Notice: Undefined variable: querycheckrows2 in /var/www/soz6/sds-themes/vengeful-light/header.php on line 171

aç o lanet olası şakalad karopkasını


83   0   0   0
aç o lanet olası şakalad karopkasını
5.nəsil yazar
reytinq xalı: 613
entry sayı:83
karma xalı: 0
izləyənlər: 18
sifariş sayı: 1







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

öyrənildiyində təəccübləndirən məlumatlar Orjinal Sezar salatının yalnız kahı və krutondan ibarət olması. Sadəcə bütün işi sos görür. 1924cü ildə Meksikada Sezar adlı otelin şefi çiy yumurta, kilkə paşteti (anchovy paste), parmezan və digər adi şeyləri qataraq salatı salat! edən bu sosu hazırlayır.
yazarların parfüm tövsiyələri Özüm üçün necə deyərlər 'signature' ətir axtarıram dükanların bağlı olduğu bu vaxtda, öyrəndiyim bir-iki şeyi paylaşmaq istədim.
- www.Checkfresh.com saytından parfüm şüşəsinin üzərindəki batch code u burada yazaraq orjinallığını, istehsal tarixini və ömrünə nə qədər qalıb öyrənə bilərsiz. Saytda marka seçdikdən sonra sizə özü göstərir ki, flan markanın batch kodu flakonun harasında yazılır və ya hansıdır.
- www.Fragrantica.com dükanların bağlı olmasını unutduran rəqəmsal parfum analitik sayt. Googleda maraqlı gələn parfumun adını +"fragrantica" yazıb axtarın və bu ətrin tonlarını, üzərinizdə qalma müddətinin az ya çox olmasını, siz gedəndən sonra arxada buraxdığınız ətrin güclü olub olmamasını (bax: sillage), o qiymətə dəyib dəymədiyini və istifadə etmiş adamların reviewlarını görə bilərsiz. Sayt ingiliscədi ancaq yuxarı yazdıqlarımın əksəriyyəti infografiklərlə təsvir olunub deyə rahat başa düşüləndir hamıya.
Gözümə qaraladığım bir-iki ətiri bu yollarla və bu kanal vasitəsilə tapdım: https://youtube.com/c/jeremyfragrance . Deyəsən son vaxtlar bu adam çox paylaşılır həm də sosial mediada.
Bir də təcrübədən ferragamo uomo ətrini məsləhət görərdim. Hədiyyə etdiyim adam istifadə edəndə onu maye halına salıb içmək istəyirəm.
Avon today- mamanın sevdiyi ətirdi ancaq mənə "başçatladan" gəlir.
Jadore- yaşlı qadınlar üçündü. Yuxardakı ətri xatırladır mənə. Əgər qoxunu səs kimi təsvir etmək olsaydı Avon todayj'adore cd zil qoxular sayılardı, adamın başına düşür.
Hallowen by Del Pozo- özüm shot və kiss işlətmişəm. Kiss gözəl idi- çiçək tonlarında yaz üçün, shot isə çox tünd; qış və gecə üçün. Bu ətirlərin kişilər üçün olanı daha gözəldi, onları da içmək istəyirsən *
-Fin-
ikinci qarabağ müharibəsi Mənə vpn istifadəsini öyrətmiş hadisə. Bu ölkədə hər gün pis xəbər, məntiqsiz qərarlar və 'çuşka seriallardakı bicok arvad hamiləlik kozırı ilə kişisini qorxudur' tərzində dövlətin müharibə səhnəcikləri ilə ömrümüz sikilsə də mən ən azından tech cahili kimi vpn i yoxlamış oldum. Kaş ilham torrent öyrənməyimə də bir şey fikirləşsə.
Burdan məsləhətxanadakı "vpn" başlığında olan bütün arkadaşlara başda albert einstein olmaqla Təşəkkürlərimi göndərirəm.
Sağlamlıq arzu edirəm hamınıza!
yuxu Qadınların əsgərliyə getməməsi Dünən framedə bu başlığı sadəcə gördüm heç açmadım yəni. Ancaq səhərə yaxın yuxuda görürəm ki sinifimizdəki qızları yığıb doldurublar kamaza əsgərliyə aparıllar. Mən də özümü güclə çatdırdım maşına və oturdum. Gedib çatmışığ nəsə çöllük, tikanlı, küləkli bir yerə. Sən demə Naxçıvanmış. Özü də unidən sonra girdiyim ilk iş yerinin sürücüsü sürür bizim maşını. Bir də görürəm bütün qızların çantası var yanında, mənimki qalıb sinifdə. Bakıdan Naxçıvana 1 saat çatıb yerləşəndən sonra qaça qaça gedib 5 dq çatdım sinifə sumkamı götürüm. Sonra avtostopla qayıtdım əsgərliyə. Gələndə gördüm qızlar əylənirlər nəsə. Əsgərlik maraqlı şey idi yuxuda.
