why so serious qadan alım?

1,280 0 0 0

1. nəsil yazar

Entry: 1,280

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

uşaqlıqda alınan travmalar

+57 əjdaha

valideynlərimin boşanmağa qərar verməsi ilə anamın küsüb atasıgilə getməsi və sonrasında başlanan psixoloji travma. balaca qardaşıma baxıb, evi təmizləyib, yemək bişirirdim, bir də dərsə gedirdim. anam hər dəfə zəng edəndə atamın səhvlərindən danışırdı, atam hər axşam günah məndəymiş kimi anamın acığını qışqıraraq məndən çıxırdı. ikisi də günahı o birinin üstünə atırdı, amma ortada qalıb dərd çəkən mən olurdum. adam kimi gedib boşansaydılar və məni də içinə qatmasaydılar, bəlkə indi daha xoşbəxt yaşaya bilərdim. atam əsəb xəstəsidi, uşaqlıqda sakit biri olmağıma baxmayaraq, onun ucbatından mən də əsəb xəstəsi oldum. ən adi problemə belə əsəbləşirəm, ən kiçik uğursuzluqda özümü öldürmək istəyirəm. valideynlərim hələ də birgə yaşayır, anam hər dəfə mənə mesajla atamın ona nələr çəkdirdiyindən bəhs edir. hər dəfə skype-la danışanda davalarına şahid oluram. uşaqlığım yadıma düşür, hıçqırıqlar boğazıma yığılıb qalır və çalışıram ki, mənim yaşadıqlarımı qardaşım da yaşamasın. heç olmasa, onun psixologiyası normal olsun. və açıq-açıq üzlərinə də deyirəm ki, belə olmağımın səbəbi sizsiniz, mümkün olduğu qədər sizdən uzaqda yaşamaq istəyirəm. bu arada, günah hər ikisində idi, çünki ikisi də eqoist idi tipik azərbaycanlı valideynlər kimi.

52 əjdaha! 02.02.2017 03:52, why so serious qadan alım?

#244814 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

türklərin sevilməyən cəhətləri

+81 əjdaha

bizə "əzik" gözü ilə baxmaları.

edit: bu da əslində bizim günahımızdır. işsiz qadınlarımız gedib türkiyədə qulluqçuluq edəndə, kişilərimiz pul atıb maşenniklik eləyəndə nəticəsi belə olacaq da.
hələ bu başlıqda türkləri aşağılayanları anlamıram. həqiqətən anlamıram. sözlükdə dini, milli, irqi ayrı-seçkiliyə yer verilməməlidir. elə sözlər yazırsınız ki, söysəniz, ondan yaxşıdır.
türklərdən bir artığımız ola, deyərəm nəysə. sözlükdə yazan yazarların çoxu türkiyədə təhsil alan gənclərdir. bu qədər nifrət edirsinizsə türklərə, gəlin azərbaycanda oxuyun. ya da gedin başqa xarici ölkələrə. sözlükdə etdiyiniz zarafatların 10undan 9-u türkcədir. heç olmasa, siz türklərə nifrət etdiyinizi deməyin. gülməli görünür.

73 əjdaha! 12.05.2013 16:56, why so serious qadan alım?

#42727 şikayət

azərbaycandan incəsənət adamının az çıxması

+39 əjdaha

dövlət dəstəyini filan keçdim, məncə, birinci səbəb ailələrdir. niyə dövlət dəstəyini keçirəm, çünki öz istedadı hesabına xaricdə uğur qazanan yüzlərlə azərbaycanlı var. əsas ailə dəstəyidir.
sadəcə öz ailəmdən və qohumlarımdan örnək vermək istəyirəm ki, fikrimi daha yaxşı başa sala bilim.

ailədə iki uşağıq. mən incəsənətə meylliyəm, boş vaxtlarımda şəkillər çəkib cızma-qara edirdim. amma yazı sənətində daha yaxşı olduğum üçün, yazıçı olmaq istəyirəm. qardaşım isə aktyor olmaq istəyir. 12 yaşımdan şeirlər yazmağıma baxmayaraq, ailəm məni iqtisadiyyata yönləndirdi. hər dəfə ora gedəndə söyə-söyə gedirdim. bu illər ərzində söz azadlığımı əlimə almağı bacardım və iki ayağımı bir başmağa dirədim ki, ədəbiyyat üzrə oxuyacağam. burax ədəbiyyatı, xaricdə oxumağıma belə icazə verilmirdi. zorla da olsa, bir az da anamın dəstəyilə öz istəyimə nail oldum. indi fakultəmi biləndə qohum-əqrəba ağız-burun əysə də mən qısa hekayələrimi yazıram və kimin nə düşündüyü vecimə belə deyil. bu barədə xoşbəxtəm.

