Son yazılanlar
whatsappdan gələn son mesaj
o gün bir replika gördüm, onda anladım mənə o vaxt dediyin cümlənin o replikaya aid olmağını. həmin vaxt ağlıma gəlməmişdi, indi dediyivin məğzini anlayanda lap darıxdım söhbətimiz üçün. bayaq kontaktda adıva baxıb yazmağa bəhanə axtarırdım. ama üzüm gəlmədi. özüm ignore eləmişdim durduq yerə, indi hansı üzlə yazım? hərhalda bəhanələrim də, ümidlərim də saat irəlilədikcə azaldı. sən yaz. yəqin ki yenə də dəxlisiz bir səbəb gətirib uzaqlaşacam, ama sən yenə də yaz, bəlkə bu dəfə bacardım
keçən cümə günü eyni vaxtda həm ağlayıb həm gülməkdən, ikisini eyni anda ürəkdən təcrübə eləməkdən söz düşdü, podruqama "bunu yaşamaq istəyərəm, maraqlı olar" dedim. üstündən 2 gün keçdi bağcılarda 1saat yarım heç tanımadığım adamları gözləyəndə başladım ağlamağa, həm də vəziyyətimin absurdluğuna gülməyim gəldi. hərhalda bu yaşıma qədər ilk "eyni anda həm gülüb həm ağlamaq" təcrübəm deyildi, amma yenə də maraqlı təsadüf idi, nə dilədiyimizə diqqət eləməliyik -*
Visseral plevrada zədə nəticəsində havanın plevra boşluğuna dolmasıdır. pnevmo-hava, toraks isə döş qəfəsi deməkdir. əksər hallarda toraksın qapalı travmalarında rast gəlinir, az hallarda açıq travmalarında da görülə bilir. dypnea, hipoksiya, taxikardiya kimi əlamətlərlə özünü büruzə verir. həmçinin rentgenoqrammda da aydın şəkildə görünən divararalığının patoloji prosesin əksinə yerdəyişməsi müşahidə olunur. açıq, qapalı və klapanlı (ing: tension pneumothorax) olur. ən ağırı və cərrahi əməliyyata göstəriş hesab ediləni klapanlıdı. çünki bu zaman yumşaq toxumadan əmələ gəlmiş klapan nəfəsalma aktı zamanı açılır və hava plevra boşluğuna dolur, ancaq davamında bağlandığı üçün hava burdan xaric ola bilmir. beləliklə getdikcə havanın həcmi artır, kollaps, kəskin tənəffüs çatışmazlığı hətta asfiksiyaya qədər gətirib çıxara bilir.
partition mahnısı və klipiylə mənə görə cinsəlliyi vulqarlaşdırmadan musiqidə istifadə etməyin ən gözəl nümunəsini yaradıb. cem yılmaz bir showunda deyirdi, "beldən aşağı" ifadəsi əksərən cəmiyyətdə mənfi fikirlər doğurur, halbuki həmişə belə olmalı deyil. məsələn cardi b-nin bir çox klipi məndə ikrah doğurur, qadın bədəni və insan münasibətlərini o qədər pis təqdim edir ki. ama beyonce başda partition olmaqla bir çox klipində cazibədarlığın pik nöqtəsini göstərir. soyunur da, erotikanı çağırışdıran rəqslər də edir, amma hər şeyi o qədər dozunda alındırır ki heyran olmaya bilmirəm.
