lağlağı

3 əjdaha! 11.09.2018 13:58, lağlağı

mərkəzi avropada yerləşən, ərazisinin əksər hissəsini dağlıq ərazilərin təşkil etdiyi gotik tərzdə qədim və müasir tikililəri özündə cəmləşdirən çox gözəl və təbiiliyini itirməmiş keçmiş çexslovakiya dövlətlərindən birisidir. evrovision kimi sikik, uydurma, lazımsız bir yarışmanın iştirakçısı olmamaqla daha bir rəğbətimi qazanmışdır eyni zamanda. ölkənin paytaxtı bratislava önəmli sənaye şirkətlərinin mərkəzinə çevrilmişdir. bir çox böyük avtomobil markalarının fabrikləri ( renault, pevgeot, kia, wolswagen və. s) də bu ölkədə yerləşir. kiçik olmasına baxmayaraq avropanın ən önəmli kimya və maşınqayırma sənayesini özündə cəmləşdirir. slovakiya karpat dağlarınından ibarət bir ərazi quruluşuna sahib olduğu üçün əkinçilik üçün çox da əlverişli deyil və əkinçilik sadəcə ölkənin özünü təmin edə biləcək səviyyədə inkişaf etmişdir. buna baxmayaraq meşə ərazilərinin çoxluğu taxta və kağız emalı sayəsində ölkə büdcəsinə külli miqdarda valyuta qazandırır. dağlarda yaşayan kənd əhalisi əksərən heyvandarlıqla məşğuldur ki, bu da ölkə büdcəsinə böyük qatqı deməkdir. ayrıca ölkə bir çox yeraltı zənginliklərə sahibdir (neft, kömür, qaz, dəmir, mis və.s). buna baxmayaraq, neft, kömür və qaz sadəcə ölkə əhalisinin ehtiyyaclarını qarşılayacaq dərəcədə emal edilir. enerjinin qarşılanmağı üçün daha çox ölkədə axan çaylar üzərində qurulmuş *ses* lərdən istifadə edilir. qışı istirahət və xizək sürmək üçün çox gözəldir. sərt keçməyinə baxmayaraq, qış fəsli ölkə turizminin inkişafında əvəzsiz rol oynayır.

#277851 şikayət

əbülfəz elçibəy

+11 əjdaha

siyasətdən başı çıxmayanlar üçün milli "atatürk" , insanlığın nə olduğunu bilməyənlər üçünsə xalq üçün heç nə etməyən birisi.

10 əjdaha! 15.09.2018 11:52, lağlağı

#277984 şikayət

elza seyidcahan

4 əjdaha! 01.08.2018 17:26, lağlağı

bu yaxınlarda "damlaya heç itim də qulaq asmır" deyə başlıqlı bir müsahibəsini gördüm, qadına rəğbətim artdı. o vaxtdandı evdə anama ancaq elza xanımın şeirlərini oxuyuram, qadın məni görəndə qulağına telefon tutub danışırmış görüntüsü yaradır.

#275558 şikayət

şedevr sözlük

6 əjdaha! 11.11.2018 17:29, lağlağı

bir soz6.com olamaz, məsəlçün-*

#279566 şikayət

çayı dodağını uzadıb hörtüldədib içən insan

3 əjdaha! 09.08.2018 03:42, lağlağı

uzaq keçmişdə bu xasiyətimə görə qonaq gedilən yerə aparılmayan uşaqlardan biri olaraq, yaman incitdi bu başlıq məni. 15 il əvvələ qayıtdım, ətağa. onsuzda mən yetim qonaq getdiyim evdə bişirilən yeməyi yemirdim ( böyük əksəriyyət azərbaycanlının evində qonağa ət bişdiyi üçün), anam da "at kimi çay içirsən, bircə kişnəmədiyin qalır" deyə ümumiyyətlə özü ilə heç yana aparmırdı məni. nəysəki, zamanla çay içməyi də tərgidik...