qardaşım yazığı da iqtisadiyyata yönləndirdilər. o mənə baxanda dilsiz-ağızsızdır, heç söz azadlığı da yoxdur. bir dəfə mən ürəkləndirdim, atama aktyor olmaq istədiyini dedi. evdə dava düşdü ki, bəs oğlum "artist" olacaq. ona görə də qardaşım susub öz arzularını unutmağa üstünlük verdi. hər dəfə onu bu barədə cəsarətləndirməyə çalışsam da olmur. ailənin dəstəyini ala bilmədiyi üçün özünü sınamağa da qorxur. var olan istedadını görməzdən gəlir. və bir ailə "başçısı" bir ailə üzvünün həyatını da beləcə puç edir. (baxma: ataya demək istədiklərimiz)

bir də mənim qədər şanslı olmayan qohum qızları var. onlar, ümumiyyətlə, orta məktəbi belə bitirə bilmirlər. hələ nəyin nə olduğunu bilmədən başı hicaba soxulan, 16 yaşı olan kimi evləndirilən qızlar. uzaqdan baxanda onları qınamaq asandır və özünü müasir sayan gənclərimiz onlardan geri qalan, onlar qədər şanslı olmayan azərbaycanlıları feysbukda yerin dibinə soxurlar. halbuki, onların xəyal dünyası heç də boş deyil, heç də evdə oturub ər gözləmirlər həsrətlə. oxumaq və layiq olduqları həyatı qazanmaq istəyirlər, ailələrin onlara layiq bildiyi isə özlərinin tapdıqları, uyğun gördükləri həyat yoldaşıdır.

hicablı bir qızın açıq-saçıq ayaqqabı eskizləri çəkməsi bilirsiniz nə deməkdir? bu, onlara imkan yaratsaq, ölkəmizdəki qadın haqlarının dirçəlişi deməkdir. bəlkə də bunlara göz yummaqla neçə belə stilisti, rəssamı, aktyoru, yazıçını ilk addımını atmadan bədbəxt edirik.

ailə - adam kimi yaşamaq haqqımızı əlimizdən alırsa düşmənimizdir, yaxınımız yox. bu ölkədə də uşaqlarının yaşam haqqını əlindən alan, onları öz qaydaları ilə yaşatmağa çalışan ailələr çoxdur. buna görə də bu ölkədə öz arzularına çatmaq istəyirsənsə, birinci ailənlə mübarizə aparmalısan, sonra cəmiyyətlə.

31 əjdaha! 10.07.2016 15:40, why so serious qadan alım?

#220964 şikayət

acı uşaqlıq xatirələri

+35 əjdaha

mən uşaq olanda ailəmiz çox kasıb idi. bir otaqlı evdə yaşayırdıq, 4 nəfər içinə sığmırdı deyə anam mətbəxi balkona köçürüb mətbəx yerini otağa çevirmişdi. bu darlığın içində evimizdən qohum əksik olmurdu. yadıma gəlir, gecə anam işığı söndürənə kimi yatağımda kitab oxuyurdum, hətta o yatağı sevmirdim, mənə ancaq kabuslar gördürürdü. heç vaxt yadımdan çıxmaz, 1-ci sinifə gedirdim, bir gün müəllimə test kitabını hamıya paylayıb sabah pulunu gətirin demişdi. onda o kitabı evə apararkən atamdan necə pul istəyəcəyimi düşünürdüm. uşaq olsam da vəziyyəti görüb başa düşə bilirdim və atamdan pul istəmək qədər utandığım başqa şey yox idi. həmin gün axşam atamın evə gəlməsini gözlədim, gələndə də kitabı uzadıb müəllim almalısınız dedi, 1 şirvandı. dedim. atam güldü, test kitabını açıb 1-ci səhifəsindəki testlərə baxdı, mənə uzadıb bu səhifədəki bütün testləri həll eləsən, pulunu verəcəm dedi. oturub hamısını həll etdim, sonra atam yoxladı və səhər işə gedəndə mənə 1 şirvanı verdi. o vaxtdan bu vaxta çox şey dəyişib, maddi imkanlarımız yaxşılaşıb, ancaq mənim xasiyyətim dəyişməyib. hələ də atamdan pul istəyəndə utanıram, ona yük olduğumu düşünürəm. çünki normal azərbaycanlı qızlar mənim yaşımda ərə gedir, mənsə hələ də oxumaq deyə yapışmışam və bu qürurumdan da vazkeçmirəm. ancaq atamla bağlı xatirələrim, mənə riyaziyyat öyrətməsi, oxumağım üçün çalışması mənə onu daha da qürurlandırmaq istəyi verir.

32 əjdaha! 14.02.2015 02:36, why so serious qadan alım?

