1945-ci ildə pionerlər amerikanın (gbax: ssri)-dəki səfirinə (u: Averell Harriman) (gbax: abş)ın gerbi formasında böyük taxta möhür hədiyyə eliyiblər. bu (gbax: umbay) da götürüb öz kabinetində divardan asıb onu.
1952-ci ildə ortaya çıxıb ki, sən demə (gbax: kgb) bu möhürün içinə mikrofon yerləşdirib, altı ildi səfirliyin yanında dayanan furqonda agentlər bu yetimi dinləyirmiş. (u: birinci dəfə eşidəndə babat gülmüşdüm)
https://i.imgur.com/qR52M50.png
https://i.imgur.com/FtfUDRW.jpg [1]
Digər baxışlar
çoxcreativadsahibisözaltısözlükçü
karánşebeş (şebeş) müharibəsi, 17 sentyabr 1788 axşamı osmanlı qüvvətlərini axtaran avstriya əsas birlikləri arasında olur. demək olar 100.000 nəfərlik avstriya qüvvətləri osmanlılarla müharibə etmək üçün karánsebes qəsəbəsi (indiki rumıniyada caransebeş) yaxınlarında kamp qurur.
hussar birliyi (yüngül süvari birliyi) kəşf üçün timiş çayının qarşı tərəfinə keçər, osmanlılardan heç bir iz tapmaz. hussar birliyinin yolda qarşılaşdığı çiqan konvoyu qalib avstriya əsgərlərinə özlərindən schnapps (likör, bir növ cin) almalarını təklif edər. təklifdən razı qalan hussarlar içki çəlləyini alırlar. sonradan çayı keçən bir başqa avstriya piyada qolu, hussarların bu içki partisinə qatılmaq istəyir. lakin hussarlar içki çəlləklərini piyadalarla paylaşmaq istəməz. içki çəlləklərinin ətrafını əhatə edib qoruma altına alır, münaqişə davam edərkən bir əsgər atəş açır. beləliklə hussarlar və piyadalar arasında çatışma başlayır.
çatışma vaxtı bəzı piyadalar, hussarları qorxutmaq üçün turciii! turciii! deyə qışqırır.(rumınca: türkləəər!). bunu eşidən hussarlar türklər gəldi düşünüb qaçar, hussarların qaçdığını görən piyadalarda qaçışmağa başlayır(u: köylüdən qorxublar). çünki avstriya ordusu lombardlı italyanlardan, balkan slavlarından, avstriyalılardan və fərqli etniklərdən ibarət karma bir ordu idi. bu səbəblə əsgərlər bir-birlərini anlamaqda çətinlik çəkir. vəziyyəti düzəltməyə çalışan avstriyalı zabitlər halt ! (almanca:durun!) halt ! (durun!) deyə bağırır, amma almanca bilməyən əsgərlər bu sözləri allah ! allah ! deyə anlayınca işlər daha pisləşir. süvarilərin kampa doğru sürətlə gəldiyini görən bir birlik komandiri, osmanlı yeniçərilərinin hücumuna qarşı durduqlarını düşünüb,topçulara atəş əmri verir. bu vaxt, çatışma səsini eşidən əsgərlər nə olduğunu başa düşmədən qaçar. birliklər hər gördüyü kölgəni türk zənn edib vurmağa başlayır, əslində vurduqları öz əsgərləridir. bu qırğın səbəbi ilə bütün ordu geri çəkilir, imperator ii. joseph atını kiçik bir çaya sürərkən atdan düşüb zədələnir.
iki gün sonra hadisə yerinə çatan osmanlı ordusu 10.000 qədər ölü və yaralı ilə qarşılaşır və karanşebeş şəhərini rahatca tutur. (u: glş) (u: lomduyə bınnar) [2]
tahirson
yüz gül kampaniyası (hundred flowers campaign). 1956-da çinin kommunist partiyası elan edir ki, ölkə vətəndaşları öz narazılıqlarını rahatlıqla ifadə edə bilərlər. cammat başlayır demokratik fikirlər yürütməyə, açılışırlar. lakin bu mühit cəmi bir il çəkir və 1957-də rejimin ideologiyasına qarşı çıxanların təqibləri başlanılır. minlərlə insan islah düşərgələrinə göndərilir. bəziləri öldürülür. mao zedong bu barədə belə qeyd edib: “bu kampaniya ilə biz ilanları yuvalarından çıxartdıq.” [3]
arabist
1959- cu ildə (gbax: kuba)dakı inqilabda (gbax: fidel castro)nun möhkəmlənməsi və yeni yaranmış sosialist ölkənin (gbax: soyuq müharibə) fonunda (gbax: ssri) rəhbəri (gbax: nikita xruşşov)la əla gedən diplomatik danışıqları (gbax: john kennedy) amerikasını narahat etməyə bilməzdi.
