donuz əti

Uşaqlıqda Qaban əti, yəni vəhşi donuz atam ovlayardı, kababını soğan, göyərtiyə qarışdırıb yeyərdik. Həyatımda ondan sonra nə qədər kabab yesəm də o dadı almadım.
O ki qaldı donuzun haram olmasına, əziz cüməsini məsciddə keçirən yoldaşlar, donuz bizə biolojik olaraq çox yaxındır, yəni tibbdə istifadəsi qaçınılmazdır. Başlıcası, donuz insulini.. əvvəllər bu preparatlar qaramal insulini ilə müqayisədə daha az allergik reaksiya törədirdilər. Yəni faktiki istifadə olunub.
ikincisi, ürək qapaqcıqları.. donuz ürəyindən alınan bu qapaqcıqlar sterilizə edilir, insanda toxuma səviyyəsində uyğunluğa gətirilir və xəstəyə köçürülür. indi də çox yayğındır. Hələ də çox orqanı (ürək, böyrək kimi) köçürmək üçün üzərində işləyirlər.
Üçüncüsü, heparin.. bu qan sulandırıcı tibbin, xüsusilə cərrahi əməliyyatların laxta qarşıtı əvəzedilməzi.. donuz bağırsaqlarından əldə olunur.
Dördüncüsü, dərmanları örtən jelatin təbəqə və tibbi vasitələrdə (süngər, tikiş materialları) donuzdan hazırlanmaqdadır.
Beşincisi, kosmetik vasitələriniz.. Heyvani yağ olduğunu deyir.. (hökmən donuz deyil, balıq da , inək də, yosunlardan alınan aqar-aqar da ola bilər, amma donuz da ola biləcəyini vurğulamaq istəyirəm. ) sabun, krem, losyonlarınızda, dodaq balzamı, şampununuzda olan yağ donuz yağı və ondan törəmə maddələrdir.
Altıncısı, dondurma, yoqurt, marşmelou, jelibon, bəzi desertlər elə məhz donuzdan və ya digər heyvanlardan alınan jelatinin hesabınadır. Adı dadlandırıcı və ya stabilizator olaraq gedir.
Çox var, şam, boya, lak, plastik rezin, tükündən fırça, maşın yanacaq, sürtkü, biodizellərdə, nəm dəri məhsulları olan geyimlərdə qısaca, həyatımızın çox yerində rast gəlirik. Din xadimləri tibbi cəhətdən seçimin problem olmadığını deyib amma bu özünə sərf edəni seçməkdir -*

boykot absurdluğu

Ora getməyək boykotdur, bunu yemə boykotdur deyən (bəli, hələ də hökm sürür) tanışların yaratdığı mənzərənin təəssüratlarını və fikir ayrılıqlarımı sizlərlə bölüşmək istərdim.

