almaniyada təqaüd qazanmaq şansı

1. təqaüdü hər iki dildə ala bilərsiniz. ingilis dilində oxuyacaqsınızsa alman dili bilməyiniz təsir eləmir. amma almaniyada qalmaq fikriniz varsa alman dilini öyrənməyinizi məsləhət görürəm. əvvəl ielts ilə məşğul olmamısınızsa balı əvvəlcədən təxmin edə bilməzsiniz. bu məsələni şansa buraxmayın, güclü hazırlaşın. iş əgər öz sahənizlə əlaqəlidirsə plus ola bilər. əslində almaniya məsələsi ixtisasınızdan da asılıdı. əlavə sualınız olsa cvb yazaram bura. uğurlar

2. alman dilini bilmək həlledici rol oynamır amma universitetlərin çoxu buna böyük önəm verir deyə bilirəm.heçolmasa b2 səviyyəsində bilməlisən
müəllim lazım olsa yaz mesaj qutusuna,bir müəllimi məsləhət görərəm

3. @1 @2 cavabladığınız üçün çox sağolun. ielts əvvəl yox amma indi bu aralar kaplan testlərin edirəm reading, listening'dən asan gəlir amma təbii ki daha intensivləşdirəcəm. alman dilin özüm də öyrənmək istəyərəm amma vaxt məsələsi var bir də bilmirəm ieltsnən eyni vaxtda nə dərəcədə effektliliyi olar. b2 səviyyəsinə çatmaq üçün yəqin ki ən azı 6 ay lazım olar həm də, yoxsa az?

4. @3 b2 üçün 6-7 ay lazımdı. ama ingilis dili ilə bir yerdə aparmaq çətindi həmdə məsləhət deyil. elədə effektli olmur

5. Daad-a gələn il üçün bu il oktyabr-noyabr ayında baş vurmalısan. Sonra interview-ya cağirirlar. Almanca oxumanda fayda var, cox unilər almancadi, həm də cəmiyyətə inteqrasiya baximindan müsbətdi. İngiliscə proqram azdı, amma var. İxtisasa uyğun unilərə bax, Zulassung/Admission alandan sonra stipendiyaya baş vur. Almaniyanın özündə də fondlar/stiftunglar var. Onlara da müraciət edə bilərsən.Daha çox siyasi yönümlü fondlardı. Məsələn sosial demokratik partiyasına yaxın Friedrich-Ebert Stiftung və s. Birdəki səviyyə imtahanları, dil məsələsi elədir ki, konkret fərddən fərdə dəyişir. Mən, şəxsən bir ilə tam öyrənmişdim. Almaniyada ilk imtahandan direkt C2 almışdım, plyus əsgərlikdən gələndən sonra. Yəni o baxır sənin içindəki elmə qarşı dəli istəyə. DAAD-la alarsan, indidən yaxınlaş baş ofislərinə, nə sənədlər lazımdısa yığ, şərtləri de öyrən. Unilərə də bax Almaniyada. Qış sessiyası üçün sənəd qəbulu 15 may- 15 iyuldu. Hələ ki, bir ay var. Şərti də olsa, qəbul al. Şərti yəni nə: elə unilər var ki, qəbul edirlər, amma deyirlər ki, dərslər başlayana kimi- ielts (indi min. bal nədisə 6 və ya daha yuxarı) və ya testdaf/dsh alman dili üçün- sertifikatını gətir. Qəbul alan kimi, DAADa sənədlərini ver, səfirlikdə də appointment elə, gerisi düzələcək. Amma sənə məshələtim nə badə Baden Wüttenberg əyalətinə sənəd verəsən stipendiyasız. Oranın semestr qiymətləri qalxıb olub 1000-1500 civarında, tələbə çox gəlir deyə. Adamı donuna kimi soyurlar. Yenə nəsə lazım olsa, yaz, kömək edək.

6. last but not least: CV-ni doldur da fəaliyyətlərinlə. Könüllü, könülsüz nə eləmisənsə, yaz getsin. Sosial dövlət olduqlarından, almanlar elə şeyin xəstəsidirlər. Yəni təkcə dərslərindəki uğurlara yüklənmə. İşin praktik tərəfi daha önəmlidi. " Axşam yatdım, səhər durdum" təşkilatına üzv, filan ildə " itləri sevək", " göyərçinlər ağlamasın" kampaniyasının fəalı. Bakı doludu o tip avropa və beynəlxalq gənclər təşkilatı ilə. Elə unidəki təşkilatların da adlarını yazsan yetər. Sertifikatlar da aldınsa, vəsəllam.

7. demək mən 2020 qış semestrini, yəni 2020nin sentyabr/oktyabr aylarındakı semestri başlamaq istəyirəm magistra, bunun üçün daad-a sənəd qəbulu bu ilin oktyabrındadı, universitetlərə admission isə artıq başlayıb deadline da iyul 15ə kimi?

8. @7 birinci sualın hə. ikinci sualın hər ilin öz sessiyası üçün. 2020 qış semesteri ucun gələn ilin bu vaxtı verməlisən sənədləri

9. @8 çox sağol, bildim deməli mən daad-a indi apply eliyirəm oktyabr noyabra qədər, amma heç bir degree program-a yazilmiram, onu da 20nin bu vaxtı eliyirəm.