#276154 şikayət

şəkər

5 əjdaha! 24.01.2019 02:00, lağlağı

Beyinin qətiyyətlə ehtiyyac duyduğu maddədir. Lakin təbii halda olanına, yəni, heç bir kimyəvi müdaxiləyə məruz qalmayanına. Bunu necə əldə edə bilərik- təbii ki meyvələrdən, şəkər çuğundurundan və. S. Lakin gündəlik həyatda istifadə etdiyimiz bütün fabrikat qidalarının tərkibində, eləcə də bəh bəhlə yeyib doya bilmədiyimiz zavod çörəklərinin tərkibində süni şəkərə rast gəlmək mümkündür. Azərbaycanlı ailələrin əsas səhər qidasının təşkilində də şəkər tozuna (şirinçayda) geniş yer verilir ki, bu da nəyə görə yurdum insanının əksəriyyətinin 70 yaşa çata bilmədiklərinin əsas göstəricisidir. Ətrafımızda əlində cips, şoklat və meyvə suyu qutuları olan körpələr görmək mümkündür, "uşaqlarınızı zəhərləməyin, cahil insanlar!" Deyə bağırmağım gəlir bu hallarda. Amma nə edim ki, o uşaqlar da o cahillərin şəxsi mülki kimi birşeydir, əl məhkum, sadəcə izləməklə kifayətlənirəm..

#282314 şikayət

toy

5 əjdaha! 03.03.2019 15:21, lağlağı

(bax: cənazə mərasimi)
Eyni anlayışın fərqli yansıması.
Birincidə ölən şəxsin dəfni üçün yığışırlar, digərində sağ insanların arzularının, xəyallarının dəfni üçün.

Edit:
Bundan öz məqsədləri üçün istifadə edib *toybiznes* adlı zada girişənlər də var. Özümün də illər əvvəl (2010) iş gücümü atıb o boyda yolu gəldiyim bir toy var idi, başqası ilə nişanlı qızı qaçırıb toy mərasimi keçirdiblər, toyun gecəsi oğlanın ailəsi oğlanı qıza yaxınlaşmağa qoymayıb və rayona nənəsinin evinə göndəriblər. 1 həftə sonra isə qızı ata evinə geri göndəriblər. Yəni, belə tipdə də insanlar da var. Haram haram xoşları olsun, saldığım pul yox, o qədər yolu boşuna gəlməyim yandırdı məni, ətağa.

#283996 şikayət

hər şeyi atıb getmək istəyi

3 əjdaha! 15.08.2018 00:47, lağlağı

mənim üçün həddini aşmış darıxma hissinin gətirdiyi istək. üstəlik, bu darıxmanın səbəbini də tam anlamış deyiləm. uzun zaman idiki, işlərimi sahmana salıb bir neçə aylıq ailəmin yanına gəlmək üçün gecəmi gündüzümə qatırdım. amma indi yenidən qayıtmaq üçün bəhanə axtarıram. çox yorur məni insanlarla ünsiyyət. yenə də öz evimə qapanıb işlərimlə məşğul olmaq, bacardığım qədər az insan üzü görüb az sual cavablamaq üçün hər şeyi atıb getmək istəyirəm.

#276509 şikayət

ən bəyənilən sözlük nikləri

3 əjdaha! 06.08.2018 13:37, lağlağı

(bax: aristokrat gijdıllag) -*

#275918 şikayət

uşaqlığı xatırladan şeylər

3 əjdaha! 03.08.2018 00:59, lağlağı

baş rolunu ofeliya sənaninin ifa etdiyi *mücrü* qısametrajlı bədii televiziya filmi.

həftə içi hər gün axşam saat 8 də aztv də gözümün kökü sarala sarala gözlədiyim ovçu pirim ya da savalan babanın söhbəti ilə başlayıb cizgi filmlə bitən yarım saatlıq uşaq verilişi. ne günlerdi bee... bir neçə il sonra krosnu aparatı dəbə düşdü, vəfasızlıq etdik aztvnin o mənasız uşaq verilişinə.

