yay ab-havalı filmlər

bəziləri rəng çalarları və sinematoqrafiyasına görə, bəziləri hekayəsi yayı əhatə edir deyə izlədiklərim arasından seçdiyim filmlərdir. yay bitmədən izləmək daha zövq verər. filmlər istehsal ilinə görə yenidən köhnəyə görə sıralanıb, həm yaxşılar, həm də bok gibi olanlar var aralarında.

(bax: aftersun)
(baxma: the lost daughter)
(baxma: the hand of god)
(baxma: the florida project)
(bax: call me by your name)
(bax: limonata)

honeyland

16 avqustda sevil beynəlxalq qadın sənədli film festivalında nümayiş olunacaq sənədli film.
Fiilm haqqında fikirlərimi #303286 nömrəli entrimdə yazmışam. Vaxtınız uyğun gələrsə mütləq izləməyinizi tövsiyə edirəm. Zatən festivala giriş pulsuzdur, mümkün qədər gedib izləyin. Həm əylənin, həm də vaxtınız xoş keçsin.

the gray man

heç bir gözləntim olmadan ana de armas üçün baxdığım, yenə də olmayan gözləntimi belə qarşılamayan film. Netflixin ən yüksək büdcəli filmi olmasına rəğmən effektlər, senari, ümumən hər şeyi ilə bomboş bir filmdir, Döyüş səhnələri də hind filmlərindəki kimi absurddur. Vaxt ayırıb izləməyə dəyməz, fikrimcə. kyno podkast bölümünün birində şərh ediblər filmi, mənim də tənqidi yanaşmam eynidir. fikir formalaşdırmaq üçün dinləyə bilərsiniz. Qısacası, vaxt itirib izləməyinizi tövsiyə etmirəm.

(youtube: )

anam ağaca çıxıb

1986-cı ildə firəngiz qurbanova rejissorluğu ilə çəkilmiş 7 dəqiqəlik animasiya filmi.
Adı ilə güldürmüşdür, animasiyanı izləyəndə daha çox güldüm. ana balaca qızına sıyıq yedizdirmək üçün nağıl danışır, guya yeməsə evdən çıxıb ağacda yaşayacaq. hekayə maraqlı uydurulub, xeyli güldüm dialoqlara. yutubda izləyə bilərsiniz. uşaqlar üçün maraqlı animasiya olar.

(youtube: )

lux aeterna

Gərginlik, stress, həyəcan və narahatlıqla dolu 51 dəqiqəlik gaspar noe filmi. Premyerası 2019-cu ildə cannes film festivalında olub.

Film Charlotte Gainsbourg və Béatrice Dalle adlı iki aktrisanın cadugərlər haqqında filmdə rol almasını ön planda tutur. Filmin ilk dəqiqələrindən gərgin atmosfera bürümüşdü məni, irəlilədikcə gərginlik daha da yüksəlir. Film setində çıxan problemlə aləm bir-birinə dəyir, hər şey fucked-up olur bir sözlə.

Digər gaspar noe filmləri kimi narahatedici vibe verdi mənə, işıq effektlərindən narahat oldum. izləməsəniz də bir şey itirməzsiniz, fikrimcə.

blue balls

Tibbi olaraq epididymal hypertension olaraq bilinən durumun slangda adı.
Oğlanlarda təhrik olub uzun müddət ereksiya sonrası orqazm yaxud boşalma olmadıqda cinsi nayihələrdə yaranan ağrıdır.
Seksual olaraq təhrik olan zaman testis və penisdəki damarlar genişlənir və qan dövranı sürətlənir, beləcə ereksiya yaranır. Boşalmadan sonra isə normaya qayıdır* şəxsi təcrübə deyil, internetdə belə yazılıb xd . uzun müddət qan dövranı və ereksiya sonrası boşalma olmayanda "blue balls" olaraq bilinən ağrı meydana çıxır.
Adətən ilk dəfə ciddi öpüşdən sonra oğlanların yaşadığı kabusdur, əsas çıxış yolu olaraq ən qısa zamanda boşalma yazılıb.
Şəxsi təcrübəm olmadığı üçün məndən elmi tərəfini yazmaq idi, oğlan yazarlar şəxsi təcrübələrə əsaslanan entri ilə məsləhətlər yaza bilər. -*

grazuole

"- ana, mən böyüyəndə sənin kimi çox daha gözəl olacağam, elədir?
Və biz uçub gedəcəyik. Bu gün bir poster gördüm, istədiyimiz hər yerə uça biləcəyimiz yazılmışdı.
+ səfeh, bəlkə uça bilərsən, amma özündən qaça bilməzsən.
- qaçmaq niyə? Birgə uçacağıq və xoşbəxt olacağıq!
+ insanlar həmişə düşünür ki, başqa yerdə daha xoşbəxt olacaqlar. Amma xoşbəxt insan istənilən yerdə xoşbəxtdir."

1969-cu ildə Arūnas Žebriūnas rejissorluğu ilə çəkilmiş Litva istehsalı film.

"Grazuole" (litv. gözəl) , digər adıyla "The beauty" Litvada uşaqların oynadığı bir oyuna referansdır. Bir nəfər ortada rəqs edir, digərləri də onu dairəyə alıb əl çalır, komplimentlər deyir, ortadakı uşaq da "Gözəl" olan sayılır. Filmdəki gözəl inga adlı balaca qızdır, şən, dəcəl, şıltaq, gözəl olduğuna çox inanan bu qıza qonşuluğa təzə köçən uşaq çirkin olduğunu deyir, beləcə inga tərəddüd və kədərə qapılır.

Rejissor balaca qızın gündəlik həyatına fokuslanıb, evdə, küçədə, təkbaşına davranışları və emosiyaların necə dəyişdiyi göstərilir. Başqa birisinin üzünə qarşı çirkin deməsi ilə uşağın balaca dünyasının necə yıxıldığı, kədərə qapıldığı aydın görünür. Filmin atmosferası çox məsum, içdən, zərif təəssürat bağışladı mənə. Çox vaxt uşaqların hisslətini gözardı edirik, amma bu filmdə 2 kəlmə sözün bir uşağı necə üzə biləcəyi aydın təsvir olunub.

8 yaşlı aktrisa rolunu elə mükəmməl mənimsəyib ki, adam film izlədiyini unudur. Balaca hərdən kameranın obyektivinə baxır ki, bu da daha realist təsir bağışlayır.

Filmdə əsasən gözəllik anlayışı, insanların hissləri sorğulanır. Sizi yormayacaq, şirin ab-havalı film izləmək istəyirsinizsə, buyurun, buradan izləyin.

yuxu filmi (2001)

Şamil süleymanovun başına gələn real hadisələr əsasında rejissor fikrət əliyevin 2001-ci ildə ekranlara çıxardığı film. Aktyor yuxusunda sevdiyi qızı qaçırdığını görür, bunu bilən nəsəsi isə onu yüngülcə döyür. Şamil bəy bunu rejissora danışır və beləcə senari formalaşır. Filmin çəkilişlərinə 1993-cü ildə başlanılsa da, filmə büdcə ayıran şəxsin müflis olması ilə ancaq 2001-ci ildə tamamlanır.
Baş rollarda nəsibə zeynalova, yaşar nuri, zərginar ağakişiyeva, səyavuş aslan və s. kimi tanınmış heyət rol alıb. Film 90-cı illərdə kiçik bakı qəsəbəsində keçir, nənəsi ilə yaşayan yetim oğlan əlabbas və naçalnikin qızı arasında olan sevgi münasibətini göstərir. Əlabbasın Gördüyü yuxu kəndə xaos salır və hadisələr cərəyan edir.
Filmin əksər hissəsi buzovna qəsəbəsində çəkilib. Kənd əhli filmin çəkilişinə kömək edib, bəzi səhnələrdə rol alıblar.
Film komediya filmi sayılsa da, ikinci hissədə hadisələr dramatikləşir bir növ. Əlabbas könüllü orduya yazılır, qayıtdıqdan sonra isə əvvəlki dəcəl halından heç nə qalmır. Artıq daha ciddi, məsuliyyətli olur.
Filmin çox səmimi ab-havası var, dialoqlara xeyli güldüm. Yumoristik tənqid də gözümdən qaçmadı. Varlı-kasıb təbəqələnməsi gözə çarpılır.
--spoiler--

Naçalnikin arvadı məsmə xanıma nəvəsi tapılmasa maddi köməklik, yağdan düyüdən nə lazım olsa verəcəklərini deyir. Burada varlıların hər şeyi maddiyyatla ört-basdır etmə çabaları üzə çıxarılıb, fikrimcə. Oxşar səhnə "qaraca qız" filmində də var idi səhv etmirəmsə.

