26. Əslində maraqlı və şərəfli peşə sayılsa da, Azərbaycanda mahiyyətcə tam tərsi olan, işləyərkən vicdanını kənara qoymağa məcbur edən peşə. Deməli, Azərbaycanda polis sistemi elə qurulub ki, bu peşəyə yiyələnən insan nə qədər vicdanlı olsa da, axır-əvvəl el arasında "it" kimi adlandırdığımız vəziyyətə gəlib çıxır.
Başdan ayağa rüşvət üstündə qurulan bu sistemdə adicə rütbə qalxarkən belə kiməsə şirinlik verməlisən. Onsuz işə girərkən verdiyin rüşvəti, eyni zamanda işdə vəzifən qaldırılarkən də verməlisən. Belə deyim, misalçün, daxili işlər nazirliyində işləyən baş leytenant 3 il sonra kapitan rütbəsini almalıdı. Lakin həmin şirinlik ünvana çatmayınca vəzifənin qaldırılması barədə təqdimat verilmir və cürbəcür bəhanə ilə bu proses yubadılır. Bu şirinlikləri isə sadəcə polis maaşı ilə vermək olmur. Ya ziyana işləməlisən, ya ərizəni yazıb çıxmalısan, ya da ki vətəndaşlardan rüşvət alıb "it" dediyimiz vəziyyətə gəlməlisən. Başqa cür bu vəzifədə işləmək mümkün deyil.
Hər vəzifəyə də ayrı qiymət qoyulub. Müstəntiqin öz qiyməti, tədqiqatçının öz qiyməti, əməliyyatçının isə öz qiyməti var.
Bunun hələ rəis qiyməti də var. Deməli polis rəisi təyin olunmaq üçün şirinliyin miqdarı əraziyə görə dəyişir. Bakıda, Sumqayıtda və Gəncədə bu qiymət ən yüksək həddədir. Bu vəzifəyə təyin olunmaq üçün isə yüzminlərlə şirinlik verməlisən. Sizcə bu qədər şirinlik verib rəis vəzifəsinə təyin olunan şəxs ayda 800 manata qane olar? Hər yeni təyinatda təzə rəis verdiyi şirinliyi çıxarmağa çalışır. Bunu isə polis vəzifələrini satmaqla, vətəndaşlardan külli miqdarda rüşvət almaqla edir.
Hələ elə rəislər var ki, polislərə verilən güzəştləri və təminatları belə özünə götürür. Bu yaxınlarda polis serjantı işləyən biri yaxınlaşmışdı. Rəisdən şikayət yazmaq istəyirdi. Dediyinə görə, rəis idarədə işləyən polislərə verilən təminatları, polis maşınlarına benzinin vurulması üçün verilən, hesabına mütəmadi olaraq pul yüklənən benzin kartlarını, həmçinin polislərə verilən maddi yardımları özünə götürür. idarənin adını çəkmək istəmirəm, amma həmin idarə işğalda olan rayonun polis idarəsi olduğuna görə, sözügedən idarənin ərazisi yox idi. Ərazisi olmadığına görə vətəndaş həmin idarəyə çox gəlib getmir. Buna görə rəis vəzifəyə təyin olunmaq üçün verdiyi pulu başqa yolla, idarədə işləyən polislərdən çıxardır.
Başqa sözlə desək, Azərbaycanda polis işləmək vicdanlı insanların görəcəyi bir iş deyil. Nə qədər vicdanlı olsan da, axır-əvvəl bu iş səni üzə durmağa, vətəndaşdan rüşvət almağa vadar edir. Çünki bu sistemin qayəsi rüşvətdi.
Bir tanışımın atası polis rəisi işləyirdi. Deməli, bu uşağın polisliyə hədsiz sevgisi var idi. Özü çalışdı, oxudu, lazımi balı da yığdı və polis akemiyasına sənəd verəndə atası qoymadı. Polis rəisi işləyən atası ona "nə işlə məşğul olursan ol, təki bu sistemə girmə, mən girmişəm, gördüyün kimi çıxa bilmirəm." demişdi. Həmişə də atası söz arasında "qəhbə qühbə ilə işləyirəm e bütün gün" deyirdi. Tanışımın atası bir qədər yaşlı biri idi. Hələ yadımdadır ki, bir gün onların ailəsində faciə deyə biləcəyimiz bir hadisə baş verdi. Həmin uşağın atası hadisə baş verəndə "elə elədiklərimin nəticəsidir ki, Allah qarşıma belə şeylər çıxarır." demişdi.
