Son yazılanlar
Hazırki streak: 0 gün ardıcıl post yazılıb.
Rekord: 22 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 73 (karma əsasında)
Növbəti səviyyəyə: 27 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 43,397
Toplam simvol: 260,381
Orta entry uzunluğu: 389 simvol
Kitab ekvivalenti: ~0.6 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
uşaqlıqda allah zənn etdiyi
ludwig wittgenstein
sürət hüseynov
Alman, ingilis olmaqdan fərqli olmayan şeydir. Millətlərin genetikası haqqında ciddi bir məlumatım yoxdur, amma "Azərbaycanlı olmaq filan şey eləməkdir" deyərək uşaq böyüdürüksə, o uşağ böyük ehtimalla "filan şey" edəcək. Çünki, o artıq onun kimliyinin bir parçasına çevrilir. Ona görə də, övlad tərbiyə edəndə, adam balası kimi tərbiyə etmək lazımdır ki, azərbaycanlı olmaq deyəndə daima neqativ şeylər gəlməsin ağıla.
2015-ci ilin bir yaz axşamında məndən hal-əhval tutan yazar. Heç bir tanışlığımız yox idi, indi də yoxdur. Amma qısa və maraqlı həmsöhbət olduq.
Keçmiş günləri xatırladan başlıq.
Bu ildən etibarən Vyanaya köçən Soros fondunun maliyyələşdirdiyi universitet. Bu ilə qədər Budapeştdə fəaliyyət göstərirdi. Millətçilərin təzyiqi ilə çıxmağa məcbur oldular deyəsən. Ən çox insan haqları və siyasi elmlər sahəsində ixtisaslaşıblar. Keçən il siyasi elmlər ixtisasına qəbul olsam da maliyyə problemlərinə görə gedə bilmədim. Vyanaya köçməsi ilə birlikdə tələbələr üçün daha çox problemli olacaq, çünki Vyanada həyat Budapeştə nəzərən daha bahadır.
indiyə qədərki döyüşlər göstərir ki, Azərbaycan ordusunun planı təqribən belədir: cənub cəbhəsindən irəliləmək və şimal cəbhəsini daim gərgin saxlamaq. Şimaldan irəliləyişin olmaması bununla əlaqəlidir. Dağlıq Qarabağa şərqdən girmək intihara bərabər bir şeydir. Çünki, birbaşa dağa qarşı vuruşursan. Belə halda çox itki ola bilərdi. Amma cənubdan irəliləyərək Laçın dəhlizini nəzarət altına ala bilsək işi bitmiş saymaq olar. Laçın dəhlizi dağlıq qarabağın boynu kimidir, onu nəzarət altına almaq dağlıq Qarabağın boynunu qırmaq deməkdir. Təqribən 80 faiz qələbə ehtimalı var. Şimaldan isə Ağdərə-Vardenis yoluna deyilənə görə Azərbaycan ordusu nəzarət edir. O da dağlıq Qarabağın ikinci əsas bəsləyici damarıdır.
Beləliklə, şimaldan və cənubdan gələn qüvvələr kəlbəcər - Laçın xəttində birləşə bilsələr dağlıq qarabağ mühasirəyə düşmüş olacaq. Bununla da təqribən 10-15 günə təslim olacaqlar, sülh danışıqları başlayacaq. Bu əslində bizə alibi vermiş olacaq. Çünki, praktiki olaraq bir dövləti tanımaq üçün əsas meyar özünü saxlaya bilməsidir. Dağlıq Qarabağ müstəqil dövlət olmağa iddia edirsə özünü iqtisadi baxımdan saxlaya bilməlidir. Yoxsa heç kim heç vaxt tanımayacaq. Mühasirəyə düşəndən sonra özləri məcburən təslim olacaqlar ki, bu da bizə alibi verəcək dağlıq Qarabağın Azərbaycan ərazisi olması üçün. Belə.
"Yaxşı geyinmək" anlayışına görə dəyişəbiləcək insandır. Məsələn, mən normal qazanıram. Maddi imkanım özümə görə normaldır. Amma hər ay bir dənə şalvar alan tip deyiləm. Mənə mənasız gəlir paltara çox pul vermək. Geyindiyimi səliqəli, təmiz geyinirəm. Bir paltarı köhnəlmədikcə dəyişməyə ehtiyac duymuram. Pulumu daha yaxşı, maraqlı, gələcəyimə yatırım ola biləcək şeylərə xərcləyirəm.
Strasburq gəlir ilk əvvəl. O sakit, insansız, maşınsız küçələri ilə, yamyaşıl parkları və şəhərin hər tərəfindən keçən çayları ilə. Bir də Paris təbii ki. Eyfel, Sartrın məzarı.
"Bekar" musiqidə notu neytrallaşdıran işarədir. "Diyez" yarım ton artırır, "Bemol" yarım ton azaldır. "Bekar" isə olduğu kimi saxlayır.
