vergidə işləyən anarxist

135 0 0 0

1. nəsil yazar

Entry: 135

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yaraşıqlı olmaq

+65 əjdaha

həyatda tək büdrədiyim, illərdir dərdini sinəmdə daşıdığım fiziki durum. yazar qardaşım, əl saxla. səhifəni çevirmə. elə bilmə giley-güzar edəcəm. bəlkə də sonda özgüvən qazanacağsan. ona görə oxu sonacan, sən də oxu, sona can (yazar espiri ederek bu ağır yazı öncəsi oxuyucularını rahatlaşdırmağa çalışır)

qardaş, genetik olaraq çiyinlərim enlidir, normal hündürlüyə sahibəm, amma üzdə tırt yox. başımı hələ görmədən aşağıdan yuxarı doğru qız yavaş-yavaş baxmağa başlasa deyər ki,yəqin sonunda nəsə marağlı bir şey olacağ, bəlkə də həyatımın eşqini tapmışam. amma udlağı keçəndən sonra qarşılaşdığı mənzərə..................... nəbilim valla. qızların gözündəki pərt olduğlarını görmək güldürür məni. çünkü özüm-özümə tənqidi yanaşa bilirəm. zəhləm gedən biri belə tənqidi zarafat etsə haykırıb gülürəm. o an qızların haqqımda düşündüklərini fikirləşdikcə daxilən əclafsayağı gülürəm. amma daxilimdə ondan sonra heçnə sızıldamır desəm heç düzgün olmaz.

əslinə qalsa məncə yaraşıqlı olmaq azərbaycanda səhv anlaşılan bir şeydir. insan özünə fikir verərək (xarakterinə və bundan qaynağlanan hərəkətlərinə uyğun geyim, uyğun saç filan) ən azından müəyyən bir səviyyəyə çata bilər. bu yerdə məncə üz gözəlliyi ilə yaraşıqlı olmağı ayırmaq lazımdır. baxırıq da xarici kanallara ( yazar burda həmçinin hep caz, belgesel izlemediyini bildirir) , adam nə gündədir, yolda görsə bəziləri tipini siktiyim deyib düz gedəcək. amma adam yaraşıqlı qəbul olunur. məsələn, hey fernando, bugün çox yaraşıqlısan zad. diqqət! bugün! deməli sabah olub-olamayacağın naməlumdur. deməli yaraşıq dəyişkən bir şeydir. bizdə gözəllik deyəndə cavab üzünüzə "vızov" atdığınız dostun sizə anındaca "vızov"u geri qaytarmasına bənzər şəkildə gəlir. gözəllik qız üçündür. məncə burada məsələ toplumun tarixi şüuraltısındadır. çünkü millət üçün kişi daha çox vurub yıxandır, qüvvətli biridir. bu baxımdan xalqımız gözəllik sözünü kişiyə yaraşdırmır. elə buna görə də yaraşıq sözünün üzərinə böyük yük düşüb. yaraşıqlı hər kəs ola bilər, gərəkli proseslərdən sonra.

bir də bu məsələ üzərində dayanmaq istərdim. insan həmişə bələd olduğu sıralardan, ona ən oxşar olanı seçir. gözəllik yarışmaları keçirilir. bu sektorun ən qabağcıl ölkələri elə məhz avropa və amerika ölkələridir. fikrimi yavaş-yavaş əsaslandırım. sən də davam et oxumağa. görürəm tək elə sənə marağlıdır, ey oxuduğunu hiss etsəm də kimliyindən xəbərsiz olduğum yazar.

latın amerika, avropa ölkələri bizlərdən fərqli irqin nümayəndələridir. amma yenə də onlar içərisindən "bizə oxşar"ların çıxma ehtimalı asiyalıların bizə oxşar olma ehtimalından yüksəkdir. yolda bəzən qarşımıza asiyalı çıxır, yanımızdakı tanış deyir, bunların heç yaraşıqlısı yoxdur. lakin biz o an dərk etmirik ki, biz o irqə mənsub olmadığımız üçün o irqin gözəlliklərini, üzdəki orqanların hansının necə vəziyyətdə daha gözəl olduğunu dərk edə bilmərik. deyir ki, bakını anlamağ üçün şer yazmaq kifayət etmir, bakının dərdini anlamaq üçün gərək bakı olasan, 1 günlük bakı kimi yaşayasan.
yuxarıda bu model biznesinin daha çox avropa və amerikada üstün olduğunu əbəs yerə söyləmədim. baxın onların asiyadan layiq bilib seçdiyi gözəllərə- kişi ya qadın fərq etmir. 99 %-i avropalıya daha çox oxşayır nəinki asiyalıya. çinlinin, yaponun və digər asiyalıların, irqlərin gözəlliklərini özləri daha yaxşı dərk edir. biz isə özümüzə ən uyğun olanını seçirik. əslində bəlkə bu da irqi ayrıseçkiliyə gedir. niyə məhz zəncilərə qarşı edildiyi düşünülür ki ? yerdən sədalar eşidirəm ki, guya bunu oradakı münsiflər dərk edə bilməz? bəli, bilər. lakin onlar üçün bazar lazımdır. o bazar ki, insanların zövqüdür. o zövq ki, məhz elə özləri aşılıyırlar. bunu seriallar, filmlər reklamlar vasitəsilə edirlər.

behlülü kıvanç yox hacıbala abutalıbov oynasa yəqin indi hamı hacıbala yarımtipinin arxasınca düşürdü. qızlar hacıbalaya bənzərləri görəndə əriyirdi ( yazar burada fasilə verib, təxminən 2 dəqiqə gülür)

yəni qardaşlarım aldanmayın belə oyunlara. ya da aldanın, guya mən bunları dərk edirəm də nə olur? gözəllik etalonu nə hesab olunursa hamılıqla təsirindəyik-ən marjinalımız belə.

54 əjdaha! 31.03.2014 17:10, vergidə işləyən anarxist

#111211 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözlüyün underrated yazarları

+37 əjdaha

bəlkə də başlıq tam ifadəli alınmayıb. daha ifadəli, mənanı daha yaxşı çatdıracağ başlıq bəlkə belə ola bilərdi. məsələn, sözlüyün yaxşı,amma underrated yazarları.
amma elə yazsam tam məntiqli alınmırdı.çünkü underrated o şeylər onsuz da , o kəslərdir ki, onlar əladır, lakin qiymətləndirilmir. çəkdiyim əzaba bax da. ondansa elə başlığı belə yazsam yaxşı olardı. məşədibadın papaq sərgüzəştinə döndü.
qardaş, valla mənəm bu yazar. nə entrylər yazıram, özüm sonra gecələr yorğanı başıma çəkib hıcqıraraq göz yaşı içində entrylərimi oxuyuram. (baxma: yalnızlıq əlamətləri)
entrylərim xeyir işlərə səbəb olur. #111211 entryim bir gəncin evlənməsinə təkan oldu. qərara gəldi ki, gözləməklə deyil, bu tiplə gözəl qızı həqiqətən gözləməyə dəyməz. qurğuşun sifətli insanların da trend olma ehtimalı yaxın gələcəkdə yoxdur. əlini üzdü və yaş artıq keçir deyib evlənə qərarı aldı.
bəlkə də bunu sözlük yazarlarının anonimliyi başlığında toxuna bilərdim. amma yeri gəlib deyəcəm. məncə burada kifayət qədər anonimlik yoxdur. yəni demək istədiyim, yazarların çoxu bir-birini tanıyır. istər-istəməz bu reytinq xalına təsir edir. əgər səmimidirlərsə özləri də etiraf edərlər. bəzən bir entry o qədər səs alır, o entry hər hansı orta statik facebook səhifəsində paylaşılsa mız qoyular. mən sırf dostluq-qardaşlıq münasibətlərinə görəsəs verilir, ya da mənə nəsə səs verin demirəm. lakin düşünürəm hər yerdə olduğu qədər burada da reklamın, yazarın ətrafında formalaşdırılan imicin böyük əhəmiyyəti var. şahin xəlilin bir yazaram adlı yazısı var idi. deyirdi, bir dəfə kitab çıxartmışam tutuzdurmuşam, indi mən zibil də yazsam onlar o kitabı alıb bəh-bəhlə oxuyacaqlar. bir neçə yazarın yazılarını izləyirəm. görürəm içlərində overrated və underrated-lər kifayət qədərdir. bu başlıqdan və entry-dən kiminsə incimək əsası olmasın deyə deyirəm ki, xüsusi olaraq heç kim nəzərdə tutulmayıb. hər yerdən bir gül dərmişəm olub buket. yəni ümumi mənzərədə belədir vəziyyət.

