifalarındakı nikbinlik, qaranlıq abu hava bu albomda bir az daha özünü göstərir. The Hunter və ya Once More 'Round the Sun-daki dinamik ifalar yerinə artıq tamam fərqli bir yolda irəliləyirlər.

ariana grande

Son illərdə pop/r&b janrında hər halda ən çox dinlənilən ifaçılardan biridir. Xüsusilə thank u, next və positions albomunda hit/cathcy sayılacaq bir çox mahnı var. Sweteener albomundan bu yana isə mahnılarında trap janrına daha çox meyl etməyə başladı. Səs tonundakı şirinlik çox az ifaçıda var. Başqa biri oxusa adi sayılacaq bir ifanı sırf səsinə görə bir anda hit mahnıya çevirə bilir.

dua lipa

ilk albomu daha tipik elektronik elementlərlə dolu pop/r&b qarışımı idi. New Rules kimi hit ifaları olsa da digərlərindən çox fərqlənmirdi. Yəni, tam bir mainstream albomu idi. ikinci albomu future nostalgiada isə tamamilə fərqli bir yol seçdilər. ifaların əksəriyyəti 70-lərin disco, 80-lərin dance pop ritmləri üzərinə qurulub. Təbii ki, bunlara əlavə olaraq ifadan ifaya funkdan r&b-yə house-dan electropopa qədər bir çox janrla sintezlər var. Hər ifaçı ilk albomdan belə məşhurluq qazanandan sonra bir anda belə ciddi dəyişikliyə getməyə risk etmir. Ancaq nəticədə ikinci albom daha da çox bəyənildi. Ara yerdə 13 avqustda Elton John ilə Cold Heart (Pnau remix) single ifası ilə yenidən chartlarda ilk sıralara yüksəldi.

olivia rodrigo

Billie Eilish ilə birlikdə mainstream musiqinin yeni üzlərindən biri olma yolunda Sour albomuyla ilk addımı atdı. Albomda indie popdan alternative rocka, pop punka qədər bir çox janrdan elementlərindən olduğu ifalar mövcuddu. Sözlərinə gəldikdə bu yaşda albom çıxardan əksər indie pop ifaçısı kimi Sourda da sözlər daha çox alınmamış bir münasibət üzərindən gedir. Sadəcə sözlərinin bu qədər sevilməsinin səbəbi ondadır ki, metaforlar filan istifadə etmək yerinə, baş vermiş hadisəni olduğu kimi danışır. Son illərdə belə sözlərini ifaçının özünün yazdığı albomlar daha çox bəyənilir. Hər halda dinləyiciyə də səmimi gəldiyi üçün ola bilər.

khemmis

2012-ci ildə Denver, Colorado, ABŞda yaranmış Doom Metal qrupudur. ilk çıxdıqları dövrdə daha stoner/Sludge/Doom qarışımı bir musiqiləri olsa da çox qısa bir müddətdə bunu daha çox Heavy/Doom metala çevirdilər. Çıxartdıqları debut EP albomlarından sonra 20 buck spin şirkətiylə müqavilə bağladılar və ilk 3 albomları da bu leybl adı altında çıxdı. Xüsusilə də 2016-cı ildə çıxmış Hunted adlı albomlarıyla bir anda ən çox adı çəkilən qruplardan biri halına gəlmişdi Khemmis. 2020-ci ildə də Nuclear Blast şirkətinə keçid edərək artıq festivallarda headliner qrupu olma yolunda ciddi addımlar atmağa başladılar. Yeni və dördüncü albomları Deceiver isə 19 noyabr 2021-ci ildə işıq üzü gördü.