#148674 şikayət

sözaltı etiraf

+39 əjdaha

universitetdə hər gün görməyə məcbur olduğum debillərdən bezmişəm. bunların çoxu nə üçün yaşadığını bilməyənlərdir, bir dəfə belə həyatı sorğulamayan, özünə "dünyaya nə üçün gəlmişəm?" sualını verməyən, işi-gücü hansı pozada selfie çəkmək olan insanlar. dünyanın bu günkü halından, yaxşı insanların yerin dibinə batmasından və ətrafımda olmamasından şikayətçiyəm. hardasınız? niyə bizi bu iq-süz insanlarla başbaşa buraxıb öz dünyanıza çəkilmisiniz? axı bizim də iki mənalı söhbət edə bilənlərə ehtiyacımız var..
həyat getmir, durub elə bil. özümü gələcəkdə heç bir yerdə görə bilmirəm, çünki həyat gündən-günə mənasızlaşmağa davam edir və bundan daha da mənasız olacaqsa, niyə yaşamalı?
robot kimi yaşayırıq, günlük ehtiyaclarımızı qarşılayıb gələcək üçün çalışırıq, bir gün tam dərk etmədən valideyn olacağıq, ondan sonra da öz şəxsi həyatımız bitmiş olacaq. bir gün dönüb geriyə baxacağıq: niyə yaşadıq, necə yaşadıq? əldə tutulacaq heç bir xatirə olmadıqdan sonra apar tulla. sən yaşamayıb sürünmüsən.
susmaqla ömrüm keçir, susuram və nəyisə gözləyirəm, sanki bir əl uzanacaq və deyəcək ki, gəl, daha gözəl bir dünyada yaşamaq mümkündür. bəlkə bir anlam tapa bilməmək yazdırır bütün bunları mənə, ancaq yaxşıya doğru gedəcəyinə əsla inanmıram. dünya həmişə belə anlamsız idimi?

36 əjdaha! 09.11.2015 01:20, why so serious qadan alım?

#186483 şikayət

talış

+33 əjdaha

başlıqdaki entryləri görəndə inana bilmədim. biz türklər kimi deyilik, ya da ən azından mənim ailəmdə belə olmayıb. onlar uşaqlıqdan kürdlərə qarşı ayrımı görərək böyüyüblər, ancaq biz yox. nə vaxtsa ailəmdə kiminsə "o talışdı, onunla oynama" ya da "bu ləzgidi, bununla danışma" kimi tövsiyyə verdiyini xatırlamıram. çünki biz nifrətlə böyüdülən uşaqlar deyildik axı. yoxsa talışları əzmə politikasını da hər şeyini götürdüyümüz türklərdən götürürük? axı azərbaycanda yaşadığım neçə illərdə bir dəfə də olsun, kiməsə talış deyib kənara itələməmişdik biz?! yoxsa irqçiliyə qarşı təntənəli çıxışlarınız talışlara aid deyil? ya da onlar görünüşdə etirazlardır?
başa düşmürəm. bu günə kimi neçə talış dostum olub, onlarla birlikdə xəzər lənkəran fanatı olmuşam, gülmüşük əylənmişik maraqlı söhbətlər etmişik. və bir dəfə də olsun, "sən talışsan, bizdən uzaq dur!" kimi bir fikir nə ağlımızdan keçib, nə dilimizə gətirmişik. bir-birimizə insanlığımıza görə dəyər verək, sevək. durduq yerdə başqa millətləri yerin dibinə soxaraq heç nə qazana bilmərik.

33 əjdaha! 22.02.2015 02:51, why so serious qadan alım?

#149748 şikayət

acı uşaqlıq xatirələri

+31 əjdaha

getmək istəmədiyin yerə döyülərək qonaq aparılmaq.

29 əjdaha! 08.10.2012 15:51, why so serious qadan alım?

#13288 şikayət

bir azərbaycan qadınının təcavüz gündəliyi

+24 əjdaha

haradasa 6-7 yaşlarımda başıma gəlmiş hadisədir. anam həmişə deyirdi ki, tanımadığın insanlardan heç nə alma, özəlliklə də kişilərdən. həmin gün də anamın dediklərini xatırlayaraq qurtuldum.
özümdən 3 yaş balaca qardaşımı götürüb sinif yoldaşımgilə dərs oxumağa gedirdim. o qədər də uzaqda yaşamırdılar, haradasa bizim evdən bir-iki məhəllə uzaqlıqda olardı. qış idi, ancaq hava qaralmamışdı. beş dəqiqəlik yolum qalmışdı və birdən o kişi qabağımıza çıxdı. mənə dedi ki, qızımla gizlənpaç oynayırıq, olar sənin arxanda gizlənim? mənim də, əlbəttə, ağlıma pis heç nə gəlmədi. çünki bu adam "konfet" təklif etmirdi, məsum idi, mənim yaşlarda olan qızı ilə gizlənpaç oynayırdı. olar dedim. qardaşım blokun ağzında dururdu, kişi təkidlə dedi ki, ikinci mərtəbəyə çıxaq, orda qızım məni tapa bilməz. mən də çıxdım, haradasa iki dəqiqə bu kişi mənim arxamda "gizləndi", sonra mənim ağlıma pis şeylər gəlməyə başladı. onda dedim ki, siz gizlənpaç oynamağa başqa birisini tapın, mənim qardaşım aşağıda gözləyir, onu tək buraxa bilmərəm. heç nə demədi. biz də getməli olduğumuz yerə getdik. sonradan fikirləşəndə ki, orada bir az daha dayansaydım, həyatımın ən böyük travmasını yaşamış olacaqdım, şükür edirəm ki, ağlım başıma vaxtında gəlib.