kennedi artıq iki il idi ki, kuba ordusunu minimum itki verməklə qəfil zərərsizləşdirməyin planlarını qururdu.
nəhayət 1961- ci il aprel ayının 19- unda qəfil hücum planının reallaşdırılmasına qərar verildi.
plan sadə idi. amerika quru qoşunları olan "2506- cı briqada" kubaya çatar- çatmaz 6 ədəd "b 26" döyüş təyyarələri də orada olmalı idilər.
briqada kubaya çatdısa da, (gbax: nikaraqua)dan kubaya uçmalı olan (gbax: amerika hərbi hava qüvvələri) nikaraquanın kubadan 1 saat geri olduğunu unutdu.
nəticədə briqadanı elə bu bir saatın içində mütəşəkkil inqilab ordusu nəyi var qamçıladı. :)
içlərində sözlük yazarlarının çox sevdiyi (gbax: che guevera)nın da olduğu kuba ordusunun mütləq qələbəsi kennedy- nin planını bu xırda saat fərqi səbəbi ilə iflasa uğratdı.
sağ qalan amerikanların aqibəti isə, kuba zindanları olmuşdu təbii. [4]
arabist
1989- cu ildə (gbax: soyuq müharibə)nin qürub çağı deyə biləcəyimiz bir dövrdə şərqi almaniya kimi tanınan (gbax: almaniya demokratik respublikası)nda camaat təkpartiyalı sistemdən zara gəlmişdi. təxminən 13 000 şərqi (gbax: berlin) sakini ölümü gözə alaraq (gbax: çexoslovakiya) yolu ilə ölkədən qaçmış, berlində qalanlar isə, (gbax: berlin divarı)nın o tərəfinə- qərbi almaniyaya keçmək istəyirdi.
camaatın hirsinin soyumadığını görən şərqdəki (gbax: sosialist partiya) islahat keçirməyə məcbur qaldı.
islahatda (gbax: şərqi berlin) sakinlərinin viza ilə (gbax: qərbi berlin)ə keçə bilməsi də yer almışdı.
noyabr ayının 9- unda bu islahatları oxumaq üçün və (gbax: mətbuat konfransı) üçün sosialist partiya spikeri (gbax: gunther schabowski) canlı yayıma çıxdı.
saat 19:00 radələrində qərbi almaniyanın da radiolarında canlı olaraq yayımlanan konfransda schabowski sərhədləri keçməyin mümkünlüyünü bəyan etdi.
bir italyan müxbir bu islahatların nə zaman həyata keçiriləcəyini soruşanda gunther əlindəki kağızı qurdalayıb konkret zaman tapa bilmədiyindən "elə indi" dedi.
bu söz berlinin hər iki tərəfində (gbax: rezonans) yaratdı və hamı "berlin divarı sökülür" deyə şəhərin küçələrinə axışdı.
sərhəd işçiləri çaş- baş qalıb nə edəcəklərini bilməzkən izdiham divar baryerlərindən birini gecə yarı qırdı.
əslində islahatların 10 noyabr 1989- cu ildən tətbiqi kağızın bir yerində var idisə də, bu schabowskinin gözündən qaçmışdı.
bu yanlış anlaşılma divarın sökülməsinə təkan verdi və almaniyanın 3 oktyabr 1990- cı ildə tam birləşməsinə zəmin yaratdı.
yeri gəlmişkən:
şərqi berlindən qərbə qaçanların içində (gbax: angela merkel) də vardı.
2015- ci il noyabr ayının 1- ində 86 yaşlı gunther vəfat etdi. [5]
log
il: 1879
yer: afrika
döyüşənlər: ingilislər və zulular
zulu şefi sirayonun arvadı umhlana, evi tərk eliyir və ingilislərə sığınır. zulular, sərhəddi keçib qadını qaçırıb öldürüdüyü vaxt ingilislər, zululara sırf buna görə müharibə başladır.
nəticə: zulu kralı əsir alınır və minlərlə insan öldürülür
il: 1325
yer: italiya
döyüşənlər: bologna və modena
modenalı əsgərlər, bolognaya girirlər və palıddan düzəldilmiş vedrəni oğurlayırlar. bologna xalqı ayaqlanır və qeyrətlərinin getdiyini düşünürlər vedrəni geri istəyirlər. vedrə qaytarılmadı deyə müharibə başlayır.