Əvvəla, Boykot nədir?
bir şəxsə, şirkətə və ya ölkəyə qarşı etiraz olaraq onun məhsullarını almamaq, xidmətindən istifadə etməmək və ya dəstək verməməkdir. Məqsəd odur ki, qarşı tərəf iqtisadi və ya sosial təzyiq hiss edib davranışını dəyişsin.
Bəs boykot doğrudan da işə yaramışmıdır? Bunun üçün tarixin təqribi bir əsr əvvəlki vərəqlərinə baxaq.
1955-ci ildə Rosa Parks-ın Montgomery şəhərində avtobusda yerini bir ağdəriliyə verməkdən imtina etməsi ilə başlayan tarixi prosesdən bəhs edir. Parksın bu cəsarətli addımı, Martin Luther King Jr. rəhbərliyində təşkil olunan 381 günlük Montgomery Bus Boycott-nu alovlandırdı. King-in zorakılıqsız müqavimət fəlsəfəsini necə tətbiq etdiyini və boykotun ABŞ Ali Məhkəməsinin avtobuslarda ayrı-seçkiliyi konstitusiyaya zidd hesab etməsi ilə necə uğur qazandığını göstərir.
Müasir boykotlar da bəzən nəticə verir, məsələn, bəzi şirkətlər heyvan üzərində testləri dayandırdı, ekoloji məsələ ilə bağlı məhsulları dəyişdi.
Az əvvəl misal çəkdiyim tarixi boykotlar məqsədli, təşkilatlı və konkret hədəflə idi.
Müasir boykotlar isə sosial media təsiri ilə, çox vaxt fərdi qəzəb və trend motivi ilə baş verir.
Bu müqayisədən də aydındır ki, boykotun uğuru niyyətin aydınlığı və sistemli olması ilə birbaşa bağlıdır, təkcə trendə qoşulmaqla yox.
Və indi isə bu hərəkat bir sürü axınıdır. Hazırda, geniş kütləvi və qısa müddətli boykotlar çox nadirdir, əksəriyyət trend olaraq qalır.
Bəs indiki əsrdə boykot hökm sürür mü ?
Bəli, insan haqları (işçiyə pis davranma), ekoloji səbəblər (təbiəti çirkləndirmə), sosial media təsiri (filan qatqı maddəsi kanserogen) və ən əsası siyasi səbəblər..
Əvvəla, onu deyim ki, mən də bir zamanlar boykot tərəfdarı olmuşam. Bu kosmetik vasitələrin heyvan üzərində yoxlanıb yoxlanmamasına əsaslanırdı. Çox diqqət etmirdim, zamanla da heç etmədim. Amma ağlımda seçilməli və seçilməməli olan məhsullar şəklində iki yerə haçalanmışdı. Yəni, dəyərlərimə uyğun gəlmədi, qarşı çıxdım və kiçik də olsa öz dünyamda vicdanən nəticə var idi. Bir qədər də anlaşılandır. Amma gələk, bir zamanlarki aspektə.
israil - Fələstin münaqişəsi..
bu münaqişə ilə bağlı bir çox qlobal brend, o cümlədən McDonald's boykot çağırışlarının hədəfi olmuşdu. Bəzi ölkələrdə McDonald's-ın yerli filiallarının israil ordusuna dəstək verdiyi xəbərləri yayılmış və etirazlara səbəb olmuşdu. şirkətin hansı ölkədə necə fəaliyyət göstərməsi, vergi siyasəti, müəyyən sosial məsələlərdə mövqeyi də bir ayrı səbəbdir. Mənim qəpiyim onların boğazından keçə bilməz deyən, gedib boş masaları etiraz niyyətinə tutan, restoranlara siçan salmalar, qısaca çirkin əməllərlə hökm sürən bir etiraz aksiyası.. hə, dinci bir qisim də var. Biz onlardan məhsul alsaq o ölkəyə dəstək vermiş olarıq və axirətdə necə üzə baxarıq. Editlər isə emosional tərzdə, reallığa uymayaraq, bir burgeri göstərərək "gazzedəki uşaqların qanını içirsən "şəklindədir , bu kiçikdən böyüyə çox kəsi narahat etdirmişdir və sorğulatmışdır. Bunlar (dincilər, sosial şəbəkənin qatıq istifadəçiləri) barəsində danışmaq belə istəmirəm. Keçdik..
Boykotu niyə cəfəngiyyat, absürdlük olaraq görürəm.
1. Əvvəla, sərf eləmir. Hansı məşhur markaya baxırsan bax və ya inqredient cəhətdən keyfiyyətlisinə "boykot" əl sallayır. Bəzi insanlar əllərində boykot listi olaraq alışveriş edirlər. Və gülməlisi də odur ki, əksər məhsul da məhz bu "qara" siyahıdakılardır.
2.
“Sənin dəyərlərin mənim dəyərlərimə ziddirsə, sənə pul qazandırmayacam.”
Digər bir aspektdən, Bir ölkəni dəstəkləməyərək, əksinə öz dövlətlərinin gəlirlərinə qarşı çıxırlar.
3. 3- 5 i almır, minlərlə şəxs alır. Bu stastika ilə bir yerə gəlmək olmaz. Olsa da belə, bu qısa çəkəcək bir hərəkatdır. bu cür aksiyaların qlobal təsiri statistik olaraq əksər hallarda 1–2% ətrafında olur.
4. Ölkə həmin məhsulları idxal edir və bu üstünlük təşkil edir. Belə düşüncəylə bir yerdən sonra məhsul tapmayıb aclıq grevinə də başlanıla bilər. Absurddur.
5. Qlobal brendlər (məsələn, McDonald's) çox vaxt françayzinq sistemi ilə işləyir, yəni hər ölkədəki filiallar ayrı-ayrı idarə olunur. McDonald’sdan hamburger alırsan, onun ət və məhsulları ABŞdan gəlmir, yerli istehsal olunur. Hətta həmin ölkədəki filialın hansı sosial və ya siyasi fəaliyyət göstərdiyini sən bilmirsən. Yəni sən məhsulu boykot edərək düşündüyün hədəfə təsir etmirsən.
Həmçinin, dəstəkləmə də qlobal McDonald's şirkətinin rəsmi qərarı yox, yerli filialın addımı idi. Sən bu gün McDonald's yerinə burger king seçirsən, sabah king'in hansı yerli filialının nə edəcəyindən xəbərsizsən.
6. Məncə, bu şişirdilmiş reaksiyadır. Və bu kimi aksiyalarda əli boş qalınmasında səbəb insanların bilinçsiz şəkildə "a bu boykotdur, almayaq" trendinə qoşulmasıdır. Sizə "forrest gump" filmində forrestin aramsız qaçında jurnalistlər bu qaçışın səbəbini soruşduqda forrest aidiyyatsız bir cavab vermişdi. Məqsəd heç kimə aydın olmamışdı. Və bir kütlə onun arxasınca qaçmağa hələ də davam etmişdi. Forrest mən fiziki məhdudiyyətimə rəğmən bunu edirəm desəydi çoxlarına və ən əsası, lazimi şəxslərə stimul olardı. Bu boykotda da insanlar passiv bir hərəkat güdürlər və əlbət, bu da sönməyə meyillidir. Ki söndü də.
Buraxın, özlərini yaxşı hiss etsinlər, günün sonunda bilirlər ki, dünya dəyişmir. Əllərindəki iphone/ apple, istifadə etdikləri instagram, axtarış sistemi olaraq google a yenə davam etsinlər. Soruşulduqda reportaja bu cavabı versinlər: əlimdəki iphone bu hadisələrdən çox əvvəlindir. (Yaşanıb)

