sözaltı sözlük

dall-e 3 ilə loqosunu yenidən canlandırdığım hamını dinləyib özü danışmayan fikir ensiklopediyası.

Neural Nebula

2001: a space odyssey

Cerebral Galaxy

noir

lcd

star wars

spectrum

favorim
rickest rick

sözaltı meme

bonus sifariş(@98348) meme:

yazarların çəkdikləri pişik şəkilləri

01.01.2022


01.01.2024




bonus
https://i.imgur.com/cvIvWkq.jpg

comedy wildlife photography awards

ilin Vəhşi Təbiət Fotoqrafının seçildiyi, ingiltərənin London şəhərindəki Natural History Museum tərəfindən hər il keçirilən beynəlxalq vəhşi təbiət fotoşəkilləri müsabiqəsidir.

qalib şəkillər nüfuzlu münsiflər tərəfindən üç mərhələdə dünyanın 4 tərəfindən daxil olan təxminən 50.000 şəkil arasından seçilir. Mükafatlandırma mərasimindən sonra bu şəkillər il ərzində 5 milyondan çox ziyarətçini cəlb edən londondakı bu muzeydə sərgilənir. bu mükafatlar eyni zamanda vəhşi təbiətin qorunmasına diqqət çəkir və təşviq edir.

hər il olduğu kimi, təşkilatçılar oktyabrda builki 41 finalisti , qalibləri də 28 noyabrda elan etdilər. Jason Moore’un havalı gitarasında ifa edən kenqurunu mükəmməl şəkildə tutması ilə builki baş mükafatı qazandı.

Jason Moore əl işi mükafatı ilə


foto kateqoriya qalibləri:

yerdəki canlılar və əsas qalib
Jason Moore (Avstraliyalı)
"Air Guitar Roo"


havadakı canlılar
Vittorio Ricci (italyan)
"Unexpected plunge"


su altındakı canlılar
Otter Kwek (Sinqapurlu)
"Otter Balerina"


Gənc fotoqraf
Jacek Stankiewicz (Polyak)
"Dispute"


möhtəşəm internet portfoliosu
Tímea Ambrus
"I finally learned to fly or - or maybe not"* bu çöl sincabı sizə də bir yerdən tanış gəlir?


video kateqoriyası qalibi
Lily Bernau
"Too cold"
video üçün bu linkə keçid edin.

yüksək rəğbət görənlər
Tzahi Finkelstein (israilli)
"The happy turtle"


John Blumenkamp (amerikan)
"Monday Blahs"


Zoe Ashdown (britanyalı)
"One for the family album"


Brian Matthews (britanyalı)
"Don't look down"


Lara Mathews (Avstraliyalı)
"Boing"


Delphine Casimir (belçikalı)
"The rainforest dandy"


Pratick Mondal (hindli)
"Look at right Bro"


Wendy Kaveney (hindli)
"That wasn't here yesterday"


Jacques Poulard (Fransız)
"Snowball"


Dakota Vaccaro (amerikan)
"Excuse me sir but I think you're a little too young to be smoking."


fotoqrafların şəkilləri haqqındakı öz şərhlərini burdan oxuya bilərsiniz.

sözaltı meme

(baxma: qəribə yuxular/-379871)


bonus gif meme: link

ikea effekti

(bax: cognitive bias)

IKEA effekti, öz əlinizlə bir şey qurmağın, o əşya ilə, onu satın aldıqdan sonra ona sahib olmaqdan daha dərin bir əlaqə yaratdığnı deyən koqnitiv qərəzliyi izah edir.

"düzəltmək", "qurmaq" hərəkəti bizdə, nəticəsini gördüyümüz bir şeyi maddi hala gətirməyi bacarmış olmanın məmnunluq hissini yaradır və beləliklə, əşyanın özü ilə olan əlaqəsini dərinləşdirir. Görülən iş çox vaxt insanların, öz yaradıcılıqlarını həddən artıq şişirtməylərinə də səbəb olur, pis düzəldilmiş və ya hazırlanması asan olsa belə.
Əgər bacarmışıqsa, onu sevirik.