nəticə: müharibə 7 il davam edir və sonda modena müharibəni qazanır. həmin vedrə [6]
Apollo
(gbax: sovet-fin müharibəsi)ndə finlərin itirdiyi 70 000 əsgərə qarşılıq olaraq, marşal (gbax: kliment voroşilov)un komandanlıq etdiyi (gbax: qırmızı ordu)nun 320 000 əsgər itki verməsinin səbəbini (gbax: stalin) əsəbi halda voroşilovdan soruşarkən, voroşilovun ona acıqlı olaraq, qızıl ordunun bütün bacarıqlı generallarını "(gbax: böyük terror)" zamanı məhv etdiyini söylədikdən sonra, stalinin marşal voroşilovu mədəniyyət komissarlığının rəhbər müavini təyin etməsi.
voroşilov dünya tarixində mədəniyyət naziri olmuş yeganə hərbçidir, özü də marşal (u: bildiyim qədərilə) :) (u: mənə elə gəlir heç bir hərbçinin qüruru bundan daha artıq alçaldıla bilməzdi)
qeyd.
baş verən əhvalat tarixçilərə (gbax: nikita xruşşovun xatirələrindən məlumdur.)
mənbə.
https://en.wikipedia.org/wiki/Kliment_Voroshilov [7]
lənətə gəlmiş zənci
Sovet imperiyasında 1930-cu ildən başlayaraq müharibədə itlərdən ibarət "anti-tank" qüvvələrinə təlim keçməyə başlanılıb, 1935-1939-cu illərdə üzərlərinə tank əleyhinə bomba bağlanmış itlər təlimlərdən uğurla keçdikləri üçün ikinci dünya müharibəsində də sovet ordusu həmin "anti tank" qüvvələrindən istifadə etmək qərarına gəlib. Amma kiçik bir problem var idi. Həmin itlərə dizellə işləyən tanklara qarşı təlim keçilmişdi, alman tankları benzinlə işlədiyinə görə də benzin iyini alan itlərin əksəriyyəti geriyə-sovet tanklarına tərəf qaçmış, bir qismi öz tanklarını partlatmış, bir qismi isə sovet əsgərləri tərəfindən yolda vurularaq öldürülmüşdür.
Bir növ friendly fire açıq qalıb. [8]
jack frost
Nə qədər gülməli səslənsə də, 1932-ci ildə avstraliyada emularla avstraliya ordusu arasında baş vermiş və nəticədə avstraliya qalib gələ bilməmişdir.
Deməli 1-ci dünya müharibəsinin ardından avstraliya höküməti müharibə veteranlarına torpaq sahələri ayırır ki, əkin biçinlə məşğul olsunlar, birtəhər iqtisadi böhrandan çıxsınlar. Söz verilən subsidiyalar və s. Onsuz da vaxtında verilmir, məhsulu istədikləri şəkildə yığa bilmirlər, buğda qiymətləri aşağı düşür, üstəlik cütləşmə sezonunun ardından materikin daha içlərinə doğru köç edən 20,000 civarında emu yetim fermerləri olan qalan məhsuluna da ziyan verməyə başlayıblar. Üstəlik çəpərlərdə açdıqları deşiklərdən keçən dovşanlar da əlavə ziyanxorluqla ediblər. Axırı fermerlər yalvar yaxar birtəhər dönəmin müdafiə nazirini razı salıblar ki, emuları öldürməkdə onlara yardımçı olsunlar. Nazirin bircə şərti olur ki, silahlar hərbiçilər tərəfindən istifadə olunmalıdır.
Nəticədə bir mayor, bir neçə əsgər, lewis pulemyotları və 10000 güllə ilə döyüş meydanına yollanıb. Daha gülməlisi bundan sonra başlayır. əvvəlcə ağır yağışa görə təxirə salınan əməliyyat, daha sonra lewis pulemyotlarının atış məsafəsinin kifayət qədər olmamasına, quşların çox dağınıq olmasına görə çox az sayıda emu öldürülə bilir. Bir neçə gün sonra hardasa 1000-ə yaxın emunun bir yerə cəmləşmiş olduğunu öyrənib ora gedirlər, gizlənib emuların atış məsafəsinə yaxınlaşmasını gözləyirlər, quşlar kifayət qədər yaxında olduqda isə bu dəfə də silahlar ilişir və cəmi 12 quş öldürə bilirlər. Bundan sonra dahi mayorun ağlına pulemyotu pick-upın arxasına bərkitmək gəlir ki, guya hərəkətdə daha çox quş öldürəcəklər. ərazi o qədər nahamar olur ki, əsgər hətta bir güllə bilə ata bilmir. 6 günün sonunda 2500 güllə istifadə olunmuş, bir mənbəyə görə cəmi 50, başqa bir mənbəyə görə 200-500 arası emunun qətlə yetirildiyi deyilir. Bu qədər mallıqla 50 rəqəmi mənə daha inandırıcı gəlir.