pallbearer

2008-ci ildə Little Rock, Arkansas, ABŞda yaranmış Doom Metal qrupudur. Traditional Doom Metalin tamamilə undergrounddan o tərəfə keçə bilmədiyi dövrdə yenidən nəfəs aldırdı janra. Candlemassın davamçısı kimi görünsələr də mistik ifalarından albom üz qabıqlarına qədər həmişə özlərinə xas bir üslubları var idi. Yəni, sadəcə bir demo sayəsində Profound Lore Records kimi bir şirkətlə müqavilə bağlamaqla da hər qrupun işi deyil. Bu leyblda da cəmi 2 albomları çıxdı və oradan daha da mainstream olan Nuclear Blasta keçid etdilər. Buna baxmayaraq, musiqilərində qətiyyən dəyişiklik yaşanmadı, öz janrları daxilində çıxartdıqları 4 albom boyunca hər albomda daha fərqli bir tərəflərini dinləyəcilərə çatdırmağı bacardılar.

monolord

2013-cü ildə qurulmuş, Gothenburg, isveç çıxışlı Stoner/Sludge/Doom Metal qrupudur. Windhand, Khemmis, Pallbearer kimi qruparla birgə son illərdəki doom metal janrının yenidən məşhurlaşmasında rolu olan qruplardan biridir. Bu günə qədər 5 albomları çıxmışdır və sonuncu albomları olan Your time to shine 29 oktyabr 2021-ci ildə yayımlandı.

lucifer

2014-cü ildə The Oath qrupu dağıldıqdan sonra vokalist Johanna Sadonis tərəfindən qurulan Heavy/Doom Metal/Occult/Hard Rock qrupudur. Bu günə qədər 4 albomları işıq üzü görüb.
Black Sabbathdan Fletwood Maca qədər qrup bir çox 60 və 70-ci illərin qruplarından ilham alır ifalarından. Mahnıların yazımı vaxtı da çalışdıqları qədər o retro havanı qorumağa çalışırlar. Məsələn sırf buna görə ilk albomlarını analoq aparaturalarla yazmışdılar. Johanna okkultla maraqlanan biri olduğu üçün qrupun ana teması da bu atmosferdədir. 7 rəqəmi də onun üçün xüsusi bir rəqəmdir. Məs. Lucifer sözündə 7 hərf var, bundan əlavə hər albomda da 7 ilə əlaqəli bir şey tapmaq mümkündür.

Bring me his head:

(youtube: )

barbara pravi

Əsl adı Barbara Piévic olan Fransız ifaçı, bəstəkar və aktrisadır. Atası yarı Serbiyalı yarı Əlcəzayir yəhudisi, anası isə yarı Polyak yəhudisi yarı iranlı mənşəlidir. Babası* anasının atası isə məşhur rəssam Hossein Zenderoudidir. Əsl adı Barbara Piévic olsa da səhnə adı olaraq Barbara Pravi-ni istifadə edir. Pravi-ni də Serbiyalı babasının* atasının atası xatirəsinə seçib.

ifaçı olaraq bu günə qədər 3 EP albomu və 1 full albomu çıxmışdır. ifaları daha çox chanson və pop janrlarındadır. Bəstəkar olaraq isə Yannick Noah, Julie Zenatti, Chimène Badi və Jaden Smith kimi ifaçılar üçün mahnılar bəstələyib. 2020-ci ilin uşaqlar üçün olan junior eurovision müsabiqəsinin qalibi Valentine adlı ifaçıya qələbəni gətirən J'imagine ifasını da Barbara bəstələmişdi. Barbara-nı isə əksər insan 2021-ci ildəki Eurovision yarışması sayəsində tanıdı. Müsabiqədə Voilà adlı ifası ilə ikinci yerə qazandı.

Louis:

(youtube: )

carpenters

1969-1983-cü illər arasında fəaliyyətdə olan, Richard Carpenter və Karen Carpenter tərəfindən qurulmuş Amerikan pop/ soft rock qrupudur. Yumşaq musiqiləri və Karenin özünəməxsus səsiylə dövrünün ən məşhur qruplarından biri idi. 14 illik kariyeraları boyunca 10 albomları çıxmışdır. Təəssüf ki, 1983-cü ildə Karenin ölümündən sonra Richard qrupa davam etməmə qərarına gəldi. Özü də o dövrdən sonra yalnız bir solo albomu çıxartdı. Qrup nə qədər şöhrət qazansa da bacı və qardaşa da bir o qədər ziyanı oldu. Karen anorexiadan vəfat etdi, Richard da ağır tur planlarına görə həm depressiya, panik atak və insomniyadan əziyyət çəkirdi həm də Quaalude dərmanı aludəçisi idi. Problemlərinə görə illər boyunca dəfələrlə konsertlərini təxirə salmağa məcbur olmuşdular.

