zamanla geridə qaldığı üçün darıxılan şeylər

Disiplin, həvəs, çalışqanlıq və inam.

Bayaq evdə abituriyent vaxtından saxladığım sınaq nəticələri və bəzi qeyd dəftərlərimə baxırdım. Sınaqlarda 25/25 düz yazdığım riyaziyyat, kimya və digər fənnlər olub. nə qədər effort, inam sərf edirdim. indi ortada heç nə qalmayıb. Abituriyent vaxtı ya uni, ya da ölüm kimi beynimdə idi hər şey, qəbul olmasam dünyanın sonu kimi görürdüm deyə bəlkə o qədər çaba sərf etmişəm, survival modda idim rəsmən. Sanki bütün enerjimi onda sərf etmişəm. indi heç bir imtahana, ümumiyyətlə, vacib heç nəyə elə hazırlaşa bilmirəm.
Biologiya dəftərim var idi, nə qədər qeydlər yazırdım. Məşğələdəki hamı dəftərimi götürüb köçürürdü. Tək dəftərimdir ki, başdan sona yazmışam. Həmişə bütün dəftərləri yarımçıq istifadə edirəm.
indi amma heç nəyi düzgün yazmıram, hər şey, hərəsi bir dəftərdə, yarısı kompüterdə, yarısı telefonda, yarısı sözlükdə.

Bəlkə də, böyüdükcə insan anlayır heç nəyin ölüm qalım məsələsi olmadığını.
Amma o zamankı disiplin, gələcəyə ümid və çalışqanlığım indi olsaydı kaş.
Bu da belə bir təəssüratlarımdır...

tərk edilmək qorxusu

Borderline şəxsiyyət pozuntusunun əsas əlamətlərindən biri. Şəxs qarşısındakı sevdiyinin (ailə üzvü, dost, sevgili və s.) Onu tərk edəcəyindən qorxur daima, paranoya içində olur, beynindəki senarilər yeyib bitirir deyə tutarsız, məntiqsiz davranışlar da ortaya çıxır.

Mənə bpd diaqnozu qoyulandan inkar edirdim məndə olduğunu. Zamanla fərqindəlik qazanıb davranışlarımı analiz etdikcə gördüm var, sadəcə çox kritik deyil, az da olsa kontrol edə bilirəm.

Çox yorucu və tükədicidir. Qarşıdakı şəxs bir gün səni tərk edər deyə öncədən məsafə salıb uzaqlaşmaq, aşırı çox düşünüb tükənmək, weirdo davranışlar, bunun nəticəsində günahkarlıq və s. insan anını yaşaya bilmir normal. hamının davranışını anlayım, tərk etmək istəsələr bilim deyə psixologiya uzmanı oldum az qala.

Səbəbi olaraq uşaqlıq travmaları, yaxud istənilən yaşda yaşanan travmalar göstərilir. Kiçik şeylərdən tətiklənə bilər. Mənim xatırladığım bir neçə travma var, hansı ki, ailədən gəlir. Belə.

rave

Yaşam tərzidir.
bir mədəniyyətdir.
Fərqli insanları bir araya toplayan eventdir.
Hərəkətli və insanın iliyinə işləyən musiqilərdir.
içki və digər vasitələrin insan və musiqiylə harmoniyasıdır.
Çiyin-çiyinə rəqs etməkdir, susuzluqdan yanmaqdır.

Hal-hazırda həyatımda mənə xoşbəxtlik verə bilən tək-tük şeydən biridir. ilk dəfələr insan çaşbaş qalır, sıxırlır, ayaqlaşa bilmir. Zamanla öz rəqs tərzini tapırsan, musiqiylə bütünləşməyi öyrənirsən, ayaq uydurmaq üçün ehtiyacın olan içki (və s.) Kəşf edirsən. Və həftəsonlarını gözləmək üçün səbəbin olur. Səhnədə rəqs edərkən hər cürə marjinal görünür deyə artıq insan heç nəyə təəccüblənib qınamır.

Miflərin əksinə, Rave üçün narkotik vasitə qəbulu məcbur deyildir. Kim necə əylənirsə elə də gəlir.

sənə, bəşəriyyət!

Azərbaycanlı rəssam Tahir Salahovun 1959-cu ildə rəsminə başlayıb 1960-ci ildə yekunlaşdırdığı, 1961-ci il, 12 aprel tarixində Bakıda təşkil edilmiş respublika bədii sərgisinə çıxardığı möhtəşəm əsər.
Əsərdə əlində ulduz kosmosda süzülən iki insan - qadın və kişini təsvir edir.


