ən nifrət edilən insan tipi

"Üşüyürəm" insanları.Adamlarla dolu otağı qapı-pəncərə bağlayıb,"soyuqdur" deyənlər. Halbuki,daha qalın geyinə bilər,çarəsi var,məndə isə oksigen maskası yoxdu və ya fotosintez aparmıram özümçün,amma o üşüyür,hava istəmir.Mənə çox maraqlı gəlir saatlarla təmiz hava girməyən otaqda qala bilən insanlar.Heç mi ürəyin sıxılmır,başın ağrımır,boğulacaq kimi olmursan,nə cür belə üşümə qabiliyyətin var? Məsələn,mən bu cümlələri yazanda , hər 10 saniyədən bir dərin nəfəs alıb,oksigeni tükədən insanlara tərs-tərs baxıram. Qısacası üşüyən adamlara qıcığım var,nəfəs ala bilmirəm,üşüməyin.

sözaltı günlük

Bu gün günorta 28 may tərəfdə yolu keçmək istəyəndə,ağzında dişi olmayan bir yaşlı qadın sözün əsl mənasında başladı özünü parçalamağa bizi işarə eləyib,mən də öz-özümə düşünürəm ki, maşın yolunda nəyimiz isə düşüb,ya da yolu düz keçməmişik filan,nə əlaqə isə.Sonra gördüm yox ey,dərdi bizlədir,gah özünü atır yerə,gah durur,yaylığını dartır,çığırtısı o qədər bərkdən idi ki,bizə baxmayan maşın sürücüsü yoxuydu,hamı konkret zillənmişdi ki,nə şüvəndir,tip də Vanqanın arıq versiyası qısacası,gecə görsəm sanisəsində köçərəm dünyadan,nə isə,yanımdakı qızın gördüm ağıllı başlı rəngi qaçdı,qolundan tutub düşdüm yola,arxadan düz 3 dəfə elə bir tüpürcək səsi gəldi ki,göydən başımıza su töksələr elə eşitmərik,arxamızca hələ də qışqırıb tüpürürdü,gəlmək istədi gördü biz çox cəldik,əl çəkdi.Nə yalan deyim axırıncı defə belə qorxduğum yadıma gəlmir. Psixiatriya klinikasından çıx,yolda da hazır praktika keç. Əla bir gün idi.

valideynlik vəzifəsini övlad böyütməkdən ibarət hesab edən valideyn

Bu insanlar özlərinə sadəcə olaraq ömür boyu minnətdar və borclu qalacaq kölə istəyirlər,həmçinin başqa ehtiyaclar üçün də uşaq dünyaya gətirə bilərlər,məsələn,ən məşhuru həyat yoldaşı ilə arası bərbat halda olanda,boşanma səviyyəsinə çatdıqda,bəlkə düzələr ümidi ilə,batan gəmiyə sərnişin almaq məsələsi.bir fərdi yetişdirmək həddindən artıq çətin,məsuliyyətli işdir,bu valideynlər dünyaya gətirdikləri canlının insan olmasından bixəbərdirlər,bir gün yetkinlik yaşına çatıb,tamam fərqli düşüncə,arzuların ardınca gedə biləcəyinə,fərqli həyat tərzi olacağına inanmaq belə istəmirlər.Bizim ölkəmiz kimi ölkələrdə evləndikdən dərhal sonra hər kəs dörd gözlə uşaq xəbəri gözləyir,söhbətə aidiyyatları olmasa belə və təcili surətdə,bəzən cütlük birlikdə yaşamağa uyğunlaşmamış halda belə uşaq doğulur,"mentalitetimizə" uyğun olaraq o uşağın "düzgün tərbiyə alma,yetişmə" tsikli başlanır,oğlandırsa,tamam ayrı cinsiyyət rolları altında böyüdülür,qızdırsa ayrı.anlayışsız valideyn özü özünü yetişdirməyə macal tapmamış əlavə olaraq insan böyütməyə başlayır,birgə olaraq öz həyatını yaşamağı unudur,məşhur tsiklə cəmləyir özünü-məktəb,universitet,(az bal toplasan,qan qaraçılıq)-(əsgərlik),evləndirmə,( o qız yaxşı deyil,o oğlan narkomandır və ya pulsuzdur,qan qaraçılıq),nəvə istəmə (niyə uşaq yoxdur;doğmursan,qan qaraçılıq) - və daha monoton,vəzifə imiş kimi yaşanan başqa zəncirlər.Bütün bunlar zövqlə,istəklə yaşansa ayrı,amma məcburiyyət olaraq hər şeyi yerinə yetirmək və övladın da həyatını girov götürmək çox pis işdir.

azərbaycan türkcəsinə gülməli deyən türk

Hansı türk? Türkiyəli olandan söhbət gedirsə,Niyyətinin qətiyyən pis olduğuna inanmıram,qəbul eləyək ki,arabir vətənpərvər adıyla onların elədiyi adi bir zarafatı belə Qarabağ söhbətinə qədər gətirən tiplər var.Bizim türkcəmizlə onlarınkı arasında həddən artıq oxşarlıq var,bizim kimi uşaqlıqdan qarşı tərəfin türkcəsinə qulaqları alışmadığından ötürü,dilimizin üzlərində gülümsəmə yaratmasında zərrə problem yoxdur,təbii ki,iş zarafat boyutundan çıxmırsa.Mənə də Özbəkistan türklərinin danışığı gülməli gəlir,bəzən a hərfinin yerinə o,u eşidəndə istər-istəməz üzümdə təbəssüm yaranır və Bunun qətiyyən "aşağı görmək",lağ eləməklə əlaqəsi yoxdur.

