44 yazar | 19 başlıq | 92 entry
yenilə | gündəm


#son entylər 92 yeni entry pis davrandıqca daha çox sevən qız 11 yolda ünvan soruşarkən deyilən ilk istiqamətdən sonrasını dinləməyərək həmin istiqamətdə başqa birindən yenidən ünvanı soruşmaq 8 sözaltı meme 7 tarixin ən böyük umbaylamaları   yazarların hazırda düşündükləri   erdal eren   uşaqlığı xatırladan şeylər 2 şampunun 1-ci dəfədən yox, 2-ci dəfədən köpüklənməsi 2 gövhər həsənzadə   istedadı azərbaycanı aşan azərbaycanlılar 2 köhnə sevgilinin unudulmayan sözləri   gecə avatarını öpüb də yatdım   zahid sabirabad   moonlight sonata   1480 otrantonun işğalı   altı sözdən ibarət hekayə 2 fernando pessoa   on iki adalar   kaiho   sözaltı günlük   20 sentyabr 1994   yaddaqalan hadisələr   domates biber patlıcan   gender resurs mərkəzi   jurnalistlər üçün freelancer iş saytları   aubrey plaza   iq   həyat fəlsəfəsi edilə biləcək ən gözəl cümlə 3 qadınların kişilərdən istədikləri 4 ı osman   #sözaltı music   yazarların başına gələn maraqlı hadisələr   ivan bebek 3 azərbaycan polisi   efruhiten   azərbaycanda lgbtiqa+ olmaq   saçma sapan konuşma lan 2 aynaband   gec kəşf edildiyi üçün heyifsiləndirən şeylər 6 pis davrandıqca daha çox sevən qız 8 sözlük yazarlarının qorxuları 4 brannock device   qadınların kişi kişilərin qadınlaşması 2 sözaltı meme 5 yaşıl mərcimək   yazarların özlərində bəyənmədiyi xüsusiyyətləri 5 güldürən entrylər  







lucifermorningstar

əjdaha lazımdı   googllalink
smm - cinas - torres - qruz - hatırla sevgili - sözlükdə istənməmək - pandora-felsefe - yazarların ən sevdiyi yazarlar - fidan abilova
    8. Hazırda "yersiz" məqamlarda fəlsəfi və elmi terminlərdən, izahlardan istifadə etməklə tənqid olunan yazar. Tənqidlərə bu cür qoşulmaq və ya kor-koranə yazarın müdafiəsinə qalxmaq istəmirəm. Sadəcə mövzuya öz perspektivimi qoymaq istəyirəm, çünki lucifermorningstarın haqqında danışmağa dəyər maraqlı yazarlığı var.

    Yazar elmi, fəlsəfi mövzularda yazır və çox entridə bu dili istifadə edir. Hamısını oxuya bilməsəm də, yazdığı bir çox mövzu mənim də maraq dairəmdədir. "Yaşına görə yaxşı yazır" kimi bir kompliment etməyəcəm ki, "yaşına görə yaxşıdır" ifadəsi, ümumiyyətlə, bu dili işlətmək üstüqapalı şəkildə infantilləşdirmə xüsusiyyəti daşıyır. Həmçinin diqqəti yazdıqlarına yox, onun özünə yönəldir və şüursuz da olsa yazarın yazdıqlarını deyil yaşına görə olan biliyini qiymətləndirmiş oluruq. Uzun sözün qısası, maraqlı, bir qədər mürəkkəb mövzularda yazır.