dadlı omlet reseptləri Halhazırda yoxlayıb bitirdiyim və yuxarıdakı reseptlə (#301978) müqayisə edəndə hansının daha yaxşı olduğuna qərar verə bilmədiyim dadlı omlet resepti. Yenə azca qızdırılmış zeytun yağının içinə kubik kimi doğranmış 3 dilim servelat kolbasa tökürük, qızarır. Üstünə 2 balaca pomidor xırdalanmış tökürük (qabığı soyulmuş). Pomidor əziləndən və kolbasa qızarandan sonra 1 yumurta tökürük (daha çox çox yumurta yeyən gərək kolbasa və pomidorun da miqdarını artırsın). O da bişdikdən sonra ən gözəl göyərti olan cəfəriini (petruşka) səpirik. Və son trendim olan yerli ağ pendiri azca ovub səpirik. Xarici və baha pendir qurtaranda müraciət edilən bu yerli pendirlər (atena ismayıllı, Naxçıvan, brınza və ya yerli olmayan feta) çox da bomba yaraşır omletə. Vəssalam. Yoxlasaz deyin hansı yaxşıdı?
kiçik xoşbəxtliklər Bu gün Səhər kəkil/çolka/bangs kəsdirməyə getdim sumqayıta ucuzdu deyə. Bakı ətrafı kənddə yaşayıram və lanet olası bnain ləğv etmək istədiyi manatlıq şərikli taksiləri işlədirəm şəhərə gəlməyə. iş görüşümüz var və geyinib çıxdım.elə bu dəm yağış başladı. Mama çətir vermək istəsə də yağışda islanmaq xoşuma gəlir və maşına minib çatana qədər onsuz islanmaram deyə heç götürmədim də. Ama maşınlar gec gəlirdi və islanmağa başlamışdım. Həmişə al marketin qarşısında gözləyirəm. işçiləri islandığımı görüb məni içəri çağırdılar, təşəkkür elədim getmədim. Sonra sol tərəfdə manqal fln düzəldən dəmirçi dayı çağırdı gəl dayan burda deyə, ona da sağol/istəmədim. Bir də gördüm dayı əlində zontiki səliqəyə salıb yanıma gəlir və al marketdən də satıcı qız əlində salfetlə gəldi eyni vaxtda :d qoca kişilər şirin gəlir mənə hahah bu dəfə təklifini geri çevirmədim halbuki gözəlcə islanmışdım. Çox şirin idilər, marketin qabağında adətən oğlan satıcılar olur ama qızdan Xahiş elədilər salfetkanı verməyi ki utanmayım yəqin. It was sweet:d
keramika Keramika gil materialı ilə bağlı olan sənət və ya gildən əmələ gələn işlərə verilən ümumi addır. Heç bir təəccüb, maraq doğurmadan bir-başa olaraq dulusçuluq mənasına gəlir yunan dilindən. Hobbi olaraq Maraqlı bir sənətdir. Ancaq adranı bitirib keramist işləyən çox az məzun olar bu günlərdə - çünki satmır. istəyir xammal olan gil, istəyir bəzəmək üçün lazım olan rəng və ya şüşə şirəsi olduqca bahadır (ki hələ bunun lüks sayılacaq dulus çarxı, nəhəng sobasını demirəm). Əl əməyi də öz yerində- ortalama bir hazır fincan 30- 40 azn dəyərində olur.
Bölgələri bilmirəm ama Xırdalanda milli keramika brendimiz varmış: Nargiz porcelain * (səhv etmirəmsə gilana məxsusdur). Buradakı bir qrup insan daha çox milli, ənənəvi üslubda (elə ona görə də azca maraqsız görünən) çayniklər, boşqablar fln hazırlayırlar: spar, Araz marketlərdə satılır məsələn nargiz porcelain məhsulları.
Əsas xammal olan gilin qiyməti 3-5 manatdır/kq. Prosedur isə belədir: əvvəl gildən nəsə hazır edib sonra yandırırsız (over 1000 celcius!), sonra rəng və şirə və son dəfə yenə yandır. Maraqlı fakt odur ki, bildiyimiz saxsı piti qabları kimyəvi şirə yerinə quyruq yağında qaynadılırmış, təkcə bunu eşidəndə artıq təzyiqi qalxır adamın.
Belə keramikadan 18ci əsr quzu otaran naive avropalı kəndli qızı və ya kupidonlar maraqsız gəlirsə underground keramika məhsulları (və digər əl işləri) satılır handmade yarmarkalarında, Passajda fln. Dropping insta link below:
https://www.instagram.com/handicraft_baku/
dadlı omlet reseptləri Balaca qırmızı soğanı uzun ince bir formada doğruyub zeytun yağında qovurun. Yumurtanı çırpıb 1-2 xörək qaşığı un və duz töküb yaxşı qarışdırın. Omletin kulminasiyası mənim üçün pendirdi. Bu dəfə çedarı 10-15 balaca kub kimi doğrayıb tökdüm yumurta qarışımınn içinə. O da soğanın içinə, pendirləri tavada sıxdım ki ərisin yoxsa yumurta o qədər tez bişir ki pendirin əriməyinə vaxt qalmır. Görünüşü nə qədər pis olsa da dadı möhtəşəmdi!