Bu peşədə işləyən, hüquqdan, polislikdən heçnə qanmayan, sadəcə pulun verib deyə işə qəbul olunan adamlar ayrı bir aləmdirlər. Bir dəfə bölməyə getmişdim. idarədə 7-8 nəfər toplaşıb bir protokol yaza bilmirdi. Hələ zəng vurub kimdənsə kömək istədilər, axır moment güclə protokolu ala-yarımçıq yazmağı bacardılar.
Hələ bir dəfə pul verib işə daxil olan bir müstəntiq oğurluq ilə bağlı cinayət işini yekunlaşdıra bilmirdi deyə zərərçəkmiş şəxsi çağırıb ona oğurlanan əşyanın əslində oğurlanmadığını və zərərçəkmiş şəxsin bu əşyanı itirdiyini ehtiva edən ərizə yazmasını tələb etmişdi. Zərərçəkmiş şəxs də bu tələbi rədd edəndə onu hədələmişdi. Çünki cinayət işi üzrə ittiham aktı qanunla müəyyənləşdirilmiş müddət ərzində yekunlaşmasa, bu, müstəntiqin səhlankarlığı kimi qiymətləndirilir və iş başqa müstəntiqə verilir.
Bir sözlə, vəzifəsi cəmiyyəti təhlükədən qorumaq olan bu şəxslər elə bir sistemdə yetişirlər ki, elə onların özü cəmiyyət üçün böyük bir təhlükəyə çevrilirlər.
22.qeyd. "7 iyun 2020 yasamal sakinlərinin zibil atmaqla polisə etirazı" hadisələrində polis əməkdaşları yaşayış yerinə daxil olmazdan əvvəl yerinə yetirməli olduğu vəzifələrinə aid tələblərin 2, 3, 4, 7-ci bəndlərini pozmuşdur. (ictimaiyyətə məlum olan qədərilə)
məhkəmə qərarı olmadıqda ancaq aşağıdakı hallarda mənzilə daxil ola bilən dövlət qulluqçusu.
Hakimin qərarı olmadan polis əməkdaşı yaşayış yerinə orada yaşayanların iradəsi ziddinə aşağıdakı əsaslardan birinin olması barədə dəqiq məlumatı olduğu halda bu Qanunun 25-ci maddəsində müəyyən edilmiş qaydada daxil olur:
1) şəxsiyyət və ya dövlət hakimiyyəti əleyhinə cinayətin törədilməsinə və ya həmin cinayətin törədilməsinə hazırlığın aparılmasına dəlalət edən əşya və ya sənədlərin yaşayış yerində gizlədilməsi;
2) şəxsiyyət və ya dövlət hakimiyyəti əleyhinə cinayəti hazırlayan, törədən, törətmiş, azadlıqdan məhrum etmə və ya həbs yerlərindən, yaxud mühafizə altından qaçmış şəxsin yaşayış yerində gizlənməsi;
3) yaşayış yerində insan meyitinin (meyit hissələrinin) olması;
4) yaşayış yerində insanın həyat və ya səhhəti üçün real təhlükənin olması;
5) cinayət törətmiş şəxsin bilavasitə “isti izlərlə” təqib edilməsi.
