Son yazılanlar
Hazırki streak: 0 gün ardıcıl post yazılıb.
Rekord: 3 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: axşam yazarı
Pik saat: 22:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 2: Başlayan
XP: 175 (karma əsasında)
Növbəti səviyyəyə: 125 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 12,638
Toplam simvol: 75,826
Orta entry uzunluğu: 862 simvol
Kitab ekvivalenti: ~0.2 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
sözaltı fotoqrafiya
sözaltı fotoqrafiya
sözaltı fotoqrafiya
sözaltı fotoqrafiya
sözaltı fotoqrafiya
yazarların çəkdikləri piş
yazarların çəkdikləri piş
(baxma: metroda qatarın altına düşmək)
O həngamədə qatara minmək üçün xəttə yaxın durmalı idim və ilk günləri gözlərimi yumub dayansam da (əks təqdirdə çox pis hiss edirdim, elə bilirdim qatarın olduğu yerə yıxılacağam), artıq sadəcə qatar gələrkən gözlərimi yumuram ahahah. Böyük uğur!
Çox gözəl işlər ərsəyə gətirmiş, savadlı insandır. Ancaq təəssüflər olsun ki, layiq olduğu dəyəri görmür. Milli peykimizin müəllifi olan bu şəxs 2013-cü ildə Atlantik okeanın o biri sahilində roketi qaldırıb. Bu vaxtı AzTv də çəkiliş üçün Məzahim bəy ilə birlikdə imiş.
Məzahim müəllim bu gün dərsdə bu işlərindən danışanda məyus bir şəkildə əlavə də etdi: "Azərbaycana geri qayıdanda hava limanında məni qarşılayarlar deyə güman edirdim. Gələndə isə heç kəs yox idi. Təkcə çıxıb getdim. Bir idmançı qədər dəyərimiz olmadı."
O qədər sadə bir insan idi ki, həqiqətən, sevilməyəcək biri deyil. Danışığı, səsi o qədər gözəldir ki. Həm insana həvəs, motivasiya verir, həm də yorğunluq sezilir səsindən.
Heyif, çox heyif... Kaş layiq olduğunu dəyəri görsə.
link 
2 il sonrakı edit:
yea bunu mən yazmışam. və hələ də inana bilmirəm ki, məzahim müəllim haqqında belə gözəl təriflər yazmışam.
çox savadlı bir adam ola bilər Məzahim Quliyev, ancaq müəllim olmamalı imiş. Mən həyatımda bu qədər məsuliyyətsiz, bu qədər rahat insan görməmişəm. imtahandan bəri gözləyirəm ki, balımı yazsın da editi edim. Yaxşı işləri olub, amma adam çox şöhrətpərəstdir. elm adamı bu qədər şöhrətpərəst olmamalıdır. Elə istəyir ki, hamı onu tanısın, tərifləsin. Bu adam semestr boyu peykdən, konfranslarından danışıb durdu. Tədris etdiyi fəndən heç nə öyrətmədi. Adamın tədris etdiyi fənnin birindən sadəcə 3 termin öyrəndim. Hələ də inana bilmirəm ki, bütün semestrimi məhv etdi. Tədris etdiyi digər fəndən isə ümumiyyətlə heç nə öyrənmədim. O qədər məsuliyyətsizdir ki, təsəvvür edin, adam il boyu qrupa mən sizə hansı fənni keçirən deyə sual verir, bu da kifayət etmirmiş kimi, bir də imtahanda sual verir ki, mən sizə nə fənni keçirəm.
Çox yaxşı bir işmiş kimi dərsləri yola verir, bir də utanmaz-utanmaz belə yaxşı müəlliminiz olub sizin? deyir. ah ah.
Dərslərdə heç nə etməsəniz də, sizdən oturub otaqda bir birinizin üzünə baxmağınızı gözləyir. Və dəyərli bir kəlam deyir hər dərs: "Əgər siz vaxtınzı boşa xərcləyirisinizsə, ən bahalı əyləncə ilə məşğulsunuz". yea yea bu qədər absurd, boş. limitə yaxınlaşana qədər bacardığım qədər vaxtımı qorumağa çalışırdım.
Çox düz edirmiş kimi dərsdə danışırdı: "mən əslində 4 işdə işləyirəm, dünən də bir iş təklifi gəldi, amma day çatdıra bilmirəm deyib, qəbul etmədim". Ay vicdansız, 4 işdə işləyib hamısını ala yarımçıq qoymaqdansa, birində işlə, ikinsində işlə, vicdanla işlə də.
Bu edit əslində bir növ xəbərdarlıqdır. Əziz abituriyentlər, bacardığınız qədər, çıxın gedin burdan xaricdə oxuyun, bura, xüsusilə, ADNSU universitet deyil. Burda universitet üçün gündəm olan tək mövzu tələbələrin dərsə şortiklə gəlib gəlməməlidir. Ona görə özünüzü, vaxtınzı, təhsilinizi qoruyub bacardığınız qədər yaxşı universitetlər seçin bu ölkədə. Gördünüz alınmır bir təhər çıxın gedin, vallah dəymir, xeyirdən çox ziyana düşürsünüz.
hazırda çox qəribə hiss edirəm. həm xoşbəxt hiss edirəm, həm sanki bir ağırlıq var üstümdə. dərs oxumaq istəyirəm, amma spotify'dan da ayrıla bilmirəm. nə də musiqiyə qulaq asarkən dərs oxuya bilirəm.
ikisi bir anda necə olur anlamıram. insan eyni anda həm xoşbəxt, həm bədbəxt ola bilərmi, görəsən?
Hansı dildədir bilmirəm, amma mahnı və qadının səsi çox gözəldir.
)çox güclüsünüz, amma, təəssüf ki, gücünüzü düzgün istifadə etmisiniz. nəyisə dəyişmək istəyən insanlar var aramızda, ancaq onlara da digərləri kimi təsir edirsiniz. halbuki bu adamlar sadəcə problemləri ortaya atmaqla qalmayıb həll yolunu da göstərirlər. ancaq imkan vermirsiniz ki, həll edələr. cəmiyyət vecimə deyil desələr də, hamısı o qədər təsiriniz altındadır ki, doğru olduğunu bilsə də, içində bir yerdə onu yeyib-bitirən "insanlar nə deyər?" düşüncəsi ona imkan vermir. həqiqətən, halaldır sizə. təbrik edirəm!
gələcəkdə internetin yerini alacağı düşünülən texnologia. hazırda internetdə qarşımıza çıxan cisimlər və səhifələrlə sadəcə vizual əlaqə qura biliriksə, metaverse ilə siz həmin səhifələrin içində ola biləcək, həm də gördüklərinizə toxuna biləcəksiniz. bu səbəbdən də gələcəkdə internetin yerini ala biləciyi düşünülür.
crypto valyuta istifadəçiləri tərəfindən inşa edilməyə başlanılıb. son bir ildə haqqında daha çox danışılır və keçən aylarda facebook'un ceo'su artıq şirkətin bir "metaverse company"ə çevrilməsini istədiyini bildirib.
metaverse anlayışı isə 1992-ci ildə "snowcrash" elmi fantastik romanından gəlir.
fiziki və rəqəmsal həyatın birləşdiyi bir məkən ola biləcəyi düşünülən metaverse hazırda mövcüd olmasa da, metaverse bənzəri elementlər bir neçə video oyun nümunəsində istifadə edilmişdir.
bu texnologiyanın məqsədi isə virtual bir dünya yaratmaqdır: şəhərlərin, şirkətlərin və insanların özlərinə aid avatarlarının olacağı bir dünya. metaverse dünyasında mövcud olmaq üçün isə 3d eynəklərdən istifadə ediləcək. hətta bunun üçün 2014 ildən bəri facebook bu eynəklər üzərində işləyir.
insanların özlərinin yaratdığı avatarlarına metaverse dünyasındakı shoplardan əşyalar ala biləcəklər. eyni zamanda paralel dünyaların da olacağı, nəticədə, chromda səhifələr arasında keçiş edə bildiyimiz kimi metaversedə də dünyalar arasında keçiş edə biləcəyimiz qeyd edilir. metaverse nə sadəcə bir oyundur, nə də sadəcə virtuallığın olduğu bir məkan.
mark zuckerberg'in interview'u oxuyaraq ətraflı məlumat əldə edə bilərsiniz:
link
Overthinking edən insanlar niyə bunu problem kimi görürlər, görəsən?
Problem məndədirmi yoxsa? ya mən overthinking edə bilmirəm, ya da overthinkingin problem oıduğunu düşnən insanlar mənim qədər vecsiz deyil.
