child grooming

grooming və ya child grooming, yetkinlik yaşına çatmış bir şəxsin uşaqlarla emosional münasibət quraraq onların inamını qazanması və bundan müəyyən məqsədlər (cinsi zorakılıq, adam qaçaqmalçılığı və s.) üçün istifadə etməsi halıdır.
Grooming uşağın və bəzən də ailəsinin də inamını qazanmaqla başlayır, və manipulyasiya ilə uşağı ailəsindən və dostlarından uzaqlaşdıraraq, grooming edən şəxsə yaxınlaşdırır. inam və minnət hissi yaradıldıqdan sonra, grooming edən tərəf öz real məqsədini həyata keçirir.


not: bir müddət əvvəl, maraqlı bir tvit oxumuşdum, heyf ki, tapıb birbaşa paylaşa bilmirəm. Qısaca məzmunu belə idi: "neçə yaşınız və mövzunun nə olmasından asılı olmayaraq, nə vaxtsa, hər hansısa bir mövzuda böyük bir adam "valideynlərinə demə" deyirsə, mütləq valideynlərinizə deyin."

optimistic bias

bu sifarişi verən: User123
şəxsin öz başına gələbiləcək mənfi hadisələrin ehtimalının az, müsbət hadisələrin ehtimalının çox olduğunu düşünməsi halı. fikrimcə, polyanna olmaqla çox da əlaqəli deyil və yəqin ki, bir çoxumuz fərqinə belə varmadan "optimistic bias"a sahibik, yəni düşündüyümüzdən daha çox rast gəlinən haldır.
misal üçün, çox adam özünün xərçəng xəstəliyi tuta bilmə riskini az hesab edir, və ya sürücülərin çoxu təhlükəsizlik kəmərindən qəzaya düşəbiləcəkləri ehtimalını az gördükləri üçün istifadə etmir.

ümumən, optimistic bias anlayışı iki yerə ayrıla bilər: qeyri-real mütləq optimizm (baxma: unreal absolute optimisim) və qeyri-real müqayisəli optimizm (baxma: unreal absolute optimism).
qeyri-real mütləq optimizm: şəxsin başına gələbiləcək hadisənin özünün verdiyi ehtimalla statistiki göstəricilərin göstərdiyi ehtimalın müqayisə edilməsi.
qeyri-real müqayisəli optimizim: şəxsin başına gələbiləcək hadisənin ehtimalının az və ya çox olmasını digər insanlarla müqayisə etməsi.
mənbə

edit: optimism bias adlı başlıq da user123 tərəfindən doldurulub #329040

monte karlo yanılması

ehtimal nəzəriyyəsinin terminlərindən biri. ingiliscə adı monte carlo fallacy və ya gambler's fallacydir.
yanılma çox geniş yayılmış bir səhv fikir haqqındadır. belə ki, bir çox insan keçmişdə baş verən hadisənin nəticəsinin dəfələrlə eyni olduğunu bildikdə, həmin hadisənin gələcəkdəki nəticəsinin eyni olma ehtimalının azaldığını düşünür, həmçinin bu yazılanın əksi də yanılmaya daxildir.

daha çox qumar, şans oyunlarında bu düşüncə müşahidə edilə bilir. misal olaraq, müstəqil hadisələrin (ing. independent events) tərifinə əsasən deyə bilərik ki, atılan zərin 10 dəfə 6 olması, onun 11-ci dəfə 6 olması ehtimalını azalda bilməz, amma, çox vaxt bu yanılmaya düşürük. həmçinin, 10 dəfə atılan zərdə heç zaman 6 gəlməməsi, 11-ci dəfədə 6 gəlməsi ehtimalını artırmır. hər zər atılmasında hər bir rəqəmin gəlməsi ehtimalı 1/6-ya bərabərdir, çünki zər atılması hadisəsi müstəqil hadisədir.

orta kvadratik meyl

bu sifarişi verən: lucifermorningstar
ingilicə adı standard deviation olan statistika termini.
data paylanmasının necə dəyişməsini göstərən kəmiyyətlərdən biridir.
sigma (σ) ilə işarə edilir. düsturu (ümumi):

X̄ - ədədi orta, x- data/ədəd(dəyişən), n- dəyişənlərin sayı

orta kvadratik meylin aşağı olması, dəyişənlərin ədədi ortaya (paylanmanın mərkəzi) yaxın olduğunu göstərir, meyl artdıqca datanın paylanma ərazisi də genişlənir.

