blok başlıqlarını gizlət
əl əməyi göz nuru: yazarın özünün favori seçdiyi ən sevdiyi entryləri:
Notice: Undefined index: rat in /var/www/soz6/sonhefte.php on line 66
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
Bu səhər pox kimi oyandım, sözlük.
Bu Bazarertəsi sindromu deyil. Yüzlərlə bazarertəsinin sindromudur.
Gecə 04:09-da yazdığım son whatsapp mesajım: "mən yəqin ki səhər yatıb qalacam. Bu mesajı görən kimi zəng vur oyat məni". O qədər insanlara ehtiyacı olan bir bədbəxtəm ki, səhərlər 2-3 cümlə qurmadan ayıla bilmirəm. illərdir vaxtaşırı, gec ya tez sözlüyə ürəyimi boşaldacaq qədər bədbəxtəm. Hamınız kimi.
Son vaxtlar işini sevmək məsələsini şişirtmişəm deyəsən. Daha çox qarışqa kimi işləmək üçün axmaq bir bəhanə olub. Varlandırmaqda olduğum neçənci founderin şirkətinə hər səhər yuxumu səsini maksimum qoyduğum saat zəngiylə bölərək getmək niyə xoş olsun? Nə qədər əjdaha olursan ol, o founder qədər yaxşı yaşaya bilməyəcəksən, ay axmaq.
Şkafdan paltarlarımı götürürəm. Asılqanda sevgilimin şortu var. Bir az əhvalımı düzəltmək üçün götürüb dərindən qoxlayıram. ilahi, bir qadın necə bu qədər möhtəşəm ola bilər? Görəsən nə qədər davam edəcək bu möhtəşəmlik? Görəsən keçmiş sevgililərini ağlından çıxarıb? Bəs görəsən mən çıxarmışam? Mənim kimi köhnəlmiş bir adam üçün çox həvəslidir. Özümü və onu hələ də gənc olduğuma inandırmağa çalışıram.
Liftlə aşağı düşürəm. Receptiondakı eynəkli qıza "sabahınız xeyir" deyirəm. Qoz qoymur. Bəlkə də mən qoz qoymadığım üçün eşitməyəcəyi qədər yavaş səslə deyirəm. Oteldə yaşamağın tək yaxşı tərəfi səhərlər heç kimlə dialoqa girməli olmamaqdır yəqin ki. Mümkün qədər gec günün ilk dialoquna girmək istəyirəm. Hətta bu heç olmasın istəyirəm.
Oteldən çıxıram. Üstünə ağ neft tökülərək yandırılmış kömür qoxusu var havada. Bakı ilk siqaretini çəkir. Birini də mən yandırıram. Bu gün də ata bilmədim bu zəhrimarı.
Metroya yaxınlaşdıqca insan sıxlığı artır. Görəsən bu adamların neçəsi nə vaxtsa bu metrodan qurtula biləcəklər? Mən onların arasında hansı ehtimalam? 2-3 metr önümdə gedən 50 yaşlı kişi 25 il əvvəl mənimlə eyni oxşar məqsədlər üçün səhər evdən çıxmırdımı?
Kişinin yaşını hardan bilirəm? Bunun elə bir önəmi yoxdur. 50 yaşdan sonra onsuz da ölürsən. Bu hesabla mən də yarı ölü sayılıram artıq.
Platformada sədd kimi düzülmüş adamların sırasına girirəm. Bir az sonra yanıma soxulan qaqaşa ilk mənim qatara minəcəyimi bildirmək üçün yarım addım önə keçirəm. Amma yüksəklik qorxum olduğundan platformanın kənarına çox yaxınlaşa bilmirəm. 2-3 metr məsafədəki qız bayaqdan məni kəsir. Mənim kimi köhnə bir adam üçün çox əyləncəlidir. Görəsən səhərlər zəng vurub məni oyada bilər? Ürəyim bulanır.
Notice: Undefined index: rat in /var/www/soz6/sonhefte.php on line 66
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
cəhənnəmə böyük ümid və çılpaq gözəllik
və ya "əzabın ecazkar cəlbediciliyi!"
və ya "gözəlliyin dözülməz yüngüllüyü!"
və ya... hər nə isə. ya paytaxtın qeyri-standart templi yaşayışına, ya da gəncə üçün heç darıxmadığıma görə neçə müddətdir uzaq qaldığımı bilmədiyim şəhərimizə gələndə bu yazının motivləri yerləşdi ağlıma.