--spoiler--

izləməyə dəyər filmdir, yutubda əlçatandır.

Mənbə: belə belə işlər youtube videosu və öz subyektiv düşüncələrim.

gloomy sunday

Macar pianist Rezso Seress tərəfindən 1933-cü ildə ifa edilmiş mahnı. Mahnının yayımlanması the great depression dövrünə təsadüf etmişdir, deyilənlərə görə kütləvi intiharlara səbəb olub. Buna görə də, "hungarian suicide song" olaraq da bilnir. Bir çox insan intihar notunda mahnının sözlərindən quote qoyub, ya da dinləyərkən intihar edib. Buna görə mahnı macarıstan və ingiltərədə ban edilir.
Mən heather nova coveri ilə tanıyıb sevmişəm, hekayəsini sonradan öyrəndim. billie holiday kimi məşhurlar da cover edib, amma ilk eşitdiyim versiya mənə görə ən yaxşısıdır.
Original versiya:

(youtube: )

(youtube: )

sida

Qiçs xəstəliyinin fransızca adı.

Həmçinin, 2006-cı ildə gaspar noe tərəfindən çəkilmiş 17 dəqiqəlik qısa sənədli film.
film LDM Productions tərəfindən təşkil edilmiş "8" adlı film proyektinin bir parçasıdır. Gaspar Noe bu layihəyə SIDA (AIDS) filmi ilə qatılaraq dəstək verib. Film Burkina'da qiçs-ə yoluxmuş bir adamın real həyat hekayəsini danışır.

Digər noe filmləri kimi bu da narahatedici idi. Amma görüntülərə görə yox, adamın yaşadıqlarına görə. Qiçs barədə heç vaxt dərindən araşdırmamışam, bu qədər şey disturbing təsir etdi ona görə. Dəhşətdir sadəcə. izləyin mütləq, xüsusən də seks işçiləri ilə birgə olursuzsa.
Filmdəki adam çəkilişlərdən bir müddət sonra xəstəliyə yenik düşərək vəfat etmişdir.

Qısacası, prezervativ istifadə edin və özünüzü qoruyun. Tək condom kifayət deyil, gigiyenik olmayan mühitlərdən çəkinin və sağlamlığına əmin olmadığınız biri ilə seksdən uzaq olun.

oslo trilogiyası

*joachim trier*in 2006-cı ildə bünövrəsini qoyub 2021-ci ildə yekunlaşdırdığı trilogiya.
Filmlər:
(baxma: reprise) (2006)
(bax: oslo, august 31st) (2011)
(bax: the worst person in the world) (2021)

içlərində özümü ən çox tapdığım sonuncu, ən sevdiyim isə ikinci filmdir. Hər üç film bir-birindən bağımsızdır, lakin üç filmdə də aktyor *Anders Danielsen Lie* rol alıb.
Rejissor filmlərdə incəsənət, ədəbiyyat, həyatın mənası, münasibətlər kimi mövzuları ön planda tutub. Hər üçü depressiv dram filmidir. Trierin yazar, ədəbiyyatçı olmağı elə filmlərə də yansıyıb.

petite maman

*celine sciamma* rejissorluğu ilə çəkilib 2021-ci ildə ekranlara çıxmış 72 dəqiqəlik şipşirin film.

Film boyunca 8 yaşlı qızın dünyasına səyahət edib hər şeyi onun gözündən görə, duyğularını yaşaya bilirik. Rejissor bu barədə çox mükəmməl iş görüb, fikrimcə.

Film çox sevdiyi nənəsinin ölümündən sonra anasının uşaqlığını keçirdiyi evə qayıdıb yır-yığış etməkdə valideynlərinə kömək edən 8 yaşlı Nelly haqdadır. Burada öz həmyaşıdı, anası ilə eyniadlı marion ilə tanış olur və aralarında güclü dostluq bağı yaranır.

Filmin atmosferası çox məsumdur. Hər şeyi bir uşağın gözündən görürük çünki. Bir vaxtlar özümün də belə məsum olduğumu düşünüb qəribə olmadım deyil. Film boyunca bir uşağın qorxuları, arzuları, qayğıları, sevinci və kədərini yaşadım. Valideyn-övlad münasibəti özünəməxsus yansıyıb filmə. Vaxt ayırıb izləməyə dəyər.

- üzr istəyirəm.
+ nə üçün?
- səni burada qoyub getdiyimə görə.