#275651 şikayət

müasir amerikanların dünya görüşünün olmaması

3 əjdaha! 03.08.2018 21:34, lağlağı

çox axmaq fikirdi, ətağa.
amerika vətəndaşlarının hər birisinin professor olacağı fikri sizə hardan gəlir bilmirəm, amma onu deyə bilərəm ki, hər bir ölkənin, hər bir millətin, hər bir cəmiyyətin tərkibində həm savadlı, həm savadsız, həm dünya görüşü olan, həm də dünyaya başqa yeri ilə baxan insanlar mövcuddur. hər kəsin eyni dərəcəyə, eyni mədəniyyətə sahib olmaq kimi bir şansı, bir hökümlülüyü yoxdu. çünki artıq qəbilə şəklində deyil fərdi şəkildə davam etdiririk həyatımızı. şəxsən mən elə əcnəbi tanıyıram ki, heç bir ali təhsili olmadan dünyanı mənə coğrafiyadan dərs demiş müəllimlərdən daha yaxşı tanıyır. çünkü, adam özünü yetgin hiss etdiyi gündən azaddır. istədiyi kimi işləyir, istədiyi məbləğə çatdıqdan sonra ömrünü valideyin basqısına, arvad uşağa deyil, dünyanı gəzməyə sərf edir. yeni yerlər görüb, yeni insanlar tanıyır. əksər amerikalıların həyatı da aşağı yuxarı belədir. sadəcə kiçik bir qism var - necə ki azərbaycanın görünmək, bilinmək istənməyən tərəfləri kimi onlar da mədəniyyətdən kənarda, hüquqlarından məhrum olaraq yaşayır. əksəriyyəti narkotik zibilinə düçar olur, bəziləri maddi problemlər və təhsilsizlikdən fahişəliyə üz tutur. bu həmişə belə olub, hər zaman da belə olacaq. deməyim o ki, bir tək amerika deyil, dünyanın bir çox cəmiyyətində bu problemlər vardır və bu da o cəmiyyətin bütün üzvlərinə aid edilməməlidir. fikirlərinizi də nəyə istinadən bəyan edirsinizsə, çalışın o istinad divarınız sağlam olsun. bu entryləri də yazanda bir az məntiqinizi işə salın, xahiş edirəm. yorulduq daha eyni tipli yazıları oxumaqdan.

#275678 şikayət

you touch my tralala

3 əjdaha! 17.09.2018 11:48, lağlağı

sözlükdəki 800.000 ci nikinə uğurla həyat vermiş müasir azərbaycan ədəbişunas və əbədişunas yazıçısı. uğurla davam edərkən, səbirsizliklə umbay olacağını gözləyirik.

p.s & xahiş :
loser tipləməsinnən sonra umbay olacağını gözləyirik.

#278041 şikayət

türklərin sevilməyən cəhətləri

+7 əjdaha

(baxma: say say bitmez, arkadaş! )

ilk əvvəl onu deyim ki, univerisiteti bitirdikdən sonrakı süründürməçiliyim məni bu ölkədə iş axtarmağa vadar etmişdi. burdakılar cv-də təcrübə axtararkən, orda istedadıma görə iş tapdım. ilk getdiyim vaxtlar çox sevinirdim əlbətdəki. 22 yaşlı ərgən mən, burdakından qat qat yüksək məvacib, yavaş yavaş üzümə qapılarını açan lüks həyat, qızlar, falan filan. amma gəl gələlim ki, bu məmləkətdə tandığım ən az hər 5 nəfərdən 3 ü kalleş çıxdı, qardaş. yavaş yavaş diksinməyə başlayırdım ki, aşırı dinçilik və buna ziddiyət təşkil edən ensest vakaları məni tamamilə soyutdu bu millətdən. ümumiləşdirmə xüsusiyyətinə nifrət etsəm də, bu bir gerçəkdir ki, nə qədər sovet rejimindən çıxmış azəribaycanlılara geridəqalmış nəzəri ilə baxsalar da o sovet rejiminin bizə gətirdiyi mədəniyyətin 1/10 ni görmədim mən bu xalqda. çox az qismi həqiqətən insanpərvər və güvənilirdi. elə insanlar tanıdım ki evimə misafir gəldikləri zaman belimdə mətbəx bıçağı ilə oturub dururdum, özünüz düşünün artıq.

