dir en grey

sözləri və ifalardakı kədər ilə ən yumşaq mahnılarında belə yaralarınıza duz basmağı bacarırlar. hələ dinləmədiyim 1-2 albomları qalıb, amma əminliklə deyə bilərəm ki, ən möhtəşəm ifaları conceived sorrowdur. yer üzünə gəlmiş ən kədərli ifalardandı. digər tərəfdən məncə ifaların bu qədər gözəl səslənməsinin ən böyük səbəbi də vokal kyodur. minlərlə qrup dinləmişəm amma çox nadir vokalın səsində bu dozada səmimilik/dərinlik hiss etmişəm.

xandria

nightwish, tristania, within temptation, after forever kimi qruplarla birgə symphonic metal/symphonic power/gothic metal kimi üslubların yaranması və məşhurlaşmasındakı aparıcı rol oynamış qruplardan biridir. qrup özü isə 1997-ci ildə almaniyada yaranmışdır. bu günə qədər əsas olaraq 3 vokalları olub ki, məncə ən möhtəşəm səsə sahib olanı manuela kraller idi. heyif ki, onunla cəmi 1 albom çıxarda bildilər. yeni vokal dianne van giersbergenin səsinə görə isə son albomla birgə symphonic metal uyğunlaşmaya başladılar.

john maxwell coetzee

yeganə oxuduğum əsəri disgrace* aze: rüsvaylıq. can yayınlarından nə olsa oxuyaram əsəridir amma o da babat girmişdi mənə. əlacsızlığın nə olduğunu çox gözəl təsvir etmişdi. 1 kitabını oxuduğum üçün yazıçının stilini təhlil etmək mənə düşməz amma bu kitab üzərindən deyə bilərəm ki, kitab içində xoş aura hər şey əla getdiyi bir anda, qəflətən, sizi dibi görünməyən quyulara ata bilər.

azərbaycan-fransız universiteti

2016-2017 dərs ilindən etibarən fəaliyyətə başlayacaq universitetdir. oxuduğum xəbərə əsasən deyə bilərəm ki, əsas təhsil dili fransız dili olacaq və universitetdəki müəllim heyətisə strasburq universitetindən, xaricdə təhsil almış azərbaycanlı müəllimlər və digər universitetlərimizdəki müəllimlər və digər xarici universitetlərin müəllimlərindən ibarət olacaq. ixtisaslara gəldikdə isə ilk olaraq 4 ixtisas nəzərdə tutulub ki, bunlar: geologiya və geofizika mühəndisliyi, neft və qaz mühəndisliyi, kimya mühəndisliyi, texnoloji maşın və avadanlıqlar mühəndisliyidir. gələcəkdə isə inşaat mühəndisliyi ixtisasının da açılması planlaşdırılır. universitetin necə olacağını deyə bilmərəm amma ümid edirəm nəhayət texniki ixtisaslarda normal təhsil verə biləcək ilk universitet olar.

rhapsody of fire

son albomlarını hələ ki, dinləyə bilməmişəm amma 2013-cü ildə çıxan dark wings of steel albomu çox gözəl idi. qrupun adı ilə bağlı bir əlavəni də edim ki, 2011-ci ildə qrupda ayrılan luca turillinin yaratdığı luca turilli's rhapsody qrupu da var. demək olar ki, eyni janrda ifa edir hər 2 qrup amma təbii ki, orijinal komandanın işləri daha dolğundu mənim üçün.

good mythical morning

rhett və link-in aparacılığını etdiyi youtube kanalıdır. son vaxtlar gördüyüm səmimi və maraqlı kanallardan biridir. verliş boyunca hər şey edə bilərlər. əqrəb yeməkdən tutmuş şüşə düzəltməyə qədər hər şeyi edirlər. bir də bu verlişin əlavə bölümləri üçün açılan good mythical more var ki, orada artıq arxa fon işçiləri də 2 nəfərə qoşulur. bu 2 dostun verlişinin belə maraqlı olma səbəblərindən biri də bu adamların bir yerdə böyüməkləridir. ibtidai sinifdən bəri bir yerdədilər. bunlardan əlavə komedik videolar hazırladıqları rhett & link və ear biscuits podcastları var.

kahpe bizans

hər şeyi mız qoyanlar yenə yığışıblar. ilk çıxdığı dövrdə izlədiyim və hələ də görsəm oturub, həvəslə izlədiyim filmdir. yəni, bir növ absurd komediyadır. təkcə o təyyarə anındakı "o ne lan" replikası belə filmin necə olduğunu göstərir. filmin janrında eşşək boyda komediya yazıla-yazıla hələ də danışanlara nə desən çatmayacaq. filmin bərbad olduğunu deyənlər və ya bəyənməyənlər isə "bütün gün" discovery channelə baxmağa davam edə bilər.

islandiya

the panama papersda adı çəkilən baş nazir sigmundur david gunnlaugsson istefasını veribmiş. şimal ölkələrinin içində ən balaca olanıdır amma təbiəti də ən möhtəşəm olanıdır. xalqının böyük əksəriyyəti isə depressiya ilə ciddi problemi var. hər halda buna görədir ki, musiqiçilərinin əksəriyyəti çox kədərli ifaları ilə məşhurdur. dövlətin yeni planına görə isə 2050-yə qədər ölkənin 90%-dən çoxunu meşəliyə çevirməyi planlayır.

i dont care

Apocalyptica qrupunun 2007-ci ildə çıxan Worlds Collide albomundakı 8-ci ifadır və bu mahnıda vokal hissəsini Three Days Gracedan Adam Gontier ifa etmişdir:

(youtube: )

konami

(baxma: konami holdings corporation)
1969-cu ildə kagemasa kozuki tərəfindən yaponiya, osakada yaradılmış şirkətdir. xüsusilə, oyun, anime, *tokusatsu* sektorundakı məhsulları ilə adını məşhurlaşdırmışdır. konami adı isə əsas 4 qurucusunun ( kagemasa kozuki, yoshinobu nakama, hiro matsuda ve shokichi ishihara) adlarının birləşməsindən yaranıb. neçə illər boyunca əsas oyun konsollar üçün oyun hazırlamağına baxmayaraq, son 1-2 ildəki açıqlamalar ilə birlikdə yaxın zamanda verdikləri açıqlamaya görə pes-dən başqa digər bütün oyun seriyalarını dayandırdılar və bundan sonra yalnız mobil oyunlar hazırlayacaqlar. mgs və silent hill-dən qazandığınız pullar burnunuzdan gəlsin valla.

pyraweed

bakıda fəaliyyətdə olan sludge/ stoner metal qrupudur. keçən il ki, qrupla eyni adı daşıyan albomdan sonra bu il də stuck in the universal swamp adlı albomları çıxmışdır. qrupun yaradıcısı və tək üzvü nicat həsənzadədir. konsertlər zamanı isə bass gitarada baboy, zərb alətlərində isə ramin sadığov çıxış edir.
bu gün nəhayət canlı dinləyə bildim və rahatlıqla deyə bilərəm ki, dinlədiyim ən keyfiyyətli qruplardan biridir.

trivium

ilk çıxdıqları dövrlərdə sırf metalcore dadında getdikləri üçün metal elitistləri çox bəyənmirdi. shogun hər halda qrupun ən sərt albomlarından biri idi amma ondan sonra gələn in waves albomu ilə birgə janrda da müəyyən qədər dəyişiklik oldu və ifalardakı thrash elementlər babat artmağa başladı və məncə qrupun ən gözəl albomlarından biri idi. ondan sonra gələn vengeance falls belə nə ətdi nə balıq teması idi amma 2015-də çıxan silence in the snow albomu babat bəyənilib.

wagakki band

2013-cü ildə Yaponiyada yaranmış Folk metal/J-Rock/ J-Metal qrupudur. Çox nadir qrup olur ki, ilk çıxdığı dövrdən bu qədər məşhurluq qazanır. Bunun ən böyük səbəbi də qərbin musiqi alətlərini Yaponiyanın milli alətlərilə birləşdirməsi oldu.
Hana Furumai:

(youtube: )

kgsp

(bax: korean government scholarship program)
hər il cənubi koreyanın ilin bu aylarında başlatdığı scholarship proqramıdır. proqram ilə magistr və ya doktoranturanızı cənubi koreyada oxuya bilərsiniz. təqaüd isə tələbəni tam ödəyir. bu il üçün martın 18-nə qədər sənədlər koreya səfirliyinə verilməlidir. ielts/toefl və ya topic* test of proficiency in korea olmağı məcbur deyil amma seçilmə şansınızı artırmaq üçün təbii ki, vacibdir. əsas təhsildən savayı isə seçilsəniz ilk ilinizi fərqli bir universitetdə koreya dilini öyrənməklə keçirdirsiniz və o ilin sonuna qədər topicdən minimum səhv etmirəmsə 3 və ya 4-cü səviyyə olmaq lazımdır ki, növbəti ildən əsas öz təhsilinizə başlaya biləsiniz. cənubi koreya belə sizə qorxunc görünməsin. universitetləri xüsusilə mühəndis ixtisaslarında at oynadırlar. gpa, ielts balınız filan yaxşıdırsa və uzaq şərqdə oxumaq sizin üçün problem deyilsə mütləq bu təqaüdə baş çəkin.