    Bu halda nəyə görə yuxarıda bəhs etdiyim tənqidlərə tuş gəlir?Nacizanə bir-iki səbəb göstərə bilərəm; əvvəla, luciferin yazdığı mövzular nə qədər əhəmiyyətli olsa da, fəlsəfə və elm bəşəriyyət üçün önəm kəsb etsə də, onlar cəmiyyətdə və gündəlik həyatda yalnızca müəyyən qrup insana xitab edir. Buna qarşılıq, həmin mövzularla maraqlanmayan insanları topa tutub, özlərini inkişaf etdirmədiklərini, elmdən anlamadıqlarını iddia etmək olar. Amma bu çox hallarda tənqidlərə qarşı bir özünü-müdafiə mexanizmi , həqiqətləri saptıran bir rəftar olaraq qalacaq (bax: rationalization). Həmçinin bu arqumentdə aydın bir strawman var: elmi mövzularda dərindən maraqlanmayanları zır cahil olaraq göstərmək. Həyat belə ağ-qara deyil. Əlavə olaraq, bu tutum və ifadə "digərləşdirmə"nin, etiketləmənin, stiqmatizə etməyin dilidir və, mənə qalarsa, faydadan çox zərər gətirən baxış bucağıdır, çünki özünü qorumaq bahasına faktları saptırır, insanları etiketləyir, polyarlaşmaya səbəb olur.

    Sözlüyü kiçik bir cəmiyyət kimi düşünə bilərik. Hər cəmiyyət isə müəyyən mədəniyyətə sahib olduğu kimi sözlük də buna sahibdir. De jure, sözlüyün məqsədi güc hesab edilən bilgini paylaşmaqdırsa, de facto, sözlüyün hazırkı mədəniyyətindəki normalarda elm və fəlsəfə dominantlıq təşkil etmir. Misal üçün, bir fəlsəfə platformunda və ya bir forumda fəlsəfədən xaric (məs: gündəm xəbərləri) mövzuları davamlı paylaşmaq norma deyildirsə, sözlükdə və gündəlik həyatda da bu norma deyildir. Sol frame-i spesifik fəlsəfi mövzularla dolduraraq bunu təcrübə edə bilərsiniz. Çünki həmin cəmiyyətdəki insanlar buna "relate" edə bilmir, anlamır, maraqlanmır. Buna görə də onlara yobaz rəftarı etmək yuxarıda açıqladığım səbəblərə görə problemlidir. Əlbəttə, bu o demək deyil ki, sözlükdə elmə yer yoxdur, sadəcə fikir versəniz, görərsiniz ki, "relatable", insanların haqqında deyə biləcəyi şeylər olan temalar daha çox qəbul görür, yazarlar ona daha çox yazır, onlar daha dominantdır. Bu düzgündürmü, deyildirmi, bunu deyə bilmərəm, maraqlanmıram. Hərhalda mədəniyyət həmişə dəyişir. Sözsüz ki, mən bir perspektivdən baxıram məsələyə, əlavə edilməli çox şey ola bilər.

    Digər bir səbəb elmi üslubun ümumiyyətlə norma olmadığı yerdə -məsləhətxanada istifadə olunması. insanlar başlarına gələni danışıb məişət üslubunda sadə bir məsləhət
    istədikdə, ona elmi üslubda cavab verməklə məsləhət istəyəni qane etməyiniz mümkün olan şey deyil. Əlbəttə, həmin şəxs sizi ciddiyə almayacaq, siz də onu elmdən başı çıxmayan cahil kimi gördükdə vəziyyət daha da pisləşəcək.

    Əlavə olaraq, ingiliscə mətnlər məsələsi var. Bunu apollo da edir. Düzünü desəm, sözlükdə hər kəsin sizin yazdığınızı anlayacaq axıcı ingiliscəyə sahib olduğunu düşünməyiniz, varsaymağınız, ima etməyiniz antipatik görünür. Hər ingiliscə mətnin sonunda tərcümə gözləyirəm, amma olmayanda xəyal qırıqlığına uğrayıram. Bu bir növ "mən elmi üslubu anlayacaq qədər ingiliscə bilirəm" havası yaradır, həqiqətdə düşündüyünüz o olmasa da və sizi insanlardan daha da uzaqlaşdırır.

    Ümidedirəm açıqlayıcı olar. Uğurlar, lucifer-*

    P.S. məqsədim yazar vasitəsilə prim yığmaq deyil, səhv anlaşılmasın.

17 əjdaha

27.07.2021 15:11 dasein
#333018

+60 oxunma facebook twitter whatsapp



hamısını göstər

sən də yaz!