nice guy Hektor Qaçan adlı artistin çox sevdiyim mahnısının adı. 3cü kursda metroda qulaq asanda beynimdə klip çəkirdim buna
(youtube: )
albeni ülkerin üstü südlü şokoladlı, içi karamel və peçenyeli şirniyyatı. Təzəlikcə plitka formasında 100 gramlıq fln istehsala başlayıblar, Bravo 20 yanvardan aldım, çox pis idi. Çünki karamel adı ilə ağ naməlum nəsə vurmuşdular o dadsız və qalın peçenyenin üstünə. Albeni "albeni" kimi dadmırdı.
plaza dili və ədəbiyyatı Təkcə plazalarda yox tədris dili azərbaycanca olmayan universitet, kurslarda da bol-bol istifadə olunan, normaldan da normal dildi. Dilimiz zəngin və praktiki deyil camaat niyə kompleksli çıxır ki bəyəm?!
mammoloq Qadınların süd vəzilərində ağrı/narahatlıq hiss edəndə müraciət etdikləri spesifik həkim. "Mamma" latın dilində döş deməkdir. Bəzən bu adın qarşısında "onkoloq" sözü də olur.
impressionizm dostluğun gətirdiyi artistik cərəyan. 19-cu əsrin ortalarına qədər tarixi, dini, mifik mövzular dəbdə idi təsvir etmək üçün. Amma və lakin edouard manet, claude monet, camille pissarro, pierre auguste renoir və daha başqa impressionizm baniləri (hansılar ki, bir yerdə, bir vaxtda yaşıyıb yaradan fransız dostlar idi) etiraz edib öz tərzlərini təqdim edirlər. Onlar obyekti, mənzərəni deyil, o andakı işığı və rəngləri təsvir edirlər və bu sürətlə atılmış fırça toxunuşları hesabına başa gəlirdi. Bu sürətli toxunuşlar isə 19-cu əsrin gətirdiyi texnika və yeniliklər hesabına artmış pace of lifea işarə idi, yəni "həyat, an çox tez keçir. Nöqtə/obyekt həmişə ordadı, işıq və rənglərin o andakı vəziyyəti isə yox".
Təzə tanış olduğum bir dostumla real, spesifik bir duyğuya ad vermişik: bir şey o qədər gözəldi ki, ağlamağı gəlir adamın.
impressionizm haqda bu təsvirə uyğun gələn bir abzas oxudum. icazənizlə tərcüməsi ilə, olduğu kimi qeyd edim:
"Oxşar motiv və rəngkarlıq texnikalarından başqa, fransız impressionistləri eyni rəng tacirini də paylaşırdılar- Julien tanguy və ya pier tanguy adında bu şəxs əvvəllər səyyar tacir, sonra isə rəsm əsərlərinin toplayıcısı olub. O, maliyyə çətinlikləri olan gənc rəssamları onların əsərlərini alıb əvəzində rəng və kətan verməklə dəstəkləyirdi. Onun dəstəyi olmasaydı bizim bildiyimiz bir çox məşhur əsərlər bu gün mövcud olmazdı. Sadəcə düşünün ki, Renoir digər tələbələrin tulladığı rəngləri yığırdı, ya da Monet və ya Pissarro bitirdikləri əsərlərin rənglərini qopartmalı olurdular ki, o kətanı ikinci dəfə istifadə edə bilsinlər".
around the world in 80 days with michael palin 80 gün dünya ətrafında və ya 80 günə dünya turu adlı jül vern əsərinə əsaslanaraq yazılmış kitab. monty pythonçu olan michael palinin dünya ətrafında 80 gününü təsvir edən və BBC üçün hazırlanmış gündəlikdi daha çox. tv üçün hazırlandığından və hədəf kütləsi ingilisdilli tamaşaçılar olduğundan Palin dünyanın qərb yarımkürəsinə sadəcə 23 gün sərf edərək əsas vaxtı bir qərbli üçün maraqlı olan oriyental ərazilərə sərf edib.
80 günün hər birini kitab kimi bu saytdan oxumaq olar (fotolarla birlikdə):
https://www.palinstravels.co.uk/static-7
facepalm "üzünü ovuclamaq" kimi tercüme olunub, alını ovuclamaqla heyata keçen akt.
bayaq üzümü ovucladım çünki bir il evvel yazılan steklyannaya garmonika entrisindeki youtube linkine click edende "liked playlist"m çıxdı, öz ad/soyadımla *

p.s düzdü, indi ele de anonimlik vece alınmır ama 1 illik lüt olmaq kimi hiss eletdirdi bu mene..
1 2 3 4 5 6 7 8 9 10 11 12 13 14 15 16 17 18 19 20