səhərki uçuşum səfeh bir səbəbdən alınmadı, səhərdən elə tutulmuşam indi-indi üzüntünü hiss eliyirəm. nə qədər plan qurub həvəslə bugünü gözlüyürdüm, maddi ziyanım da bir tərəfdən. tək dərdim bu olsun, ama hər şey çox trajikomik oldu. çox əsəbiləşə də bilmirəm, hər şey o qədər tərs getdi ki "belə olmalıymış" düşüncəsindəyəm, yenə də hazırda evdə olmağım faktının hər fərqinə varanda qəribə oluram -*
güclü opioid mü reseptor agonistlərinin prototipi. doz aşımında əsas ölüm səbəbi tənəffüs aktı depresyonu törətməsidir. klinik əsas simptomlardan biri kimi miyozis (pupillanın daralması) əsas diqqət çəkən məqamlardandır, çünki tənəffüs aktının depressiyası və koma yaradan digər səbəblərin əksəriyyətində əksinə midriaz (pupillanın genəlməsi) müşahidə olunur. Tənəffüsə depressiv təsir göstərib beyin damarlarının dilatasiyasına səbəb olduğundan və beyin onurğa beyni mayesinin təzyiqini artırdığından kəllə-beyin travması keçirmiş şəxslərə kontrendikedir. bronxospazm törətdiyi üçün astmalı şəxslərdə də istifadəsində ehtiyatlı olmaq lazımdır. Doz aşımından yaranan komalarda opioid antagonisti olan nalokson intravenoz istifadə olunur və 1-2 dəqiqə içində xəstə vəziyyətdən çıxarıla bilir
uzun müddət idi ki, sosyal şəbəkələri istifadə etmirdim, cəmiyyətimizin düşüncə tərzi, dünyagörüşü haqda məlumatım öz yaxın çevrəm və sözlükdən ibarət idi. bu günlərdə instagram yüklədim, fake profil açıb ümumi gündəmi, şərhlərdə insanların müxtəlif hadisə və fikirlərə yanaşmasını gördüm və şokdayam. çox pis oldum həqiqətən, ölkənin bu səviyyədə olduğunu bilmirdim. marsda yaşamıram, təbii ki bayağılığın yayıldığından xəbərdar idim ama elə bilirdim məhdud səviyyədədir, elə zənn edirdim ki inkişaf daha çoxdu. indi bu faktı qəbul eləməkdə çətinlik çəkirəm, instagramı yenə sildim, sözlük yenə yeganə platformuma çevrildi -*
yığıncıqlara 150 nəfərdən artıq adamın qadağan edilməsiylə indilərdə evlənməyi ideal hala gətirən rejim -* bu rejim bitmədən evlənmək lazımdı, yoxsa tanınadığın adamların onları çağırmadığıva görə inciyəcəyi toylara qalacıyıq -*
hərdən beynimdə elə qorxulu ehtimalları detallarıyla təsəvvür eliyib onlara görə narahat oluram ki, real olmadığını özümə sübut eləmək üçün bunu ətrafımdakılara zarafat qarışıq danışıram. onlar da zarafata qoşulub "aa dəlisən?!" tərzi reaksiyalar verir çox vaxt, beləliklə özlüyümdə böyütdüyümə nisbətən inanıram, yenə də şübhələr heç vaxt itmir və məni içdən içə yeyib bitirir. dəqiqləşdirməyəysə cəsarətim qəti yoxdu, üzləşmək istəmirəm. monoloqlarım adətən "elədisə elədi, sonra?" cümləsiylə, vecimə almamağa qərar verməklə bitir. ama bu vecsizlik növbəti şübhə səbəbi özünü göstərənə qədər davam edir, sonra yenə obsessivlik. özümü qınamıram, heç nədən deyil belə qurmalarım, insanın başına bir dəfə pis hadisə gələndə daha pisinin gəlməsi ehtimalının qorxusunu da özüylə gətirir. olmaz dediyin şey bir dəfə olanda indiyə qədər dediyin bütün olmazlar sarsılır, niyə də olmasın? sualı ən dəhşətli versiyaların da reallığını üzüvə çırpır.