- LEGO-nun və ya yarı bitmiş məhsullar(hazır suplar kimi, ancaq sizin son toxunuşunuzu tələb edən) təklif edən bir çox qida brendlərinin uğurunun arxasında da eyni prinsip dayanır. bu proses düşündüyünüzdən daha sərfəlidir, çünki xərcləri azaltmaq mümkün olur və işi asanlaşdırır.

müştəridən tələb olunan efort, qatqı, töhfə nə qədər yüksəkdirsə, ona verəcəkləri qiymət də bir o qədər yüksək olacaq. bununla belə, tələb olunan səy çox böyükdürsə və ya töhfə çox kiçikdirsə, insanlar çox güman ki, tapşırığı yerinə yetirməyəcəklər. IKEA effekti yalnız istifadəçi tapşırığı həqiqətən yerinə yetirdikdə mümkündür.

- Neçə dəfə YouTube-da kiminsə Apple məhsulunun qutusunu açıb plastik filmi diqqətlə çıxardığı videosunu görmüsünüz?
yeni bir iphone alarkən həmin anda Apple sizə sadəcə smartfon satmaqla qalmır, eyni zamanda Apple satıcısı ilə danışdığınız andan evə gəlib qoruyucu filmi çıxardığınızda titrədiyiniz o vaxta qədərki təcrübəni də satmış olur.

eyni hadisə bədii əsər, oyun və ya kinolarda da qarşımıza çıxır. əsərin qane edici olması üçün obrazımız əlbət müəyyən bir nöqtəyə qədər çətinliklərlə üzləşməlidir.
---
tanışım web saytın dizaynı üçün müştəridən xüsusi materiyallar, mətn və ya şəkil kimi atmasını istəyir, həmçinin referans ala biləcəyi saytları da axtarmasını. və bu vaxt ərzində tövsiyə və düzəltmələrlə müdaxilə etməsinə imkan verib axırda demonu göstərir. müştərinin əlbət xoşuna gəlir, bütün bunlar onu yaradıcılıq prosesinin fəal iştirakçısına çevirir, şorbada onun da duzu olur.

the headington shark

ingiltərənin oxford şəhərindəki ikonik və məftunedici heykəl
(baxma: ən yaxşı ev aksesuarı)
ingilis heykəltəraş John Buckley tərəfindən, Bill Heine`in sifariş ilə bu ekstravaqant əsər 9 avqust 1986-cı ildə Headington, Oxford ünvanındakı evinin üzərinə yerləşdirildi. verdiyi müsahibədə Heine dedi ki, "heykəl Amerikanın Liviyanı bombalamasına və nüvə silahlarına etiraz olaraq nəzərdə tutulub". heykəli ABŞ-ın Yaponiyaya atom bombasını atdığı gün* 6 avqust ün 41-ci ilində quraşdırmışdılar.

oxford şəhər icra hakimiyyəti heykəli çıxarmaq üçün illər sərf etsə də, mübahisə məhkəmə qarşısında sona çatdı və heykəlin qala biləcəyi qərarı verildi. bir baxıma, əslində, akula bürokratiyanı xəyal gücü və əsnəklik göstərməyə ilhamlandırmışdı.
Bill Heine lisenziyası olan oğlan kimi akulası ilə fotoşəkili

2016-cı ildə oğlu Magnus atasının tapşırığı ilə köpək balığını saxlamaq üçün bloku bütünlüklə aldı. mülk 2018-ci ildən airbnb qonaq evi kimi fəaliyyət göstərir.

- incəsənətin ən gözəl tərəfi onu dinləyən, oxuyan və ya baxan hər kəsin fərqli görüşlərə sahib olmasıdır. mənə bunu maraqlı edən, komediyanın arxasında yatan tragediyadır. təsəvvürünüzə gətirin, bu adam binanın üzərinə bir başa atom bombasını anımsadan heykəl düzəltsə idi, çox az adam bunu ağlabatan qarşılıyacaqdı, amma damı parçalayan akula?! bizi bir damın üzərinə bomba düşməsi, akula düşməsi qədər maraqlandırmır.

super saturn

super saturn və ya steroid basan saturn kimi bilinən bu planet, eyni zamanda əsl the lord of the rings olaraq da tanınır.

real adı J1407b, sentavr bürcündə bizdən təxminən 434 işıq ili uzaqlıqda olan nəhəng bir ekzoplanetdir. bu planet indiyə qədər kainatda bilinən ən böyük halqa sisteminə sahib olduğundan saturn yanında mamauşağı qalır. hərhalda saturn özmüzküdü, ezdirmeyiz.

