Son yazılanlar
Hazırki streak: 0 gün ardıcıl post yazılıb.
Rekord: 3 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 7 (karma əsasında)
Növbəti səviyyəyə: 93 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 4,311
Toplam simvol: 25,863
Orta entry uzunluğu: 528 simvol
Kitab ekvivalenti: ~0.1 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
Yazarların paylaşmaq istədi
yazarların nicklərinin ai-il
Əksər insanlar tərəfindən qaralanan, lakin digər səmavi dinlərdən fərqli olaraq qan hesabına yayılmamış dinin mənsubu. Yəhudilik həm etnik, həm də dini məzmun daşıyır. Yəhudi əsilli olub iudaizm davamçısı olmaya bilərsən, amma iudaizmə inanıb yəhudi olmaya bilməzsən.
Gözoxşayan arxitektura, tarixi binalar, ucuz ictimai nəqliyyatın qəti olmadığı, cansıxıcı və şərqli miqrantlarla dolu ölkə. Qaranlıq və çox soyuq qış günləri heç yerdə reklam olunmayan, insanlara xoşbəxtlər ölkəsi kimi tanıdılan, əslində ən tənha və depressiv insanların yaşadığı məkan. Digər avropa ölkələrindən kateqorik fərqlənir.
ilk günlər səni qanadlandıran, daha sonra üzən və ayrıldıqda sarsıdan amma həyatda mütləq yaşamalı olduğun bir hiss (achtung: emosiya deyil). Ayrılmaq sevginin son kulminasiya nöqtəsidir, səbəblər fərqli ola bilər - fikir ayrılığı, etnik mənsubiyyətin qarşı tərəf üçün yaratdığı problemlər, ilk gündən danışılan yalanlar, xəyanət, hisslərin bitməsi, ölüm və s. Əsas sevdiyin zaman ayrılığı düşünməməkdir.
Əvvəllər çox maraqlandığım, lakin Freyd fəlsəfəsi və magistratura dönəmindəki hündür, cavan və gözəl, yarı azərbaycanlı müəlliməyə görə bir daha kitab üzü açmadığım fənnlərdən siyahısından biri. Freyd çox qəribədir, "psixologiyaya giriş" mülahizələr toplusunu oxuduqdan sonra yazıçının problemlərin həll üsulunu göstərməsi əvəzinə bütün mövzuları sırf cinsi istəyə bağlaması və bəzən Edip kompleksi kimi absurd və tükürpədici insest fikirlər yürütməsi müasir oxucunun bu mövzudan uzaq durmasına səbəb olur. Psixologiya müəlliməm isə 7 mühazirəlik proqram zamanı mənə 7 dəfə psixoloji travma vurdu. Məncə səbəbini izah etməyə ehtiyac yoxdur.
Uzun müddətli duyğusal tükənmənin növbəti etapı. Elmdə digər adı apatiya kimi də gedir. Uşaqlıq travmaları, disfunksional ailə, toksik valideyn-uşaq münasibətləri əsas səbəbləri olsa da, bəxtsiz insanlar doğulduqda mümkün həyat problemlərinə bonus kimi əlavə olunan fleqmatik temperament və ya sinir sistemi modeli də əsas təkanı verir.
VS code üzərindən extension vasitəsilə proyektləri asanlıqla təhvil-təslim edə biləcək, hürkərək istifadə etdiyim, kodları həddən və yersiz mürəkkəbləşdirən, günümüzdə aylıq abunəlik və token nisbətinə görə ən bahalı süni intellekt vasitələrindən biri.
Etdiyi cığallıqlara görə həyatın problemlərini unutmağa məcbur edən varlıq. Pişiklər fəsiləsinin digər nümayəndələrindən fərqli olaraq səni sevməsə də diri-diri yeməyə çalışmayacaq.
Əziz gündəlik, son günlər skandinaviya depressiyasının ilkin (bəlkə də son) əlamətlərini görürəm - yaşayarkən nifrət bəslədiyim şəhər, işim və insanlarla bağlı şirin xatirələri yada salıb nostalji hisslər keçirirəm. Əslində Bakı heç də pis şəhər deyilmiş, bunu cansıxıcı skandinaviyanın timsalında daha yaxşı anladım, oradakı ən böyük problem cəmiyyətin səndən gözləntiləri və əməl etmədiyin halda cəmiyyətdən kənarlaşdırılmağındır. Əslində gözləntilər istənilən cəmiyyətdə var, amma və lakin absurdluq səviyyəsinə görə fərqlənir. Ümumiyyətlə 23 yaşımdan sonra həyata bivec yanaşıram, ətraf baş verən heç nə məni sevindirmir, ağrıdır ki sevindirmir. Geridə qalan ağrılı, acılı, sevincli və kədərli, amma emosiyalarla dolu gənclik olur. Son günlər fikirlərimdə yad etdiklərimdən biri də ilk sevdiyim qızdır. ilk günlər həyatına mənsiz davam etməsi eqoma toxunsa da, hazırda ailə həyatında yalnız uğurlar arzu edə bilərəm. Dediyim kimi, geridə qalan gənclik xatieələri olur. Ümumiyyətlə bunu niyə yazdığımı anlamıram, çünki hazırda sabah üçün işə yemək bişirməli idim. Prokrastinasiya səviyyəm yüksəldikcə yüksəlir. Mətbəxi yandırmamaq ümidilə
Şirin xatirələr, acı hisslər, xaricə köçəndə Bakıda qoyduğum üzərində "dəniz döyüşü" oynadığımız dəftər vərəqi
Son bəyənilənlər
