kurçulava

10 əjdaha! 02.06.2015 00:58, kurçulava

keçən səfər bir yoldaşın rt etməsiylə qarşılaşdığım möhtəşəm arxiv link

#168286 şikayət

bakı 2015 avropa oyunları könüllüləri

16 əjdaha! 06.06.2015 22:17, kurçulava

19-20 yaşlarından köləliyin dibinə vurmuş insanlardır. məsələn, mən başqa ölkədə olan sevə-sevə gedib dünya ya da avropa çempionatında könüllü işləyərəm, çünki həm təcrübə yığaram, həm başqa yerləri görərəm, amma heç vaxt öz ölkəmdə bunu etmərəm. səbəb çox bəsitdir, sənin böyüklərinin 150-160 manat təqaüd aldığı ölkədə harana yaraşır pulsuz işləmək? guya bunların pulu yoxdu? amma yox, sistemli şəkildə yetişdirilmiş qoyunlar üçün bu fəxrdi. avropa oyunlarına görə nə qədər tələbə stipendiyanı gec alır, bunlardan elə biri sən özünsən, rayondan atan-anan səninçün ona görə pul göndərir ki, sən gəlib burda pulsuz kiminçünsə döydürəsən. yox, yox, əlbəttə, bu sənin azad seçimindi, cvində yazılacaq, sənə güzəştlər olacaq, əgər pul tapıb ingilis dili kursuba gesə bilsən, sənin haqqın olan dövlət proqramından sənə minnət qoyaraq pay ayıracaqlar, imtahandan keçəcəksən. diqqət et, gözəl insan, boynundan taxdığın vəsiqənin zəncirlərdən çox da fərqi yoxdu.

#169359 şikayət

idiot

12 əjdaha! 26.08.2015 03:53, kurçulava

fyodor dostoyevski nin 1868-ci ildə yayımlanmış, "cinayət və cəza"dan başlayaraq "karamazov qardaşları" ilə bitəcək dörd irihəcmli romanlarından ikincisidir. idiot sözü ağıldankəm, gicbəsər kimi tərcümə edilə bilər. əsər dövrün cəmiyyətini göstərməkdən daha çox, bəşəri dəyərlərimizi bir mikroskopla böyüdüb bizə göstərən psixoloq (dostoyevski özü deyirdi ki, mən psixoloq yox, realistəm) müəllifin düşüncələridir. əsər sevimli şəhər sankt peterburqda keçir. idiotumuz knyaz mışkindir və biz onu ilk dəfə peterburqa qatarla geri dönərkən tanıyırıq. knyaz mışkin illərdir isveçrədə idiot olduğu üçün müalicə almışdır və daha sonra onu himayə edənin ölümü ilə məcburi geri qayıtmalı olur. romanın üç əsas obrazı vardır: knyaz mışkin, nastasya filippovna, parfyon roqojin. nastasya filippovna cəmiyyət tərəfindən yaxşı qəbul edilmir, buna baxmayaraq həddindən artıq gözəldir və digər iki əsas obraz bu qadına aşiq olurlar, onun uğrunda sona qədər gizlicə mübarizə davam etməkdədir. nastasya filippovna dostoyevskinin yaratdığı ən güclü qadın obrazıdır, öz doğum günündə onunla evlənmək istəyən qavrilanı həqir göstərmək, alçaltmaq üçün roqojinin gətirdiyi pulu sobaya atır və biz burda insan xarakterinin çətin vəziyyətə düşərkən yaşadığı stressləri, ağrıları görür, duyur, hiss edirik.

knyaz mışkin isa məsihlə eyniləşdirilmiş personajdır və onun üçün yeganə həqiqi dəyər sevgidir. bu çirklənmiş, intriqaların baş alıb getdiyi, insanların az qala bir-birlərini maddiyat uğrunda öldürəcəkləri dünyada həddən artıq safdır, yalandan uzaqdır, ağlından keçənləri deyəndir, hamını bağışlayan, bir sözlə cəmiyyətin şərtlərinə uyğun olmayan biridir, yəni gicbəsərdir.