34 əjdaha! 01.04.2014 01:27, vergidə işləyən anarxist

#111382 şikayət

sözlüyə yazma səbəbləri

+26 əjdaha

tənhalıqdan çatdırmaq istədiklərini çatdıracağın məkanlarda imic formalaşdıra bilməmək. əsas səbəblərdən biri budur. burada sadəcə özümü nəzərdə tutacam. digər yazar nə üçün yazır bilmərəm. mən yazmağa meyilli adamam, bəli özümü dünyanın mərkəzi hesab etdiyim üçün fikirlərimi də bölüşmək istəyirəm. düşünürəm sanki bu fikirlər insanlara çox vacibdir, lakin qulağına da alan olmur. bu isə mənim kimi özünü dünyanın mərkəzi hesab edən biri üçün mənəvi cəhətdən böyük çöküşdür.

hər şeyə ən başdan başlamaq istəyirəm, deyəsən yenə uzun yazı alınacaq. əvvəli əlaqəsiz görünəcək, sonrasında düyünlər çözüləcək.

elə də varlı ailədə böyüməmişəm. hətta kasıb ailədə böyümüşəm desəm yeridir. kasıbçılığı görənlər onun necə mundar şey olduğunu yaxşı anlayırlar. kasıbçılıq evdə sakitçilik səbəbidir və ya axşam düşdükcə deyib-gülərək günorta baş verən sakitçiliki unutdurmaq cəhdidir. bəlkə ürəyindən qaraqanlar axır bunu edəndə, lakin yenə də saflıq əlamətidir.

təkrarlamağa ehtiyac yoxdur yəqin, ki ən azı normal həyat şəraiti olan ailələrdə böyüyən uşaqlar daha yaxşı inkişaf edirlər, həm fiziki baxımdan, həm digər. mən elə də yaxşı inkişaf edə bilmədim. fiziki cəhətdən hündürlüklə yaxud nə iləsə problemim yoxdur. lakin uşaqlıqdan gördüyüm, ən pisi (bəlkə də yaxşıdır) dərk etdiyim pulsuzluğun və digər bundan doğan səbəblərin yaratdığı problemlər istər dərimin tonuna, üz cizgilərimə öz töhvəsini verdi. ən böyük problem isə bütün bunların yaratdığı özgüvənsizlik problemi idi. özgüvənsiz adam- heçkimə qaynayıb-qarışmaq olmurdu. çünkü hər an türklər demiş açıq verməkdən qorxurdum. belə-belə artıq digərləri tərəfdən də "eybəcər" , "çirkin" sözlərini eşidirdim. çünkü istər davranışından, istər üz cizgilərindən özgüvənsizlikin zirvəsi görünən adamın digərlərinə eybəcər gəlməsi normal hadisə idi.
bəs özgüvənim aşıb-daşmasa, normal olsa belə necə olardı ? məncə fərqli olardı. ən azı indiki kimi olmazdı. uşaqlıqdan daha aktiv olardım, insanları öz ətrafıma cəmliyə bilərdim. ya da nəbilim çoxlu "kruq"un əsas üzvlərindən biri olardım. üz cizgilərim hansı həddə olsa belə (əgər özgüvənli olsam sifət quruluşum eyni olsa da mühüm dəyişikliklər olacağı danılmazdır) bu heçbir zaman üzümə vurulmazdı. çünkü indiyə kimi gördüyüm odur ki, həmişə sual verərdim özümə. axı filankəs məndən də beşbətər çirkindir, necə o boyda kəs bunu eybəcər görmür, necə bu qədər adamla əlaqə qurur ? məsələ bunda imiş sən demə, problem güvəndə imiş. kasıb kimdir ? daim hardasa "açıq" vermək qorxusu ilə sosial ortamladakı psixopat. hə, olur ki, kasıblardan da tamam fərqli tiplər gəlir. amma mənə o klişeni söylətməyin deyəcəkdim elə - istisnalar bla bla bla.

bura kimi oxuyanlar ola bilər desin, yazılanların bu başlıqla nə əlaqəsi ? gündəlik həyatımızda mühüm yeri olan facebook-da hər kəs ağzına gələni yaza bilir, çünkü mühiti var. mən yazıb ürəyimi boşalda bilmirəm. çünkü mənim primitiv yazımla hansısa imici olan kuklanın yazdığı eyni olsa belə mənim yaxın saydığım insan belə onunkini like edəcək məni yox - yəni onu alacaq məni yox, yəni onun mövqeyi daha ciddir, səninki isə xiyar tağı. bu ehtimal deyil, doğurdan da belə şey olub.

adamlar özlərindəki fikir boşluğunu belə doldurur. imic yaratmış biri sadə bir fikir yazır onu elə özü kimi içi boş lakin sosial məkanlarda tanınan insanlar (əksərən) bəyənir və həmin "fikir acı" insan üçün o insan daha bir mövqesi olan insan kimi bilinir. və girən sənə girir, görürsən ana səhifənə düşdü, filankəsin filan statusunu bəyəndi. o an tüpürürsən hər şeyə. deyirsən sikdirsin, hər şey. məhz o an yada sözlük düşür. deyirsən burda da təbii bir-birini tanıyanlar olsa da, yenə cəhənnəm, burada səndən daha intellektual adamların hətta sənin entryini bəyənməməsi kimi lüksün var.

demirəm mənə belə imic lazımdır. lakin adama çox pis qoyur. bu səbəblərdir məni sözlükdə yazar olmağa məcbur edən - bilirsən ki, sənin entryini 3 nəfər olsa belə nəsə görmüş, oxumuş adamlar oxuyacaq.

(baxma: ürəyi açılan yazar)
(baxma: ulan, hayatınımı anlatıyosun entrymi giriyosun )

23 əjdaha! 08.08.2014 17:41, vergidə işləyən anarxist

#129523 şikayət

güldürən hadisələr

+27 əjdaha

deməli bugün mənə danışdılar . bir nəfərin rus dili müəlliməsi metroda görüb bu hadisəni. səhv etmirəmsə müəlliməsi nərimanovda minib rəfiqəsi ilə, gənclikdə tələbələr minən (düşən) vaxta düşüb. bizim bu tipik talpa-talpa gəzən (bu dəfə talpa 6 nəfərdən ibarət olub) bir qrup tələbə qaqaş minib vaqona. belə yenə şitlik zad. yanlarında bir nəfər keçəl bir kişi durubmuş. ilk baxışdan göz-qaş edib bir-birləri ilə məzələnirlərmiş. deyir inşaatçılara çatmışdıq, bu gədə yığını düşdü, biri içəridə qaldı. o birilər isə qapını bağlanmağa qoymadılar, bu içəridə qalan götürəsən bir dənə yağlı şillə çəkəsən keçəl kişinin başına. deyir hamı elə bildi qapı elə səslə örtüldü, elə bir əcaib səs çıxıb. elə bu qaçıb qapıdan çıxmaq istəyəndə yanındakılar guya mırtlaşmaq üçün bunu itələyiblər geri, qoymayıblar çıxsın, qapılar da bağlanıb. deyir sadəcə keçəl olması ilə seçilən və biraz da məsum birinə oxşayan kişi it balası kimi çırpdı oğlanı növbəti stansiyaya qədər.
belə hərəkətlər edərək özünü bir zibil sanan, metro kimi digər ictimai-nəqliyyat vasitələrini dostları ilə əylənmək üçün (məsələn onu içəridə qoyan dostlar, gah bir-birini itələyənlər) yer hesab edən xiyarların nəhayət belə şeylə üzləşməsi mənim hər zaman yarılmağıma səbəb olacaq.