yazarların ən pis pərt olduğu an

6cı sinifdə stolu arxaya çəkib oturanda yerə sərildiyim an,sözün əsl mənasında sərilmişdim,ətəyim başıma keçirdi,23 uşağın içində gülməyəni yox idi. Birinin sifəti qırmızının ən canlı çalarında idi,yaş az olanda və bütöv məktəb həyatın boyunca üzünə vurulanda belə bir şey,daha çox ağır gəlir. Bir də universitetdə korpusun pilləkənindən aşağıya doğru yıxıldığım an,bir də yol gedəndə 7-8 oğlanın düz qarşısında yıxılıb kapron kalqotkanın cırıq-cırıq olduğu an,biri də yadıma düşdü üç ay əvvəl metroya doğru gedəndə düz yolda idman ayaqqabısıyla yıxılmağı bacardığım,başımın üstündəkilərin "nç nç ayda" dediyi an və ən betəri bu hadisələrdən sonra heç nə olmamış kimi davam eləməyə çalışmağım...Mən deyəsən yeriməyi bacarmıram.

yaşlı nəslin növbə mədəniyyətinin olmaması

Bizimki kimi ölkələrdə insanın səbrini sonuna qədər zorlayan hadisələrdən biridir bu,mədəniyyətsizliyi keçdim,özlərinə ekstra yer buyurmaq gözləyir,bunu tələb edirlər,normal qayda ilə oz sırana daxil olsan,"nçnç"lamaqdan belə çəkinmirlər,hamısının da ya gözləyəni var,ya xəstədir,ya da işləri hər kəsin işindən vacibdir,belələrini dəstəkləyən,auditoriyaya səslənib diqqətləri sizin üstünüzə sanki günahkarsınız kimi toplayan tiplər də var,onlara qarşı ikiqat qıcıq oluram .Pisi də odur ki,bu insanların yetişdirdiyi,daha doğrusu yetişdirə bilmədiyi gənclər də anadangəlmə bu cür olurlar,hər hansı sırada sanki sən yoxmuşcasına yanından sürüşüb keçmək bir insana ediləcək ən böyük təhqirlərdən biridir,neçə dəfə həm atm,həm də metroda karta vəsait yükləyərkən belə hadisələr olub,elə soxulmaq istəyəndə,eyni hərəkətlə kartı çıxarıb çırpanda,tərs-tərs baxanda gözləri qorxur,paşa-paşa gözləyirlər,dəfələrlə səbr etsəniz də dəyişmir bu vəziyyət,onlardan qabaq siz cəld davranıb mənfi nəzərləri üzlərinə yönəldin,mane olun,çıxış yolu budur.

insanların çox vaxt əsəbi olması

insanların çox vaxt yaşadıqları həyatdan məmnun olmaması,lap düzünü desək bədbəxt olması ilə əlaqədar vəziyyət,bir çoxunun özü də fərqindədir ki,əsəbiləşdikləri mövzu müzakirəyə belə dəyməyən lazımsız,xırda-xuruş şeylərdir,amma yox,qəzəblənməlidirlər-çünki qəzəbi sadəcə nifrət qusaraq tükədə bilirlər.açıq havada gəzim,özüm özümlə danışım,həll yolu axtarım,musiqi dinləyim-bunlar hamısı bacarmaq belə istəmədikləri məşğuliyyətlərdir.çox oxuyan,çox düşünən,ən əsası dərin düşünən insanlar ümumiyyətlə bu dünyəvi problemləri çox da ciddiyə almamağın məntiqini bilir,amma əsəbi insanlar yox. Hər nə qədər məsləhət versən belə,"yox ey"lə başlayan cümlələrin ardı-arası kəsilmir və özlərinin əsəbi olduğunu yox,onu əsəbiləşdirəcək amillərin çoxluğunu deyirlər,bir müddət sonra əsəbiləşməyi də sevməyə başlayırlar,mənfi enerjini çıxara bildikləri tək yol bu olduğuna görə.Bir də əsəbi insanların qurbanı olan məsum insanlar var,bir il bəsdir həmən adama dönüşmələri üçün,çalışın onlardan biri heç vaxt olmayın,əzabdır.

xəyanəti çəkib yaymaq

Lazımsız hərəkətdir,ilk öncə xəyanət edilən insanın nəsə "eləmək" (öldürmək,ifşa etmək,əsəbiləşmək,döymək,peşman eləmək,intiqam almaq) kimi borcu yoxdur,xüsusən kişilərin boynuna qoyulur bu tip şeylər,insanların onun haqda pis düşünməsindən qorxaraq öz həyatlarını məhv edirlər hansısa nadürüst insana görə.Qaldı ki,bu məsələyə.Tutaq ki,sən o insanların şəklini,videosunu dünya aləmə yaydın,nə dəyişəcək?hansı tərəfin hərəkətini sıfırlaya biləcəksən?edilmiş xəyanəti geri döndərməyəcəksə,nəyə lazım özəl həyatını da başqalarının mənfi mənada müzakirə mövzusuna çevirmək.Bunlar mənə görə,qəzəbin verdiyi biçarəsizliklərdir,vəssalam.