bu əsər dostoyevskinin ən lirik əsəri sayılır, əsərin əsas ideyası elə "dünyanı gözəllik xilas edəcək" sözləridir. roman strukturu və forması baxımından daha fərqlidir, bütün xarakterlərin taleyi açılmadığı kimi, həm də romanın daxilində ippolitin yazdığı vəsiyətnamə, holbeynin "çarmıxdan çıxarılmış isa" əsəri haqqında düşüncələr, dövrün siyasi və ictimai düşüncələrinə münasibət, rus gəncliyinin nihilizmə baxışı kimi mövzulardan yazılmışdır. roman vahid bir mövzudan deyil, bir neçə fərqli düşüncələrin birləşməsindən ərsəyə gəlmişdir. yepançinlər ailəsinin ailədaxili əlaqələri və onların knyaz mışkinlə olan münasibəti xeyli ətraflı işlənmişdir. knyaz mışkinin ilk başlarda danışdığı gilyotin və edam daha sonra albert camusə "yad"ı yazarkən ilham mənbəyi olmuşdur deyə düşünürəm. daha bir şəxsi mülahizəmi söyləyib yekunlaşdırıram. knyaz mışkin edam olunmağa aparılan adam haqqında danışır və məhz edamdan son anda qurtulan adamın dediklərin təkrar edir. bu kimdir? o adam elə dostoyevskinin özüdür, inanmırsınızsa açın oxuyun. -*

-- ağır spoiler--
mən olsaydım aqlaya ilə evlənmişdim, heyif o cür qızdan
-- ağır spoiler--

oxuyun, oxutdurun.

#179122 şikayət

gözəl qızlar

16 əjdaha! 18.10.2015 05:33, kurçulava

universitetin həyətində olan skameykada oturub yanda oturan qadına baxıram, daha doğrusu kitab oxuyuram, hərdən nə etdiyinə göz yetirirəm. diqqət etdikcə gözəlliyi bütün bədənimə hakim kəsilir, hər zaman gülümsəyən adam olan mən istər-istəməz ciddiləşirəm, çox ciddi mimikalarla baxıram, sonra yenidən kitaba qayıdıram. göz-gözə gəlirik, ciddiliyimdən narahat olduğunu anlayıram, amma gülə, ən azından gülümsəyə bilmirəm. bütün gözəlliyi, saçları, eynəyi, əlləri məni heyrətləndirir, bu varlığın nə düşündüyünü, hansı maraqları olduğunu, nəyi sevib-sevmədiyini, hansı havalarda sevinib, hansında özünü pis hiss etdiyini, necə bir uşaqlıq keçirdiyini öyrənmək istəyirəm, heç kim yoxdu aramızda, həm də sanki bütün bəşər tarixi də aramızdadı və mən bunu heç vaxt aşa bilməyəcəm. yenidən başımı aşağı salıb kitabımı oxumağa davam edirəm, o qarşımdan keçərək çıxıb gedir, utandığımdan heç başımı qaldırıb baxa bilmirəm. o nə ilk idi, nə də sondu, ancaq gülmək lazımdı, gülmək, bu təcrübəmdən bunu öyrənmiş oluram. yaxşı ki varlar və yaxşı ki tanrı belə möcüzələri yaradır.
not: gözəllik insandan insana dəyişən bir şeydi, yuxarıda sözükeçən qadın bəlkə də hazırda dəbdə olan gözəllik kriteriyalarına görə heç də gözəl deyil, amma bunlar boş şeydi. bir çox yerdə bizə itələnən gözəllik anlayışını lazım gələndə rədd etmək lazımdı, çünki şair demişkən, mən sevdim və sən indi dünyanın ən gözəlisən.

#184077 şikayət

gözəl qız və çirkin oğlan münasibəti

+13 əjdaha

bu çox məşhur bir hadisədir, illərlə feysbukun statuslarında aparılan sorğularla dərinliyinə enilmişdir, yenidən bu söhbətlərə edib başağrısı vermək istəmirəm, toxunacağım nöqtə başqadır.