Şəklin ölçüləri böyükdür, yağlı boya ilə 180 sm × 594 sm ölçüdə kətan üzərinə çəkilmişdir. Kətan böyüklüyünə görə atelyesinə sığmadığı üçün rəssam yaxımlıqdakı məktəbin birində çəkmişdir şəkli.
Tahir salahovun rəsm barədə sözləri:
"1959-cu ildə, insanın kosmosa uçuşundan iki il əvvəl gecənin bir vaxtı mən qəflətən yuxudan ayıldım və kosmik səmada yanar ulduzlar arasında uçan, antik çöhrəli kişi və qadın eskizi çəkdim. Az sonra mən həmin eskizi kətan üzərinə köçürdüm və məhz Yuri Qaqarin kosmosa uçan gün bu işi sərgidə nümayiş etdirdim."

Rəssam əsərini 1962-ci ildə SSRi Rəssamlar ittifaqının Moskvada, Manejdə təşkil edilmiş hesabat sərgisinə göndərməyi qərara alır və Əsəri Moskvaya gətirilir, sərgiyə asılır. Növbəti gün vernisajdan əvvəl Mədəniyyət Nazirliyinin rəhbərləri sərgiyə gələrək əsərləri filtdən keçirir, bəzilərini çıxartdırırlar. Tahir Salahov bildirib ki, bu zamanlarda Bakıya gəlmiş bədii komissiya Mədəniyyət Nazirliyinə "Azərbaycanda, Moskva rəislərinin gözündən uzaqda formalizm tüğyan edir, yerli rəssamlar sovet xalqının qəhrəmanlıqlarla dolu adi iş günləri əvəzinə hansısa uçan adamların şəklini çəkirlər və ümumiyyətlə, orada nə baş verdiyini bilmək olmur" deyə deyib. Nəticədə rəssam komissiyanı gözləmədən, qalmaqal yaranmasın deyə öz rəsmini sərgidən götürüb çıxır.

Əsər 2008-ci ildə Tahir Salahovun rəssam qızı Aydan Salahova tərəfindən bərpa olunub və indi Azərbaycan Milli incəsənət Muzeyindəndə nümayiş etdirilir.

Əsərlə bağlı maraqlı məqam eynişəkilli marka çap olunanda yaşanır. 12 aprel 2011-ci ildə Azərbaycan Respublikası Rabitə və informasiya Texnologiyaları Nazirliyinin "Azərmarka" şirkəti tərəfindən insanın kosmasa uçuşunun 50 illiyinə həsr edilən 3 poçt markası təqdim olunur. 25 min tirajlıq olan həmin markalardan 1 manat nominallı olanı "Sənə, bəşəriyyət" əsərinə həsr edilir. Amma əsərin adı yazılışda səhvlik olur, "Sənə bəşəriyyət" yazılaraq xitabdan sonra vergül qoyulmur. Nəticədə marka yığışdırılır.


Əsəri sevərək izlədiyim tattoo artistlərindən biri (aytəkin miriş) design olaraq paylaşanda kəşf etmişəm. çox bəyəndiyim üçün save etmişdim, sonra axtarmaq ağlıma gəldi və tarixçəsi çox maraqlı gəldi. Əsərin təsviri, rəng paletləri, adı, hər şey izah edə bilmədiyim qədər xoşuma gəlir. Böyük ölçüdə poster edib otağıma asacam.
Tattoo design olaraq:

link

Mənbə: az vikipediya

yazarların hazırda harada olub nə etdikləri

hal-hazırda 525 nömrəli avtobusla masazırdan metroya tərəf gedirəm. mobil internetim az qalıb deyə spotify yox, radiodan dinləyirəm mahnını. bacım hazırladığı salat və kurabiyədən qablaşdırıb mənim üçün, araz market klyokunda yanımdadır. şəkəri həyatımdan çıxarmağa çalışıram, amma bacım təkidlə yedizdirir.

Kartımda qalan son 5 manatla nə vaxta qədər idarə edə bilərəm deyə götür-qoy edirəm. 2 yerdən maaş yüklənməlidir, amma səs-soraq yoxdur. Rəsmən pulum var, amma yoxdur.

istidən ürəyim sıxılır. Pəncərə tərəfdə əyləşib həyatı seyr edirəm, insanlar işləyir, insanlar yorğun. Mən də yorulmuşam.

izah edə bilmədiyim ruh halındayam yenə, yenidən.
indicə radioda 106.0 fm-də "losing my religion" oxumağa başladı. Sevindim ilk melodiyadan. Sonra da sözləri ürəyimə iynə kimi batmağa başladı.