68-95-99 qaydası:
normal paylanma məsələlərini həll edərkən istifadə edilən qaydalardan biridir.

qayda belədir ki, normal paylanmada datanın 68%-i mərkəzdən 1σ qədər uzaqlıqda yerləşir, ( X̄+1σ, X̄-1σ).
datanın 95%-i 2σ qədər uzalıqda yerləşir, ( X̄+2σ, X̄-2σ).
99.7%-i isə 3σ qədər uzaqlıqda yerləşir. ( X̄+3σ, X̄-3σ).

silikogel

ingiliscə adını (silica gel) müxtəlif məhsulların qablaşdırmasında görə biləcəyiniz nəmuducu kimyəvi maddə.

tərkibi silisium dioksiddir (si02). nəmuducu xassəsinə görə nəmişliyin keyfiyyətcə dəyişdirə biləcəyi bir çox məhsulun qablaşdırılmasında istifadə edilir, qidalardan tutmuş elektronika məhsullarına kimi.

silikogellər 2 cür ola bilir: göstəricili (indicating) və göstəricisiz (non-indicating). göstəricilik deyərkən nəm udduğu zaman rəng dəyişib dəyişməməsi nəzərdə tutulur.
çox vaxt gördüyümüz ağ (şəffaf) rəngli silikogellər göstəricisiz tipə aiddir.

göstəricili tipdə isə iki rəng vardır: mavi silikogel və narıncı silikogel.
mavi silikogel quru halda mavi, nəmlə dolduqda isə çəhrayı rəngə çevrilir.

mavi rəngini verən isə kobalt xlorid (toksik maddə) maddəsidir ki, hal-hazırda avropa birliyi istifadəsini qadağa edib.

narıncı silikogel isə toksik deyil, nisbətən bahadır. quruluq halında narıncı, nəmlə doyduqda isə yaşıl rəngə çevrilir.


not: zəhərli maddə deyil, ümumən, tərkibcə qumla yaxındı demək olar ki. toksiklik xüsusiyyəti kobalt xloridə görə mavi silikogeldə var sadəcə.

Not 2: Mariya kürüsündən: qumlar tərkibcə fərqli ola bilər, silica gel də Adi qumdan fərqlənir, daxilə qəbulu yenə də təhlükəlidi. Təşəkkürlər.

son evdəki təhlükə

original adı: peril at the end house
aqata kristinin detektiv əsərlərindən biri. 1932-ci ildə çap edilib. həmçinin "poirot" serialının ikinci sezonun birinci bölümünün adıdır.
mövzusu: cornvall-da tətil zamanı erkül puaro nick buckley ilə tanış olur. qızın bir neçə ölümlə nəticələnə biləcək "qəza"dan təsadüfən qurtulduğunu öyrənən puaro bu qəzaları araşdırmağa başlayır.

primoqenitura

Ailənin bütün/əsas mülkünün evlilik zamanı (qanuni) ilk doğulan uşağa keçməsi halıdır.
Əsas nümunəsi, Monarx taxt-tacının ilk doğulan uşağa keçməsidir. Monarxiya ilə idarə olunan ölkələrin çoxunda bu üsul tətbiq olunur.

Primoqenituranın bir neçə növü var. Misal olaraq:

absolute primogeniture, yəni tam primoqenitura. ilk qanuni doğulan uşağın cinsiyyətindən asılı olmadan əsas varis olmasıdır. Monarxiya üçün Bu üsul, 1980ci ildə ilk dəfə isveçdə tətbiq olunub.