münasibətdə olduğum insanlara qarşı çalışıram həmişə səmimi olum, amma onların mənə qarşı qeyri-səmimi davranışları, sözləri məni tam özümdən çıxarırdı. pis-yaxşı münasibətlərim oımuşdu, amma bir gün elə bir gözəllik sahibiylə münasibətə başladım ki, özünü artıq bu gözəlliyim altında əzilmiş kimi hiss edirdim. heç cürə anlaya bilmirdim ki, belə gözəl biri necə mənimlə münasibət qurub və davam edir. yox, başa düşürəm, adam düşüncəli, başa düşən, qayğıkeş, nə bilim bütün cəhətləri özündə cəmləyə bilər, amma bu fiziki olaraq qarşılıq tapmadığında istər-istəməz təəccüblənir. qarşı tərəfdən soruşduqda deyirdi ki, yox, sən özünü düzgün qiymətləndirmirsən, düşündüyün kimi deyil və s. bu sözləri mənə o qədər təlqin etdi ki, o vaxtdan bəri eqom aşağılara doğru enmir, qətiyyən çirkinlik barəsində düşünmürəm.

həmin qadına isə burdan demək istəyirən ki, adam bu qədər gözəl olmaz axı, indisə kimisə bəyənməkdə əziyyət çəkirəm.

12 əjdaha! 12.08.2015 19:09, kurçulava

#177905 şikayət

yad qadının məktubu

+10 əjdaha

əsərin özü haqqında yox, əsərin xatirəsi barəsində yazmaq istərdim.əsər onsuz qısadı, öz psixoloji dərinliyi və zweigin etdiyi psixoanalizlə əvəz olunmazdır.

bir dostumla uzun müddət idi danışmırdıq, narahat idim. heç cür əlaqə saxlaya bilmirdim, gözləyirdim. bir gün necə oldusa əlaqə saxlaya bildik. havadan-sudan danışdıq, sonra oxuduğumuz kitablardan danışırdıq, nələrlə maraqlanırıq və s. bu əsərin adını çəkdi, dedi ki, oxumusan? dedim hə. dedi ki, mən o əsərdəki qadını başa düşürəm. bu söz mənə şillə kimi dəydi, hələ də unuda bilmirəm. bu sözün altında ifadə oluna bilməyəcək o qədər dərin mənalar yatırdı ki, heçnə deyə bilmədim, içimə soxaraq təkcə "bilirəm" dedim. hələ də bu cümlənin ağırlığı altında əzilirəm. indi uzaqdadır, şairin də dediyi kimi, bilmirəm əlləri necədi, baxışı necədi, yerini bilmirəm, bilsəm gedərəm. bu cümlənin deyilməsindən 5-6 aydan çox keçir, 5-6 il keçsə də unuda bilməyəcəyimdən qorxuram və məni həmişə bir kölgə kimi izləyəcəyini düşünürəm, eynən yad qadının məktubundakı kimi.

10 əjdaha! 16.08.2015 00:53, kurçulava

#178190 şikayət

sözlük yazarlarının niklərinin hekayəsi

+12 əjdaha

uşaq vaxtı atam həmişə cavanlığında necə yaxşı futbol oynadığından danışırdı, bir də peledən və murtaz xrutsilavadan ağız dolusu danışırdı. danışdıqları yadımdadı, daha çox əfsanə qarışıq təhkiyə idi ki, mənə bu qədər təsir etmişdi. bu yaxınlarda ssri futbol yığması haqda yazılar oxuyanda xrutsilava adlı gürcü kapitanın adına rast gəldim. sonra haqqında internetdə baxanda gördüm ki, atamın uşaqlıq dövründə ssridə kapitanlıq edib. niyə bəs xrutsilava yox, məhz kurçulava? çünki atam belə deyir adını.

12 əjdaha! 30.05.2015 21:52, kurçulava

#167758 şikayət

sergey bodrov

+9 əjdaha

1971-ci ildə doğulmuş, 2002-ci ildə faciəvi şəkildə vəfat etmiş aktyor, rejissor, incəsənət tarixçisi. rol aldığı ən məşhur filmlər brat və brat 2 filmləridir. bu filmlərdə səhnələdiyi rolla insanların hafizələrində özünə əbədi və xoş bir yer etmiş, unudulmaz performans sərgiləmişdir. debütü atasının çəkdiyi qafqaz əsiri filmiylə olmuşdur. moskva universitetinin incəsənət tarixi məzunudur.

--sitat--

incəsənət tarixi məzunu olmaq sizə nə qazandırmışdır? sualına, "siz bir şəhər getdiyiniz zaman o şəhərdə harda nə olduğunu, meydanları filan bilərsiniz, mən isə o şəhərdə olan muzeydə bütün gün boyu qarşısında duraraq vaxt keçirdə biləcəyim əsərin olduğunu bilirəm. həmin gün həyata dair bir gündür" demişdir.