"köhnə kinolar ən yaxşısıdı" klişesi olsa da həqiqətən o vibe çox ayrıdı, bu kino yeni il ərəfəsi baxa biləcəyiviz ən əla kinolardandı. əksəriyyəti yumoş, minnoş, ailə mühitində olan milad temalı filmlər (onları da sevirəm, o ayrı) arasında aksiyonuyla seçilən, ama eyni zamanda milad ab havası olduğu üçün 31 dekabra 1 həftə qalmış baxmağın tam yerinə düşəcəyi bir filmdi
həyatımda çox ayrı yerin var, belə baxanda ayda bir dəfə gördüyüm dırnaq ustamsan, amma illərlə bu bir dəfələr yığılıb nə qədər xatirə toplana bilər? səni çox isdiyirəm, həmişə kefimi yüksəldirsən, həmişə qəşəng mahnılar tapıram sayəndə, şən və vecsiz olmağı öyrənirəm səndən -* 2-3 saatlıq prosedur terapiya kimi gəlir, elə bil hansısa rəfiqəmlə kafedə oturmuşuq söhbətləşirik -* ola bilsin yaxın aylarda ustamı dəyişməli oldum, belə olsa çox heyifsilənərəm, yenə də həmişə sən yadıma düşəndə üzümdə içdən bir təbəssüm yaranacaq, bil -*
mensturasiyada məcburi nəsə eləməkdən acığım gəlir. nolardı ki hər ayın 3-4 günü sərbəst olardım, yorğanın altına girib qaynar çay içməklə yola verərdim ağrıları? yaxşı, qeyri-realdı. bir də açığı fərqinə vardım ki, hər nə qədər ağrılı keçirdiyim üçün dayanmadan şikəyətlənsəm də, əksini istəməzdim. bədənim hələ də doğmadığım üçün mənə işgəncə versə də, bu toksik münasibətimizi rəngləndirməyi öyrənmişəm -*
bu gün astrologiyaya marağı olan bir dostumla söhbətləşəndə bürcümün şir olduğunu deyib ama bu mövzuda məlumatım olmadığını bildirdim. o da şirin əsas xüsusiyyətlərini saymağa başladı: özgüvənli, kompliment eşitməyi həddən artıq sevən.. ilkiylə razılaşdım ama 2ciyə gülməyim gəldi, çünki əksinə komplimentləri ,əsasən də son zamanlar, vecsiz qarşılıyırdım. ardınca dedi ki, şirlərin nəsə xüsusi aurası olur, ətrafdakılar da bunun mənə aid olması barədə həmfikir oldu. üzümdə özümdən asılı olmadan heyrət qarışıq məmnunluq yarandı, biraz əvvəlki fikrimi təkzib edərcəsinə -* əslindəysə kompliment deyiləndə "nə qəşəng görünürsən, nə gözəlsən" tip sıradan cümlələri düşünmüşdüm, xüsusi, özəl olduğuna inandırılmaqsa çox insanın ehtiyac duyduğu şeydir. odur ki, kiməsə kompliment etmək istəyənlərə tövsiyəm, 10 sözüvüzdən 9u "gözəl" olanda o sözün bir mənası qalmır, qarşınızdakına özəl olduğunu hiss etdirin, onda xüsusi nəsə fərqlilik olduğunu düşündürün, bu halda komplimentiviz məqsədə çatmış olar -*
duodenal ulcer. mədə xorasına nisbətən daha geniş yayılmış xəstəlikdir və mədə xorasından klinik olaraq fərqləri mövcuddur. başlıcası gecikmiş ağrılardır. yəni ağrılar qida qəbulundan 1-3 saat sonra başlayır, mədə xorası üçün isə erkən ağrılar, yəni qida qəbulundan dərhal sonra başlayan ağrılar xarakterikdir. duodenal gecikmiş ağrılar belə izah olunur ki, 1-3 saat sonra pilorik sfinktorun açılmasıyla mədə möhtəviyyatı bağırsağa keçir və bu zaman qidayla bərabər mədə şirəsi də bağırsağa keçib xoraya qıcıqlandırıcı təsir göstərir. xəstələr adətən bir müddətliyinə də ağrıları kəsdiyinə görə tez-tez qida qəbul edirlər. mədə xorasındaysa ağrıdan yayınmaq üçün qida qəbulundan imtina müşahidə edilir. elə bunla əlaqəli olaraq duodenal xoralarda kökəlmə, mədə xorasından əziyyət çəkən pasientlərdə isə əksinə arıqlama görülür.