Ornitoloq Dominic Serventy də bu qısa müharibənin ardından ordu ilə babat məzələnib: “Emu komandanlığı açıq şəkildə partizan taktikaları ilə idarə olunurdu və böyük ordu qısa müddətdə azsaylı kiçik qruplara bölünərək mübarizə apardı ki, bu da bizim hərbi texnikamızın səmərəli istifadəsinin qarşısını aldı. Dağılmış ordu bir Aydan sonar geri çəkilməyə məcbur oldu.
Mubaribədən qayıdandan sonar Umbay mayor özü isə emuların döyüş meydanında göstərdiyi şücaətə heyran qaldığını gizlədə bilməyib və deyib ki, onlar pulemyotlara qarşı tanklar kimi gəlirdilər.
Bir neçə gündən sonra, yenindən daha yaxşı pulemyotçularla qayıdan ordu, daha çox emunu öldürməyə nail olur. Hətta bir gündə 9,860 güllə ilə 986 emu öldürdüklərini iddia edirlər. bu da bir emuya 10 güllə deməkdir. Hardan baxsan yenə umbayca hərəkət. Bundan sonra da illər ərzində bu problem davam edib ta ki, hündür və emular üçün keçiləz səddlər çəkilənə qədər. Bu heyvanlara qarşı onsuz da simpatiyam var idi. Bu söhbəti birinci dəfə oxuduqdan sonar o boyda milləti şeyinə sarıdığı üçün daha da sevdim. [9]
jack frost
Bir neçəsini də futbol tarixindən yazım.
1. 1995-ci ildə Blackburn Rovers sahibinin zidanı almaq şansı varkən "Zidanı neynirik bizim Sherwoodumuz var" transferdən imtina etməsi.
2. Carlos Kaiser adlı brazilyalı qardaşın klubları şeyinə sarıyıb 10 illik karyerası ərzində bir oyuna belə çıxmadan flamengo, fluminense, vasco de gama da daxil llmaqla 9 ayrı klubla kontrakt imzalamış olması. Adamın ən ləzət eliyən söhbəti futbolçu olmaq istəyirəm, amma futbol oynamaq istəmirəmdi. Deməli bu məhşur futbolçularla dostlaşıb, özünə babat network qurub, jurnalistlərlə dostlaşıb özü haqqında yalançı xəbərlər hazırladıb, komanda ilə müqavilə bağladıqdan sonra fiziki idmanlarda bomba kimi iştirak edib, toplu məşqlər gələndə isə müxtəlif zəde bəhanələri gətirərək oynamaqdan yayınıb. Açın oxuyun möhtəşəm insandır.
3. Ali dianın bir oyunluq southamptonda oybaması. Bu vəhşi də dostunun başın bişirib, tarixdə ilin ən yazşı oyunçusu adını qazanmış george weah adı ilə graham sounnese zəng vurdurub, dedizdirib ki, bəs bu ali dia mənim qohumumdu, bomba oyunçudur, al bunu, sonra gəlib məni öpərsən. Bu mallar da inanıb alıblar. Cəmi bir oyunda bir neçə dəqiqəlik oyunda qala bilib, oyuna girən kimi pox olduğunu anlayıb çıxarıblar. Le tissier bunun barədə danışanda deyib ki, buz üstündə gəzən bambiyə baxmaq kimiydi, gözümdən qan gəldi". Za to soxub bulara babat adam.
4. Italiyanın 1968 avropa çempionatı finalına püşkatma nəticəsində çıxması. O vaxt hələ penal söhbəti olmadığına görə, ekstraları da 0-0 bitən matçın sonunda ssri püşkatmada uduzan tərəf olur.
5. Canisarezin 2002 dünya çempionatını ayağına balaca bir butılka salıb tendonunu zədələdiyinə görə qatıla bilməməsi
6. Milanın çempionlar liqasını ilk hissəni 3-0 öndə bitirməsinə rəğmən liverpoola uduzması.
7. 2006 dünya çempionatında referi Graham Poll-un Avstraliya xorvatiya oyununda simuniçə 3 sarı kart göstərməsi.