2012-də SuperWASP layihəsinin ilk müşahidələrinə görə ekzoplanetin saturnun halqalarından təxminən 200 dəfə böyükdür. bu nəhəng halqa sistemini top kimi yumrulasan, yerin kütləsinin 90%-ə bərabər olacaq.
- nə deməyə çalışdığımı qavraya bilirsiniz? yupiter özü yer kürəsindən 11 dəfə böyükdü, bu pəzəvəng yupiterdən 20 dəfə böyük olması ilə yanaşı, üzərində yaşadığımız planetin çəkisi qədər halqası var aq.
- halqalar da əslində bu formada yaranır, ya hər hansı səma cismin əsas planetə toqquşması ilə, ya da planetin peykinin yenə başqa bir cismlə toqquşaraq parçalanması ilə. və bunun nəticəsində həmin o parçalar biri birlərini əzərək toz halına çevirir.
- bununla yekunlaşar? yox mq. 2015-də Matthew Kenworthy-nin tədqiqat qrupu halqa sisteminin hər birinin diametri on milyonlarla kilometr olan 30-dan çox halqasının olduğunu göstərdilər. bu boşluqlarının olması da bu sistem daxilində orbitdə fırlanan exomoon-ların* peyklərin mövcudluğunu göstərir. ümumi sistemin diametri 120 milyon kilometrdir. yerlə günəş arasındakı orta məsafə isə 149,6 milyon kilometr, təsəvvür eləyin, aramızı dolduracaq qədər böyükdü bu zorba.

saturnu J1407b ilə yer dəyişsəydik, təxmini belə bir görüntü alardıq

(youtube: )

15 mart 1977 grand prix qəzası

shadow racing team adına yarışmış, britaniyanın yeni ümid doğuran ulduzu, ingilis formula 1 pilotu, tom pryce 15 mart 1977-ci ildə cənubi afrika grand prix'ində faciəvi qəzada həyatını itirdi.

dünyanın hər yanından gələn f1 yarış həvəskarları bugün motorsport tarixindəki ən çox danışılan hadisələrdən birinə şahidlik edəcəklərindən xəbərsiz idilər.

renzo zorzi bir dəqiqəlik məsafə ilə yarışa başçılıq edirdi. onun arxası ilə də iki rəqib, tom pryce arxadan gələrək hansa stuck-a çatmağa çalışırdı, onlar təxminən bir metr məsafə ilə yarışırdılar.
renzo zorzi mühərrikində problem olduğunu hiss edib avtomobili yolun soluna çəkdi, sakit bir şəkildə avtomobilidən çıxmaq istəyən renzo qəfildən yağ sızması ilə mühərrikin alovlanmağa başladığını görüb tələsərək avtomobildən uzaqlaşdı. elə bu vaxt, yolun digər tərəfindən iki yanğınsöndürən alovu söndürmək üçün qaçmağa başladılar. yanğın söndürənlərin ayağını asfalta basması ilə tom və hansanın döngəni dönməsi bir oldu, hansa onları görən kimi rolunu sağa çevirdi, lakin tom, hansanın dibi ilə, həmən arxasından gəldiyindən, uşaqları görməmişdi.

hələ yolu keçməmiş, ikinci yanğınsöndürən, 19 yaşlı Frederik Yansen van Vuuren, indiyə qədər heç yarış təcrübəsi olmayan gənc, yanğınsöndürən vəzifəsində çalışdığı üçün çox sevinirdi. bir göz qırpımında f1 tarixində əks-səda verəcək unudulmaz bir toqquşma baş verdi. üstünlük uğrunda baş-başa aparan tom pryce, 19 yaşlı gənci təxminən 280 km/s sürətlə havaya uçurdu. van vuurenin daşıdığı 18 kiloluq yanğınsöndürən tomun başına dəydi, kask olmasına baxmayaraq, zərbə o qədər şiddətli idi ki, kaskı sındırıb kəllə sümüyünü çartladaraq, onun ani ölümünə səbəb oldu.
1. renzo zorzi'nin avtomobilinin alovlandığı video
2. senzurasız qəza anı və senzuralı