26 əjdaha! 27.05.2014 21:25, vergidə işləyən anarxist

#122016 şikayət

1 avqust 2014 cəbhə xəttində atışma

+20 əjdaha

gecəsində cəbhə xəttində, günortasında facebookda atışmaların getdiyi tarix. bu döyüş, müharibə, əsgərlik barəsində fikirlərimi başqa başlıqlara saxlayaraq onu bildirmək istəyirəm ki, müharibəni istəyənlərin özləri müharibəyə hazır deyil.
belə nəbilim e, anlaşılması çətin, harasından tutulması gərəkdiyi bilinməyən vəziyyətdir. bayaq bir saytda fazil mustafanın fikrini oxudum, deyir matəm saxlamaq müharibə şəraitində düz deyil və s. ən maraqlısı altındakı şərhlərdir. deyirlər ki, millət razıdır matəmə və s. hə bilirik e, müəyyən ifadələr ilkin mənasından çıxaraq fərqinə varılmadan necə gəldi işlədilən sözlərə çevrilir. amma matəm sözü elə bir şey deyil axı. matəmi bunlar necə təsəvvür edirlər ? vəziyyəti dərk etmək üçün illa kiminsə rəsmi qərarımı olmalıdır ? olmazmı sən o matəmi həqiqətən dərk edib istəyirsənsə özlüyündə rəsmiləşdirəsən ? bu bilirsiz nəyi göstərir ? təqvimdə olmasa insanlarımızın artıq bayram və ya faciəvi günləri qeyd etməyəcəyini. çünkü insanlarımızı yaşaya bilməsi üçün başqa şeylər düşündürür. insanlarımız səmimi kədərlənməyi də, sevinməyi də unudublar. lakin bunu insanlarda yaradan müharibə şəariti deyil, gündəlik sosial-problemlərdir.

insanlarımız hələ də tv-in bütün dünyada dövlətin marağları üçün var olduğunu başa düşmür. dövlət matəm elan eləsə, tv-lər qara rəngə boyansa bu dövlətə növbəti problem yaradacaq. çünkü artıq məhz o an neçə illərdir utancaq qız kimi üzünü gizlədən dövlət dar bir küçədə oğlanla-xalqla üzbəüz gələcək. o an suallar çoxalacaq, pis mənada desəm dövlət xalqa üz vermiş olacaq, daha çox hesabat istəyəcəklər. səhv edəcəklər ? xeyr. lakin dövlətə belə vəziyyət ən sonda lazımdır.

qaldı, itki məsələsinə. bilmirəm, hansı tərəf doğrudur. lakin doğurdan da əgər azərbaycan ordusu daha çox itki veribsə deməli hücum edən də azərbaycan ordusu olub - hərbi ekspertlərin dediklərini nəzərə alıb yazıram. bir şey var ki, ermənistan rəsmiləri itkiləri daha çox bağlı saxlamağa məcburdular. çünkü işğalçı onlardır və onların da insanlarının övladları ölürsə,həmin insanlar da övlad yanğısına görə dövlətə qarşı çıxa bilərlər. hansı ki, ən azından ərazi baxımından da böyük və güclü iqtisadiyyyatı, geniş marağları olan ölkə də deyilsən ki, sən haranısa işğal edib saxlayasan və bu qədər əsgərin qırılsın.

onu da qeyd etməliyəm ki, sözdə çox şey olsa da, ictimaiyyət müharibəyə hazır deyil, onu dərk etmir, ölkənin ən əsas idarəediciləri isə..........bax o vaxt tutarlı həmlə gözləyin ki, 1 əsgər düşmən tərəfindən öldürüldükdə prezident ya baş nazır ya digəri, bunu harda eşitməyindən asılı olmayaraq dişlərini qıcayıb intiqam hissi ilə qaynasın. mən şəxsən heç cür təsəvvür edə bilmirəm ramizi də nəbilim əlisidir filan, hadisələrə görə üzülürlər.

müharibə zad ən son istəyəcəyim şeydir. yaşadıqlarıma baxıram, məsələn indi evdə oturmuşam- sabahla bağlı xoş bir düşüncəm yoxdur. bugünki mənasızlıqdan fərqlənməyəck. lakin bunu nə ilə müqayisə edirəm. siz bir neçə gün evdə oturursuz və birgün hava dəhşətli dərəcədə pis olur, ürəyiniz sıxılır evdə.halbuki hava bele olmasa yenə evdə olacaqdız. bax həmin o sıxılma nəyin üsyanı olur ? azadlıqın əlinizdən alınmasının. çünkü hava xoş olsa planınız olmasa belə siz istədiyiniz yerə getmə imkanını öz əlinizdə saxlayacaqdız. məhz bu məsələ də həmçinin eyni vəziyyətdir. müharibə məndən elə sizdən də çox şey alacaq. həyatınızın qədrini bilin.

19 əjdaha! 01.08.2014 17:22, vergidə işləyən anarxist

#128713 şikayət

asosial olma səbəbləri

+21 əjdaha

bu barədə uzun uzadı yazaram, özümü bəzən çoxbilmiş kimi göstərərəm, bəzən doğurdan elə olar. lakin sadə olaraq deyim mən çirkin insanam görünüş olaraq. yəni normal qəbul olunan gözəllik kriteriyaları məndən uzaqdır. sabah taylandlıların serialları moda minsə bütün reklamlarda, qızların arzularında məhz o tipajda insanları görəcəyik. yəni bilirəm ki, əslində dərd ediləsi bir şey olmamalıdır. lakin insanam, mən də hardasa təsirlənirəm tarixin yaratdığı müəyyən şablonlardan. mənim yaraşığım az da olsa var olsaydı hər şey başqa cür olardı.

21 əjdaha! 17.03.2014 23:44, vergidə işləyən anarxist

#107233 şikayət

baku street fashion

+18 əjdaha

köhnə foto səhifələrinin mutasiya olunmuş versiyası. description-da foto sahibi terefden nəsə yazılmasının istənməsi azərbaycan üçün ağır məsələdir. belə açıqlıyım, ala, yerləşdirirsən fotoları lap yaxşı. daha bunları niyə danışdırırsan ? dsdjsdjnzjsnj niyə bütün sehri yox eliyirsən ? danışdırma da bunları. azərbaycanda çox şey elə baxarkən və uzaqdan gözəldir. danışdırma, öyünək aznetdə belə səhifə və bakıda belə geyinən insanlar var (artıq nəyi ilə öyünəcəyiksə ).
baxırsan hər 1,5 fotodan ( tağıdan incilər ) birində "rəngli geyinirəm" açıqlaması var. qızın boynundakı şarfı çıxsaq bildiyin qara dərili dünya insanından biridir, dirəşıb ki, yox e, dün denedim üsküdara kadar gide biliyorum.

bir neçə açıqlamanı çıxsaq hamısı ele bu qəbildən açıqlamalardır. sadəcə özünüifadə edə bilməməkdədir problem. hərşey "intellektual", cəmiyyəti guya irəli daşımaq istəyən, cəmiyyətin 20 yanvar tərəfini "mission complete" etmədən, hərkəsdən birdən-birə kenquru tullanışı gözləyən köşəçilərin "camat qara-qura geyinir" , "filan rənglər olsun" tipli söhbətləri ilə əlaqədardır. kanalizasiyanı yoxlamadan, oranın problemlerinə həll etmədən, üstündə yeni seksual azadlığ təbliğçilərinin kitab kafelərini inşa edib ört-basdır etmək istədilər. necəki bunu yap edir. bax ona görə xalq inanmadı köşə yazarlarına. "inananların" da bir neçəsinin görürük baku street fashionda. -* bildik, çox modernsiz, pozitivsiz, intellektualsız, arada ədəbi məclislərdə da olursuz. amma etməyin-eləməyin.
"rəngli geyinirəm adətən" söhbəti 2-3 il əvvələ qədər yaman modda olan "küçədə heçkimə baxmıram" subnimal mesajı ilə eyni kökdəndir.

16 əjdaha! 16.11.2014 11:55, vergidə işləyən anarxist

#134447 şikayət

öldürən facebook statusları

+18 əjdaha

bir gun elekber yasamallidan toyda sorushublar ki,bilmirsen elshen xezerle aqshin fateh niye ayrilib?elekber qayidib ki,deqiq bilmirem deyesen ushaqlari olmurdu.