--sitat--

rejissor olaraq isə ilk filmi "brat" seriyasının adəta davamı olaraq çəkdiyi syostrı filmidir. filmdə istifadə etdiyi viktor tsoi musiqiləri dahi tsoiya olan hörmət və pərəstişindən xəbər verir.

ölümü ikinci filmini çəkdiyi zaman qar uçqunu altında qalaraq gerçəkləşmişdir. meyiti tapılmamışdır. yaraşıqlı və xarizmatik bodrov əbədi olaraq "qafqaz əsiri"dir və onu qurtaracaq heç kim və heç nə yoxdur. təəssüf.

8 əjdaha! 11.08.2015 19:20, kurçulava

#177803 şikayət

salyarka ilə silinmiş sinif otağı

8 əjdaha! 28.05.2015 23:47, kurçulava

-cəfərov, pulu gətirmisən?
+yox, müəllimə.
-niyə? eviniz yaxındadı, get gətir.
+atam hələ maaş almayıb, müəllimə.

tipində minlərlə dialoqla eyni anda ağla gələn mənzərədir. çirkli otaqlar, birinci güb gəlib qapı-pəncərəni açmaq, daha nələr nələr.

(baxma: yazarların uşaqlıq travmaları)

#167357 şikayət

park

8 əjdaha! 13.09.2015 19:56, kurçulava

rasim ocaqovun corc oruel ilində çəkdiyi bədii filmdir. filmin ssenarisi rüstəm ibrahimbəyovun, musiqiləri emin sabitoğlunundur. baş rolda ocaqovun sevimlisi fəxrəddin manafov oynayır. film ideya baxımından gerçəkləşməyini istədiyimiz, amma heç vaxt gerçəkləşməyəcək hadisələrə qarşı çəkilən həsrət, intizar və gözləntilərin dəfələrlə boş çıxmasından yaranan ümidsizlikdən bəhs edir. film boyu biz bakınən altımışıncı illərinə boylanırıq ki, həmin vaxtlar bakının jazz vaxtlar olmuşdur. gördüyümüz kadrlarla adam lap qayıdıb həmin bakıda yaşamaq istəyir. gənclər kafe, restoranda jazz müşayiəti ilə nahar edir, əylənir, gəzirlər. saksafonun müşayiəti ilə qaldırıcı kranların fonunda batan günəş mənzərəsi insanı valeh edir. emin sabitoğlu yenə öz dühasını ortaya qoyur, musiqilər bizi tamam başqa aləmlərə aparır, insan həyatlarından ortalığa səpələnmiş xatirələr gözümüzün önündən keçərək səssizcə uzaqlaşır və baxa-baxa qalırıq, əlimizdən nəsə gəlmir.

--spoiler--

marat neftçıxarma qrupunun briqadiridir, günlərin bir günü onun yanına dostu gəlir və deyir ki, eksperiment üçün icazə lazımdır. marat razı olmur, daha sonra biz keçmişə dönüş edərək maratı və dostunu tanıyırıq. dostu özünü bəyənmiş, xudbin, uğur qazanmaq və xoşbəxt olmaq üçün əlindən gələni edəcək, pis yaxşı fərqi qoymadan özünü isbatlamağa çalışan biridir, hətta maratın sevdiyi qızı onun əlindən alaraq evlənmişdir. maratla vikanın sevgisini, ayrılmaqlarını, bir-birlərinə münasibətlərini, illər keçməsinə rəğmən hisslərin çox az dəyişdiyini görürük. bir xeyli müzarikələrdən, xahiş minnətdən sonra marat dostunun eksperiment təklifini qəbul edir. maratın simasında biz əfv etmənin müdrikliyinə şahid oluruq.
filmin adı isə maratın evinin yanındakı daşkarxanasının yerində qurulacaq parka görədir. marat dostundan öyrənir ki, sən demə heç burda park olmayacaqmış, ordan köçmək lazımdır.
park metafordur, olmağını istəyib, amma olmayan bütün istəklərin bənzətməsidir. filmdəki üç baş qəhrəmanın üçü də gerçəkləşməyən, nə vaxtsa yaxşı olacağını düşünüb qərarlar alan, lakin olmayan həyatları yaşayan insanlardır. üç şəxs də özünü aldatmaqla məşğuldur. marat xoşbəxt olmaq istəyir, amma ola bilmir, çünki gecikir. vika xoşbəxt olmaq üçün evlənir, amma sevgisini unuda bilmir, xoşbəxt deyil. dost isə xoşbəxt kimi görünən, lakin uğursuz həyat yaşayan insanı təmsil edir. filmi sonluğu möhtəşəmdir. belə ki, marat başqa bir qıza görə döyülür, həmin qız maratın həyətin gələndə qız karxanadakı səs-küydən şikayət edir. marat onu qucaqlayaraq orda park tikiləcəyini, qayıqların, yelləncəklərin olacağını deyir (halbuki belə şey olmayacağını dostu demişdi). son kadrlar isə gözəl bir parkın şəkilləridir. rejissor bizə sonluqla bağlı iki variant təqdim edir: a) ümidlərinizdən, xəyallarınızdan əsla vazkeçməyin, onlar bəlkə nə vaxtsa gerçəkləşdilər. b) sevdiklərinizi əfv edin, belə olduğu halda bəlkə həyatımız daha dözülən olar, mükafat olaraq da istəklərimiz gerçəkləşə bilər.