24 əjdaha! 05.11.2015 21:46, why so serious qadan alım?

#186044 şikayət

uşaq ağlı ilə inanılanlar

+23 əjdaha

Coğrafiya dərsinə ayrı bir marağı olan 11 yaşındaki mən, məhlədə torpağı dırnaqlarımla qazmağa başlayıram. Hədəfim qaza-qaza maqmaya çatmaqdı. Heç bir metrə qazmamışdım ki torpaqdan su çıxmağa başladı. Elə bildim ki uje maqmaya çatmışam. Peşman olub qazdığım yeri torpaqla örtməyə çalışarkən, bir yandan da maqmanın o deşikdən çıxıb ətrafa yayılacağına, mənim səhvim ucbatından bütün insanların öləcəyinə inanıram. O gecə yata bilmədim. indi isə hər inşaat görəndə yadıma bu hadisə düşür, saflığıma gülürəm.

18 əjdaha! 31.12.2020 01:24, why so serious qadan alım?

#315305 şikayət

15 iyul 2016 türkiyədə çevrilişə cəhd

+19 əjdaha

insanların içindəki vəhşiliyin ortaya çıxdığı çevriliş. əsgərlərin qanlı şəkilləri, videoları paylaşılır internetdə. 19-20 yaşlı məcburi hərbi xidmətə yollanmış gəncləri necə vəhşiliklə öldürüblər, insan baxanda gözlərinə inana bilmir. bu hadisədən sonra başa düşdük ki, türkiyədə ərdoğanın tərəfini tutanlar ona büt tək sitayiş edir. ərdoğan sağ olsun, millət artıq bir-birinin məmləkətini yox, partiyasını soruşaraq dostluq və ya düşmənlik edir. ölkə vətəndaş müharibəsinə doğru gedir. hələlik 90 ölü, 1000-dən çox yaralı var. ümid edirəm, ərdoğanın ölümü qəddafininkindən daha betər olar.

18 əjdaha! 16.07.2016 11:18, why so serious qadan alım?

#221582 şikayət

elmi akademik məqalə

+21 əjdaha

akademik kariyera düşünənlər üçün yazılması vacib olan məqalə növü. yazılan məqalələr məşhur elmi jurnallarda nəşr edilməlidir ki, akademik ünvanına sahib olunsun. indi keçək texnikasına.
akademik məqalə necə yazılmalıdır sualına cavab hər elm sahəsində fərqlidir. mən ədəbiyyat üzrə dəyərləndirəcəyəm bu entridə.

məqalənin mövzusu elə seçilməlidir ki, yazan şəxsdən əvvəl heç kim həmin mövzuya toxunmamış olsun. daha dəqiq desək, təkrardan qaçmaq və başqalarının yazdığı mövzu üzərinə yenidən yazmamaq lazımdır. bir kitab seçə bilərsiniz, məsələn, tolstoyun "hərb və sülh" əsərini ələ alaq. bu kitabdan bir çox mövzu çıxar yazmağa, böyük ehtimal, çoxu yazılıb da. bu cür əsərlərlə bağlı elmi işlərə girişərkən diqqətli olmaq lazımdır, çünki tolstoy məşhur bir yazıçıdır və əsərləri ilə bağlı kitablar yazılıb, nəinki məqalələr. fərqli və yeni bir tema tapa bilirsinizsə, o zaman həmin kitabla bağlı məqalə yazın. məsləhət görərdim ki, çox tanınmayan və haqqında rahatlıqla məqalə yaza biləcəyiniz bir əsər seçəsiniz. azərbaycanda kifayət qədər yazıçı var məqalələrə mövzu olmamış, elə özümüzkülərdən başlaya bilərsiniz.

akademik bir məqalənin uzunluğu 7-8 a4 səhifəsini keçməməlidir, əgər hansısa simpozium və ya konqresdə oxuyacaqsınızsa. uzun olmağı həm sizin üçün, həm də sizi dinləyənlər üçün pisdir, çünki siz uzatdıqca dediklərinizə qulaq asmayacaqlar və mürgüləməyə başlayacaqlar, bu da diqqətinizin yayınmasına səbəb olacaq, nəticədə tələsik oxuyub qurtarmağa çalışacaqsınız. onda da elmi işinizdən heç kim heç nə anlamayacaq.