Son olaraq, fikrim: kimisi şirkətində ucuz maaşa mı işlədirmiş, uşaq mı işlədirmiş, çox pul mu qazanırmış, hansısa ölkəyə yemək mi veribmiş, internet axtarışlarının məxfiliyi gedib amma eyni qlobal şirkətlərə bağlı bank kartından mı istifadə edir, afedersiniz de kalemime deyil.
Sevərək istifadə edərəm, gedərəm. Onlar isə həmin məhsulların saxtasını , daha çox qatqı maddəlisini ala bilərlər.
Düzü, insanlar brendləri yox, hekayələri boykot edir. Və bu əvvəl dediyim səbəb və passiv davranış olaraq gördüyümdən mənasız və zəif gəlir.

Ha, bir də onların həddinə deyil mənim nə içib hara gedəcəyim.
" mən bunu yemirəm, boykotdur, amma istəsən sən yeyə bilərsən" deyilməli.. bir yeməyə görə terrorist seçilirəmsə ya da israili bankrot etmədiyimi düşünürsə bir az özünü sorğulasın. Bu qədər. içdiyin kolanı al yerə tök ( düzü özü aldığı üçün boykot da olmur) amma mənim içkimə əl dəymə. Din empoze edər kimi də edilməz bu. Əsl mən siz kimiləri boykot edirəm. -*

- şofer, sən mənim seçimim haqda sözlüyə yazmısan
- sən söz6 ya daxil olmusan?
- hə, nə var ki?
- söz6 ya google dan daxil oldun, google da amerikaya bağlıdırsa? Ya məlumatların məxfi deyilsə? Buna susmuş olacaqsan? Bura da boykot deyil?

Nəticə : Boykot anlayışı tarixi və sosial baxımdan mənalı ola bilər, amma müasir dünyada onu yüz faiz effektiv və universal hərəkat kimi görmək yanıltıcıdır. Əsas məsələ fərdi seçimlərdə şüurlu olmaqdır , sən nəyi dəstəkləyirsən, nəyi etmirsən, niyə etmirsən, bunu başa düşmək və buna görə davranmaq. Başqalarının “trend boykot”una qoşulmaqdan daha vacib olan, öz prinsiplərinə uyğun qərarlar verməkdir. Sənə hər hansı məhsul, şirkət xoş deyilsə, əlbət etməyə (onların fikrincə-> dəstəkləmək) bilərsən. Əsas məsələ, başqalarını məcbur etməyə çalışmadan, öz seçimlərinə hörmətlə yanaşmaqdır.

aşmış kamazın şoferi

Feminist deyiləm. Feminizmin bir çox halında kişiləri alçaldan bir diskursa çevrildiyini düşünürəm. Amma bu o demək deyil ki, qadının seçim haqqını müdafiə edən hər kəs avtomatik feministdir. Yazılarım da mütləq feminist mövqe deyil, daha çox humanist yanaşmadır və bəzən mövzuya görə bunun tam əksi də ola bilir. Çünki bəzi entrilərimdə həmcinslərimin davranışlarını da tənqid edirəm.
Sözlükdə yazarkən insanların bir hissəsinin xüsusilə həssas mövzularda yanlış anlamağa meyilli olduğunu bilirəm. Əgər məqsədim hamının razı qalacağı bir şey yazmaq olsaydı, çox rahat şəkildə kütləyə xitab edən və “aa mən də belə düşünürəm” reaksiyası alan entrilər paylaşa bilərdim. Amma mən daha çox içimdən gələn və həqiqətən düşündüyüm şeyi yazıram və mənfi rəy alıram. Bu məni seçkin edir? Güldürməyin.
Entri daxilində demək istədiyimi mümkün qədər aydın yazmağa çalışıram və bundan artığını sübut etməyə ehtiyac duymuram.
Fikir ayrılıqları ola bilər. Amma xahişim odur ki, belə entriləri mühakimə etməzdən əvvəl bir neçə dəfə oxuyun. Sonra sakit bir tonda, etiketləmədən iradınızı bildirin. Mən də cavab verim. Fərqli yanaşmaların bu təkdüzə həyatımda nəsə qatmasını sizdən çox istəyirəm.

mia khalifa

Mia Khalifa livanda dünyaya gəlmiş (ərəb əsilli) , ailəsi ilə abş' a köçmüş, tarix oxumuş (ki indi istəsə də yaratdığı profilə görə işləyə bilməz) amma gəncliyinin cahilliyindən olsa gərək pul və ailəsinin dayatdığı zəncirləri qırmaq, sərhədi özü çəkə biləcəyini göstərmək adına üç aylıq porno sənayesi həyatına atılan, aldığı nisbətən az məbləğə və baş örtüyü ilə çəkdiyi videolara görə işid tərəfindən ölüm təhdidləri alan biri idi. Ailəsi mühafizəkar idi və onun bu yolu seçməsi və radikal qruplardan təhdidlər alması nəticəsində 21 yaşında övladlıqdan rədd edilmişdi.
Üzü və bədəni mənə çox cəlbedici gəlmir. Amma səmimi gördüyüm porno aktrisadır. Aze- Türk rep ifaçısı Alizadeyə qarşı da eyni simpatiyanı hiss edirəm. Hətta xarakter və görünüş baxımından (qaşlarından olsa gərək) (alizadenin əvvəlki halı) bir-birlərinə bir qədər bənzədiklərini düşünürəm. instaqramda hər ikisini izlədiyim zaman Mianın Alizadeni də izlədiyini görmək məndə xoş təəssürat yaratdı.
Kim nə deyir desin, Yaxın Şərq və müsəlman cəmiyyətlərində bu addımları dini və mədəni dəyərlərə qarşı provokasiya kimi qiymətləndirsə də ( ki mia bunun tərəfdarı olmadığını deyib) və ya gənclərə təsiri barədə narahatlığa səbəb olduqlarını düşünsələr də, mən bu iki qadını da sevirəm. rahat və “kafa” dost tipində bir insan təsiri bağışlayırlar. Kaş belə dostlarım çox olsa..

Note: Mia Khalifa haqqında simpatiya bildirməyim bəzi oxucular üçün porno sənayesinə dəstək kimi görünə bilər. Amma mənim demək istədiyim insanların əvvəldən bəzi "səhv"lərinə baxmayaraq onları insan kimi qiymətləndirməkdir. Hər bir insan həyatına sahib çıxıb yolunu dəyişə bilər. Və o da bu yoldadır. Mən demirəm o islamı seçir. Ki seçməsə də olar. Mən demək istəyirəm ki, o əvvəlki zəncirləri qırsa da əsas qırdığı zəncir ona saat başı pul verən o şirkətdən uzaqlaşmağı və sevgi dolu bir münasibətə atılışı olub. iştirak etdiyi proqramlarda zarafat edən, ağıllı və reallıqlardan çəkinməyən biri oluşu məni özünə cəzb edir. Yəni hər şeydən ötə bir insan kimi..
Son zamanlar qazandığı pulları (saytlardan deyil, sosial şəbəkələrdən aldığı və ikonik qara eynəyini satdığı pulla) qadınlar üçün dərnəklərə vermiş və videolarının silinməsi üçün imza toplatmışdır. Yəni haradan bilərsən həyatının altının üstündən daha yaxşı olmayacağı cümləsini erotik mənada deyil də, təslim olmayıb sistemə qarşı çıxaraq həqiqətən göstərmişdir.
Ümumiyyətlə, Həyatın çəkdiyi yolda başqaldırı edən hər bir insanı dəstəkləyir və sevirəm. O da onlardan biridir.

Geçmişi bilmem, ama indi sevərək izləyirəm.

yaltaqlıq

Note: blowjob alçaldıcı bir şey deyil, lol, partnyorlar nədən zövq alırsa qarşılıqlı rza ilə edə bilər, əlbət.
Entri girişində yaltaqlıq kimi, istəksiz məcburiyyəti başqa formada bir kəsə (partnyoruna yox, başqasına məcburi) etməkdən danışılır. Yəni məsələ o deyil, başqa fəalliyyət də ola bilər, sadəcə sərt vurğulamışam.


Birinə yaltaqlıq etmək həmin adama blowjob etməklə eyni gəlir. Çünki hər ikisində də ortaq bir məqam var: insan özünü qarşı tərəfin xoşuna gəlmək üçün həddindən artıq aşağı salır. Yaltaqlıq artıq tərif deyil, ləyaqəti asmaq olur. Fikrimcə, insanın dəyəri kiminsə razılığını qazanmaq üçün özünü kiçiltməməsindədir.

hörmət, qiymət dilənilərək deyill, davranışla qazanılan bir şeydir.
Nə itirirəm, buna görə itirirəm.
Bəziləri nə qazanırlar, buna görə qazanırlar.

Yaltaq yalamaq sözündən türəsə təəccüblənməm və edit: elə də imiş.

dejavu

Note: qeyd edilənlər öz təəssüratlarım və nələrisə əlaqəndirərək araşdırmadan başqa bir şey deyil.

"Əvvəllər beynimdə qəfil bir cümlə yaranardı. Sanki dialoqun içindən qopub gəlirdi. Kim deyəcək bilməzdim. Amma az-çox hiss edərdim. Sonra həmin cümlə bir gün, eyni tonla, eyni vurğuyla deyiləndə içimdə qəribə bir sancı baş qaldırardı: “Bu söz sənə tanışdır. Sadəcə indi eşidirsən.”
Böyüdükcə o xüsusiyyət itdi. Ehtimalların çoxalır və bəlkə də beyin bir yerdən sonra onlara çata bilmir.

(italik: indi isə başqa bir şey olur. Şəkilə baxıram və içimdən bu səs keçir: “Bu hadisə artıq baş verib.” Biri filankəslə sevgili olub deyirlər, eyni mərtəbə, eyni pilləkən döngəsi, eyni paltar, eyni adam.. "Mən bunu sanki yaşayıb bitirmişəm" deyirəm.
Kimsə ölür. Şəkli ekrana verilir. içimdən keçir ki, bu onsuz da ölmüşdü axı.
Zaman xətti qarışıb sanki. Ya xatırlayıram, ya da qabaqcadan görürəm. Amma hər iki halda qəribə bir tanışlıq hissi var. ")

Təhlil:
ilk abzas koqnitiv anticipasiyadır. məntiq və təcrübə ilə proqnoza dayalı, baş verməmiş gələcək hadisəni zehində əvvəlcədən modelləşdirmək və ona emosional və ya fizioloji reaksiya hazırlamaq prosesidir. Walter Cannon buna "stress reaksiyası işi"dir kimi baxır. Daha müasir yanaşmada isə beyin “predictive processing” modeli ilə izah olunur, yəni beyin passiv qəbul edən deyil, daim proqnoz verən orqandır.

--- Bəs bunu nə üçün edir? ---
Stress fonunda, yuxu pozuntusu olduğu zaman, Analitik, özünü və ətrafını müşahidə edən, davranışları sezən insanlarda ortaya çıxır. ( pattern tanıma- Minlərlə xırda detalı arxivdən çıxarıb saniyənin içində müqayisə edir, nəticədə hiss formasında gəlir. və hipervigilant (ayıq) müşahidə)

Kökündə intuisiya var. bir şeyi şüuraltı analiz əsasında görmək..
"intuisiya" anlayışını sistemli araşdıranlardan biri Daniel Kahnemandır. O, düşüncəni iki sistemə bölür:
Sistem 1 --- sürətli, avtomatik, intuitiv
Sistem 2--- yavaş, analitik, məntiqi
Bu dediyim, intuisiya sistem 1-in məhsuludur. Yəni nəticəni görürsən, amma arxadakı hesablamanı görmürsən.
Bu yolla emosional alt mətnlərin oxuna biləcəyi və ssenari qurmaq bacarığında rol oynadığı qeyd olunub.
Əlbət, beyin reallıqdan ibarət deyil. Stress, qorxu və travma onu təhrif edə bilər. Onda intuisiya yox, narahat anticipasiya işləmiş olur.


2-ci abzas isə dejavudur.
Déjavu nədir?
indi baş vermiş bir hadisənin keçmiş aid olduğunu düşünmək..
Bu fenomen, ilk dəfə elmi olaraq, Émile Boirac tərəfindən terminləşdirilib. Sonra nevroloqlar, o cümlədən Sigmund Freud və müasir neyroloqlar bunu yaddaş mexanizmləri ilə əlaqələndiriblər.
Proses:
Səbəb olaraq deyilir ki, beyin həddindən artıq oyaq rejimə keçəndə sensor sistemlər də həssaslaşa bilər. Az yatmaq temporal payı daha həssas edir.
Temporal pay ( yaddaş, tanışlıq hissi) limbik sistem (prefrontal korteks--> proqnoz, ehtimal) əlaqəsinin bir pozuntusudur.
Hippokampus hadisəni “qeyd edir”, amma tanışlıq hissi əvvəlcədən aktivləşir. (Mikro-sinxron səhv)
Beyin saniyənin fraksiyasında “bu əvvəldə baş verib” siqnalı verir.
Bir meta şüur, özünü izləmə.. Beynin özünü nəzarətə alması üçün bir qorunma formasıdır.

Ara- ara burna gələn qəribə qoxu olur--> buna tibbdə fantom qoxu deyilir. Bunun elmi adı phantosmiadır. Bu termini ilk dəfə klinik təsvir edənlərdən biri John Hughlings Jackson olub. Beyində qoxu mərkəzləri (xüsusilə temporal pay və limbik sistem) bəzən xarici stimul olmadan aktivləşə bilər. Nəticədə, yanıq qoxusu, siqaret qoxusu, qaz qoxusu, metal və ya çürümə qoxusu kimi hisslər yaranır. Miqren, yuxarı tənəffüs yolları xəstəliyindən ötə, yenə, təməldə stress, yuxu pozuntusu, yorğunluq hallarından biri və ya bir neçəsi ola bilər.
Uzun müddət stress altında qalan şəxsdə də sinir cəhət oyanıqlılıq müşahidə edilir. Bu da onun təsəvvürlərə, fikirlərə tökülmüş halıdır.

Niyə bunu (fantom qoxunu da) dedim?
Temporal pay epilepsiyası haqqında ilk klinik müşahidələri edənlərdən biri John Hughlings Jackson olub və o, dejavu, dearilizasiya (bəzi səhnələri film kimi yaşamaq) , fantom qoxu epilepsiyanın geniş yayılmış bu növünün əlamətlərindən bir hissə ola bildiyini vurğulamışdır..

Epileptik aura adətən,
qəfil başlayır, saniyələrlə ölçülür, epizodik və təkrarlayıcı olur. bəzən şüur bulanıqlığı ilə davam edir. Mənim dediklərim isə fərqlidir, düşüncə səviyyəsində qəribəlikdir və bu çoxumuzda zaman-zaman yaşanır.

Nəticə olaraq, beynimizin bu gizli proqnozlaşdırma və tanışlıq hissləri bizə həyatın müəyyən anlarını sanki əvvəldən bilirmişik kimi yaşamağa imkan verir. Bu, intuisiya və antecipasiyanın incə əlaqəsidir, lakin eyni zamanda beyin bu proseslərdə bizi yanlış izahlara da sürükləyə bilər. Bu səbəbdən, bəzən bu qəribə tanışlıq hisslərini sadəcə beynimizin bir oyunu kimi qəbul etmək, lakin eyni zamanda öz emosional sağlamlığımızı da izləmək vacibdir. Əgər bu hisslər sizi narahat edirsə, başqa deyişlə, sizi ara-ara şübhəyə düşünməyə vadar edirsə, bir nevroloq müayinəsi (eeq) faydalı ola bilər. (18-30 yaş, temporal lobun həssaslığı, inkişafı ərəfəsi) Bu, həm də həyatın bu qəribə anlarını araşdırmağa, həm özümüzü, həm də beynimizin bizi necə qoruduğunu daha yaxşı anlamağa kömək edir.

yazarların etdiyi umbaylıqlar

Note: ilk dəfəydi. Normalda sadəcə yürüyüşə çıxaram.
Az əvvəl koşu bandı dedikləri treadmill' də bir anda 8 ə basıb pakovkalı o biri dünyaya gedirdim. Bəlkə sadəcə göyərmə olacaqdı. Amma anlıq sos vəziyyətində bütün ssenariləri cızdım. Məsələ budur ki, başımda iki səs var idi.
“fight–flight–freeze” modunda
(Flight) zibildəsən, yıxıl çənən qanasın, bitsin.
Əlin tərdir, özünü saxlaya bilməyəzsən.
Ayaqların yorğundur, dözəməyəssən.
(Freeze-analiz) Digər səsim səsini çıxarmırdı, kömək istəmirdi. Tuşlara və ayaqlarımın dolaşmasına baxırdı. Qəribə pozisiyalara girib özünü saxlamağa çalışırdı. Sürət çox olduğundan ayaqlarım geridəydi, "stop" düyməsinə yaxınlaşmaq çətinləşirdi. iki səs də mənə heç nə qatmadı. Və qısa zaman sonra nəhayət, Ayağımın birini sağa atdım (fight) və trainerin qorxu içində mənə yaxınlaşdığını gördüm. Bu qədər mühüm olduğunu anlamadım. alternativ dəstək panelini göstərdi. Hər bir halda narahat olmuşdu.
Nəticə: birilərindən kömək almaqda çəkinməmək
Ekstreminal vəziyyətlərdə özünü idarə və digər halda səsini çıxarmaq

qızlardan oğlanlara tövsiyələr

Üzbəüzə danışıb özünü təqdim etmək bəzən ən yaxşısıdır.
Amma mesaj atacaqsınızsa bunda diqqət ediləsi:
Ortaq iş yeri, uni şansı artırır, üslub bir o qədər əhəmiyyət kəsb etmir.
Amma random tanış olursunuzsa :

"Tanış olaq? " yox, "tanımaq istərdim" (beləcə, öz dəyərini də unutmursan)
"Mənimlə tanış olmaq istəyərsiniz? " yox, "sizinlə tanış ola bilərəm?"
Dil nəzakətli, maraq göstərən və seçimi ön plana çıxaran üsluba keçir, yox demək çətinləşir. Qız əvvəlki ona yazan şəxsləri xatırlayaraq müqayisə edir.
1. Adam abaza değil
2. Nəsə bir videoya ilişərək söhbət açma taktikası etmir, tanımadığı adamı aya çaya bənzədib təşbehləri düzmür.
3. Yersiz yerə həyatıma soxulub bir salamdan oxuyursan mı hansı uniyə gedirsən kimi suallara keçmir.
4. Salam necəsən yazaraq illərdir danışmadığı əsgərlik dostundan pul istəyən qaqaş təmsili "sən"li yaxınlıq eləmir.


Takipçi sayı.. adam hər önünəgələnə takip atıb izləyənlər isə ona müqayisədə çox aşağıdırsa geri cavab ehtimalınız azdır. Təqribi Bərabərdirsə problem yox (adamın çevresi var.) Müqayisədə Azdırsa problem ola bilər. (Əgər heç tanış deyilsəniz)

ilk izlenim önemlidir

menstruasiya sancısı ilə universitetə getmək

Note: əvvəla menstruasiya normal prosesdir, bu entrini "pick me" lik etmək üçün paylaşır deyəcəklərə isə hormonal dalğalanmalarımın olduğu bu ərəfədən anlayış gözləməyin. (Hədələmə)

Məncə, Bu sancıya görə qızlar 3 yerə ayrılır.
1. Həfif sancı keçirənlər
2. Orta düzeydə Sancı keçirib dərman atmayanlar
3. Ruhunu Allaha tapşıranlar

Mən 3-cüyəm. Bu ağrıya təməl səbəblərindən biri oturaq həyat tərzi ola bilər. Həyatınıza idmanı və yürüyüşü də qatmaq bu kimi ağrılara kömək olur. Əks halda, Əzələlər zəiflədiyindən dolayı, Bu pozisiyada olan şəxslər daha şiddətli bel ağrısı çəkirlər. Heç bir anatomik bilgi olmadan təsəvvür etsəm belə deyərdim:

sanki onurğa beldə bitir. Bütün sinirlərin və eləcə ağrının ucu orada toplanmış, yetməmiş 10 kilo yük asılıb aşağı doğru onurğanı çəkirmişcəsinə .. gərilmə.. və ya onurğa sanki bir ət topasıymışca kəsici bir alətlə atılan kəsiklərin sızlaması.. ağrı yayılaraq çanağın ön hissəsinə və qarına doğru istiqamətlənir. Buna səbəb prostaqlandindir. Bir vəzifəsi ağrı siqnallarını artıraraq, əzələlərin (məsələn uşaqlığın) yığılmasını təmin etməkdir. Bəzi insanlarda bu maddə az ifraz olunur və az ağrı yaranır. Bəzilərində mənim kimi keseden boldur "donat abime masayı en güzelinden" deyərək ver allahım verdir. Hələ yetmir, ürəkbulanma da üstünə gəlir.


Bu ürəkbulanma çox da rast gəlinmir.

Universitetdə isə bu kimi ciddi bir yerdə 80 dəqiqə boyunca (yoxlama alındıqdan sonra çıxmağa icazə yoxdur, problemdir) dərsin sonuna dəqiqələr saydığın, ayağını uzadıb nəfəs alıb vermək , özünü sakitləşdirməyə çalışmaq , amma bir tərəfdən əcəl tərləri.. bu qədər ağrıdan sonra artıq övladım var demək, amma əslində heç nə olmaması.. üstəlik, bu haybahayda müəllim sual verir : şofer, filan terminin mənası nədir?
Aqressiv cavab verəcəyimi düşünürsünüzsə yanılırsınız. Sualın ünvanlanmış olması, sizin nəsə düşünməyiniz və cavablamaq bunlar arxa fonda adrenalin ifrazını yaradır. Belə halda ağrı şokda imişcəsinə azalır. Eyni bir şeyi məsələn acsınız və dərs danışırsınız , bir yerdə beyində diqqəti idarə edən hissələr (xüsusilə prefrontal korteks) aktiv olanda yəni adrenalin,
noradrenalin bir az artması hesabına, aclığı müvəqqəti olaraq daha az hiss etdirir. iştah azalır. Təbii ki, bunlar bir müddətlikdir.

" məncə bu kimi hallar üçün iş yerlərində, təhsil ocaqlarında qızlara heç olmasa bir gün icazə verilə bilərdi" deyənlər üçünsə belə cavablandırım. Bu xəyal bir şeydir, praktikada qarmaşaya səbəbdir. Gəlin, reallığa qayıdaq və bu ağrını azaltmağın yollarına baxaq.
1. Dərman olaraq, spazmolitik (məsələn noşba) dərmanlar bu kimi şiddətli ağrılar üçün yetersizdir. Yan təsirinə məruz qalmaqdansa heç atmayın.
2. Aspirin tərkibli ağrıkəsicilərə yer verməyin. Aspirin qanı durulaşdırır. Qanaxmanı daha da artırır.
3. Əsas prostoqlandinləri bloklayan dərman qrupu olmalıdır. Bunlar da nsaii qrup maddələrdir.

Mənim məsləhət görəcəyim:
ibuprofen
♡ Naproksendir. (ibuprofenlə müqayisədə təqribi eyni ya bir yarım saat gec təsir edir, amma bədənə yayıldıqdan sonra təsir müddəti daha uzundur.

Diklofenak ist etməmişəm, amma yoldaşlarım məsləhət görür.
Bir də nsaii qrup maddələr güclü təsirə malikdir. Yarım saat- bir saat gözləyin. Təsirini göstərəcəkdir. ikisini birdən atmayın, mədə, böyrək qanaxması riski daşıyırlar.
4. Güclü sancı başlayanda dərmanı sancının ilk əlamətində içmək daha təsirli olur. Əks halda hər keçən dəqiqə ağrı artacaq və ruhunuzu tapşırmaq istəyəcəksiniz.
5. Dərmanları ac qarnına qəbul etməyin, ağıza iki tikə atıb da qəbul etməyin. Əks halda ürəyiniz bulanıb qaytara bilərsiniz. Digər tərəfdən mədə divarınıza ziyandır.

Bu ərəfədən öncə gələn seysmik psixoloji sarsıntılarıma dözən hər kəsə dərin təşəkkürlər. Mən özümlə bacarmazdım.

Əlbət nəticə çıxarırıq və sizlərlə Bu vəziyyətdə Təkrarlanmaması diləyi ilə sizlərlə bölüşürəm.