depressiya

Uşaq olanda elə bilirdim ki, bütün gün evdən çıxmayıb televizor izləmək, çips, şokolad yemək depressiya sayılır. "Nə rahat dövrdür bu depressiya, bir gün mən də düşəcəm" deyə düşünürdüm. Sonra fərqini başa düşdüm, təbii ki.
Amma sanki hələ də insanların bir qismi üçün sadəcə kefin pozulması depressiya deməkdir. Halbuki necə bir şey olduğunu anlamaq bir axtarış düyməsi qədər yaxınlığınızdadır.
Həqiqətən içlərində depressiyada olanlar da ola bilər. Bunun diaqnozunu isə nə özünüz, nə də internetdəki insanlar qoya bilməz.
Depressiyada dinləniləcək musiqilər, oxunacaq kitablar, nə bilim izləniləcək filmlər kimi şeylər də boşdur. * depressiv vəziyyətdə niyə daha qəmgin musiqilər dinləməlisiniz ki ya da daha şən, ikisi də kömək etməz * kefiniz pozulanda ağlamalı mahnılar dinləyə bilərsiniz, o ayrı bir şeydir

buffalo 66

Vincent Gallonun özü yazıb, çəkib, oynadığı 1998-ci il istehsalı filmi.
filmdə komediya, sevgi, dram, ailə münasibətləri vintage görüntü və keyfiyyətli musiqilər ilə o qədər yaxşı bir yerə gətirilib ki, heç sıxılmadan izləmək olur. Hətta musiqilərin də bəziləri Vincent galloya aiddir * adam yaradıb . Əsas rollardan biri christina riccidir. film boyu yaxşı oynamağından əlavə onun gözəlliyini izlədim, yəqin ki.

--spoiler--

Sonu heç gözlənilməyən kimi bitən filmlərdəndir.

--spoiler--

Buraya da laylanın moonchild sədaları altında rəqsini buraxıram:

(youtube: )

masklophobia

Maska geyinənlərdən, əsasən də maskotlardan qorxma.
Adətən 0-8 yaşarası rast gəlinən bu fobiyanın səbəbi uşaqların cizgi filmlərdə, nağıl kitablarında və s. Gördükləri obrazların böyük ölçülü (insan ölçüsündə) olmasını qəbul edə bilməmək, maskalı yad insan olması kimi səbəblər imiş.

Uşaq olanda klounlardan onsuz zəhləm gedirdi, o qıcıqlandırıcı səsləri başımı deşirdi sanki. Maskotlar isə maraqlı gəlsə də, qorxurdum. Hətta bir şəklim var idi, məni güclə dovşanın yanında saxlayıblar. ağlayırdım və o vəziyyətdə də şəklimi çəkiblər. Yadımdadır, oğlan ağladığımı görüb başındakı ağır "baş"ı çıxarmışdı-* * hələ də yanlarından keçəndə çəkinirəm :d

morcheeba

1995-ci ildə qurulan elektronik, trip hop tərzində musiqi ifa edən ingilis qrup. Qrupun ilk üzvləri skye Edwards və paul və ross goldfrey qardaşları olub.

Qrupla ilk tanışlığım otherwise mahnıları ilə olmuşdu. Portishead-dən sonra ən xoşladığım trip hop ifaçılarıdır. Skye edwardsın səsi ilə arxa fondakı elektronik, əyləncəli, həmçinin hüznlü musiqi birləşəndə belə bir şey ərsəyə gəlir:

Otherwise:

(youtube: )

(youtube: )

(youtube: )

(youtube: )

kandinsky-clerambault sindromu

Deluziya, psevdohallüsinasiyalar, telepatiya, düşüncə pozuntuları və s. ilə səciyyələnən sindrom. paranoid şizofreniyanın əlamətlərindən biridir. Sindrom adını rus psixiatrı Victor Kandinsky and fransız psixiatr Gaëtan Gatian de Clérambaultdan alıb. Psixiatriya sahəsində klinik göstərici olaraq
əsasən, rusiya, Fransa və almaniyada istifadə olunur.