7 əjdaha! 05.08.2018 02:20, lağlağı

#275771 şikayət

darıxmaq

+3 əjdaha

ürəyindəki boşluğun heç vaxt dolmayacağını bilməkdir, hisslərinin bir mənasının qalmadığını anlamaqdır. nəfəsi ilə hüzuru tapdığın insanın yoxluğuna boyun əyməkdir. bir cüt yaşıl gözə, bu günündən xəbərsiz gülümsəyən dodaqlara həsrətlə sadəcə şəkillərdən baxmaqdır. onun yox oluşu ilə yox etdiyin telefonu uzun müddət sonra yenidən hər əlinə aldığında ona zəng edə bilmədiyinçün özünü çarəsiz hiss etməkdir. yox olmağı arzulayacaq qədər ürəyinin yanmasıdır. üzünün gülməsi, içinin qan ağlamasıdır.

3 əjdaha! 10.08.2018 12:01, lağlağı

#276243 şikayət

azərbaycanlı qızların 90%-nin siyasətdən başı çıxmaması

4 əjdaha! 01.09.2018 09:36, lağlağı

pəh...
ha ha ha güləyim bari...
ala qadın dediyin siyasətin allahını yazır, siz başıboşlar da burda nəyi müzakirə edirsiniz. broo, siyasət qadınların təbiətində var. onlar görüb görə biləcəyiniz ən mükəmməl politik zəkaya sahib canlılardır. atdıqları hər addımları dəqiqliklə hesablayacaq qədər həm də. elə buna görədir ki, ölkə əhalisinin 51% ni təşkil edən kişilərin 80% inin boğazında arvad kəmsiyi var. siz xaricdən evli bir kişini dominant, ciddi, ağlı başında görə bilərsiniz, lakin, o kişi çoxdan ruhunu, ağlını, ciddiyətini və dominantlığını arvadına təslim etmişdir. bu köpəyoğlu atalar boşuna deməyib ki, hər bacarıqlı kişinin ardında onu bacarıqlı idarə edən bir qadın dayanır. ola bilər ki, siz qadınların 90% ni dövlət siyasətindən bixəbər olduğunu nəzərdə tutursunuz, amma unutmamaq lazımdır ki, tarixin gördüyü ən qüdrətli imperatorları idarə edən ən böyük qüvvədir qadın. qadınların siyasətini anlayan kişi cinsinin çox az nümayəndələri var ki, onlar da evrim geçirmiş canlılar siyahısına daxil edilərək qırmızı kitaba düşmək üzrədir.

#277431 şikayət

azərbaycanlı qızlar

3 əjdaha! 30.12.2018 01:31, lağlağı

Son zamanlar tanıdığım bir neçə tipdən sonra, haqqlarında fikirlərimi qəti sürətdə dəyişdirdiyim qızlar. Məsələn, Şərti ad olaraq A adlandırdığım bir qadın, illər öncə ailə qurub, 3 övladı və 28 yaşı var. Və tanıdığım qədəri ilə tipik bir azərbaycanlı "kişi"si ilə evlidir. Amma və lakin, qadının düşüncələri, fikirləri o qədər mükəmməl və dolğundur ki, onun təhsilsiz, evdar bir qadın olduğu gerçəyi rəsmən qoyur insana. Abi, belə qadınlar nə üçün gənc yaşda ər qurbanı olurlar axı?! Səbəb nənə dədələrdən qalma cındır, köhnə küləcə, cahil, insanları bədbəxt etməkdən başqa heç bir p*xa yaramayan mental pişpişədir. Ki, onun yerləşdiyi beyinləri yuyub təmizə çıxaracaq heç bir kimyəvi tərkib hələ kəşf olunmayıb, təəssüf. Bizim cəmiyyətimizdə qadın da işçi qüvvədir, bəli! Lakin yenə və yenə də onun yeri mətbəxdir, hamam tualet tənizləmək, paltar ütüləmək, uşaq doğmaq və haqqını müdafiə edərkən ər qapazı yeməkdir. Çünki atalarımız biz kişiləri kişi kimi yox avaran ayısı kimi yetişdirir. O yazıq, bədbəxt tükəzbanlar da nə qədər intellekt və iq səviyyəsi yüksək olsa da evdarlıqla cəzalandırılaraq itib batır. Nəticədə uduzan da o qadından çox, onu bədbəxtliyə məhkum edən cəmiyyət və onun haqqlarını doğru düzgün qoruya bilməyən dövlət olur. indi oturub burdan demək asandır ki "qorxaqdırlar, beyinsizdilər, niyə baş qaldırmırlar, hadı gəldi, bıdı getdi". bir də özünüzü qoyun o ətrafınızda və ya evinizdə dustaq olan çarəsizlərin, binəvaların yerinə.

