burnout sindromu

Burnout syndrome və ya emosional tükənmənin əsas əlamətləri;
-gün ərzində heç bir iş görməsə də bütün gün özünü yorğun hissetmək
-işdə, universitetdə,məktəbdə insanlara qarşı əsəbilik
-çox şeydən məmnun olmamaq və ya olabilməmək
-diqqət əksikliyi
-hər hansı bir işə qarşı laqeydlik və istəksizlik
-yuxu rejiminin pozulmağı
-uğurlarına sevinə bilməmək
-çarəsizlik, günahkarlıq və məğlubiyyət hissi
-həyat keyfiyyətinin azalması
-əzələ və baş ağrıları
-nəfəs alıb-verməkdə yaranan problemlər

Müalicəsi;
-qida rejimində dəyişiklik etmək, yəni işə ac getməmək və hazır qidalardan istifadəni azaltmaq və bol maye qəbul etmək
-hobbilər tapmaq
-vaxtı düzgün bölmək
-idman, açıq havada gəzinti və s.
-meditasiya ilə məşğul olmaq
-monoton həyat tərzindən uzaq durmaq


Not: stress həyatın bir parçasıdı və bunu yoxa saymaq yerinə onunla yaşamağı bacarmaq lazımdı. Dozunda olan stress bəzən fayda da verə bilir. Əsas olan balansı qorumaqdı.

uşaqlıq travmaları

Nəticələri:
-başqalarını düzəltmək
‘əslində o özündə yaxşı insandı, onu düzəldə bilərəm’
-başqalarını məmnun etməyə çalışmaq
məsələn, işin var amma dostun səni harasa çağırır. işin vacib olsa belə sən ona ‘hə’ cavabı verirsən. Çünkü düşünürsən ki ‘yox’ desən, dostun inciyəcək.
-öz ehtiyaclarını bir kənara qoyub başqaları ilə maraqlanmaq
-birilərinə(birisinə qarşı həddindən artıq bağlılıq )
‘O olmasa yaşaya bilmərəm, onsuz həyatım keçməz’
-başqalarının bəyənməsinə ehtiyacı olmağı
‘Görəsən, məni bəyəndilər?’
-özünü isbat etmə çabası
‘mən əslində bildiyiniz kimi biri deyiləm, açıqlaya bilərəm, sübut edə bilərəm’
-zərər verən davranışları normallaşdırmaq
‘Hamı sevdiyini incidər, yalan deyər bəzən’

mayu tomita

Məhşurlar, xalq tərəfindən tanınan insanlar bəzən pərəstişkarları tərəfindən istənilməyən hadisələrlə qarşı-qarşıya gəlirlər, və hətta bu ölümlə də nəticələnə bilir.
Günümüzdə instagram, Twitter, tiktok kimi platformlarda hər kəs sevdiyi məhşuru yaxından izləyə bilər, ona mesaj göndərə bilər, asanlıqla adresini də tapa bilər. Və bu platformlarda məhşurlaşanların həyatı da təhlükəyə girir deməkdir.
Mayu tomita 12 oktyabr 1995-ci ildə yaponiyada doğuldu. Uşaqlıqdan bəri idol olmağı arzulayırdı. 15 yaşında bir qrup qız idoldan ibarət seriala- ‘secret girls’ə qatıldı. ‘Secret girls’ bütün yaponiyanı dolaşdı. Mayunun populyarlığı artdıqdan sonra digər serial və tv şoularında da iştirak etməyə başladı. Bu ərəfələrdə mayu tokyoda universitetə də gedirdi.
Cinayətdən təxminən 4 ay əvvəl 27 yaşında olan tomohiro sosial şəbəkələrdə mayunun görünüşü, musiqisi haqqında xoş sözlər yazırdı və hətta ona olan sevgisini etiraf edirdi. Yanvar-fevral ərəfələrində mayuya hədiyyə olaraq saat və bir neçə kitab yolladı hədiyyə olaraq. Hədiyyənin dəyərinin 200 dollar(20.000 yen) olduğu deyilir. Ancaq mayu hədiyyəni qəbul etməyin təhlükəsiz olmadığını və aradakı məsafəni saxlamaq adına hədiyyəni geri qaytarır və evlilik təklifini rədd edir.
Bu hadisədən sonra tomohiro aralarında ölüm təhdidləri də olmaq üzrə çoxlu sayda tweet atır.
21 may 2016 tarixində 20 yaşında olan mayu tomita tomohiro iwasaki tərəfindən çoxlu sayda bıçaq zərbəsi alır. ‘Ölməlisən, ölməlisən, ölməlisən’
Bunlar həmin gün tomohironun qurduğu cümlə idi. Mayunun səsini eşidən insanlar polis çağırır. Tomita xəstəxanaya aparılır və müdaxilə nəticəsində sağ qalır. Amma aldığı travmalar nəticəsində karyerasına davam edə bilmir.
Cinayətdən 12 gün əvvəl mayu polisə müraciət etmiş və tomohironun mesajlarını göstərmişdi lakin polis onu ciddiyə almamışdı. Konsertdən iki gün əvvəl də polisə müraciət etmiş amma hər hansı bir ehtiyat tədbiri görülməmişdi.
Məhkəmənin yekun nəticəsinə əsasən tomohiro 14 il 6 ay həbs cəzası alır.