Mənbə:
1
2

crash of the crown

Styxin yeni albomu. YouTubeda albomdan sadəcə üç mahnını paylaşıblar, digərlərinə musiqi platformalarından qulaq asmaq mümkündür.
crash of the crown:

(youtube: )

məkanın melodiyası

Hüseyn mehdiyevin rejissorluq etdiyi 2004-cü il istehsalı ağ-qara 84 dəqiqəlik film. 2000-ci illərdə çəkilən filmlər arasında Musiqinin, bədiiliyin ön planda olduğu ən yaxşı film ola bilər. Əsas rollarda Ələddin Abbasov, ayan Mirqasımova və mehriban zəki oynayıblar.

Filmdə yaşlı bir violonçelistin daim axtarışında olduğu melodiya var. Parkda tanış olduğu gənc qadın ilə bu melodiyanın, həmçinin keçmişinin də axtarışına çıxırlar.

Filmdən sevdiyim bir fraqment:

(youtube: )

gadajace glowy

(bax: Talking heads)
Krzysztof Kieslowskinin 1980-ci ildə ekranlaşdırılan qısametrajlı sənədli filmi. Filmdə 1-100 yaş aralığında 79 polşalıya 3 sual verilir:
- nə vaxt doğulubsan?
- kimsən?
- ən çox arzuladığın şey nədir?

Suallar bəsit gələ bilər, amma bu sıravi insanlar bu suallara o qədər maraqlı cavablar verirlər ki.

--spoiler--

Ən xoşladığım cavablardan biri də əvvəllər akademik olmuş taksi sürücüsünün cavabı oldu: "fərdi azadlıq kifayət deyil. Həqiqətən azad olmaq üçün demokratiya şəraitində yaşamalısan və təhlükəsizlik olmalıdır."

Sondakı 100 yaşlı qadının cavabı isə düşündürür.

--spoiler--

Filmi ingiliscə altyazılı YouTubedan izləmək olar:

(youtube: )

dermoqrafiya

"Dərinin yazılması" mənasına gəlir. Yəni dəri cızılanda və ya hər hansı bir təzyiqə məruz qalanda həmin yerdə köpüşük şəklində qırmızı və ya ağ iz olur. Adətən Övrə xəstəliyinin bir forması olan dermatographic urticaria xəstəliyinin simptomu şəklində ortaya çıxır.
Dəridə qaşıntı və həssaslıqdan əlavə təhlükəli bir vəziyyət deyil. Hətta maraqlı və əyləncəlidir.

günəş kremi

Fəsildən asılı olmayaraq hər gün 2 saatdan bir yenilənməli krem. dəri üçün nəmləndiricilərdən də vacib olan bu qoruyucunun bu qədər tez-tez istifadə edilməsinin səbəbi günəşin dəriyə kanserogen təsiridir. Bəli, günəş eyni zamanda d vitamini deməkdir, lakin ozon təbəqəsindən keçib gələn uva və uvb şüalarının dəri tərəfindən udulması dəri xərçəngi riskini artırır. Yəni nə qədər çox günəş yanığı, o qədər də dəri xərçəngi ehtimalı. Günəş kremlərinin üzərində gördüyümüz spf də bu udulmanın göstəricisidir. Spf artıqca, təbii ki, qoruyuculuq da artır. Qışda spf 30 bəs edirsə, yayda istənilən dəri tipi üçün ən azından spf göstəricisi 50 olmalıdır. açıq və ləkələrə meylli * bu zaman yazar bədənindəki xalların sayının dəri xərçəngi üçün ideal olduğunu yenidən xatırlayır :/ dəri tipinə sahib insanlarda dəri xərçənginə tutulmaq riski daha yüksək olur. Ona görə də bu kremlər adətən dəri rənginə görə sıralanır.
istifadə qaydasına gəldikdə isə günəşə birbaşa məruz qalan nahiyələrə ən azı 2mg/cm2 vurulmalıdır.

mən istifadə etmədiyim vaxtlarla müqayisə etdikdə müsbət təsirini aşkar hiss edə bilirəm. Tələbat artsa, bəlkə qiymətləri də düşər həmçinin.