18 əjdaha! 24.10.2014 23:19, vergidə işləyən anarxist

#131598 şikayət

çirkin olmaq

+21 əjdaha

tək üz cizgilərinin həll etmədiyi, necə ailədə böyüməyin, necə yetişdirilməyin birbaşa təsir etdiyi adlandırma.
çirkin olmaq sadece üz cizgilerinin yerine oturma(ma)sı ile resmileşen veziyyet deyil, o hem de inkişaf edendir ( etmeyendir).
#111211 saylı entrymde yazmışam bütün bu anlayışların moda olduğunu.
çirkinlik elə bir teyinedicidir ki, onu insan özü de qazana bilir sonradan. eslinde istemeyerek qazanır.
müqayise edek, hər hansı "kruq"un en aktiv insanı, ne qeder çirkin olur olsun, o çirkin adlanırmı ? ona edilen hörmet kimseye olunmur.
bir de var menim kimi çirkin olanlar, çirkinlik mene en böyük belanı verib. özüne inamsızlıq. bu söz çox çeynenilib, "qaqaş esas özüne inamdır eee " bla bla bla.
bunu men yaxından duymuşam. başa düşmüşem ki, inamsızlıq tekce yazılarda olmur, onu hem de hiss edirsen. çirkin olmaq statusu olmamaqdır. dünyanın en zibilden bir işinde bele statusunuz varsa etraf üçün eybecer deyilsiz. eybecersiz, çirkinsiz - amma bunu siz uğurla ört-basdır etmisiz. sizin teqdimat kartınız artıq görünüşünüz deyil, statunuzdur. bəzən deyirlər, görünüşü beyinə ilişdirmək ərgənlərin olmazdan hoqqa çıxartmaq ehtiraslarıdır. belke de eledir, mesele burasındadır ki, mehz qırılma - uğura keçid də bu yaş dövründedir.
niye etrafdan çox danışıram ? çünkü hər birimiz ayrı dünyada tek yaşasaq, gözəllik anlayışımız böyük çoxluqla tam ferqli olacaqdı. çünkü gözellik kriteriyalarını özümüze mexsus fikirleşecekdik. özümüz kimi başqa birini bilmediyimiz, görmediyimiz üçün hansısa müqayiseli tehlilimiz olmayacaqdı. demeli bizi çirkin ve gözəl görsədən ətrafdır, müqayisedir. görmeyen insanlar var, hiylegerleri çox rahatlıqla qızla münasibet qururlar, özü de saysız-hesabsız. mene nömre verilse bele, bacarmaram ki, zeng edim kiminlese danışım. birincisi bu ettökendir, ikincisi lap tutaq bir nefer yaxşılıq edib mene xoşlandığım birinin nömresini tapıb getirib, yene de qaçaram. çünkü men qarşı terefden ne qeder ağıllı, bacarıqlı, taktikalı olsam da bütün bu çirkinlikle uğursuzluq arasındakı tellər məni danışmağa qoymaz.
statusu olmaq gücdür. güc ise daima gözellikden daha çox ön plandadır. tebietin bütün münasibetlerinde güc qazanır. meşenin en gözəl şiri bele olsanız ( -* ) meğlub olacağınız halda dişinize başqa şir yiyelenecekdi. münasibetlerin en tebii olanı mehz heyvannövleri arasında baş verendir. insana sonradan daşıya bilmeyeceyi çox fayl yüklenib- etikadan tut sedaqetli olmağa qeder. görünen budur ki, öz tebii kimliyinden uzaqlaşan insan bütün bunları qaldırmaq gücündə deyildi.
heyvanların axı gözəllik trendi yoxdur. -* yeni en azından menim bildiyime görə. -* onlar üçün seçilen güclü olandır. ele insan üçün de. sadece yüklenilmiş elave deyerler, gözellik anlayışı ve bu qebilden yüzlerle meqam bizi axsadır. belke de yanılıram men ? belke ele güc budur ?
bu statusu olmağı qabardıram kimi görünür. gəlin öz tecrübemi bölüşüm. 2010-ci ilin axırları idi. dostumla merce girdik, mercin sebebi dostumun qızların sədaqəti barəsində ele hey goplaması idi. dostum biraz puldan yaxşı olduğundan əgər ona nəyisə sübut edəcəyim halda, menimle istediyim ayaqqabını almağa gedəcək və pulu ödeyecek. dostumun facebookda müeyyen bir sahədə marağlı, öz işini yaxşı yerine yetirən, gic-gic like paylaşımları olmayan ( o vaxt nadir tapılırdı beleleri) səhifəsi var idi (sahənin nə olduğunu demeyecem, ifşa və s). hansısa bekar sehife deyildi. yeni kederli qızların "admiiiiiiiin çox xowuma gelir paylawimlarin" tipde bir şey deyildi. neyse, men keçdim idareçiliye, dostumla razılıq esasında onu sildim sehifeden. bele-bele fealiyyet. insanlara danışdıqca çox rahat olduğumu ferq etmeye başladım. çirkinlik artıq vecime deyildi. çünkü güc nöqtem var idi. xüsusi nese etmeden, ora vasitesile 3-4 ay içində 25-26 qızla tanış ola bildim. bu qızların heçbirine qarşı xüsusi "padxod" filan etmemişdim. özleri nömrelerine qeder vermişdiler. içlerinden sırf dostuma sübut etmek üçün 11 nişanı/sevgilisi olan qızla görüş teyin etdim. cemisi ikisi ile görüşdüm. birisi hətta dostumun uzağ tanışı çıxdı. nəysə, axırki sübut eledim ki, sedaqet filan boş şeydir, merci uddum. mercden başqa qazandığım o oldu ki, güc, status hər şeydir. o sizi çirkinlikden xilas edir. he indi deyen olar insanların hissleri ile oynamasın. ne elaqe ? çünkü insanlar özleri marağlanırdı ve affedersiniz, münasibeti olduğu halda durub başqasına girişen neferin soxmuşam hisslerine.
yaxşı yetişdirilmemişik, yaxşı qidalanmamışıq, aktivitelerden uzağ qalmışığ, o qədər kasıb idik ki, 4-cü sinif bıraxılış bayramına gedib-getmeyeceyim son ana kimi belli deyildi. gel bucür çetinliklerle böyümüş, sırtıqlığ edib göze girmeyi bacarmayan birinden güclü veya yaraşıqlı olmağı gözle. gerek o qırılma vaxtında hər şeye nezaret ede bilesen, yoxsa uzun müddet uğursuzluq zolağında qalacaqsan.
menim münasibetim var idi, demek olmaz ki, çirkin olmaq meni seksden, nebilim münasibetlerden ayrı salıb. bu mövzuda daha çox münasibetler, xanımlar üzerinden getmeyimin sebebi "çirkin vs yaraşıq" mövzularının daha çox qız vs oğlan münasibetlerin öne çekilmesi ile bağlıdır. yoxsa çirkinliyin heyatın bütün sferalarına tesir etdiyi danılmazdır, ağrılıdır.
her kesin müeyyen marağ nöqtesi, isteyi var. meselen qızlar daima axtarırlar gözleri ile. ve o baxışlardan bir neçesi sene de tuş gelir, özgüvensiz, boynu bükük, vidsiz fasonsuz birinin nece teessürat yaratmasını özünüz anlayırsız. ve itirdiz, baxışı itirdiz. fikirleşirsiz ki, o baxışlar başqa birinde ilişib qalacaq, sizde ilişib qalmadığı üçün nese ede bilmirsiz. tebii ki, her baxış o bxışdan deyil, insan tesadüfen de baxa biler, lan mene baxan varmı edası ile de baxa biler, nebilim belke sadece gözleri sene istiqametlenib, eslinde baxmır.
çirkin olmaq eger yaxşı yetişdirilib, özgüvenle maskalanmırsa - biabırçılıq qaynağıdır. bir neçə dəfə avtobusda saxla deye bilmediyim üçün adamların düşdüyü dayanacağlarda düşmüşem. -* çirkin olmaq mence ele özüne inamsız olmaqdır. özgüvensiz oldun, insanları asosiallaşdıran sosial şebekelerde bele hamıdan çox deyeceyin söz olmasına reğmen, en seçilmeyen sensen. özgüvensiz olmaq özünü teqdim ede bilmemekdir, özünü tanıtmaq qorxusudur.düz 3 layihəyə qebul olmuşam son 1 il yarım erzinde bacarığımla, gel layiheleri vaxtindan evvel terk etmişem, halbuki ağzı söz tutmayan, lakin bütün bunlardan utanmayıb sırtıq formada göze soxanlar özlerini ele teqdim edibler ki, nebilim. çirkin olmamaq üçün gözəl olmaq vacib deyil. çirkin olmamaq üçün, ferqlenmek, güclü olmaq, mövqe tutmaq yeterlidir. mübarize qızışır, qalibiyyet lazımdır.

17 əjdaha! 18.03.2015 15:37, vergidə işləyən anarxist

#152968 şikayət

ölkədə işsiz adam qalmayacaq deyən prezident

+16 əjdaha

yalan söhbət olduğunu deməyə ehtiyac belə yoxdur. nə uzadıram, elə keçən dəfə facebookda mənə bildiriş gəldi:

"dovlet qulluquna hazirliq d səni candy crush saga oynamağa çağırdı."