1) Bu Qanunun 24-cü maddəsinin I və II hissələrində göstərilmiş hallar və əsaslar olmadan yaşayış yerinə orada yaşayanların iradəsi ziddinə əsassız daxil olmamalıdır;
2 ) yaşayış yerinə daxil olmazdan əvvəl orada yaşayan və ya müvəqqəti qalan başqa şəxsə yaşayış yerinə daxilolmanın əsaslarını bildirməlidir;
3) yaşayış yerinə daxilolma ilə əlaqədar yaşayış yerində yaşayan şəxsə onun hüquqlarını, həmin şəxs yaşayış yerinə daxil olmağa icazə vermədikdə isə onun qanuna zidd hərəkət etdiyini izah etməlidir;
4) yaşayış yerinə orada yaşayanların iradəsi ziddinə daxilolma zamanı zəruri müdafiə və ya son zərurət halları istisna olmaqla, təhlükəsiz üsul və vasitələrdən istifadə etməli, yaşayış yerində olan şəxslərin şərəf və ləyaqətinə, həyatı və sağlamlığına, mülkiyyətinə hörmətlə yanaşmalı, zərurət olmadan zərər vurulmasına yol verməməlidir;
5) yaşayış yerinə orada yaşayanların iradəsi ziddinə daxilolma faktını Azərbaycan Respublikasının qanunları ilə müəyyənləşdirilmiş qaydada təxirəsalınmadan protokollaşdırmalı və müvafiq polis orqanında qeydiyyatdan keçirməlidir;
6) mənzilə orada yaşayanların iradəsi ziddinə hər bir daxilolma faktı barəsində 24 saat ərzində hakimə yazılı məlumat verməlidir;
7) yaşayış yerinə daxilolma ilə əlaqədar yaşayış yerində yaşayanların şəxsi və ailə həyatının ona məlum olmuş hallarını açıqlamamalıdır.
5. dövlətin göstərişləri əsasında dövlətin vətəndaşını, vətəndaşın insan haqqlarının qoruyucusudur.
açaq indi, yəni polis, dövlətin qoyduğu qanunlar əsasında davranan dövlətin qoruyucu orqanı-robotudur. dövlətin malının qoruyucusu, dövlətin malıda əsas olaraq insan olduğu üçün insanın qoruyucusu.
bu qayda belədir. ancaq, dövlət üçün insan haqqları onun əzilməsidirsə, söz azadlığının olmamasıdırsa polis yenə buna əməl edəcək. çünkü o dövlətə bağlı bir orqandır. bəzi qəhbə balaları aradaki fərqi ayıra bilmədən polis söymə üzərindən blat artırıb marjinal olur həmişə. təbii ki sadəcə azərbaycanda yox bütün dünyada var bu qəhbə balaları, sözlükdə itə tök var məsələn. deməli nəyi öyrəndik? polisə qarşı olmaq marjinalığa girişdə birinci əməl edilməsi lazım olan qaydalardandır. təsəvür edin sovet imperiyası tərəfdarı və ya amerika fanatiki olan pofiqistlər polissiz bir dünya istəyir, anarxizmi söyürlər. dövlətin olduğu yerdə polis olmasının lazım olduğunu bilmirlər. polissiz bir ölkə xaos və anarxiya üçün açıq meydan olduğunu bilmirlər. ümumiyətlə onlar heçnə bilmirlər. elə söyürlər. qarşı çıxırlar. poxuyist olurlar. pristav elə brat, bu adamlar faşist düşüncəni söyürlər, bir insana görə bir millətə qiymət vermək olmaz, deyirlər. yeri gələndə erməniyə dayı deyirlər.faşist olmadıqlarını göstərirlər. bir nəfərin səhvini digər hamısının üstünə atmaq olmaz deyirlər. gəl gör ki mitinqdə bir polis birinə təpik vuranda onun səhvi bütün polislərə ünvanlanılıb qəhbə balası damğasını vururlar bütün polislərə. ancaq, gülməli olan bilirsən nədir? küçədə üstlərinə bıçaqla gələn bir adamların birinci qışqırdığı söz "poliisss!!" olur : ) ya da evə gələndə qapının açıq olduğunu evə oğuru girdiyini anlayıb polisə zəng edirlər, o gələnə qədər evə belə girmirlər, götləri çatmır qardaş. göt, lazımlı orqandır qaqa.