şəhərdə yeni ticarət mərkəzi tikilmişdi. indi də yolun digər - şah abbas məscidinin yerləşdiyi tərəfindən yeraltı keçid salınırdı bu ticarət mərkəzinə. doğulduğum şəhərə axırıncı dəfə nə vaxt gəldiyimi xatırlamıram. yəqin ki, bundan sonra da uzun müddət gəlməyəcəkdim... amma bu quruculuğu görəndə, uşaqlıda həmişə bu yolu keçməkdə çətinlik çəkməyim yadıma düşdü. şəhərdə qalacaq olsaydım belə, heç vaxt bu keçiddən istifadə edib, tezliklə brend geyim markalarının mağazalarının, bahalı kafelərin dolduracağı ticarət mərkəzinə getməyəcəkdim. nə mən, nə də bu soyuq havada, palçığın içində işləyən fəhlələr... onları bu gözəl strukturla ovundurmaq olmazdı!
gözəllik öz təkamülü, deformasiyası ilə "boyumuzu ötsə" də, getdikcə daha böyük strukturlarda əks olunub, ona çatımlılığı uzaq qılsa da, o makiyaj məmulatları, o böyük əzələlər, o bahalı maşınlar, bahalı geyimlər, həmişə bir sinif daha yuxarıda olanlarçün ucuz və yüngüldür. bu, bir az cənnətin yeddi qatı məsələsini xatırladır. gözəllik o qədər yüngül və məhduddur ki, cənnət heç vaxt təsəvvürümüzdə yaşıl çəmənliklər, meşələr, hündür şəlalələr, dadlı meyvələr, gözəl hurilərdən artığı ola bilmir. yer kürəsi, dərkimizin mümkün qıldığı bütün cismani gözəllikləri özündə ehtiva edir. onların da az qala mütləq əksəriyyətini, yəqin ki, bu ticarət mərkəzinin sahibi əldə edir. bəs bu fəhlələr?! əgər bir gözəlliyə yalnız bir və ya bir neçə nəfər sahib ola bilirsə, bəs qalanları?! bax cəhənnəm bizə burda lazımdır. buna görə cəhənnəmə olan ümid cənnətdən daha böyükdür.
" what dreams may come" filmində cənnət və cəhənnəm, arzuların və xəyalların cövlan elədiyi mücərrəd fəza kimi göstərilir. rəssam qadının vəfat etmiş əri, onun rəsm əsərindəki yerə düşür. yəni, nəyi düşünürsənsə, hiss edirsənsə ordasan. moralist tərəfdən bu film, mövzusunun ən yaxşılarındandır. amma həmişə ən ağır, ən bədbin filmlər ən uğurluları olur. nəinki filmlər, hətta bütöv incəsənət əsasən bu motivlərdə təşəkkül tapır.
cəhənnəmə olan ümidi insan üçün əzabı ecazkarlaşdırır. əzabı duymaq, onun nəfəsini hiss etmək, hər dəfə varlığına əmin olmaq bizə yaşamaq stimulu verir. daha bir nəfər əclafın öldüyünü görmək, daha bir əlçatmaz gözəlliyin destrukturaya uğramasını izləmək ədalətsizliklərin vurduğu yaralarımızı dindirir. gözəlliyə olan nifrətimiz, bizə küçədə rastlaşdığımız şikəst adamdan daha sağlam əclaflar olmağımızla rahatlıq gətirir. hər hansı - bu, "itiraf" və ya "masumiyet" ola bilər - zeki demirkubuz filmindəki insan əzabı o filmləri bizə sevdirir. bu cür, hətta daha ağır filmlərin çəkilməsini istəyirik. amma heç birimiz o obrazlardan biri olmağı arzulamarıq. sadəcə cəhənnəmin hərarətini bu dünyada hiss etmək istəyirik.
bu fikirlərdən məni ayıldan, arxamdakı şah abbas məscidindən yüksələn azan səsi oldu. və sanki, bu səs, gözlərim önündə cismi bərqərarlıq qazanaraq, küləklə birlikdə fəhlələrin arasında dolanıb, bu köhnə məscidin qarşısında ucaldıldıqca ona meydan oxuyan ticarət mərkəzinin boş mərtəbələrinə doldu. təsəvvürümün ən dəli halıyla bu ticarət mərkəzində plastik qablarda cənnət meyvələrini masalarına aparan insanları, bilgi ağacına erotik pozalarda söykənən huriləri düşündüm.