Male-preference primogeniture, kişi üstünlüklü primoqenitura. Adından da göründüyü kimi, ilk qanuni doğulan oğulun varis hesab olunmasıdır. Monarxın qızlarının varis ola bilməsi üçün heç bir oğlunun olmaması lazımdır.

Agnatic primogeniture, ata xətti [?] Primoqeniturası.
Monarxın oğullarının qardaşlara görə üstünlük əldə etməsidir. Monarxın oğulları olmadıqda taxt ən yaxın kişi varisə (əsasən yaşca ən yaxın qardaş) qalır.

daha çox məlumat üçün

kermit the frog

bu sifarişi verən: adsızinsan
"The Muppets show"nun ən məşhur personajlarından biri.
personaj yaradıldığı vaxtdan 1990-a kimi jim henson tərəfindən səsləndirilib. hensonun ölümündən 2016-cı ilə qədər səsləndirməni steve whitmire edib. whitmire 2016-dan işdən ayrılır/qovulur. hal-hazırda, kermit matt vogel tərəfindən səsləndirilir.

taken

luc bessonun robert mark kamenlə birgə ssenarisini yazdığı trilogiyanın adı və 2008-ci tarixli ilk filmi. başrollarda liam neeson, maggie grace kimi aktyorlar var. imdb: 7.8

mövzusu: köhnə amerikan gizli servis agentinin qızı parisə səyahəti zamanı insan qaçaqmalçıları tərəfindən oğurlanır. atası isə qızını xilas etməyə çalışır.


fikrimcə, hər nə qədər "cliche" olduğu deyilsə də uğurlu film sayıla bilər. filmin action filmi olduğunu nəzərə alıb izləyirsizsə razı qalacaqsız. ən uğurlu tərəfi, həmin action tempinin heç zəifləməməsidi.
film 90-93 dəqiqədir. 90 dəqiqəlik versiya sinemalardakı versiyasıdır. 93 dəqiqəlik versiya isə "extended cut" versiyasıdır.

strangers on a train

Patricia highsmithin eyniadlı əsəri əsasında çəkilən Hitchcock filmi.

Mövzusu (spoiler ola bilər):





--spoiler--

Bruno Anthony və guy haines bir qatarda tanış olurlar. Hər ikisinin də öz problemləri var. Guy evlidir və boşanmaq istəyir, Bruno isə atasından bezmiş bir insandır. Bruno Guy-a bu problemlərindən qurtulmaq üçün onun arvadını və öz atasını öldürmək təklifini verir, sadəcə cinayətləri dəyişəcəklər və beləcə, qətli törədən şəxs qurbanı tanımadığı üçün motivi də olmayacaq. Hadisələr bu təklifə bağlı olaraq inkişaf edir.


--spoiler--


fikrimcə, Hitchcockun ən yaxşı filmlərindən biridir, amma təəssüf ki, psycho və the birds qədər məşhur deyil.

the lighthouse

Baş rollarda Robert pattinson Kırmızıgülün və willem dafoenin oynadığı 2019cu ildə çıxan bir film. imdb: 7.5.

mövzusu: film dəniz fənərində işləmək üçün bir adaya gələn adamla, dəniz fənərində illərlə işləyən bir adamın bir yerdə keçirdiyi günlərdən bəhs edir.



Fikrimcə, çox süni bir film idi. 2019 olmasına baxmayaraq, ağ - qara film olması, hər səhnənin, sözün ciddi anlamında hər səhnənin sanki sənət əsəri çəkəcəyik iddiası ilə 'estetik' görüntü ilə çəkilməyə çalışılması və s.

filmlə əlaqəli ən yaxşı hissə, məncə, Hitchcockvari abu-havanı rahatlıqla hiss etdirə bilməsi idi.