(baxma: xoruz şəklində olan şirinilər)
(baxma: içindən hədiyyə oyuncaq çıxan kukruzlar)
Uzun vaxt idi ki, bu yazarın əsərləri ilə tanış olmaq istəyirdim. Və, nəhayət, "Yeraltından qeydlər" əsərini aldım. Doğrusu, qalın kitabları oxumağa səbrim çatmır. Buna görə də seçimim məhz kitab mağazasında ilk qarşıma çıxan bu nazik kitab oldu. Amma düz seçim etmədiyimi gördüm. Çünki bu kitabla başlamaq çox ağır oldu mənim üçün. Oxudum, amma hiss edirəm ki, bu kitaba bir gün yenə dönməliyəm.
bütün alçaqlıları bir yana, unudulacaq şeylər deyil. amma bir neçə il əvvəl dinlədiyim bir erməni musiqisi, həqiqətən, çox duyğulandırmışdı məni, çox gözəl idi, başlığı görəndə isə o musiqi yadıma düşdü. Və düşünürəm ki, musiqi kimi mövzularda hansısa irq, din ayrı-seçkiliyi etməmək lazımdır. Nəticədə, bu bir sənətdir və könlünü oxşayırsa, sadəcə dinlə.
)
Bir yerdə eşitmişdim: "insanın əsl doğum günü həyata gəlmək səbəbini, həyatdakı məqsədini dərk etdiyi gündür."
Çox bəyənmişdim bu sözü, çünki dünyaya gəlmək deyil, burda yaşamağı bacarmaq əsl qeyd olunacaq uğurdur.
"mən həmişə necə həll edirdimsə, indi sıra səndədir" cümləsini eşidəndə.
ekonomik azadlığın üçün çalışmalı olduğunu hiss edəndə.
Bu mahnı insanda qəribə bir sevinc, həyəcan yaradır.
)5 ya 6-cı sinifdə "təbiətin simfoniyası" adlı mətn keçmişdik azərbaycan dili fənnindən. Hər bu sözü görəndə, eşidəndə o mətn yadıma düşür. Təbiətdəki səslərdən, onların bir yerdə yaratdığı harmoniyadan bəhs edilirdi. O dərsi çox sevmişdim.
Bayaq bir xatirə yadıma düşdü. Deməli, imtahandayıq, deyəsən, Bakı Bizness Universitetində idi imtahan. Orda da döşəmə təmirsiz idi. Sualları yazarkən birdən hiss etdim ki, yer sirkələnir. Dedim, aha, zəlzələdir. Sonra dedim, yəqin, mənə elə gəlib. 3-4 dəfə belə olandan sonra kök bir nəzarətçi vardı otaqda, ona dedim. Nəzarətçi də zəlzələ filan yoxdu dedi. imtahan qurtarana kimi onları inandıra bilmədim. Sonra imtahandan çıxandan sonra mənə çatdı ki, nə zəlzələ ala, nəzarətçi qadın otaqda gəzdikcə yer sirkələnirmiş.
imtahan günü eynəyim yadımdan çıxıb evdə qalmışdı. Koridorda da bir nəfər gördüm, mənə tərəf gəlirdi. Əl salladı, mən də tanış adam zənn edib ona əl salladım. Sonra bir baxdım başqasına əl sallayırmış, yanımdan keçəndə də güldü. Yadıma düşdükcə hələ də utanıram.
çox gözəl mahnıdır. Marc Aryanın səsi isə ayrı gözəldir.
)
(baxma: whatsapp'da yazılı tiktok videolarını paylaşmaq)
axı 18 yaşında bir qız niyə "ay ana üzün sənin çiçək kimidir, sənin gül çöhrənə qurban" yazılan, arxada da 50 yaşlı dayıların qulaq asdığı sintezatorlu muğam olan video paylaşar? həqiqətən, yerinə çox utandım...
Əsəbiləşdiyin bir hadisə yadına düşər, öz-özünə ürəyində onu müzakirə edərsən, sonra həmin an o qədər əsəbiləşərsən ki, fikirlərini səsli bir şəkildə, üstəlik bəzən də istəmədən yüksək səs tonu ilə deyərsən.
iş görməyə həvəsi və motivasiyası olmayan insan üçün çox yaxşı bir üsuldur. vaxt qısa olduğu üçün 25 dəqiqə işin başında olmaq artıq zülm kimi gəlmir. 25 dəqiqədən sonra isə artıq həvəs yaranır, bir az keçəndən sonra isə "aha, bir 25 dəqiqə də işləsəm, bitəcək" fikri ilə işini bitirməyə çox kömək edir. ancaq uzun vaxt çətinlik çəkmədən çalışa bilən insanlar üçün diqqət dağıdan bir üsuldur. Tam diqqətini toplayanda fasilə verməsi həvəsini öldürə bilər. onsuz diqqətini toplayıbsa, fasilə verməyəcək o da ayrı məsələ.
Son bəyənilənlər