mövzu o qədər şaxəli, paradoksal və həm müzakirəyə açıq, həm də müzakirə edilməyəcək qədər şəxsidir ki, gözəlliyin istismarının ən bariz nümunəsi kimi məsələnin seksual tərəfi barədə nəticələr çıxara biləcəyimiz istismar filmləri barədə məlumat vermək qərarına gəldim.
istismar kinosu: porno, mondo, roughies, nudies
kinoyla əlaqəm haqda ən dəqiq, arxayın deyə biləcəyim təqdimat – kinoman olaraq, yazını yazdıqca hər məsələyə dair bir filmi misal göstərməkdən özümü güclə saxlasam da, nəhayət ki, bir yolunu tapıb, daxilimdəki kino sevgisinə azadlıq verirəm.
kinoya çılpaqlıq propaqanda kimi daxil olsa da, nudistlər tərəfindən əsas motivə çevrilməyə başladı. “nudies”, videoçəkim məhsulu kimi kinodan ayrı şəkildə, fərqli tələbli auditoriya seçdi. “nudies” senzuranı elə bir şəkildə aşdı ki, filmlərə yerləşmə üsulu dillərdən keçərək, getdikcə hardan gəldiyi unudularaq, az qala hamımızın ağlına yerləşdi. hazır olun, beyninizdə işıqlar yanıbmış kimi hiss edəcəksiz. bunu xüsusən kişilər bilər; uşaqlıqda yarasa qanını eynəyə yaxanda insanları çılpaq görəcəyinizə inandığınızı xatırlayırsınızmı? bəlkə də, aranızda bunu etmiş olanlar da var. bax bu, əslində uşaqlıqda sizdən böyük olan uşaqların uydurduğu hekayə deyil. elə “nudies”in hekayəsidir. filmdə kimsə eynəyi boyayır, gözünə taxır və filmin bir parçası imiş kimi erotizm başlayır.
“nudies” qərb ölkələrinin şimal istiqamətindən yayılarkən, yaponiyada təkcə cinsəlliyə senzura qoyulan, mövzuca tərbiyələndirici olub, mahiyyətcə erotk tələbatı ödəyən əsl istismar filmləri – “roughies” yarandı. italyanlar məsələyə daha ciddi yanaşdılar. və sənədli film növü kimi “mondo” erotik çəkimləri yayıldı.
və nəhayət, 1970-lərdə avropa ölkələrinə müasir porno yayıldı. bu, həm də kinonun istismarı idi. amerikada porno filmlərin “sənət filmi” adıyla bazara çıxması səbəbiylə, amerikanlar əksərən, hələ də, sənət filmini porno hesab edirlər.
istismar kinosu təkcə erotizmdən ibarət deyil, əlbəttə. sadəcə mövzumuzla əlaqəli qismi qeyd etməyə çalışdım. istismar kinosu ilə bağlı daha geniş yazı yazaram, yəqin ki.
cəhənnəmdən pornoya qədər gəlmişkən, yazını büküb, əvvəli ilə sonunu əlaqələndirim. məncə, istismar filmlərinin iki əsrdir kino sosiologiyası ilə paralel irəliləməsinin səbəbi, içimizdəki sado-mazoxist toxumlardır. ələxsus da porno produksiyalarının sosial və sənət filmlərindən daha vecsiz, arxayın olmasının altında bu səbəb yatır. əlbəttə, hər kəs kinoman olmalı deyil – bu anormal olardı. amma gözəlliyin, seksin istismarda bu qədər əzilməsini belə çox izləmək də böhranımızın xəbərçisidir.