video kadrlarından gördüyünüz qədəri ilə, yanğın artıq renzo tərəfindən sönmüşdü. sizcə ən dəhşətli səhnə burda hansı idi? artıq əhəmiyətsiz bir əmri görməyə gedərkən ölən gəncmi? yoxsa 1 metr arxasında işyoldaşının havada uçaraq anidən ölməsinə baxmayaraq, soyuqqanlıqla əmrə dəvam edən yoldaşmı? ya da yolun kənarında qanlı bir avtomobil və iki cəsəd dayanmasına baxmayaraq, yarışa qaldığı yerdən dəvam edən insanlarmı?

yazarların çəkdikləri pişik şəkilləri

" "

maraqlı xəritələr

1. ölkələrin real sahəsi

rusiya, qrenlandiya və antraktida necə də balacadır, hə? buna səbəb merkator proyeksiyasıdır(mercator projected), ekvatordan nə qədər uzaq olarsa, quru kütlələrinin ölçüləri bir o qədər şişirdilir. bu, qütblərə daha yaxın olan ölkələrin əslində olduğundan daha böyük göründüyü bir təhrifə səbəb olur.* xəritədə göstərilsə də, antraktida ölkə deyil * btw çili öküz qurduna oxşayır aq

2. vətəndaşlığın doğulduğun torpağdan və ya qan üzərindən əsaslandığı yerlər

xəritə ikili bir şey kimi təqdim edilməsinə baxmayın, hər ölkənin özünə məxsus qaydaları var. misal, almaniyada dünyaya gələn uşaq, 8 il orda yaşadıqdan sonra vətəndaşlıq ala bilir. kanadada isə heç bir şərt olmadan uşaq asanlıqla vətəndaşlıq alır. * yeganə ölkə vatikan, papa ilə də yatsan da vətəndaşlıq ala bilməzsən * vətəndaşlıq ancaq katolik işçilərinə verilir çünki sapsik. o da müvəqqəti

3. isveçin ən çox izlədiyi porno kataqoriyaları vs çernobıldan alınan radiasiya səviyyəsi

gördüyünüz qədər, radiasiya və hentai arasında çox maraqlı korelyasiya var. çernobıla yaxın ölkələrdə də(rusiya, belarusiya, finlandiya və elə özü ukrayna) hentai kateqoriyası ilk yerlərdədir. və yadınıza salım ki, hentai özü də iki nüvə bombasının partladığı yaponiyadan gəlir. * noyabrın ilk günündən yadınıza saldığıma görə də burdan sağçılara üzrlərimi göndərirəm * alsşfğf

netsuke

yapon mədəniyyətində böyük hekayəsi olan miniatür heykəllər

mürəkkəb oyma və incə detallarla işlənmiş miniatür heykəllər olan netsuke, tarixi 17-ci əsrin yaponiyasına qədər uzanır. bu balaca ecazkar heykəllər həm funksional, həm də incəsənət nümunəsi kimi tanınır. lap əvvələr, netsuke-lər, kimono kimi ənənəvi yapon geyimlərində heç cib olmadığından, kimono kəmərinə brelok kimi asılırdı. * dərman, pipo, pul və tütün qoymaq üçün * həm də geyən adam qolunu qaldırmadığı halda görsənmirmiş, geyim icazə vermirmiş

Netsuke ağac, fil dişi, sümük və ya metal kimi müxtəlif materiallardan hazırlana bilər. sənətkarlar, mifik əfsanəvi canlılardan tutmuş, adi gündəlik səhnələrə qədər bir çox şeyi öz işlərində göstərirlər. netsuke sadəcə incəsənət nümunələri deyil, həm də yaponiyanın tarixi, mifləri və gündəlik həyatı haqqında bizə məlumatlar verir. müxtəlif dövrlərdə insanların necə bəzənməyi sevdiklərini, onların zövqlərini, incəliklərini işıqlandırır.

bu da Ai-ın bizim üçün yaratdığı yerli və milli netsuke

araxna

(bax: yunan mifologiyasında maraqlı personajlar)

pareidolia

(bax: apophenia)