müxalifət baxımdan baxaq məsələyə? iki eşşəyin arpasını ayıra bilməyib dövlət qurmaq istəyən müxalifətimiz var axı bizim. pristav elə brat, bu adamların yarıdan çoxu mitinqə gedib polis söyürlər. qardaş, o polis o dövlətin qoruyucusudur, nə etməlidir? polis həmişə başda olana sitayiş edən orqandır, sabah sən keç sən deyəni edəcək, axı o dövlətin qoruyucusudur. öz bacarıqsızlıqlarını polisin üstünə atırlar. təsəvür elə bu adamlar ölkə qururlar, sonra mən o hakimiyətə etiraz edib gedirəm mitinq etməyə, birinci mənə icazə verəcəklər söz azadlığının qorruyucusu olduqlarını göstərmək üçün, ama mən tək olmasam sayım artmağa başlasa susduracaqlar, susdurmayacaqlar? necə yəni? bunun üçün o hakimiyəti ələ keçirtmişdilər? ilk etirazda əldvən vermək üçün? ümumiyyətlə qardaş, iqtidar deyilən bir məhfum var. bunu yaxşı bilmək lazımdır, nədir iqtidar? iqtidara çıxmaq istəyən niyə çıxır, və iqtidarda qalmaq istəyən niyə qalır? iqtidar məhfumuna qarşı deyiləm mən. polis məhfumuna da. ancaq gülməli orasıdır ki, iqtidar və polis məhfumun qarşı olan ancaq anarxiya tərəfdarı olmayan insanlar, iqtidar arzusundadır. burda tərs gedən birşeylər var hə? var.
polissiz bir dünya? anarxiya? əsl marjinal!! anarxiya tərəfdarı və polisə qarşı, saqqalda var? birdə eynək? uzaqlara baxıb siqaret çəkəndə ecazkar görünürsənmi? vəssalam! sən əsl marjinalsan brat!
ən gülməli orasıdır ki anarxistlər polis və dövlət kimi məhfumların olmadan da dünyanın yaşanıla bilər bir yer olduqlarından danışanda deyirlərki dünya qurulanda insanlar necə yola gedirdi? ən qədim dövrlərdə, deməli indidə yola gedərlər. gətirdikləri misala bax qaqa, ağlayasan güləsən. hə bilirəm, ocaq başına yığışıb mahnı da oxuyacaqlar hələ.
polissiz bir cəmiyyət xaosdur. istəyən istədiyini edər. deyirlər ki insanları dövlət dəli edir onlar cinayət işləyir, dövlət olmasa cinayət işləməzlər. hə, işləməzlər. pristav belə eliyəmmirəm qaqa : )
insanın əslində yaxşı bir yaratıq olduğunu deyirlər ki əslində yanlışdır. insan pis varlıqdır. yeri gələndə onu incidəni öldürəcək qədər. bunun qarşısını isə indiki dünyamızda iki şey kəsir: həbsxana və din.
ikisi haqqında da yazacam sabah. axı bilirsəndə qaqa, marjinal olmağın şərtləri içində həbsxana və dini söymək də var.
girişi yazdım, səbrim çatmadı davam etməyə. sonra davam edərəm.
marjinal qalın.
16. vəzifəsi cəmiyyəti qorumaq olan xüsusi təlim görmüş şəxs. və bu səlahiyyət hörmət çərçivəsində yerinə yetirilməlidi. dedim yazım dursun burda, görünür xəbəri olmayanlar var.
21. 2020-ci ildə azərbaycanda hələ də mahiyyəti və işi nə olduğu başa düşülməyən peşə. sırf hansısa kəsimə aid olduğuna görə polisin vətəndaşa qeyri-insani rəftar etməsini, vətəndaşı təhqir etməsini müdafiə edənlər görmək istəmir ki, sabah polis eyni rəftarı ona və hər birimizə edə bilər. buna etiraz edənlərin də demək istədiyi bunun düzgün olmamasıdır. kimliyindən asılı olmayaraq polis hər kəslə yalnız qanun imkan verdiyi həddə rəftar etməlidir. vətəndaş dövlətə vergisini verir, dövlət və məmurlar bu vergi ilə yaşayır deyə vəzifəsi odur ki, aldığı verginin haqqını versin. yoxsa polisin istədiyi kimi bir fərdi təhqir etməsinə yaxşı baxacağıqsa, mədəniyyət yox cəngəllik istəyirik deməkdir.
23.#296962 nömrəli entrysində yazarımız çox düzgün şəkildə qeyd edib. Əlavə olaraq onu da deyim ki, həmin polislər ölkədə (guya) ən yüksək hüquqi qüvvəyə malik olan konstitusiyanın insan hüquqlarına dair bir neçə müddəasını pozublar. Burada onu da qeyd edim ki, mən hakim deyiləm, nə də ki hüququ mükəmməl bildiyimi iddia etmirəm. Sadəcə olaraq qeyd edəcəyim hüquqlar təbii hüquqlar sayılır və hətta beynəlxalq səviyyədə də qorunur (bmt nizamnaməsi və insan haqları bəyənnaməsi). Yuxarıdakı yazılardan birində polisə müqavimət göstərənlərin quduz kütlə, narkoman, oğru olduğunu iddia edən bir yazı ilə qarşılaşdım. Məlumat üçün deyim ki, təbii hüquqlar dinindən, irqindən, cinsindən, sosial vəziyyətindən, statusundan,qulluq mövqeyindən asılı olmayaraq hər bir vətəndaşa hətta və hətta əcnəbi və vətəndaşlığı olmayan şəxslərə də aiddir. Yəni insan hüquqları baxımından polis də, quduz kütlə də eyni statusdadı. Bəs nədir bu hüquqlar :
(baxma: azərbaycan respublikasının konstitusiyası. Maddə 24 ) insan və vətəndaş hüquqlarının və azadlıqlarının əsas prinsipi
I. Hər kəsin (diqqət ! Hər kəsin deyir) doğulduğu andan toxunulmaz, pozulmaz və ayrılmaz hüquqları və azadlıqları
vardır.
II. Hüquqlar və azadlıqlar hər kəsin cəmiyyət və başqa şəxslər qarşısında məsuliyyətini və vəzifələrini də əhatə edir.(polis də daxil)
(baxma: azərbaycan respublikasının konstitusiyası. Maddə 33) mənzil toxunulmazlığı hüququ
I. Hər kəsin mənzil toxunulmazlığı hüququ vardır.
II. Qanunla müəyyən edilmiş hallar və ya məhkəmə qərarı istisna olmaqla mənzildə
yaşayanların iradəsi ziddinə heç kəs mənzilə daxil ola bilməz.
(baxma: azərbaycan respublikasının konstitusiyası. Maddə 46) şərəf və ləyaqətin müdafiəsi hüququ
I. Hər kəsin öz şərəf və ləyaqətini müdafiə etmək hüququ vardır.
II. Şəxsiyyətin ləyaqəti dövlət tərəfindən qorunur. Heç bir hal şəxsiyyətin ləyaqətinin
alçaldılmasına əsas verə bilməz.
III. Heç kəsə işgəncə və əzab verilə bilməz. Heç kəs insan ləyaqətini alçaldan rəftara və
ya cəzaya məruz qala bilməz. Özünün könüllü razılığı olmadan heç kəsin üzərində tibbi, elmi və başqa təcrübələr aparıla bilməz.
(bax: dovşan)
Və son olaraq zənn edirəm ki, 67 -ci maddə də pozulub, çünki polisin tutma qətiimkan tədbiri tətbiq edən zaman əməl etməli olduğu qaydalar var. Həmin maddəyə görə : tutulan, həbsə alınan və cinayət törədilməsində ittiham edilənlərin hüquqları
Səlahiyyətli dövlət orqanlarının tutduğu, həbsə aldığı, cinayət törədilməsində ittiham etdiyi hər bir şəxsə dərhal onun hüquqları bildirilir və tutulmasının, həbsə alınmasının və cinayət məsuliyyətinə cəlb edilməsinin səbəbləri izah edilir.
Amma mənim baxdığım videoda nə hüquqlar izah edilir, nə də ki, tutmanın səbəbi. Hələ o polisi vəzifədən azad ediblər, məsuliyyətə cəlb olunmayıb, yaxşı qurtarıb, getsin dua eləsin.
Hüquqlarınızı bilin və tələb etməyi bacarın. Yox əgər mən təbiət qanunlarına görə, güclünün zəifi əzdiyi bir toplumda yaşamaq istəyirəm deyirsinizsə, buyurun, gedin meşədə yaşayın.
18. Mən daxil çoxumuzun ibtidai sinifdə "böyüyəndə nə olacam?" Mövzulu inşalarının cavabı olan peşə. əslində, polis peşəsi qürur duyulası peşələrdəndir. Eynilə həkimlik, yanğınsöndürən, sərhəd qoruyucuları kimi. Amma ölkəmizdə güc strukturu başdakıları qoruyur. Xalqa "dovşan", "qorxaq" və bu kimi yüzlərlə bənzətmələri deyirlər polislər. Bəziləri də yazır ki, gərək oğurluq, cinayət halları olanda polisə möhtac qalmasınlar, onu çağırmasınlar. Bəs polisin səlahiyyəti nədir? insanlara söyüş söymək, ya onlarə yarımçılpaq bölməyə aparmaq? Qadağanı pozan bir insanı cərimə edərlər, sakit, adam balası kimi danışarlar, beləcə bölməyə apararlar. Yoxsa srağagünkü hadisə təki olduqda hələ zibil atmaq az qalır yanına. Kim nə deyir, desin. Azərbaycanda polis peşəsi, heyif ki, ən ləyaqətsiz peşələrdən biri, hətta birincisidir.
4. bugün türkiyədə basketbol oyununda baş vermiş hadisə ;
(youtube: )
polis əlil tərəfdarı dubinka ilə çırpır. sudurğa deyirlər bizim dildə xəstəliyinə, ya da ətrafa ziyan verməyən epilepsiya da ola bilər tam bilmirəm. ama, xəstə olmasa sanki, haqq edir mi bunu o qurban olduğum qaqam?
bu qəhpəliklərə cavabı xalq özü verməlidir, xalq ağıllandırmasa polis ağıllanmaz.
bu videodaki götvərənlərə verilən cavab kimi:
2. dünyanın hər yerində qəhbə,rüşvət,şərəfsiz sözünə sinonimdir. bu məsləkdə çalışmaq özünə təhqir,söyüş yiyəsi olmaq deməkdir. dövlətə ən sadiq peşədir. itin yaxşısı pisi olmur. təzə serjant olur birdə it. polis olmaq da asandı uje.gedirsən 4-5 dənə çəkinirsən 3-4 min manat da şirinlik verirsən olursan it. prosedurların asanlaşması sürətli dövlətciliyimizin yeni temasıdı hər yerdən iş imkanlarını sıfır həddinə endiriblər təkcə qalıb polis. bizim xalq da ta əzəldən sirrlərin yiyələndiyi tacir kafası ilə düşünür hər şeyi. 3-4 min maya qoyursan sonrada ayda 700-800 maaş + çak-çukla mayanı 5 aya cıxardıb xeyirə işləyirsən. bununda tək bir məqsədi var xalq ayağa qalxanda öz balalarını önündə görəcək. biz də bir birimizin qanını tökəcik.
atalarımızın yaxşı sözü var: itlə dost ol, çomağını yerə qoyma
15. Sırf Yüksək gəlirinə, iş zəmanətinə, rahatlığına və s. görə insan cəlb edən peşələr hörmətə layiq ola bilməz, heç bir mənəvi dəyərə və müqəddəsliyə sahib ola bilməz; buna görə də cəmiyyətin ən alçaq peşəsi olar. Cəmiyyətdə özünə yer tapa bilməyən, həyatın üzünə gülmədiyi, şil küt etmək üçün bir cüt qola və itaətkarlığa münasib dar bir beyinə sahib olan hər kəs üçün pənah nöqtəsi. imkanlarını nəzərdə keçirdikdə də nə qədər münasib bir iş olduğu məlum olur: yüksək gəlir, rüşvət, rahatlıq, qanunlara qarşı immun, yüksəlmək şansı, heç bir intellekt, xüsusi bacarıq tələb etməməsi və könüllü olması.