məzmun: məqalənin başlığından sonra 250 kəlməlik bir məzmun yazılmalıdır (bəzi elm sahələrində bu 200-300, hətta 400 kəlmə də ola bilir). məzmunda məqalənin mövzusu barədə, ələ alınan problem və bu problemi həll edərkən tətbiq edilən sistem haqqında oxucuya məlumat verilməlidir. nəticələrdən bəhs etməmək lazımdır, onları ən sonda açıqlayacağam. qısa bir məzmunda məqaləniz haqqında geniş bir məlumat verməlisiniz, çünki oxucu ilk məzmuna baxaraq məqaləni oxuyub-oxumayacağına qərar verir. məzmundan sonra açar sözlər verilməlidir, bunların sayı 5-dir.

giriş: məzmunun daha geniş halıdır. istifadə edəcəyiniz sistem haqqında bir-iki paraqraf açıqlama verə bilərsiniz, daha sonra problemin nə olduğunu vurğulayıb, məqalənin əsas bölümündə hansı nəticələrə gəlmək istədiyinizi qeyd edə bilərsiniz. məqaləniz genişdirsə (3-4 əsas başlıq, 5-6 alt başlıq kimi), bu başlıqlarda nələrdən bəhs edəcəyinizi bir-iki cümlə ilə açıqlaya bilərsiniz.

əsas hissə: məqalənin əsas qismində artıq probleminizi ələ ala bilərsiniz. əvvəlcə yazınıza ilham qaynağı olan yazıçı və ya əsər haqqında iki-üç paraqraflıq məlumat verərək mövzuya girmək daha uyğundur, daha sonra problemi ələ alaraq, fərqli mənbələrdən də istifadə etmək şərti ilə öz fikrinizi bəyan edərək məqalənin "öz"ünü yaza bilərsiniz.

nəticə: girişdə verilən məlumatların başqa bir formasıdır. girişdə hansı mövzulara toxunacağınıza dair yazdığınız cümlələr, nəticə qismində "hansı mövzulara toxunulmuşdur" şəklində yer alır. girişdəki cümlələrdə gələcək zaman, nəticədəki cümlələrdə isə keçmiş zaman istifadə edilir.

istifadə olunan mənbələr: mənbələrin çoxluğu bir məqalənin dəyərini artırır. nəticə qismindən sonra mənbələr qeyd edilərkən yazıçıların soyadları əlifba sırasıyla yazılmalı, istifadə olunan kitabın adı, nəşr ili, nəşr olunduğu kitabevi və şəhəri qeyd edilməlidir.

yazılan məqalələrdə akademik bir dil istifadə edilməlidir. öz fikrinizi dəstəkləyəcək mənbələr tapmadan fikir irəli sürməkdən çəkinin. fərqli mənbələrdən sitat gətirmədən yazılan məqalələr ciddiyə alınmaz və həmin məqalə akademik bir məqalə sayıla bilməz. verilən bir sitat 40 kəlməni keçmirsə, normal paraqraf içində verilməlidir, 40 kəlmədən çoxdursa, ayrı bir paraqraf olaraq yazılmalıdır. sitatların sonunda mötərizə içində yazıçının soyadı, kitabın yayımlandığı il və sitatın keçdiyi səhifə nömrələri verilməlidir.

16 əjdaha! 05.12.2016 06:14, why so serious qadan alım?

#239466 şikayət

yeni gələn əksər yazarların keyfiyyətsiz olması

+18 əjdaha

əksəriyyəti ya trolluq edir, ya da sözlük qaydalarını oxumadan yazmağa başlayır. çox azı məlumatlandırıcı entrilər yazaraq sözlüyə yarar sağlayır. hətta yararlı olanlar arasında türk yazarlar üstünlük təşkil edir, deyə bilərəm.
subyektiv və tək cümləlik entrilər yazaraq heç nə qazanmırsınız, əziz yoldaşlar.
başlığı oxuyun, başlığa tərif verin, ondan sonra subyektiv fikrinizi irəli sürün.
belə hallarla qarşılaşanda həmin entriləri silirəm və səbəbini də bildirirəm. ancaq təəssüf ki, çoxu ya silinmiş entrinin sağına-soluna düzəliş etmədən təkrar canlandırır, ya da xəbərdarlığa məhəl qoymur.
başa düşürük, sözlüyə əksəriyyətiniz vaxt öldürməyə girirsiniz, ancaq unutmamaq lazımdır ki, sözlük bilgi platformudur və buranı oxuyan, buraya üzv olan hər kəsə vermək istədiyimiz ilk mesaj budur.
qaydalar çərçivəsində və bilgi vermək məqsədi ilə yazmağınız ümidiylə.

16 əjdaha! 14.05.2016 16:58, why so serious qadan alım?