Xırda maraqlı bir məlumat. Carpenters qrupunun ilk albomunun orijinal adı Offering idi və 1969-cu ildə çıxmışdı. Ancaq, bacı-qardaş albom üçün çəkilmiş şəkilləri, albomun üz qabığını filan qətiyyən bəyənməmişdi və nəticədə albomun cəmi 18000 kopyası satıldı, bununla da A&M şirkətini ziyana salmışdı. Məşhurluqlarını isə 1970-ci ildə çıxmış ikinci albomları Close to you ilə qazandılar. Bu məşhurluqdan sonra ilk olaraq birinci albomlarındakı ticket to ride ifalarını single olaraq satışa çıxardılar. Bu single yaxşı satıldığı üçün ilk albomun həm üz qabığını həm də adını dəyişib Ticket to Ride edərək 1970-ci ildə yenidən satışa çıxardılar və albom bu səfər 250000-dən çox satıldı. Hal-hazırda albomun orijinal versiya plastinkasının qiyməti 200 azn-dən başlayır.

space

Space disco adlı bir dövr məşhurlamış elektronik, synth-pop ilə disco qarışımı olan janrın banisi sayılan qrupdur. 1977-1980-ci illər arası fəaliyyətdə olmalarına baxmayaraq, 1982-ci ildən sonra sırf konsertlər verərək fəaliyyətlərinə davam etmişdilər. Fransız qrupu olmasına baxmayaraq, öz ölkələrindən daha çox Avropanın sosyalist ölkələrində məşhurlaşmışdılar. Sırf Space adı ilə yox amma elə qrupun ifalarından ibarət setlist ilə Didier Marouani 1983-cü ildə Moskva, Leninqrad(indiki adıyla Sankt Peterburg) və Kiyevdə konsertlər vermişdi. Təbii ki, bu hər qrupa nəsib olmadığı üçün ölkələrinə qayıdan kimi 3 konsertdən də ifaların içində olduğu "Concerts en URSS" adı altında plastinkaları Fransada və yaponiyada Vogue şirkəti tərəfindən satışa çıxarıldı. Eyni albom 1996-cı ildə Avropa ölkələrində, Rusiyada isə yalnız 2002-ci ildə cd olaraq satışa çıxa bildi. 83-də çıxan plastinkaların qiyməti satışda od qiymətinə olduğu üçün Maschina Records adlı Rus şirkəti 2020-ci ildə plastinkanı yenidən çıxarmasına baxmayaraq, artıq yeni çıxmış plastinkaların belə qiyməti 80-100 manatdan aşağı deyil.

battle royale

Rejissorluğunu Kinji Fukasaku-nun etdiyi 2000-ci ildə çıxmış bir Yapon filmidir. Film özü isə 1999-cu ildə Koushun Takami tərəfindən yazılmış eyni adlı romanın adaptasiyasıdır. "battle royale" janrının banisi sayılır bu film. Filmin mövzusuna gəldikdə isə qısaca desək bir qrup məktəblinin Yaponiya dövləti tərəfindən ölüm oyununu oynamağa məcbur edilməsindən bəhs edir. ilk çıxdığı andan etibarən bir çox ölkədə siyasi fikirlərə görə yayımlanması qadağan olunmuşdu. Filmin haqqlarının sahibi olan Toei şirkəti 10 il boyunca filmin yayım haqqlarını Amerikan şirkətlərinə satmaqdan imtina etmişdi içindəki siyasi ideyalara və onlara qarşı açıla biləcək məhkəmələrə görə. 2010-cu ildə isə nəhayət Anchor Bay Entertainment aldı filmin Amerika tərəfi üçün haqqlarını.