güzgü sindromu

Güzgü sindromu, şəxsin güzgüyə baxıb özünü analiz etməsi alışqanlığından ortaya çıxa bilir. Biz hər dəfə güzgüyə baxanda bədənimizdə qüsurlar tapırıq, bunu problem halına çeviririk. Və nəticədə bütün bunlar ailə, iş, dostluq əlaqələrimizə ziyan vurur. Qadınlarda və yeniyetmələrdə bulimiya və anoreksiyadan da qaynaqlana bilir güzgü sindromu. Şəxs nə qədər arıq olsa belə güzgüyə baxanda özünü kök olaraq görür.
Hər güzgüyə baxanda şəxs özünü tənqid edir, mənfi düşüncələrə və hislərə sahib olur. Nəticədə depresiya, özünü sevməmə və s. kimi hallar yaranır.
indiki dövrdə həyatımıza istəsək də istəməsək də daxil olan gözəllik anlayışı bu kimi halları artırır.

diderot effekti

18-ci əsrin müasir mütəfəkkirlərindən biri olan fransız yazıçısı və filosofu denis dideronun borc içində olduğu dönəmlər idi. Bunu eşidən rus imperatriçası yekaterina onun kitabxanasını alıb ona 25 illik maaşını nağd şəkildə ödəmiş və onu bu vəziyyətdən xilas etmişdi. Beləliklə diderotun maddi vəziyyəti yaxşılaşır.
Bir gün diderotun bir dostu ona məxmər xalat hədiyyə edir. Yeni xalatını geyinib masasına oturan diderot, fikir verir ki, bu köhnə masa ilə onun dəbdəbəli xalatı heç uyğun gəlmir. Pulun verdiyi arxayınçılıq ilə yeni yazı masası alır. Amma sonra da fikir verir ki, otaqdakı köhnə xalça masaya və xalata yaraşmır. Təzə xalça alır. Bu yolla o, evindəki hər şeyi təzəsi ilə əvəz edir və pulu qurtarır. Yenidən borclanan yazıçı yalnız bundan sonra özünə gəlir və “köhnə xalatım üçün peşmançılıq” adlı məqalə yazır. Məqalədə istehlak çılğınlığına necə qapıldığı haqda yazır.
Diderot deyir: “mən köhnə xalatımın ağası idim yeni xalatımın qulu oldum”

(bax: denis diderot )

novo amor

Mahnıları insanın ruhuna işləyir sanki. Səs ayrı bir dünyadı onsuz da. Buraya bir neçə sevdiyim parçaları qoyacam.

(youtube: )

(youtube: )

(youtube: )

oyuncaq kukla testi

1930-cu ildə Kenneth Clark və mamie clark tərəfindən aparılan eksperimentin məqsədi bəzi suallara cavab tapmaq idi:
-irqçilik öyrənilən bir şeydimi?
-niyə insanları dəri rənginə görə sinifləndiririk?

eksperiment 3-7 yaş aralığında olan meksikalı uşaqlar üzərində aparılır. Burda bilmək istənilənlər;
1.uşaqlar özlərini digər uşaqlarla bərabər tutur mu?
2.bu uşaqlar öz varlıqlarını necə başa düşür?

Deməli bu uşaqların qabağına rəngləri fərqli amma digər bütün xüsusiyyətləri eyni olan 4 kukla qoyurlar və bu suallar verilir:
-ən gözəl/çirkin kukla hansıdı?
-hansı kukla daha sevimlidi?
-hansı kukla daha yaxşıdı/pisdi?
-hansı kukla sənə bənzəyir?

Testin sonunda uşaqların çoxu ağ kuklanı sevimli, gözəl və yaxşı seçdilər. Və unutmayın bu kuklalar arasındakı yeganə fərq rəngləridi. Yəni uşaqlar bu seçimləri onların dəri rənginə görə edirlər. Son sual ‘özünü hansı kuklaya bənzədirsən’ idi. Uşaqlar özlərini ən yaxşı/sevimli/gözəl kuklaya bənzətmirdilər, onlar özlərini seçmədikləri kuklaya bənzədirdilər. Hətta bəziləri bu suala cavab vermək istəməyib otaqdan çıxmışdı. Rədd etdikləri kuklaya bənzədikləri üçün(öz seçimlərinə əsasən) uşaqlar xeyli üzülmüşdü.
Bu vəziyyət, irqçi bir cəmiyyətdə yaşayan fərdlərin rənglərinə/görünüşlərinə görə yaşadıqları travmatik hadisələrin göstəricisidi. Uşaqlar, sadəcə dəri rəngindən yola çıxaraq seçimlər etmişdi. Bu bizlərə uşaqların ətrafdan, sosial şəbəkəlırdən, cizgi filmlərindən necə təsirləndiyini və onlarda yaranan mənəvi dəyərlərin necə formalaşdığını göstərir. Uşaqlar rəngləri bilərək doğulmur, rəngləri və onların mənasını böyüklər öyrədir.
insan özünü dərk etdiyi andan etibarən özünü sinifləndirmək, hansısa qrupa daxil olmaq istəyir. Biz, bizə yaxın gələn qrupa özümüzü aid edirik. Bu uşaqlar da özlərini cəmiyyətdən kənarlaşdırılmış hissetdikləri üçün ‘pis’ kuklanı özlərinə bənzəttilər.
‘Uşaqlar irq və din bilməzlər, insan ayrımı etməzlər, ölçüləri sevgidir. Nifrəti böyüklərdən öyrənərlər’
florence nightingale