#213635 şikayət

köhnə sevgilini görmək

+20 əjdaha

istəyərdim. hardasa 4 il keçib və mən bir dəfə də olsun onu görməmişəm. yuxularımda görürdüm və o yuxular o qədər real görünürdü ki, oyanmamaq istəyirdim. görmək istəyərdim yenidən, söhbət etmək, içkinin dibinə vurub dərdləşmək belə istəyərdim. niyə belə oldu, niyə alınmadı demək istəyərdim. bəlkə o yenə susardı, mən də kobud davranardım. sonra həmişəki kimi son sözü deyib gedərdi. ancaq maraqlı olardı. o hissləri yenidən hissetmək, yarım qalmış bir şeyi tamamlamaq kimi. iki dost kimi, köhnə tanış kimi. üz cizgilərini belə tam xatırlamadığım o insanın sadəcə gözlərindəki sönmüş həyatı unuda bilmirəm. bizimki alınmazdı, ancaq bir günlük xoşbəxtlik bir ömürə yetər. illər keçib, keçir, arada bir yuxuma girir və onu görmək mənim bütün günümün dəyişməsinə səbəb olur. düşündürür, geriyə dönməyə çağırır. peşmanlıq hissi yoxdur, yarımçıqlıq hissi var. o yarımı tamamlayacağıma bir gün inanıram, ancaq davamını gətirməyəcəyəm. bunlar hələ fərziyyələrdir, gör həqiqətən qarşılaşsaq, nə qədər dəyişər həyatım. gözləmirəm o günü, ancaq gələcəyinə də inanıram.

17 əjdaha! 04.06.2015 18:46, why so serious qadan alım?

#168892 şikayət

sözaltı sözlük üçün tövsiyələr

+16 əjdaha

jurnal yaratmaq ola bilər.
yazılarını bəyəndiyimiz bir neçə yazarla aylıq onlayn olaraq yayımlanacaq bir jurnal ərsəyə gətirərik, elmdən ədəbiyyata hər mövzuda yazarıq. dizayn işini mən öz boynuma götürərəm, məsələn. edward fizikadan yazar, hassiktirogen musiqi bölməsinə baxar, mən də öz aləmimdə ədəbiyyatdan yazaram. fikir bəyənilsə, ətraflı bu barədə danışmaq olar. timidus, bu işə bir əl at.

16 əjdaha! 19.02.2016 23:22, why so serious qadan alım?

#199699 şikayət

xosrov və şirin

+17 əjdaha

şərqdə geniş yayılmış bir əfsanə. ilk dəfə firdovsi tərəfindən şahnamə əsərində bu əfsanəyə yer verilmişdir. nizami bu əfsanəni yenidən qələmə alarkən firdovsiyə belə bir göndərmə etmişdir:

altmış yaşındaydı yazanda bunu,
saxlaya bilmirdi yayda oxunu.

firdovsini 60 yaşlı qoca kimi qələmə verən nizami burada onun "xosrov və şirin" sevgisini həyəcanla, şəhvətlə yazmamasına işarə vurur.

vikipediyada şirini erməni şəhzadəsi kimi qeyd ediblər. kitabda da ərmən eli, ərmənistan kimi yer adları keçsə də nizami şirinin türk olduğunu belə vurğulayır:

mahir hindu onun könlünü çaldı,
türk afət hindunun sorağın aldı.

qeyd: rəsul rzanın tərcüməsinə əsaslanaraq yazılmışdır.

13 əjdaha! 22.07.2016 13:10, why so serious qadan alım?

#222256 şikayət

sözlüyün ən cool yazarı

+15 əjdaha

(baxma: sahibsiz entry funksiyasına güvənərək öz nickini yazmaq)

edit: yaman əsəbləşib. -*

15 əjdaha! 20.02.2016 01:02, why so serious qadan alım?

#199717 şikayət

yazarların boy ölçüləri

+15 əjdaha

maşallah, hamının boyu 1.80-1.90.
(baxma: biz niyə görmürük bunları?)
küçədə boyu 1.60 olan oğlanları görməkdən bezmişik, arada sözlüyü bağlayıb küçəyə çıxın. * :(
özümə gəldikdə isə, tipik azərbaycanlı qız kimi boyum 1.60 dan aşağıdır. başlığı açmaqla yarama duz basdınız, sağolun.

14 əjdaha! 28.07.2015 18:09, why so serious qadan alım?

#176312 şikayət

güldürən dialoqlar

+17 əjdaha

türk qrup yoldaşı ilə qardaşım arasında keçən dialoqdur:

a: nahçivan sizin ülkenin içinde mi?
b: aha. amma ora vasif baxır. naxçıvanlı bir tanışım deyib ki, naxçıvanda vasif demək olmaz, onun yerinə hamı "qurban olduğum" deyir.
a: baküye hangi gurban olduğum bakıyor?

asdfgfds -* -*

17 əjdaha! 07.07.2016 19:50, why so serious qadan alım?