ölkədəki işsizliyin bundan gözəl izahı ola bilməz. -*

14 əjdaha! 15.03.2015 13:42, vergidə işləyən anarxist

#152478 şikayət

25 noyabr 2000ci il bakıda zəlzələ

+14 əjdaha

bacımla şahmat oynayırdım həmin an. saat təxminən 22:15 filan olardı. televizor açıq idi, space tvdə "bu şəhərdə" yayımlanırdı. o illərdə yataqxanada qalırdıq. anam hamıya aid, ayrı evlərə qazanların aparılıdığı mətbəxdə, atam isə həyətdə idi.
bir an yıxıldığımı düşündüm. zələzələnin necə baş verməsi ilə bağlı təcrübə yox idi. təcrübə isə saniyənin mində birində belə nəsə baş versə belə dərk edə bilmək və hazır olmaqdır. balaca şahmat taxtasından əvvəlcə top, sonra fil düşdü. olanları dərk etməyə macal tapmamış ayağa qalxdım, bacımın elinden tutub evdən koridora atıldım, o an necə əyilib bacımın ayaqqabısını götürmüşdüm, nə o vaxt xatırlayırdım, nə də indi. həmin gün bir çox qonşu nədənsə bizdə qaldı. o biri gün ans kanalının ad günü idi. hər kəs səksəkə içində idi. şayələr gəzirdi ki, guya növbəti dalğa gözlənilir. anam 26 noyabr 17:00-22:00 arası koridorda, həyətdə bacımla gəzdi əvvəlcədən hazırladığı risk tədarükü ilə. atam isə deyəsən zəlzələnin silkələməsinin sehrinə düşüb daha çox silkələnmək eşqi ilə arağlamağa getmişdi. bəs mən ?
bir neçə il sonra bacım evdə oturarkən qayıdıb demişdi ki, "mama, yadındadır hamı qorxusundan bayırda, koridorda gəzirdi, amma qaqaş (adımı çəkmişdi) oturub "tutugildə"yə baxırdı." bunu eşidəndə sıralama ilə səs tonu, intonasiya, sonra öz təsvirim, daha sonra həmin hadisələrin yada düşməsi beynimdəki gülüş qırışlarını hamarlaşdırdı və həyatımda ən ürəkdən güldüyüm anlardan birini yaşadım. 11 yaşlı uşağ bacısı ilə şahmat oynadığı günün səhəri zəlzələ təhlükəsini vecə almayıb tutugildəni izləyirdi mvfndfnmdfxdsnds o vaxtdan yelbəyen adam idim və elə o vaxtdan bilinirdi ki, gələcəyin işsiz, lakin qeyri-standart adamı böyüyür.
(baxma: tutugildə verilişinə baxan oğlan olmusan da, kimsən guya)

12 əjdaha! 26.11.2014 00:08, vergidə işləyən anarxist

#136134 şikayət

sözaltı etiraf

+14 əjdaha

çox cəsarətsizəm. bilirdim də, amma yenə özüm öz üzümə çırpdım bu həqiqəti. dünən diş həkimində idim. rentgendən keçməli idim. növbədə dayandıq. bir qoca qadın gəldi nəvəsi ilə, başladı azərbaycanlığına salmağa. o an biraz baş yellədim,dodağaltı güldüm. üzbəüzdə əyləşmiş bir xanımın da mənə baxıb gülümsədiyini fərq etdim. ondan sonra neçə dəfə baxışlarını öz üzərimdə tutdum. adam çox idi, bəlkə tək olsa nəsə deyə bilərdim. qız da taş.
hələ bir qadının uşağını həkimlə qorxutmasına " onu indidən belə böyütsəz gələcəkdə adi yoxlanış üçün də həkimə getməyəcək" dedi və yenə məni süzdü (belke de mene baxaraq nümune kimi gösterirdi qadına, yene de pozitiv qalaq ümid edek ele deyil -* ) . lakin onun növbəsi çatdıqda mən koridorda, mən içəri girəndə o koridorda idi. sadəcə adını öyrəndim. düşünürəm ki, guya nə olacaqdı ki ? mənim bu özünə inamsızlığım, cəsarətsizliyim onsuz hər yerdə xəncərdir mənə. amma yenə də yadımdan çıxmır. həyatım boyunca məhz bu tip qızlar maraqlı gəlmişdi mənə. demək olar türk aktrisa ipek yaylacıoğlunun eynisi idi. ulan, həmişə o rəngdə saçı olan sevgilim olsun istəmişdim. və bəlkə xoşniyyətli baxışları ilə, daimi məni süzməsi, təbəssümü ilə bunu bildirmək istəyirdi. ya da təbiətin bir oyunu idi. mənə göstərdi ki, sən sadəcə bəhanələri sevirsən, sənə şansı yaratdım, bu qədər ipucu verdim, amma bir dəfə yaxınlaşa bilmədin.
ən pisi isə köhnə sevgilim psixopata bağlayıb. ev ünvanımı filan aşkarlayıb, bu arada yemək yediyim yerdə sümük boğazıma getdi, girdi içəri. bla, bir gün ərzində həm ideal 2-3 qız obrazımdan biri ilə rastlaşıb istifadə etmədim, həm köhnəsi izimə düşdü, həm ölümdən qayıtdım. təbiət bu qədər tərs hissləri necə bir yerə yığa bilirki ? yoxsa son günlərimdir hər şeyi yaşatmaq istəyir ? ejfejfejfjdbnvjdbnjen belə.

14 əjdaha! 28.10.2014 23:09, vergidə işləyən anarxist

#132062 şikayət

qanun nəşriyyatı

+13 əjdaha

hər ay olduğu kimi bu ay da belə bir məlumat paylaşıblar :

yanvar ayında ən çox satılan
tərcümə ədəbiyyatı
1) stephen r. covey – yüksək effektli insanın 7 vərdişi
2) osho – tale, azadlıq, və ruh
3) deil karnegi – dostları necə qazanmalı və insanlara necə təsir etməli
4) mümin sekman – hər şey səninlə başlar
5) paulo coelho – kimyagər
6) nigel cavthorne - tiranlar
7) robert qrin – hakimiyyətin 48 qanunu
8) pyer dukan – mən arıqlaya bilmirəm
9) adel faber və eleyn mazliş - necə danışmalı ki, uşaqlar qulaq assınlar və necə dinləmə ki, uşaqlar danışsınlar
10) mark levi – bir-birimizə demədiyimiz sözlər
11) brayan treysi və ron arden
12) osho – kişilərin kitabı
13) osho – qadınların kitabı
14) paolo coelho – on bir dəqiqə
15) ronda bern – sirr
16) robert r. kiosaki və şeron l. lester – varlı ata, kasıb ata
17) xalid hüseyni – çərpələng uçuran
18) robin şarma – ferrarisini satmış rahiblə öz taleyini öyrən
19) jeffrey j. fox – necə böyük rəhbər olmalı
20) yuliya qrippenreyter – uşaqla necə ünsiyyət qurmalı.

bu siyahı göstərir ki, effektsiz, azadlığı başqa yazılardan gözləyən, dostu olmayan, hər şey özündəcə bitən, kimyagər olub daşı qızıla çevirmək istəyənlər, kök, standart bacarığları inkişaf etmədiyindən validenylik edə bilməyən insanları bakı öz ağuşuna alıb. bakının aqressiv hostedkalığını indi başa düşürem.

şəxsi inkişaf kitabları nə qədər dəxlisizcədir, hə ? bu kitabları oxuyub dəyişiklik gözləmək ümid deyil, ümidsizlikdir. belə kitabları qlamur"şa"lar, varisi oxumadığı ilə fəxr edib`xalid hüseynini mütaliənin üst zövqü hesab edənlər oxuyur.

hər şey cəhənnəmə, mən nəvaxt baxıram "kimyagər" bu siyahıdadır. kimisə aldadıblar ki, 100 kərtənkələ quyruğu, 1 kq xoruz tükü, 250 "kimyagər" kitabı alsan kimyagər olacaqsan, qızları çılpaq görəcəksən, atan öləndə çəkisi ölçüsündə qızıla çevriləcək zad. başqa səbəbi ola bilməz bunun .

silinmiş entry.

11 əjdaha! 07.02.2015 12:32, vergidə işləyən anarxist

#147705 şikayət

sevgilin yoxdurmu sualına alternativ cavablar

+14 əjdaha

başlığa əsasən demək olar ki, içində biraz da təəccüb doğuran bir maraq var. yəni necə olur sənin kimi babat qaqaşın sevgilisi olmur ? nə yalan deyim, mən sualın bu maraqla verilən tərəfi ilə qarşılaşmadım. çünkü uğurlu insan deyiləm, mən böyük potensialı olan lakin heçcür özünə qalib gələ bilməyən bəxtsiz adamam. çünkü başlıqdakı kimi sual sadecə uğurlu və ya yaraşıqlı insanlara verilir. çünkü insanların qəbul etdiyi gözəllik, uğur kriteriyalarına yaxın düşə bilmədim. bu o deməkdir ki, mən həm də onların bu sualı verilə biləcək insan tipinə də uyğun düşmürəm. axı uğurlu insanları sevmək asandır. amma əsl olan uğursuz insanları sevməyi bacarmağdır, gözün başqa yerdə qalmadan. yəni mənim heç bir zaman belə alternətivə ehtiyacım olmadı.
(baxma: kövrəldən başlıqlar)

11 əjdaha! 07.03.2014 15:31, vergidə işləyən anarxist

#104830 şikayət

anarxizm

+15 əjdaha

bunların bir də utanmadan vergidə işləyəni olur.