8. 1930 dünya çempionatında argentina urugvay oyununda məşqçinin beyni çönür cumur hakimin üstünə ki spor eləsin, əlindəki çantadan açılıb tökülən Xloroformdan ürəyi gedib yıxılır.
9. Luciano Re Cecconinin zarafat ucbatından öldürülməsi. Laziolu yarımmüdafiəçi bir zərgərlik dükanına zarafat üçün girib qışqırıb ki, əllər yuxarı bu bir oğurluqdur. Mağaza sahibi də çıxarıb gülləni qoyub lobundan ki ala zarafat blet. [10]
zazoza
Çin x.c. Lideri mao zedongun böyük və güclü kənd təsərrüfatına dayanan bir cəmiyyət yaratmaq istəyi olur. Sonra mao ya xəbər çatırki sərçələr sahələrdəki əkinlər ilə qidalanır buna görədə məhsuldarlıq gözlənəndən aşağı olur hər il. Belə birşeyi eşidən hər avtokrat lider kimi oda absürt fantastik bir fikir deyir. Gəlin bütün ölkə birləşib sərçələri öldürək hətta bunun qarşılığında mükafat və s. qoyurlar Bütün işçilər-əsgərlər örgütlənir mao nun istəyi ilə və tüfənglərlə - sapanlarla - daşlarla qısaca kimin nəyə gücü çattı başlayırlar sərçələri öldürməyə. Buna görə ölkənin həryerində çoxlu propaqanda edirlər və broşurlarda yapıştırırlar həryerə paylayırlar və s. Axırda məlum olurki sərçələr əkin sahələrindəki zərərli həşəratları yediyi üçün tam tərsinə daha çox xeyir verirmiş. Sərçələrinin nəslinin kəsilməsi sahələrdə zərərli həşəratların çoxalıb əkinlərin zibilə dönməsinə səbəb olur rəsmi rəqəmlər olmasada 3il dəvam edən qıtlığa səbəb olur 100minlərlə insan həyatını itirməli olur.
Mao tsedun Çin xalq cümhuriyyəti
günel
1998-ci ildə bir fransız bəsit formada intihar etmək yerinə, mürəkkəb və yardıcı üsula əl atır. dəniz sahilində yüksək bir uçurumun başına çıxıb boynuna ip keçirir, ipi də bir qayaya bağlayır. ardından zəhər içir və özünü yandırır. amma yenə də dayanmır, uçurumdan tullanarkən özünü tapança ilə başından vurur! aa, o da nədir?! güllə ondan yan keçir və kəndiri kəsir, nəticədə adam dənizə düşəndə qayadan asılı qalmır və boğulmaq planı da "suya düşür". soyuq su yanan paltarını nəinki söndürür, üstünə üstlük həm də adamı şoka salır və adam udduğu zəhəri qusur. bir balıqçı tərəfindən sudan çıxarılaraq xəstəxanaya aparılan adam (gbax: hipotermiya) səbəbindən xəstəxanada ən ali arzusuna qovuşur və canını tapşırır. [12]
İstinadlar
- əjdər əmi. «tarixin ən böyük umbaylamaları». Sözaltı sözlük, 28.11.2013. soz6.com
- çoxcreativadsahibisözaltısözlükçü. «tarixin ən böyük umbaylamaları». Sözaltı sözlük, 09.06.2014. soz6.com
- tahirson. «tarixin ən böyük umbaylamaları». Sözaltı sözlük, 20.06.2014. soz6.com
- arabist. «tarixin ən böyük umbaylamaları». Sözaltı sözlük, 13.03.2016. soz6.com
- arabist. «tarixin ən böyük umbaylamaları». Sözaltı sözlük, 13.03.2016. soz6.com
- log. «tarixin ən böyük umbaylamaları». Sözaltı sözlük, 23.03.2016. soz6.com
- Apollo. «tarixin ən böyük umbaylamaları». Sözaltı sözlük, 21.06.2020. soz6.com
- lənətə gəlmiş zənci. «tarixin ən böyük umbaylamaları». Sözaltı sözlük, 02.11.2020. soz6.com
- jack frost. «tarixin ən böyük umbaylamaları». Sözaltı sözlük, 12.04.2021. soz6.com
- jack frost. «tarixin ən böyük umbaylamaları». Sözaltı sözlük, 16.04.2021. soz6.com
- zazoza. «tarixin ən böyük umbaylamaları». Sözaltı sözlük, 29.04.2021. soz6.com
- günel. «tarixin ən böyük umbaylamaları». Sözaltı sözlük, 31.08.2021. soz6.com