#220566 şikayət

quran-i kərim

+13 əjdaha

allahın 3-cü kitabı.
(baxma: god's trilogy)

13 əjdaha! 13.07.2016 17:15, why so serious qadan alım?

#221274 şikayət

mübariz ibrahimov

+15 əjdaha

öz inandığı yolla getmişdir. insanları şəxsi seçimlərinə görə yarğılamaq bizə düşməz, ancaq ki etdiyi hərəkət cəmiyyətə də təsir edirsə, bu barədə ümumi olaraq danışmaq olar. mübariz doğruluğuna inandığı şey uğruna ölmüşdür, amma onun üçün doğru olan başqalarına görə yanlış ola bilər. mənə görə də yanlışdır. islamda şəhidliyin bir çox növləri var. quranı oxumamışam düzü, şəhidliyin hansı məqamlarda verildiyini də tam olaraq bilmirəm. ancaq günahsız yerə öldürülən insanların şəhid olduğunu dəqiq bilirəm. qaldı ki şəhidliyə, bu sadəcə müsəlman aləmində var olan bir inancdır. o biri dinləri də göndərən tanrı niyəsə bu özəlliyi sadəcə müsəlmanlara bəxş etmişdir. hər nəysə.

müharibə şəraitində yaşayırıq, əsgərlərin orada nələr çəkdiyini, ən azından, mən bilə bilmərəm. bunu orada xidmət etmiş olan insanlar bilir. ona görə də fikrimin əksikliyini indidən dilə gətirib oxuyacağınız entryni buna görə oxumanızı istəyirəm.

mübarizin etdiyi hərəkət mənə görə yanlışdır, çünki günahsız o qədər insanın ölümünə səbəbiyyət verib və buna görə ona şəhidlik düşmür məncə. öldürülən düşmən ola bilər, ancaq 30 il əvvəl ən yaxın millət sayılırdı ermənilər, bəlkə 30 il sonra da yenə aralar düzələcək. onda nə olacaq? indi qəhrəman saydıqlarımızın çoxu o zaman birliyə xələl gəlməsin deyə pislənəcək və mən buna ikiüzlülük deyirəm.

düşünün ki evinizdə oturmusunuz və qonşunuz sizi öldürməyə gəlir. bu sırada siz onu öldürsəniz, haqlısınız, çünki məhrəm bölgənizə girib və sizə qarşı bəslədiyi hisslər heç də xoş deyil. bir də qonşuya nifrət etdiyiniz üçün onun evinə girib ailəsini gülləbaran etdiyinizi düşünün. məntiqə sığırmı? mənim məntiqimə sığmır. məncə, normal düşünə bilən insanın da məntiqinə sığmaz.

feysbuka baxıram, azərbaycanı oradakı insanlardan ibarət sananlar hamımızın ifrat dərəcədə milliyyətçi olduğumuzu düşünər. sözlüyə baxıram, fərqli düşünən beyinlər çoxdur. eləcə də əsgərlikdə də belədir. bizimki kimi ölkələrdə hərbi xidmət məcburi olduğu üçün orada öldürülən əsgərlərin içində bəlkə də məcburi "vətən borcunu" yerinə yetirməyə gələnlər, azərbaycana nifrət etməyənlər, ağıllı başla düşünən ermənilər də var idi. mübarizin bu hərəkəti aradakı nifrəti böyütməkdən başqa bir işə yaramadı. əlbəttə ki, gözünü qan bürümüş yeniyetmələrin də əlinə bayraq verdi. burada əslində günahkar təkcə mübariz deyil, onun nifrətlə böyüməsində rolu olan cəmiyyətimizdir, bəlkə də mübarizin burada heç bir günahı yoxdur. ona görə də irəlidə valideyn olacaqsınızsa, uşaqlarınıza nifrət aşılamayın lütfən. normal düşünə bilən övladlar böyütməliyik dünyanın yaxşılığını istəyiriksə. nifrət duyğusu insanın ali hisslərini duymasına əngəl olur.

15 əjdaha! 07.04.2016 18:45, why so serious qadan alım?

#209392 şikayət

Sözlüyə yenidən gəlinəcəyi təqdirdə alınacaq niklər

+13 əjdaha

(baxma: niyə belə ciddisən qadan alım?)

11 əjdaha! 23.10.2015 23:19, why so serious qadan alım?

#184616 şikayət

hepimiz ermeniyiz

+12 əjdaha

mənasında da irqçilik olan cümlə. faşizme karşıyız, hepimiz insanız olsa olacaq doğru. faşizme karşıyız + hepimiz ermeniyiz necə antifaşizm cümləsi olur, başa düşmürəm. sən həm millətçilik edənə qarşı ol, həm də onlara inad özünü başqa millətin nümayəsi kimi göstər. olmur axı.

12 əjdaha! 20.05.2014 02:34, why so serious qadan alım?