Hörmətə layiq olmaması iki səbəbə əsaslanır: 1) iqtisadi imkansızlıq şəraitində yeganə alternativ olması; artıq cəmiyyətdəki resessiya o həddə çatıb ki, yeganə münasib maddi və sosial imkanlara sahib peşə olmaq səviyyəsinə yüksəlib (yoxsa alçalıb deməliydim?). insanlar ancaq maddi mənafe üçün adını çəkər olub, nəticə etibarilə heç bir qayğı və dəyər görmür (səhiyyə də bu qəbildəndir, mənfəət qarşısında necə sındığı göz qabağındadır). 2) zorakılıq vasitəsi olması; xidməti vəzifəsinin vətəndaşların təhlükəsizliyini, əmlakı və ictimai asayişi qorumaq adı altında dövlət aparatının və hakim sinfin güc strukturu olduğu, yəni rəsmən burjuaziyanın beşinci təkəri olduğu obyektiv həqiqətdir. Məcburiyyətə yox, könüllülüyə əsaslanır və polis olacaq şəxs gələcəkdə haqqını tələb edən kütləyə qarşı güc tətbiq edəcəyini bilə-bilə işi xoşluqla qəbul edir.
Belə bir insana və onun peşəsinə heç cürə hörmət etmək mümkün deyil. Bir halda ki, varlığının səbəbi hakim sinfin maraqlarını ona qarşı təhdid təşkil edən ünsürlərə qarşı qorumaqdır. Azərbaycanda və dünyanın bir çox ölkəsində polisə hörmət edən insan demək olar ki, sıfır həddində olduğu halda türkiyədə necə bu qədər polis apologeti var başa düşə bilmirəm.
3. yadıma yaxşı gəlir ki həkimlərin məllimlərin polis və yol polislərinin maaşları 150-200 manat arasında dəyişirdi.
marağlıdı ki, polislər 06`dan fiata yol polisləri də tofaşdan bmw`yə keçid eliyib maaşları 700-800 +faizə qalxdı. ama məəlim və həkimlər isə 188 manatlarda maaş alırsa. hohohoh. çatdı söbət.
17. cinayətkarlarla "xahiş edirəm, yalvarıram, nə olar" kimi sözlərlə danışmalı imiş. quduz kütlə və onların həyat tərzindən bixəbər adamların tələbi belədir. hər gün küçədə fərqli görünüşdə insanları linç edən, onları alçaldan cəmiyyətin üzvlərini müdafiə etmək də yeni dəbdir. populizmin 50 çaları...
5.2. Mənzilə orada yaşayanların razılığı olmadan daxil olmağa qanunla nəzərdə tutulmuş hallarda və qaydada qəza vəziyyəti, təbii fəlakət, kütləvi iğtişaş zamanı və ya fövqəladə xarakterli digər şəraitdə yalnız vətəndaşların həyatı və (və ya) onların əmlakının xilas edilməsi, onların şəxsi təhlükəsizliyi və ya ictimai təhlükəsizliyin təmin edilməsi, habelə cinayət törədilməsində şübhəli bilinən şəxslərin saxlanılması, törədilməsində şübhə olmayan cinayət faktlarının qarşısının alınması və ya törədilmiş cinayətin, yaxud baş vermiş bədbəxt hadisənin şəraitinin müəyyənləşdirilməsi məqsədilə yol verilir.
dünəndən "polis mənzilə məhkəmə qərarı olmadan daxil oldu" deyənlərin görmək istəmədiyi maddə. bir neçə il əvvəl məcəlləyə salınıb. yazılanların əksi olsaydı, onda hər kəs cinayət törədib evində gizlənərdi. həbs həyatı yaşamazdı.
əlavə: gülməli məqamlar da var. amerikada oturub dəri rənginə görə qətlə yetirilmə hadisəsini görməyənlərin və qanunlara riayət etməyib polisdən qanun tələb edənlərin ağıllı-ağıllı gəvəzələməsi kimi.
əlavə-2: konstitusiyanın 33-cü maddəsi. Mənzil toxunulmazlığı hüququ
I. Hər kəsin mənzil toxunulmazlığı hüququ vardır.
II. Qanunla müəyyən edilmiş hallar və ya məhkəmə qərarı istisna olmaqla, mənzildə yaşayanların iradəsi ziddinə heç kəs mənzilə daxil ola bilməz.
24. Polisə qarşı xalqın bu nifrəti sadəcə zibil atmaqla nümayiş olundu. Çünki etiraz edə biləcəkləri ən qorxusuz forma bu idi. Çünki nə zaman çıxıb sözünü desən o dəqiqə basırlar səni maşına...Bu nifrət son 1 həftənin ya da ayların deyil..illərlə yığılıb qalan kin küdurətdir
)
.