Azərbaycanda çox-çox az sayda olan kişi. Səmimi şəkildə feminizmi dəstəkləyən kişilər təəssüf ki, yığsan bir yerə 50 nəfəri keçməyəcək dərəcədə azdır. Çoxu üzdə başqa cür danışır, əslində başqa cür düşünür. Bunun da səbəbi bəllidir: qız tutmaq. Amma səhv yoldadır, çünki heç bir qadın kişini feminist olduğuna görə sevmir. Ən azından mən görməmişəm belə bir şey.
Yann Tiersenin Amelie filmində yaratdığı əsərlərdən biri. Piano versiyası çox gözəldir.
Deyəsən artıq qalib gəldiyim savaş. Təxminən 10 ay əvvəl xarici ölkədə çox baha olması səbəbindən tərgitməyə başlamışdım. Amma həmin vaxt çox az hallarda da olsa çəkirdim bir dənə filan. Sonra Azərbaycana qayıtdım o bir dənələr həmişəki kimi artmağa başladı. içki içəndə daha çox çəkməyə başlayırdım. Bu ara-sıra "tərgitmələr-yenidən başlamalar" martın axırına kimi davam elədi. Sonra bir dəfə bir gün çəkməməyə söz verdim, sonra o biri gün, sonra o biri gün. Belə-belə artıq 3 ay tamam olub ki dilimə dəymir. Əvvəllər spirtli içki içəndə ürəyim istəyirdi, artıq onu da aşmışam.
Tərgitməklə nə qazandın deyə sual verə bilərsiz? Düzü çəkən vaxtlarımda belə çox çəkən deyildim. Bir qutunun yarısını ancaq çəkə bilirdim. Bu da bir aya 15-20 qutu arası edirdi. indiki qiymətlə hesablasaq azı 60 manat qabağam hər ay. Bunu da geyimə, istirahətimə, əyləncəmə xərcləyirəm.
Səhər tezdən ağzımda iyrənc dad olmur. Özümü gücsüz, yorğun hiss etmirəm. Spirtli içkidən də zövq alıram artıq. Çünki, siqaret çəkəndə daha tez sərxoş olursan deyə zövq ala bilmirsən içkidən.
Necə tərgitdin sualına isə xüsusi bir cavabım yoxdur. Xarici ölkəyə 40 günlük araşdırma proqramı çərçivəsində getmişdim. Orda siqaretin baha olduğunu bilirdim. Bizim pulla hardasa 10 manat. Ay yarıma da 450 manat edirdi ki, siqaretə bu qədər pul vermək axmaqlıq olardı. 1 ay əvvəldən özümü psixoloji olaraq hazırlamışdım ki, tərgidəcəm. ilk 2-3 gün bir az çətin oldu. Sonra heç nə hiss eləmədim. Təbii ki, bu arada siqaretin əvəzinə yeməyimi artırmalı oldum. Çünki, ağız dolu olmalıdır ki, siqareti unudasan. Çox çəki aldım, sonra o çəkini də verdim.
Xüsusi məsləhətim o ola bilər ki, yavaş-yavaş tərgitmək deyilən bir şey yoxdur məncə. Əvvəllər cəhd etmişəm, alınmayıb. Özümə söz verirdim ki, günə 4 dənə çəkəcəm. Siqaretin saatını gözləyərkən ancaq siqaret düşünürdüm, nəticədə ağlımdan çıxmırdı. Ona görə də özünüzü psixoloji olaraq hazırlayın, bir dəfə atın canınız qurtarsın. Nəsə lazım olsa mesaj qutusunu qırmızılandırın, cavab verəcəm
Ən böyük səhvinin keçən ilin sonlarında "islahat" imitasiyasına inanması olan şəxs, ictimai fəal. ictimai tv-də efirə filan çıxmışdı. Bu gün Facebook-da göstərdiyi tənqidi mövqeyin 20 faizini o verilişdə göstərməmişdi. ilham Əliyevin səs verdiyi dairədən namizədliyini verərək hökumətə bir jest eləmişdi. Ancaq tutmadı. Tutmayacağını əvvəldən biləcək qədər ağıllı adamdı, amma niyəsə axına qapılmışdı.
tərəflərin bir-birlərindən yüksək gözləntisinin olmamasının Uğurlu olmasının tək səbəbi olan evlilik. Bu cür evlənən insanlar standart azərbaycan ailəsində ər və arvadın öhdəliklərini bilir və yerinə yetirirlərsə tamamdır. Ər pul qazanırsa, arvad da ev işlərini görürsə heç bir problem olmur. Çünki başqa bir gözləntiləri yoxdur. Amma sevib evlənənlərin diqqət, qayğı, sevgi, ehtiras filan söhbətiləri olur deyə ekstra problemlər hər zaman olur.
Adını "ikinci Dünya Müharibəsi" olaraq dəyişilməsini təklif edənlərin yarım qram iQ-sü olmadığı müharibə. Niyə dəyişək? Çünki, SSRi bizi işğal etmişdi və 1990-da qırğın törədib Bakıda. Yaxşı, mənim babam 1923-cü ildə anadan olub, 1989-da da dünyasını dəyişib. Nə SSRi-nin işğalını görüb, nə də 20 yanvar hadisələrini. Gözünü açıb SSRi-ni vətən olaraq görüb, elə də ölüb. Bu adam vətəni üçün döyüşüb və yaralanıb. Sənin tarixin 100 illik astanasından baxıb "ruslar bizim düşmənimizdir" deməyin, mənim babamın vətəni üçün döyüşdüyü gerçəyini dəyişmir. Azərbaycandan ölən 650 min insan vətən uğrunda ölüblər. Onlar SSRi-ni vətən olaraq görüblər. indi durub demək ki, bu müharibə böyük vətən müharibəsi deyildi, əslində işğalçı SSRi-nin apardığı müharibə idi, 650 min insanın ruhuna hörmətsizlik deyil? Və ya hələ də yaşayan bir veterana gedib necə demək olat ki, sən vətən uğrunda vuruşmamısan, işğalçıya kömək eləmisən? 300 il sonra Ermənistanla sülh bağlasaq bu günki şəhidlərə bizim dostumuzla vuruşduqlarına görə qəhrəman sayılmayacaqlar onda? Nə mənasız adamlar var da.
Qızın bakirəliyini pozmaq müqabilində atasına verilən pul. Bəli, başlıq pulunun qızın atasına verilmə məqsədi odur ki, onun qızının bakirəliyini pozma haqqını alasınız. Bunun sübutu üçün ən gözəl nümunə evlənib ayrılmış qız ilə evlənəndə başlıq pulunun verilməməsidir. Niyə? Çünki, qızın birinci əri o qızın bakirəliyini pozmaq müqabilində atasına pulu verir, ona görə atası onu ikinci dəfə sata bilmir. indi deyirlər ki, qız cehiz alır, qızıl alır filan. Guya oğlan o pulu kömək qızın ailəsinə kömək üçün verir. Halbuki, Eric Berkowitz "Sex and Punishment" kitabında yazır ki, bu adət qədim Assuriyalılardan, Şumerlərdən gəlir. O vaxt ki, cehiz yox idi. Onda niyə verirdilər? Təbii ki, qızın bakirəliyini almaq üçün. Hətta, bir oğlan qızı zorlayardısa, qızın atası başlıq pulunun 3 mislini oğlandan tələb edə bilirmiş o vaxtlar.
Leonard Cohen müəllimin öləndən 3 il sonra çıxan albomundakı ən yaxşı mahnı. Bu adamın mahnılarında şeirlə musiqinin sərhəddi elə itir ki, bilmirsən adam oxuyur ya şeir deyir.
)Əqli qüsurlu olan birindən sistemə qarşı çıxması istənən film. Adam əqli qüsurludur, çatışmazlıq var, durub anarxizmin əsaslarını ilk dəfə ABŞ-da tətbiq edən şəxs olası deyildi ki. Belə 10 üzərindən 15 vediyim filmdir. Hər ay bir dəfə izləyirəm azı. Hələ axırda oğlunu görəndə "o da mənim kimi deyil?" deməyinə hər dəfə kövrəlirəm.
irəli sürülən nəzəriyyənin elmi ola bilməsi üçün "yanlışlanabilən"(falsiable) olmalı olduğunu iddia edən nəzəriyyə. Bir teoriya o zaman elmi olur ki, onun yanlışlana bilmə imkanı olur. Qalanları elmi nəzəriyyə yox, taftalogiyadır. Məsələn, "Bütün qu quşları ağdır" deyirsən və qara qu quşu tapırsansa buna iki cür şərh vermək olar:
1. Qara qu quşu tapdığıma görə deməli "Bütün qu quşları ağdır" iddiası yalandır.
2. Tapdığım quş qara rəngdə olduğuna görə bu quş qu quşu deyil, çünki, bütün qu quşları ağdır.
1-ci şərh elmi(scientific) şərhdir və nəzəriyyənin yanlışlana biləcəyini göstərir. 2-ci şərh isə taftalogiyadır, çünki iddianı qəti bir hökm kimi qəbul edir və onun əksini deyən hər şeyi səhv sayır.
Pozitivstlərin fikrincə, hər nəzəriyyənin səhv olma ehtimalı olmalıdır. Bir nəzəriyyənin inkişaf etdirilməsi üçün onun səhvlərini tapmaq daha effektivdir. Məsələn, dünyadakı bütün qu quşların ağ olduğunu təsdiqləyici nümunələr toplamaq qeyri-mümkündür. Milyonlarla ağ qu quşu var, bunların hamısını dənə-dənə yoxlayıb iddianın düz olduğunu təsdiqləməkdənsə, qara qu quşu axtarmaq lazımdır.
Haqqında başlığın açılmaması çox düşündürücü olan cihaz, kompüter və ya bilgini sayan əşya. 2018 modelini bir neçə gün əvvəl almışam. 8 illik hp 4530s modelindən sonra, atdan düşün BMW-yə minmiş kimi hiss edirəm. 128 GB versiyası 1099 dollardır. Amma daha ucuz da tapmaq olur endirimlərlə. Mən 850 dollara aldım. Adamlar interfeysi elə komfortlu ediblər ki, işlədikcə işləmək istəyirsən
Son bəyənilənlər