törədicisi olan qonokokklar insan orqanizmdən xaricdə çox yaşamırlar, ona görə də məhz cinsi yolla keçə bilir.kişilərdə qonoreyanın klassik forması yarımkəskin gedişdi, kəskindən fərqli olaraq bu zaman uretradan axan sarımtıl irinli ifrazatın miqdarı az olur, həmçinin penisin başında şişkinlik, qızartı, ağrı kimi dəyişikliklər müşahidə olunmur.belə az simptomlu gedişə görə pasientlər çox vaxt ciddi bir xəstəliyə yoluxduqları barədə düşünmürlər, ötəri yanaşırlar.2-3 həftə ərzində müalicə aparılmazsa xəstəlik xroniki formaya keçir ki, bu zaman əlamətlər daha da azalır.amma proses prostata, epididimisə yayılıb qəfil ağırlaşmalar verə bilər
cinsi yolla keçən bütün xəstəliklərdən, o cümlədən qonoreyadan qorunmaq üçün qoruyucu vasitələrdən istifadə etmək, sidik-cinsiyyət üzvlərində hər hansı normadankənar hal müşahidə etdikdə gecikdirmədən müayinədən keçmək mütləqdi
yaşanılsa bir o qədər dəyərli olmayacaq anlar yaşanılmadıqda beynin bir küncündə həmişəlik əlçatmaz xülyalar kimi yaşayır, buna qarşı çıxmaqsa lap mənasızdı, çünki əslində buna ehtiyac var.hər şeyin ideal ola biləcəyi ehtimalı, sadəcə necəsə bəxtsizlikdən başqa cür nəticələndiyinə inanmağa insan ehtiyac duyur.yoxsa necə dözmək olar bu bozumtul mövcudluğa?
Bilirsən illər keçir, yaşa dolduqca hər şeyə ayrı baxırsan. Başa düşürsən ki, bəşəriyyətin dahisi deyilsən, başa düşürsən ki, həyatda sənin kimilər çoxdur. Elə ki, bunları başa düşdün, onda yaşamaq da asan olur. Sakitcə oturub öz işini görürsən.
davamlı parfüm almaq istəyirəm -* adətən ətirlərimə görə kompliment də eşidirəm, bu öz yerində, amma heç kim duymasa belə parfüm şüşələrinin görüntüsündən, evdən çıxmadan əvvəl o kiçik seremoniyanı etməkdən çoxx xoşum gəlir.həm istəyirəm işlətdiklərim tez qurtarsın ki təzəsini almağa bəhanəm olsun, həm də şüşənin sonlarına yaxınlaşdığımı görəndə pis oluram -* ümuməm çox yoran bir münasibət var ətirlərlə aramda -*
8 il sonra yeni sezonuyla exxendə yayımlanmağa başlayıb.düzü elə fanatı deyiləm, amma 2014də falan tumblrda davamlı replikaları, giflərini görürdüm deyə personajlar, məkanlarla istər-istəməz bir bağ yaranıb.yeni sezon deyilənə görə "eski tadı" verir -*
dil öyrənmək uzunmüddətli proses olduğu üçün məncə bu periodda müxtəlif metodlardan istifadə həvəsi canlı saxlaya bilir.yəni bu dildə serial/kino da izləyin, söz də əzbərləyin, kitab da oxuyun, musiqiyə də qulaq asın, çalışmalar da işləyin, applərdən də istifadə edin, conversationlara da qoşulun.təkcə hansılarısa eləmək uzun müddətdə davam etdirməsi çətin bir yol olur.
bir də ki, yaxşı olar ki bacardığıvız qədər "bugün dil üçün 1 saatımı ayıracam" tipli yanaşmalarla bunu gözüvüzdə bir iş halına gətirmək yerinə onsuz da baxdığınız kinoları, onsuz da baxdığınız tipdə olan youtube videolarını elə-belə, gündəlik bir aktivite kimi izləyin.bu baxış bucağını mənimsədikdə gün ərzində dilə ayırdığınız vaxt rahat şəkildə artacaq
Son bəyənilənlər