Oh no, ı've said too much
I haven't said enoughh

Eynən belə.

sözaltı etiraf

özümdən çox narahatam.
gələcəyimdən çox narahatam.
artıq həyatımın ipləri əlimdən çıxırmış kimi hiss edirəm və necə toparlayacağımı da bilmirəm.
maddi və mənəvi tükənmişlik də bir tərəfdən.

Yeniyetməlik vaxtlardan baş qaldırıb uni vaxtlarında birtəhər öhdəsindən gəldiyim anger issues, əsəbilik, aqressivliyim yenidən baş qaldırır. qonaq getdiyimiz yerdə ağzını marçıldadanlara görə süfrədə hirsimdən çəngəli əlimə batırmaq, sırf insanlara əsəbiləşirəm deyə günlərlə evdən çıxmamaq, qab-qacaq sındırmaq, dərman içib yataqda gün keçirməklər bir-birini izləyir son 1 həftədir. it kimi qapıram hamını. Arada özümü sosiallaşmağa məcbur edib planlar qururam, amma son dəqiqə cancel edirəm. Canımı sıxır hər şey. Bayaq da otaqdakı ağcaqanada əsəbiləşib hirsimdən ağladım. Tab gətirə bildiyim sayılı insan var.
həmişə nifrət etmişəm deyingən insanlara. Bu aralar mən də deyinirəm hər şeydən, öz-özümə olsa da əsəblərimi pozur. Kassada sıra gözləmək əvəzinə ağzımın içinə girən xalanın başına çırpmaq istəyirəm aldığım makaronu. Eskalatorda sol tərəfdə dayananları dartıb aşağı itələmək istəyirəm. Ağzını marçıldadanların sifətinə boşqab çırpmaq istəyirəm. Kafedə hörpüldədib nəsə içənlərin sifətinə qaynar kofe atmaq istəyirəm. Səsim tutulana qədər çığırıb içimdəki əsəbi, nifrəti, aqressiyanı tökmək istəyirəm.

yorulmuşam. və normal bir insan olub sakit həyat yaşamaq istəyirəm.

six moral tales

Fransız dilində "Six contes moraux" kimi də tanınan, eric rohmer rejissorluğu ilə çəkilmiş, hər biri mənəvi dilemmaları və mürəkkəb münasibətləri ələ alan altı filmdən ibarət film seriyası. Seriyadakı filmlərin mərkəzi mövzusu fərdlərin sevgi, münasibətlər və əxlaqi dilemmalar məsələlərində etdikləri seçimlər ətrafında fırlanır. Hər bir film insan istəklərinin mürəkkəbliklərini, hərəkətlərin nəticələrini və personajların üzləşdiyi daxili ziddiyyətləri araşdırır.
Seriyadakı filmlər:
1. " The Bakery Girl of Monceau" (1963)
2. " Suzanne's Career" (1963)
3. " My Night at Maud's" (1969)
4. "La Collectionneuse" (1967)
5. " Claire's Knee" (1970)
6. " Love in the Afternoon" (1972)
Filmlər senari olaraq bir-biri ilə əlaqəli olmasa da, sevgi, sədaqət, istək və şəxsi etikanın müxtəlif variasiyalarını araşdıraraq, mövzu olaraq bağlıdırlar. Bu filmlər Eric Rohmerin fərqli rejissorluq üslubunu, insan davranışı və əxlaqi dilemmaların tematik tədqiqini nümayiş etdirir və fransız yeni dalğasının əsaslarından sayılır.

travma ildönümü

Şəxsin həyatında baş verən travmatik hadisənin ildönümləri vaxtı bədəndə fiziki, emosional, psixoloji və mənəvi reaksiyaların tətiklənməsidir. Xüsusən sağalmamış travmalar üçün keçərlidir.

Hüceyrələr və bədənin yaddaşı olduğu üçün ilin travma yaşanan zamanı bədən bəzi əlamətlər göstərir. Səbəbsiz yerə mənəvi və fiziki yorğunluq, ağrı, təşviş, ürək bulanması, xüsusən yuxu pozuntuları və kabuslar, əsəbilik, intihar düşüncələri, aqressiya, depressiya əsas əlamətlərdir.
Bu travmalara ayrılıq, boşanma, təcavüz, müharibə, yaxud insana vaxtilə emosional olaraq təsir edən istənilən hadisə ola bilər. Hətta insanın unutduğu, lakin şüuraltında qalmış travmalar belə "ildönümlərində" özünü göstərə bilər.