--spoiler--
izləyin, izlətdirin. sadəcə şedevr.

#180944 şikayət

yazarların fetişi

7 əjdaha! 15.08.2015 01:56, kurçulava

bayaqdan başımı sındırıram ki, görüm mənim nə fetişim var. maddi heç bir fetişim olmadığına qərar verdim. mənim fetişim xatirələrdi. indiki zamandakı heç bir şey məni qane etmir. bir insanın əlləri, qulağı, burnu və s. yalnız xatirəyə çevriləndə fetişə çevrilir. hətta sevdiyim insanların sevdiyi əşyalar da mənim üçün fetişə çevrilə bilər. nə bilim, nəsə özümü yaxşı ifadə edə bilmərəm. arifə bir işarə də kifayətdi.

#178109 şikayət

qərb cəbhəsində yeni heçnə yoxdur

8 əjdaha! 08.08.2015 00:45, kurçulava

bir neçə il öncə oxumuşdum, remark yaradıcılığına xas sadə, amma təsiredici bir roman. insan oxumaqda püxtələşdikcə artıq bu tərz romanlar ləzzət verməməyə başlayır, lakin təzə oxumağa başlayırsınızsa məhz remarkdan başlasanız heç də pis olmaz, o sizə ədəbiyyatı sevdirəcəkdir. roman haqda yalnız bunu demık bəsdir ki, əsər elə çap olunduğu il azərbaycan dilinə tərcüməyə başlanmış və jurnalda hissə çıxmışdır. 1930 ya da 1931 ilində kitab kimi nəşr edilmişdir.

#177410 şikayət

makiyaj etməyən qızlar

+5 əjdaha

tanıdığım bir xanım var, hardasa sıfır makiyajla gəzir desəm yalan olmaz. o qədər təbii gözəlliyi var ki, adam makiyaj eləsə pis görünər deyə düşünür. hətta dialoqlarımızın birində "kirpiklərimi uzatmıram, kəsirəm, çünki onsuz da rəngli gözlərim var, uzun kirpiklərlə daha da diqqət çəkir" demişdi. indi gerisin siz düşünün, tanrı edə biləcəyi bütün hər şeyi gözəllik baxımından edib, əlavə şeyə nə ehtiyac var.

5 əjdaha! 30.05.2015 00:03, kurçulava

#167582 şikayət

qodonun intizarında

+6 əjdaha

samuel beckettin ilk dəfə fransızca yazdığı, daha sonra ingiliscəyə tərcümə etdikdən sonra bütün dünyada kultlaşan əsəridir, teatr tarixinin ən uğurlu pyeslərindən sayılır.

--spoiler--

"qodonu gözlərkən" əsəri absurd və qarşısıalınmaz bir gözləntidən əlavə, həm də insanın bütün keyfiyyətlərini itirərək cılızlaşması və yox olmağını göstərən əsərdir. iki əsas personajın keçmişi haqqında heçnə bilmirik, təkcə onların neçə müddətsə dayanmadan gözlədiklərindən xəbərdarıq. onlar hər şeyi unudurlar, günləri qarışdırırlar, bir-birlərinə danışacaq nələrisə yoxdu, hərdən yuxu görsələr də biri digərinə danışmağa fürsət vermir, çünki bu mənasızdı. estraqon "bədbəxtəm" deyəndə "nə qədər vaxtdı?" sualı ilə qarşılaşır, unutmuşam deyir. unudub, unutmuşuq. nəyinsə düzələcəyi və dəyişəcəyi gözləntisi ilə hər şeyi boşa veririk. ikinci pərdədə yenidən görünən ağa və köləsinin artıq danışma və görmə qabiliyyətini itirdiyini, getdikcə daha da pis olacaqlarını ağanın dilindən eşidirik. ağa haqlıdır, onlar bütün keyfiyyətlərini itirib öləcəklər. estraqon əsərin bir yerində vladimirdən soruşur ki, etdiyimiz bütün hərəkətlər öz varoluşumzu isbat etmək cəhdlərindən başqa bir şey deyilsə, nədir?
hamı özünün yaşadığını, varolduğunu isbat etməyə çalışır, bu cəhdlərdən ən gözəli isə incəsənətdir, başqa yolumuz yoxdu.
qodo kimdir və ya nədir? bu dünyada ən çox müzakirə olunan mövzulardan biridir, şəhər əfsanələrindən birinə görə bu bekketin uşaqlıqda məktəbə getmək üçün gözlədiyi servis sürücüsünün adıdır.

--spoiler--
oxuyun, oxutdurun, inanmıram azərbaycanda olsun, amma nə vaxtsa səhnələnsə gedin izləyin, xaricdə də olsa olar.

6 əjdaha! 16.10.2015 22:44, kurçulava

#183947 şikayət

siqareti tərgitmək

+7 əjdaha

şəhərə uzun müddət yağış yağmadığında, həyatın nisbətən yoluna düşdükdə, ətrafdakılarla anlaşmağa başladığında və artıq həyatının dəyərli olduğunu, bu siqaretə xərclədiyini daha faydalı işlərə xərcləyə biləcəyini zənn etdikdə, bəzənsə sağlamlıq ucbatından atmağa məcbur olursan. elə ki, şəhərdə uzunmüddətli yağışlar başladısa, gecə erkən çökməyə başladısa, yenə öz yalnızlığına məhkum olunduğunu gördünsə, sağlamlığının da heç kimin, hətta özünün də vecinə olmadığını anladınsa, cibindəki pulun belə getməyə bir yeri yoxdursa, sən başını aşağı salıb yavaş addımlarla mağazaya gedər, ağlından keçən bir markanı deyib, özünü küçəyə atıb yağışlı və qaranlıq gecədə öz siqaretinlə qaranlığı aydınlatmağa çalışarsan. siqaret vərdişdir, ən pis vərdişimiz yaşamaq, ikincisi isə siqaretdi. hər ikisini də tərgitmək lazımdı.

6 əjdaha! 29.10.2015 18:30, kurçulava

#185290 şikayət

ludwig wittgenstein

3 əjdaha! 02.06.2015 04:15, kurçulava

"ədəbi əsərlərin ortaq cəhətləri nələrdir" sualına cavab olaraq ailə bənzərliyi teoriyasını ortaya qoymuş filosofdur. teoriyanın əsas qayəsi budur ki, ailədə hamının bir-birinə konkret oxşarlığı olmasa da, bəzo xüsusiyyətlərdə bir-birlərinə bənzəyirlər. məsələn, ananın burnu qızında var, qızın qulağı isə qardaşın qulağına bənzəyir, qardaşın öz növbəsində üz cizgiləri atasına bənzəyir. bu mənada onların bir-birləriylə əlaqəsi birbaşa olmasa da, dolayısı ilə ədəbi mətinlər oxşardırlar. teoriya qəbul edilmiş və bir çox mövzuda tətbiq edilmişdir.

(baxma: terry eagleton - ədəbiyyat hadisəsi )

#168338 şikayət

tütək səsi

2 əjdaha! 10.08.2015 19:43, kurçulava

rasim ocaqov un isa hüseynov un "tütək səsi" və "saz" povestləri əsasında 1975-ci ildə çəkdiyi filmdir. filmdə hadisələr ikinci dünya müharibəsi zamanı azərbaycan kəndlərindən birində (böyük ehtimalla qərb rayonlarımızdan birində) cərəyan edir. insanlar çalışırlar, əsgərlər üçün taxıl göndərirlər, onların yolunu gözləyirlər, amma bununla birlikdə edilən işin nəticəsində insanların əsəblərinin gərginləşməsi, psixoloji sarsıntılar, ümidsizlik yaşayırlar.

--spoiler--

--spoiler--
filmin iki əsas nöqtəsi var ki, onlardan birincisi cümrünün evlərinin damına çıxıb tütək çalmasıdır. cümrü atasının müharibədən qara xəbəri gəldikdən sonra getdikcə dərinləşən psixoloji problemlərin eşiyindədir və o, musiqini ifa edərkən intihar edəcəyini zənn edirlər, lakin sonunda cümrünün qardaşı tapdıq gəlib onu damdan aşağı endirir. cümrü və tapdıqın anası sayalı isə cəbrayılla evlənməyi kənddə böyük hay-küyə səbəb olur. cəbrayılı namussuz və s. adlarla çağırırlar, lakin o da özünə görə haqlıdır, çünki 20 il öncə dostuna görə sayalıdan keçmişdir, indi isə muxtar (sayalının əri) yoxdur, ölmüşdür, 20 il bədbəxtliklə yaşadıqdan sonra özünün də xoşbəxtliyə layiq olduğunu düşünür. rejissor bizi elə situasiyada buraxır ki, insan ruhunu duymaq qabiliyyətiniz ən yüksək səviyyədə olsa da, siz heç cürə həqiqətən kimin haqlı, kimin haqsız olduğunu bilmirsən. tapdıq anasından üz döndərir, anası hər gün onun yanına gəlib yalvarır, amma tapdıq da haqlıdır. biz ananı da təqsirkar görə bilmirik, çün onun da çəkdiyi iztirablar bizə bəllidir.
ikinci musiqi ifası isə kəndin ağsaqqalı isfəndiyar kişinin oğlunun qara xəbərini eşitdikdən sonra sazda ifa etdiyi ruhanidir. kənd camaatı onun yanına gəlir, musiqi ifa edir və insanın tükləri biz-biz olur. insanların özlərini tütək və sazla ifa etməsi, musiqi aləti insanın susmuş və əsla dilə gətirə bilmədiyi hisslərin simvoluna çevrilir. elə hisslər vardır ki, onlar dilə gətirilə bilmir, gətirildiyi zaman isə öz dəyərini itirdiyindən elə deyilməməsi yaxşıdır deyə düşünürsən, burda saz və tütək məhz həmin hisslərin aşkarlayacısı rolundadır.
filmin sonluğu isə möhtəşəmdir. poçtalyon qız əsgərin gəldiyini xəbər edir, axı qız hər zaman o qara xəbərlərin yalan olduğunu, mütləq gedənlərin qayıdacağını təlqin edirdi, belə olduğu halda hətta övladlarından qara xəbər alanlar da ora gəlir, kənd camaatı yolun qabağına yığışır və uzaqdan asta addımlarla əsgər yaxınlaşmağa davam edir. biz bu əsgərin kimin qohumu olduğu bilmirik, amma hamı bir ümid içində baxır və özlərini saxlaya bilməyib əsgərə tərəf qaçırlar. bu finalın özündə birləşdirdiyi ümid hissi mənə nədənsə angelepoulosun dumanda peyzaj filmini xatırlatdı və ikisinin də dediyi, nə olacağı bilinməyən, amma daxilində ümid hissini qoruyub saxlayan məfhumdur. biz yenə əsgərin gəldiyini görürük, amma rejissor bizə kim olduğunu sona qədər göstərmir və film bitir. bu uzaqda müharibənin qazanılacağı dair kiçik bir ümidin simvolu da ola bilər.

--spoiler--

--spoiler--

filmi izləyin, izlətdirin.

#177712 şikayət

birlikdə oturub siqaret çəkiləsi məşhurlar

4 əjdaha! 31.05.2015 00:16, kurçulava

(bax: albert camus)
(baxma: sergei bodrov)
(bax: anna karina)
(bax: monica belluci)
(baxma: meşədibaba)

#167791 şikayət

don kixot

+5 əjdaha

Dünya ədəbiyyatı seriyasından yenidən çap olunan əsərdir, amma dünya tarixinin ən yaxşı romanını çap edərkən diqqət etməyiblər ki, bu əsər neçə cilddi. yalnız ikinci cildi çap ediblər. kitabxanadan alıb oxuyası olsanız diqqət edin, sovet dövründə iki cildi də çap olunmuş versiyası da var. mənim sizə tövsiyəm isə roza hakmen tərcüməsi ilə kredi yayınları link

nəşrini alıb oxumaqdır.