Notice: Undefined index: rat in /var/www/soz6/sonhefte.php on line 66
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
(bax: beats per minute)
saniyəbaşına düşən beat vuruşunun hesabıdır. 60 bpm bir saniyənin standartıdır. məsələn, əgər musiqi 90 bpm-likdirsə, bu o deməkdir ki, hər 3 saniyədə iki beat vuruşu olacaq.
bəzi janrlarda bpm standartı (alıntı):
country: 104 - 132
disco: (88)100 - 130(143)
electro: 90 - 130
funk: 76 - 108
hip hop: 80 - 130
house: 110 - 128
r & b: 70 - 110
pop: 80 - 120
reggae: 65 - 80
techno: 130 - 140
trance: 130 - 145
dubstep: 140 - 145
Notice: Undefined index: rat in /var/www/soz6/sonhefte.php on line 66
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
yaxud (baxma: çarpaz qarışım);
(baxma: melodik mədəni kəsişmə)
dünyanın müxtəlif nöqtələrindən musiqiçilərin janrları, musiqi mədəniyyətlərini birləşdirərək, ərsəyə gətirdikləri işlərə verilən addır.
bu adı özləri verməyiblər bu işə. sonradan dinləyicilər tərəfindən belə bir kateqoriya yaradılıb. get-gedə daha çox şişirdilir ki, bu cür işlər qlobal tolerantlığa, sülhə, millətlərarası birliyə səsləyir. amma əksəri sadəcə fərqli, yaxşı musiqi üçün edib bu sintezləri. yoxsa rep " Worldwide Choppers"i də sülh təmsilçisi sayılaydı. tech n9ne da olardı sülh göyərçini.
melodik mədəni çarpaz qarışımın əsas özəlliyi təkcə musiqi mədəniyyətlərinin birləşməsi deyildir. əsas nüans həmin mədəniyyətlərin daşıyıcılarının birlikdə işləmə zəhmətini çəkmələridir. bu səbəbdən, cirrus, beirut kimi janrları öz qrupu daxilində işləyənlər bu cərəyandan sayılmır.
aşağıda həmin işlərdən nümunələr yerləşdirim. öz favoritimdən başlayacam:
Transglobal Underground & Natacha Atlas -
(youtube: 
)
)Peter Gabrielin passion albomu -
(youtube: )
)Damon Albarn, Afel Bocoum, Toumani Diabate -
(youtube: )
)beyond skin albomu -
(youtube: )
)Making Music albomu -
(youtube: )
)Afro Celt Sound System -
(youtube: )
)Talking Timbutku albomu -
(youtube: )
)Tunng & Tinariwen -
(youtube: )
)Salsa Celtica -
(youtube: )
)Soul Science -
(youtube: )
)Notice: Undefined index: rat in /var/www/soz6/sonhefte.php on line 66
Notice: Undefined variable: userQuery in /var/www/soz6/sonhefte.php on line 84
Notice: Trying to access array offset on value of type null in /var/www/soz6/sonhefte.php on line 84
Notice: Undefined variable: anonim in /var/www/soz6/sonhefte.php on line 85
Notice: Undefined variable: idvv in /var/www/soz6/sonhefte.php on line 92
Notice: Undefined variable: idvv in /var/www/soz6/sonhefte.php on line 101
Notice: Trying to access array offset on value of type null in /var/www/soz6/sonhefte.php on line 102
sənədli film deyildir!
gəlin ayırd edək, bu mövzu çox yanlış qəbul olunur. sənət filmi sənədli filmdirmi, incəsənət mövzulu filmlərdirmi (frida, noviembre), ayrıca janrdırmı ( art-xaus), film özü ümumiyyətlə sənət deyilmi?
"sənət filmi" ifadəsi dilimizə türkcədən keçdiyinə görə kateqoriyaya ayırma çətinliyi ilə qarşılaşırıq, amma ifadəcə dilimizə uyğunlaşdırsaq, buna "incəsənət filmi" deməyimiz daha uyğundur.
kino sənətdir, amma hər film incəsənət nümunəsi deyil.
"incəsənət filminin digərlərindən fərqi maddi təmənna güdmədən çəkilməsidir" - ümumi qayda budur. incəsənət filminin kommersiya məqsədli filmdən fərqi klassik musiqi ilə pop musiqi arasındakı fərq kimidir. amma bu da incəsənət filmini tam ifadə etməyə kifayət etmir.
niyə incəsənət filmi deyəndə ağıla əksəriyyət tərəfindən anlaşılmayan, sıxılaraq izlənilən, az dialoqlu filmlər gəlir? doğrusu, yazının bu yerinə qədər mən də necə ifadə edəcəyimi düşünə bilməmişəm. görək nə olur:
incəsənət filmi - daha situasional, xarakterlər ətrafında cərəyan edən, insan amilini öndərlikdə ehtiva edən, hadisələrdən çox hislərin hakim olduğu süjetə sahib filmlərdir.
ümid edirəm, pis alınmadı.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343