#120874 şikayət

azərbaycan dilinin türkiyə türkcəsi ilə kirlədilməsi

+13 əjdaha

yeni nəslin azərbaycanca kitab oxumamasından qaynaqlanan bir problemdir. ancaq təkcə bundan ibarət deyil.
tv, radio, internet - bunların hamısı bizə məlumatları türkcə aşılayır. internetdə məşhur olmayan, ancaq özünüzə maraqlı gələn hansısa informasiyanı azərbaycanca tapmaq çətindir, ancaq türkcə ən azından bir-iki qaynaq da olsa, tapırsınız. maşında gedərkən radioya qulaq asırsınız və budur, yenə demet akalının təzə mahnısını həmin gün bəlkə onuncu dəfə eşidirsiniz. evə gəlirsiniz, bir az televizora baxım, başım qarışsın deyirsiniz. açırsınız atv-ni, görürsünüz ki, yenə zaur "deyirəm" yerinə ağzını əyə-əyə "söyləyirəm" deyir, sonra çevirirsiniz kanalı, baxırsınız ki, o birisi kanalda o birisi zaur yenə kimisə yerin dibinə soxur, aygün türkcə mahnı oxuyur, röya türkcə mahnı oxuyur, bezib kanalı dəyişdirirsiniz, kanal d-də gedən seriallara baxırsınız. çünki öz seriallarımız da onlardan götürülüb, müğənnilərimiz də türkiyəyə gedib klip çəkməyi özü üçün qürur mənbəyi sayır. bir həftəlik türkiyəyə dincəlməyə getmiş adam qayıdanda türkcə danışır, niyə axı?! mən özüm türkcə danışanda heç kim ləhcəmdən seçə bilmir ki, haralıyam. ancaq ki azərbaycana gələndə, azərbaycanca yazışanda, danışanda bir dəfə də olsun, türk sözlərindən istifadə etməmişəm. kimsə edəndə də ətim tökülür, düzü. hə, söhbəti kitablarla açmışdım. bütün onlayn kitab satan saytlar, əli və nino mağazası və bunun kimi bir çox yerlər türkiyədən kitab gətirib bizim millətə baha qiymətə soxuşdurur. heç kim kitabı tərcümə eləməyi fikirləşmir, çünki ucuz alıb baha satmaq işlərinə yarayır, yoxsa ki dur tərcüməçiyə pul ver, sonra o kitabı nəşr elə və s. fikirləşirlər ki, əşi onsuz da bu millət türkcə bilir də, qoy elə türkcə oxusunlar. belə olanda da türkləri ovcumuzun içi kimi bilirik, özümüzü unuduruq.
azərbaycan ədəbiyyatını təbliğ edən yoxdur heç. sovet yazarlarının əsərləri yenidən basılmır, ancaq qərb ədəbiyyatı oxuyuruq. ədəbiyyatşünaslar hara baxır bəs? dilçilər hara baxır?
bəxtiyar vahabzadənin "latın dili" deyə bir şeiri var, deyir ki:

indi söylə,
hansı dilə ölü deyək:
vətən varkən,
millət varkən,
kiçik, yoxsul komalarda
dustaq olan bir diləmi?
yoxsa, uzun əsrlərdən
keçib gələn,
xalqı ölən,
özü qalan bir diləmi?

dil ölürsə, hamımız günahkarıq. sən yeniyetmə yazmağa ərinib ərgən yazırsansa, vaz keçmək sözünü yazmaq əvəzinə beynini yorub əl çəkmək, imtina etmək sözlərini tapmağa çalışmırsansa, o sənin günahındır. dilin günahı yoxdur.

10 əjdaha! 07.08.2015 15:29, why so serious qadan alım?

#177338 şikayət

imam hüseyn

+11 əjdaha

mən yezidə beyət etmərəm sözüylə əməvilər sülaləsindən olan yezidin xəlifəliyini tanımamış və buna görə də kərbəla döyüşündə başı kəsilərək şəhid edilmişdir.
həzrəti əli ilə məhəmməd peyğəmbərin qızı fatimənin oğludur. şiələrin əsas qəhrəmanlarından biridir. hər il aşura günündə şiələr onun üçün yas saxlayır, yezidə lənət oxuyur.

11 əjdaha! 08.02.2016 23:34, why so serious qadan alım?

#197536 şikayət

ən nifrət edilən insan tipi

+14 əjdaha

bütün dinləri buraxıb islamla məzələnən tiplər.
sözlükdə də var, entry-ni yarıya kimi oxuyursan, sonra görürsən yenə bağladı islama, umbaylamağa belə ərinib yoluna davam edirsən. elə bil, bunlar təzə nəsə kəşf ediblər. bildiy də islam pisdi, sən yaxşı ol, burax islamı.

13 əjdaha! 13.08.2015 16:57, why so serious qadan alım?

#177970 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

why so serious qadan alım?

son bəyənilənlər:

oxuyucuların bəyəndikləri: