narahat etmək qorxusu. Kiməsə yazanda və ya kimdənsə nəsə istəyəndə çox qorxuram ki, onu narahat edə bilərəm və bu doğrudan da narahatedici hissdir.
blok başlıqlarını gizlət
Notice: Undefined variable: thisuser in /var/www/soz6/profilson.php on line 166
Dövlət Statistika Komitəsinin saytı. Güvənsiz, natamam, qeyri-əhatəli statistikalı heç bir yaralı araşdırmaya dərman ola bilmir. Saytdakı tək keyfiyyətli statistika özlərinin keçirdiyi sorğu ilə bağlıdır. Statistik nəşrlərin keyfiyyətindən razısınızmı deyə soruşurlar, 60 faizdən çox adam razı deyil.
Axır ki, bu günlərdə futbolla vidalaşan futbolçu. Kaşki son illərdəki biyabırçı səhvləri etmədən "üzüsulu" gedərdi, ancaq yəqin ki, bir neçə ilə bunlar unudulacaq . istənilən halda müstəqillik dövrü Azərbaycan futbolunun gəlmiş-keçmiş ən səviyyəli futbolçularından biri olduğu danılmazdır.
Hökumətin savadsız və səriştəsiz olmasının növbəti göstəricisi. Yadınızdadırsa bir neçə il öncə neft qiymətlərini konpensasiya etmək üçün analoqu olmayan bir ideya ilə çıxış edib həmin gəlirləri pambıqla(!) konpensasiya etməyi düşünmüşdülər və ölkəni başdan-başa pambıq tarlasına çevirmişdilər ki, həmin pambıqları satıb ölkəyə valyuta gətirsinlər. Amma yonca əkinlərini də pambıqla əvəzlədikləri üçün ölkədə heyvandarlıq zəifləmiş və pambıq ixracından əldə etdiyimiz valyutadan daha çox vəsait sərf edib ət idxal etməyə başlamışdıq. indi də ölkənin su potensialını qiymətləndirmədən ceyrançöl ərazisində əkinlərə başladılar və Kürün sularının həmin ərazidə istifadəsi onun səviyyəsinin azalmasına təsir edib. Digər bir səbəb də, Xəzərin səviyyəsinin azalması ilə bağlıdır.
Azərbaycanlı rəsmilərin Ermənistanın status-kvonu qorumağa çalışdığını deməsinin yanlış qənaət olduğunu göstərən hadisədir. Status-kvo qorumaq istəyən tərəf bu qədər qıcıqlandırıcı şeylər edərmi?
dəyərinin ucuzlaşması ilə moverin anbarının qarşısındakı sıranın uzanması arasında korrelyasiya olan pul vahidi
Rusiya ilə bərabər, Rusiyanın işğal etdiyi ərazilərdə yaşayan digər xalqların da modernləşməsinin yolunu açan insan. Tarixdəki yeri ilə bağlı o qədər də məlumatlı deyiləm, ancaq, mənə elə gəlir ki, o proqresiv olmasaydı, Azərbaycanda da aydınlanma dövrü başlamazdı, çünki həmin proses bu coğrafiyaya rusiyadan idxal olunmuşdu
icra katibinin Siyaquş Novruzov olduğunu bildirməklə əlavə şərhə ehtiyac qalmadan təsvir oluna bilən partiya
bu adam bir gün ya kiminsə ölümünə səbəb olacaq, ya da onu kimsə öldürəcək. belə müstəsna həyasız adam nadir tapılar.
rəsmi açıqlamaya görə koronavirusun yayılmasını azaltmağa kömək edən mobil tətbiqdir: "“Bu tətbiq vasitəsilə Siz ictimai yerlərdə olarkən ətrafınızdakı insanların potensial virus daşıyıcısı olub-olmaması barədə xəbərdar ediləcəksiniz. Təsadüfən infeksiyanın daşıyıcısı ilə əlaqəniz olubsa (məsələn, sırada, dükanda və s.), Sizə bildiriş göndəriləcək və laboratoriya testinə dəvət ediləcəksiniz. E-Təbib bluetooth texnologiyası əsasında işləyir, yaxınlıqdakı digər tətbiq istifadəçiləri ilə əlaqə qurur."
Amma bu tətbiqinin müzakirə edilməsinə səbəb olan məqam həm də datalarla bağlıdır, çünki, proqramın təhlükəsizlik siyasətində istifadəçinin istifadəçi adı, parolu, ziyarət edilən səhifələr, yükləmələr, axtarış edilən sözlər, iP ünvanı və brauzer məlumatları, sosial şəbəkə ünvanı və elektron poçt ünvanı kimi məlumatlarının da, proqram tərəfindən götürüləcəyi qeyd edilir və bu da əlbəttə haqlı narahatlıqlara səbəb olur. Əlbəttə bəzi ağıllılar bu dataların onsuz da, googleda, facebookda filan olduğunu deyir, amma əlbəttə həmin dataların bizdəki kimi avtoritar hökümətin əlinə keçməsi ilə hansısa şirkətin əlinə keçməsi eyni şey deyil.
hakimiyyət dəyişsə belə polisin reputasiyasının düzəlməsini çox çətin edən hadisədir. ictimailəşənlər yəqin ki, realda olanların çox cüzi bir hissəsidir. Nəticəsi də, polisin şəxsi və qurum olaraq nüfuzunun çox aşağı olması, heç kimin polisə güvənməməsidir.
Karantin – Bu ifadə hazırda infeksiyaya yoluxmuş və yoluxmaq istəməyən adamları cəmiyyətdən təcrid etmək üçün tətbiq olunan praktikaya şamil edilsə də, sözün kökü italyancadakı ‘quaranta’ yəni “40” ifadəsinindən gəlirmiş. Bu ölçü italiyada taun epidemiyası zamanı xəstələrin 40 gün ərzində sağlam adamlardan uzaq tutulması praktikasından qaynaqlanırmış. Xəstələrin sağlamlardan təcrid olunması bundan əvvəl də baş verirdi, lakin konkret olaraq ‘karantin’ sözü tibbi lüğətə bu epidemiyadan sonra daxil olub.
Bank sektorunun aktivlərinin yarısına yaxınına, milyonlarla müştəriyə sahib olmasına baxmayaraq normal müştəri xidmətləri təşkil edə bilməyən bank.
"Bizim burda azerileri sevdiğimiz gibi Azerbaycanda da türkleri seviyorlarmı?"
görəsən dünyaya nöş gəlib insan? düş aşağı xidmət elə!
Sən gedəndən ətirsizdi bağlarda güllər
Azərbaycan dilində olanlardan:
Stefan Sveyq - Dünənin dünyası və Bəşəriyyətin ulduzlu saatları
Hikmət Hacızadə - Demokratiya: Gediləsi uzun bir yol
Will Durant – Mədəniyyətin təməlləri
Manaf Süleymanov - Eşitdiklərim,gördüklərim,oxuduqlarım
Tomas de Waal – Qarabağ: Azərbaycan-ermənistan savaş və sülh yollarında
Məhəmməd Əmin Rəsulzadə - Stalinlə ixtilal xatirələri
Həmid Herisçi – Gecə kanalı
Rişard Kapuçinski – Şahənşah
Daron Acemoğlu, J. Robinson – Millətlər niyə süqut edir
Karl Sagan – Iblislərlə dolu dünya elmin şam işığında
Karen Armstronk – Mifin qısa tarixi
Elman Fəttah – Yeni Avtoritarizm və Azərbaycan
Yadigar Sadıqlı – Tarixdən səhifələr
Hüqodan "Səfillər", Dostoyevskidən "Alçaldılmış və təhqir edilmiş insanlar", Kamyudan "Yad", Hamsundan "Aclıq", Orueldən "London və Parisdə qara qəpiksiz".
Hüseyn Arabuldan (Barmek) sonra ölkədən qovulması təklif edilən ikinci türk vətəndaşı
açıq görünür ki, hökümət koronavirusla bağlı vəziyyətin pisləşməsi səbəbindən vətəndaşları günah keçisi elan etmək üçün ictimai rəy yaratmağa çalışır. amma dövr əvvəlki dövr deyil. "yuxarılar əvvəlki kimi idarə edə bilmir, aşağılar əvvəlki kimi idarə olunmaq istəmir" məsələsi. hamı əsəbidir, belə şəraitdə mübahisə açmaqdansa iş görmək lazımdır. Bütün günahları vətəndaşlara yükləyənlərə demək lazımdır ki, rəsmi rəqəmlərə görə də, xüsusi karantin rejimi dövründə vətəndaşlara düz-əməlli iqtisadi və sosial yardımlar edilməməsinə rəğmən Bakıda hərəkətlilik dəfələrlə azalıb və bu imkan verirdi ki, epidemik ocaqlar müəyyən edilsin və lokallaşdırılsın. Görünür müvafiq qurum bu işi yaxşı bacarmayıb və hələ də düşünür ki, məsələnin həlli sadəcə sərt qadağalar və məsuliyyəti öz üzərindən vətəndaşlara atmaqdır. əlbəttə xalq da, süddən çıxmış ağ qaşıq deyil, bəzi hallarda primitiv qoruyucu önləmləri almırlar və hələ də virusun mövcudluğunu sual altına alan və konsproloji fikirlər irəli sürənlər var, amma bunun da səbəbi normal təhsil sisteminin qurulmamasından və hökümətin addımlarına etimad göstərilməməsindən irəli gəlir. məsələ yenə də gəlir çıxır idarəçiliyə. digər tərəfdən, bu məsələdə hökümətin tərəfini tutanlar, yəqin ki, "dövlət", "vətəndaş", "hökümət" terminlərinin fəlsəfəsini bilmirlər. yoxsa bu qədər asan manipulyasiya olmazdılar hökümətin təbliğatına.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343