15 əjdaha! 07.08.2014 02:13, vergidə işləyən anarxist

#129341 şikayət

bakirəliyə fikir verməyən oğlan

+11 əjdaha

(baxma: günel mövluda lağ edib, özləri eyni mövzunu dəfələrlə dartışdıran yazarlar )
(baxma: baby-nin günel mövlud olma ehtimalı)

11 əjdaha! 01.04.2014 21:30, vergidə işləyən anarxist

#111639 şikayət

m.v.lomonosov adına moskva dövlət universitetinin bakı filialı

+11 əjdaha

27 fevral 2009-cu ilində rəsmi surətdə açılan təhsill müəssisəsidir. daim ruslarla birlikdə təhsil almağ istəmişəm. bu bir şəhər əfsanəsi deyildir ki, rus sektorda oxuyan uşaq fərqli yetişir və daha formalaşmış olur. 10-11 yaşım olanda paxıllıq edərdim məktəbdə bizimlə paralel rus sektorunun şagirdlərinə. bir insanın intellektual baxımından formalaşması üçün rus sektorun rolu danılmazdır. həmin filialda bu yöndə görülən işlər əladır. gəl olmasın ? o vaxt tənəffüs vaxtı qapılar açıq olardı, içəri baxardın nəsə yazırlar, ya uşağlar kiminsə başına yığılıb rəsmə baxırlar, ya yazırlar, ya nəsə fərqli oyun. bizimkilər qaçırdılar tualetə yoxlamağa ki, kimin penisinin ətrafı tüklənib ? o vaxtdan fərqli yetişənlərə təklif edilən şərtlər də ayrıdır.
hər şey bir qırağa, indi isə yaşımın artması ilə əlaqədar dürtülərim, istək səbəbləri çoxalıb. -* qardaşlar, o nə taşlardır elə o filialda oxuyur ? özü də hamısı sosial, tələbə həyatında aktivdirlər, mənim kimi çirkin oğlanları da öz bağırlarına sıxacaq qədər səmimi, geniş ürəklidirlər. -* və bir neçə aya rus dilini öyrənib tqdk-a sənəd vermək kimi ciddi fikir də yaranıb. həm pas atmış sümüklərim və beynim hərəkətlənər. dili öyrənərəm, köhnə bilgiləri təzələyərəm, yeni ixtisas qazanaram və təbii ki, düz tapdınız öz sevgimi taparam jffjfjdfjdffdj
(baxma: rus dili bilməməyin dayanılmaz ağırlığı )
(bax: rus dilinin inanılmaz dərəcədə cazibədar olması )

10 əjdaha! 30.11.2014 23:10, vergidə işləyən anarxist

#137025 şikayət

yaran lətifələr

+13 əjdaha

bir dost öz dostuna şikayət edir ki, tutuquşum ancaq söyüş söyür . "harda öyrənib nədi bilmirəm, bütün günü söyüş söyür ! o qədər pul vermişəm ki, nə öldürməyə əlim gəlir nə də alan olar ki, satım."
dostu deyir ki, mənim tutuquşum, gecə- gündüz ancaq dua etməklə məşğuldu. gətir onu, qoyaq mənim tutuquşumun yanına, qoy dua etmək öyrənsin. gətirib söyüşcül tutuquşunu qoyurlar dua edən tutuquşunun yanına, söyüşcül qəfəsə girən kimi, deyir :
- salam qəhiiiiiiiii. neynirsən?? bəlkə sevişək ?
tərbiyəli tutuquşu cavab verir :
- çox şükür ilahi !! axır ki, dualarımı eşitdin frkkjkjktjtkjktjjttjtjtj

12 əjdaha! 12.01.2015 14:35, vergidə işləyən anarxist

#144140 şikayət

öldürən facebook statusları

+12 əjdaha

70 kiloyam, 60-ı içimdə qalanlardı.

12 əjdaha! 10.02.2015 16:52, vergidə işləyən anarxist

#148151 şikayət

insanlar böyüdükcə kiçilən şeylər

+8 əjdaha

xəyal gücü, kreativlik, sərbəstlik.
məsələn azyaşlı uşağlara baxın. böyük birinin ağlına gəlməyəcək, cəsarət edə bilməyəcəyi işlərlə məşğuldurlar. məsələn heçbir yetişkin insan ayağlarının arasından geriyə baxmağı düşünməz. indi deyən ola bilər ki, normal baxmağ olursa niyə elə baxaq ? amma məsələ bunda deyil. əslində yaradıcılıq hamımızın içində var. heç yaradıcı olmayan insan yxdur. lakin böyüdükcə bəzi qəliblər səbəbindən istər-istəməz ən marijinal belə, özündə bu qəliblərdən bir neçəsini cəmləyir. məsələn uşağa heçvaxt bir insanın eybəcərliyi, zənci olması əhəmiyyət kəsb etmir. çünkü böyüdükcə dərk etdiyi sandığını əslində isə sadəcə tarix boyu bilinən ümumi anlayışları mənimsədikcə, həmin insan üçün də artıq fiziki gözəllik anlayışı bilinən gözəllik anlayışı olur, zənci artıq zənci olur, qıyığgözlü artıq fərqli gəlməyə başlayır.

6 əjdaha! 22.03.2014 19:50, vergidə işləyən anarxist

#108118 şikayət

sözaltı etiraf

+8 əjdaha

özüm əhval adamıyam. əhvalım yaxşı olduğu müddətdə üstün olduğum sahələrdən başqa cəhətlərdə də tüğyan edirəm. əhval sözünü əslində başqa cür izah etməliyəm.........mmmmmmmmmmmmm. amma hələ ki, tapa bilmirəm.
hə məişət qayğılarımdan bəhs etdikdən sonra keçirəm əsas mövzuma. əslində məişət məsələsi də bir növ mövzu ilə əlaqədardır. mən bura çox az yazıram. 1-ci nəsil yazaram, bu olacaq 165-ci entry. əsasən girib başlıqları oxuyuram, bəzən məyus oluram. görürəm ki, sadə yazıların favoritlənməsi, kiminsə şah əsərinə çevrilməsi çox tez-tez baş verir. bu nədən irəli gəlir ? keçim bu məsələyə. heç bir zaman nəsil davalarını filan anlamamışam. elə bil real həyatdakı kimi qocalar və cavanlar arasındakı mübarizədir. orada yaş intervalı, dövr fərqi bu mübahisəni doğurursa, bəs sözlükə nə olub? yəni nəsillərin yaşları arasında interval bu qədərmi böyükdü ? mən 1-ci nəsil olduğdan sonra komayamı düşmüşəm və illəri təqibmi edə bilməmişəm? uzaq başı 2-3 aylıq fərqlə yazar adını qazananlardır. indi fikirləşən olacaq ki, kiminsə tərəfini saxlayıram. amma sıra sizə də gələcək gənc nəsillər. hə bəzən nəsillər mövzusu sırf qıcıqlandırmaq, ekşi sözlük dadında format yaratmaq üçün edilə bilər.
amma mən burda hər fikir sahibinin yazar olmasına da qarşıyam. dünən sözlüyün qrupuna göz gəzdirdim. dünən yazılanlar, arxiv zad. dedim ki, gör sözlükdə ziyalı mövqeyini kimlər bildirir. ya bu son dövrlər underground tipli səhifələrin təsiri ilə xiyar-xiyar söhbətlər edənlərdir ya nədirsə elmə naməlumdur. qorxu ilə şübhələndiyim isə hələ də romantik, kədərli söhbətlərlə ilə mix edib underground paylaşımlar edən, hələ "təkamülü" tamamlanmamış səhifələrdən bura axının olmasıdır.