Səhv xatırlamıramsa bir stephen king kitabında oxumuşdum bu barədə, sonra hipnoz ilə səbəbini yapırdılar * səhv də xatırlaya bilərəm yazıçını . O vaxt oxuyub keçmişdim, sonra özümdə də əlamətləri görəndə araşdırmağa başladım.

10 il qədər öncəsində yay aylarında hallüsinasiya görüb möhkəm qorxmuşdum bir dəfə. Ondan bəri hər il yay aylarında kabus və qarabasmalarım olur. Zehnin və şüuraltının travmanı üzə çıxarmasıdır yəni.

bu haqda ətraflı məqalə

sözlük yazarlarının səyahət xatirələri

ev yoldaşlarımdan biri ləzgidir, bayram tətilində istirahət üçün qusara, evlərinə dəvət elədi bizi (mən və bir qız).
dünən gəlib çatdıq, məndə də biraz narahatlıq və anxiety var həmişəki kimi. 3 qız böyük taxt yatağı bölüşürük gecə, sağ tərəf kənarda mən, ortada ləzgi qız yatır, sol kənarda da digəri.

gecə qarabasan görüb titrəmə tutub məni, birdən möhkəm qışqırdım. Yanımdakı qız da ləzgi dilində soruşur "nodu, nell, nədən qorxdun?". evə gələn kimi default settingsə keçib fjjdksh mən də onsuz qorxmuşam, üstəlik də bilmədiyim qəribə dil lap gic oldum. Məni ağlamaq tutub, yanımdakıları da qışqırtım qorxudub. 1 dəq keçməmiş əzan da başladı oxumağa, vahimə üstünə vahimə gəlir. Nəysə ki, axırda birtəhər yuxuya getdik.

Entrini necə bitirim bilmədim, bu da belə bir anımdır.

benching

Münasibətdə tərəflərindən birinin digərini ehtiyat olaraq cibdə görüb eyni zamanda başqa insanlarla da görüşməsi, flörtləşməsinə deyilir. Yəni qarşı tərəfə ümid verib date təyin edir, maraq göstərir, eyni zamanda ciddi münasibətdən qaçır.
Adətən şəxs duyğularından əmin olmaqda belə davranır. Yəni xoşlantı hiss edir(bəzən), vaxt keçirir, amma ciddi münasibətə başlamağa əmin deyil. Nəticədə başqa insanlarla da flört edir, amma bu partnyoru da qeyri-müəyyənlik içində saxlayır.
Nəticə etibarilə qarşı tərəfdə, yəni "benching" olunan şəxsdə emosional gərginlik, qəzəb, özünü dəyərsiz hiss etmə, güvənsizlik yaranır. Xüsusən də əgər o şəxsə qarşı sevgi duyğusu varsa.

Fikrimcə, səbəbindən asılı olmayaraq qeyri-etik davranışdır və qarşı tərəfə böyük hörmətsizlikdir. Sağlam münasibət üçün istənilən halda dürüstlük önəmlidir.

ikebana

Yapon çiçək aranjimanı sənətidir və yaponiyada əsrlər boyu tətbiq edilən çiçək sənətinin nizamlı formasıdır.


"ikebana" sözü "çiçəkləri canlandırmaq" və ya "çiçək düzmək" mənasına gəlir. Burada məqsəd təkcə gözəl çiçək nümayişi yaratmaq deyil, həm də təbiətin mahiyyətini və harmoniyasını göstərməkdir. iş güldan içərisində çiçək düzməkdən kənara çıxır və balans, rəng, forma və düzülüş kimi motivləri əhatə edir. Ənənəvi olaraq, ikebana müəyyən prinsiplərə və üslublara, xüsusi qaydalara riayət edir. Ən məşhur ikebana məktəblərindən biri 15-ci əsrdə qurulan ikenobonudur.
ikebana tənzimləmələri minimalizm və asimmetriyanı özündə birləşdirir. bunlara budaqlar, yarpaqlar və digər təbii materiallar daxil ola bilər. Hətta yaponiyada alternativ meditasiya üsulu sayılır.
Bir neçə nümunə:

4-7-8 nəfəs texnikası

Meditasiyadakı əsas nəfəs metodlarından biridir. Sakitləşdirici, rahatladıcı nəfəs təlimi olaraq bilinir. Əsas məqsədi rahatlıq yaratmaq, stresi azaldmaq və yuxuya getməyə kömək etməkdir.
Prinsipcə sadədir, 4 saniyə nəfəs almaq, 7 saniyə nəfəs tutmaq və 8 saniyədə nəfəsi vermək.

Metodu yoxlamaq üşün rahat bir vəziyyət tapın, oturaraq, uzanaraq ya da rahat bir vəziyyətdə dayanın.
Gözlərinizi bağlayın və 4 saniyə burnunuzdan dərin nəfəs alaraq başlayın, nəfəs zamanı havanın ağciyərə dolduğunu hiss edirsiniz və qarın, sinə bölgəsi şişir.
7 saniyə nəfəsi belə saxlayın.
Daha sonra 8 saniyə ərzində nəfəsi ağzınızdan verin.

Bir neçə set şəklində təkrarlaya bilərsiniz. Sinir sisteminə yaxşı təsir etdiyinə inanılır.

Digər texnikalar da mövcuddur:

(baxma: 4-6 nəfəs texnikası)
(baxma: 4-4-4-4 nəfəs texnikası)
(baxma: 4-2 nəfəs texnikası)
sifarişi verən: Derek

aftersun

Charlotte wells tərəfindən çəkilib 2022-ci ildə mubi.com-da yayınlanmış film. Rejissorun ilk uzunmetrajlı filmidir eyni zamanda. coming of age, dram janrında deyə bilərik.

Filmin əsasən 11 yaşlı qızı ilə türkiyədə tətildə olan 30 yaşlı atanın türkiyədə istirahət xatirələrini göstərir. Hər şey kameraya lentə alınıb. Film sofinin atasının xəyalını görüb onu xatırlaması ilə başlayır deyə bilərik.
gedişat boyunca qeyri-adi bir şey baş verməsə də, filmin monotonluğu belə emosiyalar, sevgi, melanxoliya ilə doludur. Ən azından mənə elə gəldi.
Spoiler xəbərdarlığı:

Səyahət büdcələrinin azlığı və maddi sıxıntı filmin başlanğıcında görünür. Depressiv, kədərli bir ata və ondakı kədəri sezən, amma uşaq ağlı ilə heç nə edə bilməyib tətildə əylənməyə çalışan qızı. Filmin rəng paletində də vurğulanıb bu, coel olan səhnələr tünd-mavi, Sofi olan səhnələr isə adətən açıq sarı rəngdə çəkilib.

Filmdə bəlli olur ki, ata bu səyahət bitəndən sonra vəfat edib, çox güman intihar ilə.
Film mənə çox dərin təsir etmişdi izləyəndə. Uşaq vaxtı həmişə düçünürdüm valideynlər niyə belə əsəbi, gərgin, ya kədərli olur. insan böyüyüb həyat məsuliyyətlərini dərk edəndə onlara bənzədiyinin fərqinə varır. Sofi də böyüdükcə anlayır sanki.
2022-ci ilin ən yaxşı filmlərindən biridir mənə görə. Üstəlik yay ab-havalıdır, izləməyə dəyər.

Bir də restoran səhnəsindəki "gamsız hayat" mahnısının sözləri o qədər yerinə düşür ki...

(youtube: )

isfar sarabski

Gecəki eventdə çıxışı ilə vip zona daxil hamını ayağa qaldırıb rəqs etdirən əjdaha musiqiçi. Çıxış edən 5 artist içində demək olar ən yaxşı idi.
Neçə il əvvəl "var-yox" kanalındakı videosunu izləyib tanıyaraq heyran olmuşdum. Ağlıma gəlməzdi bir gün canlı dinləməyin qismət olacağı. Telefonumun zaryadkası söndüyü üçün çəkə bilmədim çıxışından, amma beynimə həkk olub detallar. Adam çox əjdahadır, yoldaşlar.
Edit: insta storilərdən topladığım bir neçə video:

(youtube: )

body horror

Digər adı ilə "biological horror" filmdə qorxu janrının altjanrıdır. Əsasən 1980-ci illərə dayanır.
insan bədəninin mutasiya, deformasiya və digər narahatedici çevrilmələrini ələ alır. Bu tip filmlərdə qeyri-adi seksual maraqlar, qan, texnologiya ilə insan arasında əlaqə, digər fiziki və psixoloji narahatedici səhnələr çox olur.
Bu janrda özünü tanıdan əsas rejissor david cronenbergdir ki, janrın adı çəkiləndə yada o düşür. Ötən illərdə julia ducournau "titane" ilə janra daxil oldu bir növ. Yenə də, bəzilərinə görə janr "frankenstein"(1931) və " the cabinet of dr.caligari" (1920) filmlərindən başlayıb.

(baxma: shivers)
(bax: crash)