Fortnite, PUBG kimi oyunlar və Hunger Games seriyası sayəsində bu janr yenidən məşhurlaşdı və Squid game ilə tamam pik həddə çatdı məşhurluğu amma çoxunun bilmədiyi nüans odur ki, bu janrın adı elə bu filmdən gəlir. Qərb ölkələrində yayımlanmasa da 2000-dən sonra Asiya ölkələrində bu janrda onlarla filmlər çəkilib.

alexis ffrench

1970-ci il təvəllüdlü Surrey, ingiltərədə dünyaya göz açmış Birləşmiş Krallığın ən məşhur modern pianistlərindən biridir. Alexis-i digər pianistlərdən fərqləndirən biri isə tipik klassik əsər strukturundan daha çox ifalarında klassika ilə soul/r&b janrlarını sintez etməsidir. 2006-cı ildən bu yana 11 albomu işıq üzü görmüşdür amma daha çox tanınmağa 2018-ci ildəki Evolution albomu ilə başladı.

Moments:

(youtube: )

time in a bottle

Jim Croce-nin 1972-ci ildə çıxmış You Don't Mess Around with Jim adlı albomundakı 8-ci ifadır. 1970-ci ilin dekabr ayında Jim-in həyat yoldaşı ingrid ona hamilə olduğunu deyəndən sonra Jim bu mahnının sözlərini yazıb. ABC Records albom çıxdığı dövrdə ifanı ayrıca single olaraq yayımlamaq niyyəti yox idi amma Jim-in 1973-cü ildəki vəfatından sonra single olaraq çıxartmaq qərarına gəldilər. Çünki, sözləri ölüm, həyatda bir az daha çox zamanın olması arzusu kimi fikirlərdən bəhs edirdi və Jim də erkən yaşda həyata gözlərini yumduğundan ifa artıq fərqli bir mahiyyət daşıyırdı. Chartlarda çıxdığı andan etibarən 1-ci yeri əldə etdi. 1974-cü ildə 2 həftə boyunca chartlarda birinci olaraq yerini qorudu və sonrasında da yerini yenə bu ifanın da içində olduğu You Don't Mess Around with Jim albomuna yerini itirdi.

indiki dövrdə isə əksər insan bu ifanı ilk dəfə X-Men: Days of Future Past filmindəki Peter Maximoff/ Quicksilver personajının səhnəsində eşitmişdir.

Sözləri:
If I could save time in a bottle
The first thing that I'd like to do
Is to save everyday 'til eternity passes away
Just to spend it with you
And if I could make days last forever
And if words could make wishes come true
We'd walk through the fields of ripening corn
And time would flow through us and you
And I'd save everyday like a treasure and then
Again and again I'd spend them with you
And I've looked around enough to know
You're the one I wanna go through time with (ooh-ooh)
Through time with (ooh-ooh)
Through time with
If I had a box just for wishes
And dreams that had never come true
The box would be empty except for the memory
Of how they were answered by you
So if only I could save time in a bottle
The first thing that I'd like to do
Is to save everyday 'til eternity passes away
Just to spend them with you
And I'd save everyday like a treasure and then
Again and again I'd spend them with you (spend them with you)
I've looked around enough to know
You're the one I wanna go through time with (ooh-ooh)
Through time with (ooh-ooh)
Through time with

jim croce

10 yanvar 1943-cü ildə anadan olmuş və 20 sentyabr 1973-cü ildə təyyarə qəzasında vəfat etmiş Amerikalı folk rock ifaçısıdır. 1966-cı ildən vəfat etdiyi zamana qədər 5 albom və bir çox single albomu çıxmışdır. Ancaq, məşhurluğu 1972-ci ildə çıxmış You Don't Mess Around with Jim adlı albomla tapdı. O vaxta qədər isə dolana bilmək üçün fərqli-fərqli yerlərdə işləmək məcburiyyətində qalmışdı. You Don't Mess Around with Jim, Time in a bottle, bad, bad leroy brown kimi ifaları Jim-in ən məşhur ifalarından sayılır. Xüsusilə 2010-cu ildən bu yana bir çox filmlərdə, seriallarda və s. ifaları soundtrack olaraq istifadə olunub.