bir dəfə burada bir yazar yazmışdı ki, söyüşlər azaldılsın gələnlər çoxalsın. heç razı deyiləm bu məsələ ilə. nə kütləviləşirsə zayı çıxır. buranı big.az-a çevirmək fikriniz var ? hamı girib külliyatımla marağlana bilər. bəli söyüş də yazmışam, amma az olub. yəni mənə qəti fərq etməz qadağa olsa belə. lakin inanın ki, bu hələ yaxşı günüdür sözlüyün. durub cəmiyyətin təflik etdiyi habelə sıradığı əxlaqi normalarla burada nəsə yazılsa fikirləşin ki, ilin sonunda mənim yuxarıda qeyd etdiyim tiplər olacaq world class yazarlar.
mən də başa düşürəm yuxarıda qeyd etdiyim fason adamlar çoxaldıqca o açıb işlətdikləri düşük və ya rəy yazdıqları hamamtimes səhifələrdəki kimi dəxlisiz söyüşlər çoxalacaq. bu artıq moderatorların işi olacaq, mənim yox. deyirlər e, cem yılmaz elə sözbazdır, bacarıqlıdır ki, söyüşün yerində işlədir. bu bacarıqdan daha çox müşahidə, yaddaş, qəlibləri əzbərləmə ilə bağlıdır. yəni cem yılmaz danışdığı hekayələrdəki hər hansı bənzər vəziyyətdə olsan sən də eyni ilə söyüşü söyərsən. ona görə sənə onun söyüşü təbii gəlir, yad olmur. eləcə də burada, hə yazırsan, orda həqiqətən də söyüşlük nəsə varsa niyə yazmayasan ?
mən kütlə, fərdi zad kimi söhbətlər edən görməmisiz. heç facebook-da da yazmamışam. hərçənd məni kiminsə hansısa facebook istifadəçisi ilə uyğunlaşdırdığını belə fikirləşmirəm. amma 1 il əvvəl hərə əlinə şeyini alıb düşmüşdü ortalığa facebookda, sürü zad. bəli, nə kütləviləşirsə düşük vəziyyətinə düşür. xüsusən aznetdən, elə facebookun özündən misal çəkim. bir ara bir neçə maraqlı səhifə var idi, 200-300, hətta 500 useri olanda babat şeylər paylaşılırdı. say artdıqca (bu say nəyin sayəsində artırdı ? azərbaycanda böyük üstünlük təşkil edən insan tipinin. siz anladınız) səhifələr çevrildi oldu "arım balım pətəyim" (şərti ad) tipli səhifələrin sadəcə daha modern, daha fərqli sahə üzrə ixtisaslaşmış versiyasına.

yəni anlayacağınız çoxdandır etdiyim bu müşahidələr- istər dünən qrupu başdan-ayağa izləməyim, istər daha əvvəl facebook-da rastıma çıxan qəribə profillərdə yazılan "söz6 yazarı" , buradakı müəyyən entrylər - belə bir şey yazmağa məcbur etdi. nəvaxt idi yazacaqdım bugün həvəs oldu.

7 əjdaha! 21.05.2014 11:57, vergidə işləyən anarxist

#120968 şikayət

vergidə işləyən anarxist

+9 əjdaha

Nə vaxtsa getməmiş və nə vaxtsa qayıtmayacaq yazar. Son 3-4 ildə həyatımda çox şey dəyişdi, yeni sahələrə qurşandım, yeni nələrsə öyrəndim. Ümid edirəm nə vaxtsa həvəsim olar müxtəlif başlıqlarda maraqlı məlumatları və kimlərinsə yoluna fənər tutacaq, tam dibdən necə çıxılmalı barədə öz hekayəmi bölüşərəm.
(baxma: bu aydının üzlər görüb üzləri )

7 əjdaha! 19.06.2020 20:16, vergidə işləyən anarxist

#297906 şikayət

öldürən facebook statusları

+8 əjdaha

ibretlik baba sevgisi, (aile herşeydir.)

erkek : seni seviyorum
kız : kanıtla.
erkek : ne yapayım ?
kız : babanın yarrağını sök bana getir.
çocuk kabul eder ve eve gidip babasını öldürür. yarrağını alıp hızlı adımlarla kıza getirirken ayağı takılıp yere düşer ve yarrak elinden kayar. ayağa kalkıp tam yarrağı alacakken yarraktan bir ses çıkar ..
- canın acıdı mı ? iyi misin oğlum ..?

6 əjdaha! 23.11.2012 17:28, vergidə işləyən anarxist

#19198 şikayət

insanın işdən əlavə maraqlarının olması

+7 əjdaha

yaradıcılıq üçün böyük resursdur. baxın, yaradıcılığı artırar söyləmirəm. çünkü yaradıcılıq sənin olduğun qədərdir. sən nə yaşayırsansa, nəsənsə yaratdığın da odur. ölkədə ciddi yaradıcılıq problemi var. xeyr, bu insanların səriştəsizliyinin nəticəsi deyildir. insanlarımızın əksəri günün minimum 9 saatını əksər hallarda sevmədikləri işdə keçirirlər. ayın axırındakı kommunal xərclərlə aylıq yaşayış məbləğini tarazlaşdırmağa çalışmalar fonunda həyat yel kimi yanlarından ötüb keçir. sosial-iqtisadi problemlər insanlara əlavə marağ dairəsinin olmasına qarşı kəskin maneədir.
indi isə özümü keçərək bildirmək istəyirəm ki, pullu adam deyiləm. iş karyeramı qura bilmirəm. pulsuz günlərimi çıxsaq mənə bu əziyyət vermir (ki pul da onların bizə silahıdır, daxili-təbii iztirab deyil pulsuzluq ) . çünkü gedib bankda, şirkətdə mübtəlası olmadığın işin qulpundan yapışıb karyera arzulanması insan təbiətinə və ən əsası mənə ziddir, atam da təqribən belə biridir. lakin mənə böyük qazanc verməsə də, rahatlıq bəxş edən məşğul olduğum öz əsas sahəm var. bu sahənin nə olmasını ifşa olunmamağım üçün yazmıram. hətta həmin sahənin sözlüyün canlanan başlıqlarında mənim entryimə rast gələ bilməzsiz.gün keçdikcə məşğul olduğum əsas sahə haqqında bazamı mükəmməlləşdirirəm. bir ideya göstərirəm, sonra başqa ölkədə yaşayan, bu işin ustası biri ilə məsləhətləşirəm. o mənim bu qədər məhdud resurslarla sahəm haqqında fikir şaxələndirməyimə təəccüblənir.
bəs mənim əsas işimdən əlavə digər marağım nədir ?
(bax: snooker ) - ingilis bilyardı.