P.s. (unudulan əlavə) -*
Belə bir cəmiyyətdə doğulmağa məcbur olduğu üçün "bədbəxt" cins adlandırdığım, nə vaxtsa, bu yerlərdə oğlan uşaqlarının normal (vicdanlı) təlim tərbiyyə alacağına inanmadığım üçün də elə "bədbəxt" olaraq qalacaq varlıqlar...

#280831 şikayət

payız gəldi

+3 əjdaha

*emin sabitoğlu* bəstələrindən birisi. sözləri *fikrət qoca*ya aiddir. payızı və sevdiyi üçün duyulan həsrəti tərənnüm edən bu şanson musiqi *bağlı qapı* kino filminin soundtrackidir. heyif ki, çox bir məlumatım yoxdu. ümumiyyətlə, bu musiqi haqqında daha dolğun məlumat tapmaq olmur niyəsə.

--spoiler--

gözlərim hər axşam axtarır səni,
ürəyim yollardan qayıtmır evə,
sənsiz dalğalar da tanımır məni,
neyləyim ürəyim heç yatmır evə.

payız gəldi, uçdu getdi quşlar,
sən də getdin, bax yağdı yağışlar.
payız gəldi, uçdu getdi quşlar,
sən də getdin, bax yağdı yağışlar.
payız gəldi, qərib oldu dəniz,
bu dənizin gözü yaşlı sənsiz.
bu dənizin gözü yaşlı sənsiz.

küçələr, döngələr izindən qalır,
yarpaq pıçıltısı sənin səsindi,
işıqlar zil qara gözündən qalır,
bu şirin xatirə mənim bəsimdi.

payız gəldi, uçdu getdi quşlar,
sən də getdin, bax yağdı yağışlar.
payız gəldi, uçdu getdi quşlar,
sən də getdin, bax yağdı yağışlar.
payız gəldi, qərib oldu dəniz,
bu dənizin gözü yaşlı sənsiz.
bu dənizin gözü yaşlı sənsiz.

özümü aldadıb hər axşam-səhər,
elə bu havanı oxuyuram mən,
vallah səndən ötrü çox darıxmışam,
başqa nə gəlir ki axı əlimdən?

payız gəldi, uçdu getdi quşlar,
sən də getdin, bax yağdı yağışlar.
payız gəldi, uçdu getdi quşlar,
sən də getdin, bax yağdı yağışlar.
payız gəldi, qərib oldu dəniz,
bu dənizin gözü yaşlı sənsiz.
bu dənizin gözü yaşlı sənsiz.

dostlarım bilirlər nələr çəkirəm,
hər axşam könlümü alırlar mənim,
hər dəfə qapımı döyən zaman qəm,
dostlarım həmdəmim olurlar mənim.
payız gəldi, uçdu getdi quşlar,
sən də getdin, bax yağdı yağışlar.

payız gəldi, uçdu getdi quşlar,
sən də getdin, bax yağdı yağışlar.
payız gəldi, qərib oldu dəniz,
bu dənizin gözü yaşlı sənsiz.
bu dənizin gözü yaşlı sənsiz..

--spoiler--

--spoiler--

2 əjdaha! 24.09.2018 01:25, lağlağı

#278196 şikayət

ispan qızları