4 əjdaha! 08.08.2015 01:24, kurçulava

#177420 şikayət

məktəb tualetində sıçmaq

+3 əjdaha

çox zaman mədə və bağırsaq problemi yaşayan biri olaraq başıma dəfələrlə gəlmiş hadisədir. ən gülməlisi isə odur ki, bir dəfə tualetə getdim dərsin ortasında və oğlanlar tualetində təmizlik aparıldığı üçün məcburiyyətdən qızlar tualetinə girməli oldum. allahdan yanımda dostum var idi, qapıda durmuşdu və yaxşı ki, heç kim gəlmədi.
(baxma: bu nə jizndi, ala )

3 əjdaha! 28.05.2015 04:32, kurçulava

#167120 şikayət

polkovnikə məktub yoxdur

4 əjdaha! 30.05.2015 17:57, kurçulava

gabriel garcia marquez in 1956-57'ci illərdə yazdığı, 1961'ci ildə ilk dəfə nəşr olunan povestidir. bu kitabı oxuma tarixçəmdən başlamaq istəyirəm. ilk dəfə 16 yaşımda azərbaycanlı yazar bir qadın tərəfindən hədiyyə edilmişdi (çox sağolsun) və mən ədəbiyyatla təzə tanış olurdum deyə mənə elə gəlirdi ki, ən yaxşı əsərlər səhifəcə çox, görünüşcə qalın olanlardı. elə hədiyyəni aldığım gün oxudum və bitirdim. nəsə çox dəxlisiz gəlmişdi, 16 yaşlı yeniyetmə üçün bu qoca kişinin dəxlisiz dəxlisiz gedib sahildə gözləməyi, aclıq çəkməsi və s. mövzular idi ki, bəyənmədiyimi, boş bir şey olduğunu düşünürdüm. o zamanlar tək fokuslandığım mövzu sevgi idi, belə bir şeyi anlamağım gözlənilə bilməzdi. günlər keçdikcə, illər ötdükcə bu əsərin təsiri özüne məndə göstərməyə başladı. cəmi bir dəfə oxumuşam, sonra heç oxumadım (bəlkə bu yay oxudum), amma insanın gözləmək deyilən hissini bu qədər gözəl ifadə edən nadir əsərlərdəndi. bu əsəri anlamaq üçün gözləmək lazımdı, gözünün yolda qalmağı, intizarda olmaq, elə bu saat gələr, elə bu dəqiqə gələr demək və ayıləb həyatının ümidsiz gözlənti içində keçdiyini görmək. ilahi, bu necə də kədərlidir. oxuyun, oxutdurun.

gözləməyə dair başqa əsərlər:
(baxma: qodonu gözlərkən)
(bax: tatar çölü)

#167708 şikayət

yadlaşdırma

+3 əjdaha

teatra brecht tərəfindən uyğulanmış texnikadır. əsas məqsədi izləyici/oxuyucuya əsərin qurmaca olduğunu bildirmək, yazarın verməyə çalışdığı fərqli ipucularından yola çıxaraq müxtəlif şərhlərə yer açmaqdı. əsəri izlərkən vəya oxurkən əsərin gerçəklik hissinə qapılıb özümüzü onun içində hiss edirik və əsas diqqətimiz süjetə yönəlir ki, bu da yazar üçün arzuolunmazdı.

filmdə istifadə olunması aktyorun birbaşa fərqli yerdən başını çevirib kameraya baxmasıyla həyata keçirilir.

ədəbiyyatda da istifadə edilir, postmodern nəsr nümunələrində metafictionun parçalarından biridir ki, yazar özü araya girir vəya personaj birbaşa oxucuya müraciət edərək oyuna dəvət edir, həm mətnin içinə dartaraq oyunda iştirak etməsini istəyir, həm də mətnin gerçək olmadığını anlayaraq süjetə qapılmamasını, yazarın əsərə səpdiyi müxtəlif detallara da fiqqət yetirməsin istəyir.

3 əjdaha! 28.05.2015 22:41, kurçulava

#167341 şikayət

ayrılmaz ikililər