kamyuya "teatr yoxsa futbol" sualı veriləndə bəlkə də intellektual olmanın verdiyi marjinallıqla zamanında futbol cavabı verib. lakin açıqlamaları cavabını marjinal saymamağızı gərəkdirəcək dərəcədə kifayət qədər tətminedicidir. kamyu deyir ki, əxlaq və insan davranışları barəsində çıxarışlarımı futbol mənə qazandırıb. filosofluqdan qapıçılığa ?
xeyr.
məsələ ondadır ki, yaradıcı gücümüz içimizdə bir yerdə gizlənib. təbiət bizə bunları üzə çıxarmaq üçün müxtəlif seçənəklər verir. dolayı yolla yaradıcılığımızı kəşf etməyə təkan verəcək seçimin müşahidəçisinə çevrilirik. həqiqətən marağ göstərdiyimiz sahə sevərək gördüyümüz əsas işimizdə də faydalılığın yüksəlişinə hiss etdirmədən yardımçı olur. bəlkə də bundandır səbəbsiz görünsə belə yeni marağlar yaratmağa çalışırıq. yəqin ki, özümüz də bilmədən özümüzü yaradıcılığa sürüklüyürük. çünkü insan yaratmağa məhkumdur!
snooker mənə nələr öyrətdi ?
2 ildən çoxdur daimi izləyicisi olduğum bilyard növü məni bilyard masasına, kompyuterde "snooker"ə yaxınlaşdırdı. həyatım boyunca bilyard masasında şara toxunmayan biri kimi kiyə əl atdım. dəyişikliklər nə oldu ?
artıq yaradıcılığı, insanlarla tanışlığa dair faktları, istənilən növ bacarığın tərifini, izahını verə bilirəm, əaqələrin açarını tapmışam. bələd olduğum sözgedən mövzuların bu qismi barəsində bir neçə yazı yaza bilərəm. fərqində olmamaq............. bəli, bacarıqlar, insanlarla tanışlığın alınması fərqində olmazkən üzə çıxır.
kompyuterde snooker oynamağa başlarkən əziyyət çəkirdim. çünkü istər zərbə gücü, ağ şarın hansı nöqtəsindən vuracağımla bərabər götür-qoy edirdim. sözün açığı yorulurdum. bir neçə həftə sonra bir gün özümə sual verdim. ilk 5-6 günə cəmi 20 qələbə qarşılığında 75 məğlubiyyətim vardısa indi necə olur ki, oyun balansı +30 xeyrimədir ? artıq yaxşı oynadığımı görürdüm. o an bir şeyi daha hiss etdim. mən artıq hansısa hesablama "aparmıram". əslində aparırdım, sadəcə beyində qəliblərarası keçidlər sürətlə baş tutduğundan fikirləşmədiyimi düşünürdüm.
sizin ətrafınızda yəqin baxımlı olmasa da, çox qızla gəzib-dolanan heç yoxsa bir oğlan vardır. onlara sual verilir "bunu necə edirsən ki, qızlar səninlə birlikdə olurlar ?" onlar o an eqolarının tavan vurması ilə sadəcə sualı şərh etmək, üstün görünmə məqsədi ilə cavablandırırlar. xeyr, həqiqəti gizlətmirlər yaxud paxıllıqdan əsl cavabı da özləri də saxlamırlar. sadəcə olaraq onlar özləri də bunu necə etdiklərinin fərqində deyillər.
"snooker"ə qarşı duyulan hədsiz simpatiya, marağ, müşahidə ilə münasibətlərin, bacarıqların hansısa tərif arxasında gizlənmədiyini özümə isbat etdim. əslində bunun digər əsas tərəfini qeyd etmək istərdim. yenə də ifşa məsələsi gözümə dayanır.
digər tərəfdən snooker mənə özgüvənin əslində nə olduğunu, niyə vacibliyini, bəzi çox bacarıqlı insanların niyə uğursuz olduğuna dair düşüncələri də aşıladı. həyatda ən əsəbverici hallardan biri də nəyisə adlandıra, simvollaşdıra bilməməyimdir. hər hansı işin, hadisənin siz nə olduğunu dərk edirsiz, lakin adlandıra bilmirsiz. çünkü insanın ətrafını öyrənmə, məlumatlanma, bilik toplama forma əsaslarından biri bənzətmə-uyğunlaşdırma əlaqəsidir. nə vaxt ki, siz bildiyiniz, lakin adlandıra bilmədiyiniz, sahənizə bələd olmayanlara açıqlamağı bacarmadığınız hər hansı özəllik ilə başqa sahənin fərqli özəlliyi arasında paralellər apara bildiniz o zaman növbəti səviyyəyə keçmiş olursunuz. mission complete. elə bugünlərdə fəaliyyət göstərdiyim sahədə müəyyən "qru"p var idi, heçcür izah edə bilmirdim. söz azlığından deyil. bir kompyuter oyunu kimi yanaşın, növbəti level üçün tutaq ki, otağın açarını tapmalısız. bəlkə elə bundandır ki, insanlar kompyuter oyunlarını sevirlər, beynin qavrama, düşünmə kimi proseslərini virtual olaraq yaşatdığı, real həyatda qavrama, düşünmə ehtiyacının verdiyi psixoloji təzyiqdən yaxa qurtarmaq üçün.çünkü siz o ehtiyacınızı ya realda özünüzü yoraraq etməlisiz, ya da virtual oyunlarla tətmin olmalısız. nəysə, uzağlaşmayım. məhz həmin açığlaması çətin "qrup"un tam dərk olunması, izahı üçün özümə gərəkli açarı "snooker"də müəyyən oyunçuların özünəgüvənlə bacarığları arasındakı münasibətlərdə tapdım.
indi ola bilər məsələn kimsə futbol izləyir, kimsə anime-manga dəlisidir, amma yuxarıda qeyd olunacaq müşahidələr onda baş vermir, əsas işinə, gündəlik həyatına dair çıxarışlar edə bilmir (söhbət animenin verdiyi mesajlardan getmir) . problem bacarıqsızlığda deyil. mənə görə futbol izləməklə hansısa sahənin dərininə enib marağlanmaq fərqli nəsnələrdir. mən də futbol izləyirəm. amması var bu işin. mən snooker kimi kiçik bir zalda baş tutan qarşılaşmanın bütün frame-lərini izləyəcəyim halda son 4-5 ayda sevimli klubumdan başqa hansısa komandanın oyununu izləməmişəm. məni tanıyan insanlardan soruşsaz onlar mənim futbola yanaşmam haqqında deyərlər - o tam futbol xəstəsidir və futbolu azərbaycanda ən yaxşı bilən bir neçə nəfərdən biridir. elə qayıdaq kamyuya, kamyu intellektual olub. intellektual adam olmanın məziyyətlərindən biri kimi teatrı futbola tərcih etməli idi, lakin "futbol yoxsa teatr" deyəndə o futbolu seçir. bəlkə də futbol müasir gənclərin sahib olmalı məziyyətlərindən (intellektual üçün teatr və s) sayıldığı üçün (istəsən də, istəməsən də dünya və aid olduğun toplum səni az da olsa istiqamətləndirir) bu çıxarışları futboldan çıxarmaq mümkün olmamışdı. yəni öz şəxsi seçimin, öyrənməyə çalışdığın, sevdiyin sahəyə olan marağla izlədiyin, azarkeşi olduğun sahəni incə cizgi ayırır.
yazım bəlkə də qəribə alındı. bu başlıq altında ümumi nəsə yazmaq da olardı. lakin üstünlüyü yaradıcılığn əslində bizdən uzaq olmadığına, elə bizim içimizdə olduğuna, sosial-iqtisadi durumun bacarıqlarımıza yansımasına, insan bir sahəni dərindən mənimsəsə belə, öz üslubunu, metodunu yaratmaq üçün mütləq dünya görüşü* ilə dəstəkləyəcəyi paralellərə ehtiyac duyduğuna dair açığlamalara verdim. sadəcə oxumaq, öyrənmək həlledici deyildir.

dünya görüşü - dünya görüşü isə şövqlə məşğul olduğun, öyrəndiyin, izlədiyin, gördüyün nəsnələrin toplusudur. hansısa acgöz qlamur qızın bütün dünyanı gəzməyi sizin şövqlə, ehtirasla, çosqu ilə gürcüstana yaxud hansısa qərib diyara ayağ basmağınızdan daha artıq deyildir. çünkü o doyumsuzluğdan yaranan boşluğu doldurmaq üçün gəzirsə, siz arzunuza doğru yön alırsız. ola bilər çinin hansısa qəsəbəsində çayın üzərindəki şahmat taxtası barəsində o məlumatlı olsun (mənə görə dünya görüşü bu deyildir) . lakin siz əgər sadəcə ilkin həvəsin qurbanı deyil də həqiqətən istədiyiniz ölkəni gəzirsiz, hansısa qeyri-populyar idman, incəsənət növü ilə məşğul olursuzsa əmin olun ki, bunun sizin dünya görüşünüzə faydası dəfələrlə artıq olacaq.
hər abzasa artıra biləcəyim 7-8 cümlə vardı, lakin səbrim yetmir. bəlkə editlədim. açığı oxunmasa da əsas özüm rahatladım. çünkü bir fikri dalğası gəlib dirənəndə yazmasam rahatlamıram. belə.

6 əjdaha! 25.11.2014 16:13, vergidə işləyən anarxist

#136033 şikayət

tarık akan

+7 əjdaha

tanıdığım insanların ölümü məni az kədərləndirir. bu o demək deyil ki, bütün yadlara üzülürəm. tarık akan o üzüldüklərimdəndir. mənim üçün idol olub tarık. bir gün yuxudan oyananda onun kimi gözəl simalı biri kimi oyanacağımı xəyal etmişəm. onunla görüşmək istəmişəm. insan böyük sənətçi ilə görüşdükdə nə edər ?
məşhur jurnalistdirsə o məşhur sualı verər, ideoloq vəya intellektual fırlanan biridirsə nəbilim yol, sürü filmlərini soruşar. mənim ona suallarım tamam başqa səpkili idi. mənim ona sualım hamımızın gördüyü anlarda fərqli detallar idi. başqa sahədən misal alsaq, məsələn bir futbolçunun son dəqiqə qolu və gələn kubokun həmin anı yaşayan futbolçularından birindən soruşub, almaq istəyəcəyinzi qeyri-rəsmi, iki yaxın dost dialoqu formasında cavablar. amma emosionallaşıb bütün diqqəti üstünə çəkmək istəyən yox, məhz o an sizin diqqətinizi çəkən birindən o anları soruşmaq istərsiz. tarık akan da o cür sənətçi idi. diqqət çəkmək üçün etməzdi, amma diqqət onda olardı. var belə şanslı insanlar. təbiət onlara hər şeyi verir. onlar tez bağışlanırlar, uğursuzluqları göz çıxarmır, daim sevilirlər.
tarık akandan artıq hazırladığım sualları soruşa bilməyəcəm. bundan sonra "bəlkə mənim sualımı veriblər" ehtimalı ilə yeni müsahibələrinə ümid yoxdur. çox təəssüf.

7 əjdaha! 16.09.2016 15:17, vergidə işləyən anarxist

#230125 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

vergidə işləyən anarxist

son bəyənilənlər:

oxuyucuların bəyəndikləri: