musiqi dinləmək
#musiqiSalam, əziz sözlük əhli. Bildiyiniz kimi musiqi dinləmək həyatımızın ən ayrılmaz hobbilərindən biridir. Texnologiyanın inkişafı ilə əlaqədar olaraq, hal-hazırda elə bir insan tapılmazki gün ərzində bir dəfə də olsun musiqiyə qulaq asmasın. Belə bir statistika da var ki, ortalama bir gənc gündəlik 2 saatını musiqi dinləməyə sərf edir.
Bu yaxınlarda bir tanışımla musiqi dinləmək haqqda balaca bir söhbətim oldu. Onun dediyinə görə, musiqi dinləmək zərərli bir vərdişdir. Beləki, çağdaş musiqilərin əksəriyyətində seks, narkotik və bir çox mənfi söyüşlər işlədilir və dostumun dediyinə görə, bunun insan psixologiyasına olan zərəri hədsiz dərəcədə böyükdür. Burda söhbət ancaq seksə və narkotikə həsr olunmuş mahnılardan getmir. Adicə mahnının içində "f*ck" kəlməsinin işlənilməsi belə həmin mahnının bu qəlibə girməyinə imkan verir. Yuxarıda verdiyim statistikaya bir də qayıtsaq, gündəlik iki saat belə musiqilərə qulaq asmaq insanın ağlını və fikrini seksə, narkotikə və bəzi əxlaqsız əməllərə yönəltməsinə səbəb ola bilər. Elə "cəsur yeni dünya"da da buna rast gəlmək olar. Orda insanların şəxsiyyətlərini formalaşdırmaq üçün, gündəlik müəyyən səs yazılarına qulaq asdırırlar və insanların da həmin səs yazılarına uyğun şəxsiyyətləri deformasiyaya uğrayır.
Mövzu maraqlı gəldiyinə görə, biraz araşdırmağa başladım və belə mahnıların insan üzərindəki təsirinin nə qədər böyük olduğunu anlamağıma kömək edən bir çox mənbələr tapdım. Lakin tapdığım mənbələrin əksəriyyəti islam alimlərinə məxsus idi. Çünki islam dininə görə, musiqi dinləmək haramdır və belə alimlərin arqumenti də dostumun dediyi arqument ilə eynilik təşkil edirdi. Lakin Dinə görə, simli alətlər ilə ifa olunan musiqilərdən başqa yerdə qalan bütün musiqələri dinləmək haram kimi qəbul olunur. Hansı ki heç məntiqli səslənmir. Əgər mahnıda seks, narkotik kimi sözlər yoxdusa, hətta motivasiya verən mahnıdırsa, və yaxud söhbət instrumental və klassik musiqidən gedirsə, niyə də bu mahnılar haram olsun.
Biraz da araşdırandan sonra bir mənbə də tapdım və orda deyilirdi ki, yuxarıda qeyd etdiyim motivasiya mahnılarına qulaq asmaq insanı real həyatdan ayıraraq xəyal dünyasına aparır. Yəni insan real həyatda edə bilmədiyi şeyləri musiqinin köməyi ilə xəyalında edir. Bir müddətdən sonra isə belə insanlar günün çox hissəsini qulaqcıqla keçirərək real dünyada heçnə etmir, və ancaq xəyal dünyasına bağlanır.
Bu mövzu ilə bağlı tapa bildiyim tək arqument bu idi.
Sözlük yazarlarının da bu mövzu haqqında fikirlərini bilmək istəyərdim. Sizcə, musiqi dinləməyin verdiyi xeyirlərindən çox zərərləri var, yoxsa əksinə?
Qeyd. Əslində bu yazını entri kimi paylaşacaqdım, lakin özüm də konkret bir nəticəyə gələ bilmədiyimə görə, məsləhətxanaya yerləşdirməyi daha məqsədəuyğun hesab etdim.
1. O qisimlerini deye bilmirem, amma men musiqi bagimlisi olmusam. Dusun sinaga gedirsen. Hami notlari tekrarlayir, sen ise qulaqliqdan qopa bilmirsen.
Indi de koronadan sonra yene ele oldum. Narkotik kimi bir sey herhal :/
Edit: elave olaraq mence ruha en saf gelen mahnilar folk, etnik, ozgun, prog terzidir.
Pop ve s. Ise yorur.
2. salam. entrylərimi azdan-çoxdan oxumuş olarsan. bildirməliyəm ki, gündə 3 dəfə bir neçə saat aralıqlarla musiqi dinləyən biri olaraq bu haqda az da olsa fikrim var. burada da özüməməxsus fikirləri yazaraq öz adımdan danışacam. mənim hər kəsə etdiyim kimi, hər kəsin də mənim fikrimə hörmətlə yanaşması mənim üçün vacibdir.
ilk öncə bunu deməliyəm ki, bu bilmirəm nə dərəcədə məntiqlidir, amma hər musiqi janrının və hər ölkənin musiqisinin mənim üçün rəngi var. yəni, hansısa bir musiqini dinlədikdə travmatik şəkildə mənim üçün vaxtilə bir rəng olaraq yadımda qalmışdır və eşitdikdə o rəngi düşünür, rəngin altında olan müxtəlif xəyallar canlanır.
musiqiləri ayırsaq: (yenə də bunlar mənim şəxsi düşüncələrimdir. heç kəsin adından danışa bilmərəm)
məsələn, party musiqiləri dinlədikdə, baxdığım filmlər, kliplər, seriallar üzündən bənövşəyi rəng ağlıma gəlir.
bənövşəyinin altında- sex, drugs, alcohol yatır. normal olaraq, xəyallar da bu haqda olacaqdır.
klassiklərin bəstələdiyi musiqilər-şahəsərləri dinlədikdə, tünd-göy rəng canlanır beynimdə.
tünd-göy rəng məni xəyal qurmağa icazə vermir, həvəsləndirir, həyəcanlandırır, əlimdə olan işə həvəsimi artıraraq daha maraq və məsuliyyətlə yanaşmağıma, daha məhsuldar nəticələr verməyimə səbəb olur.
retro mahnılar mənim üçün ağ-qaradır.
ağ-qara- saflıqdır, romantiklikdir, ali his-sevgidir. buna da baxdığım filmləri təsiri olmuşdur ki, bu mahnılara qulaq asdıqda bütün pisliklərdən uzaqlaşmaq, saf sevgi ilə xoşbəxt olmaq kimi xəyallar canlanır.
rap, r&b mahnılar- boz, metaldır.
ifadəmə görə üzr istəyirəm, amma bu mahnılar götqaldırıcı qüvvəyə malik mahnılardır. maşında dinləniləcək mahnılardır. hərdən özünü bahalı yerlərdə qurduğun xəyallarda tapa bilərsən.
boz metal- bahalıdır, özgüvən arttırıcıdır.
rock musiqi dinlədikdə (rock musiqi dərindir. mən də dərininə qədər dinləmədiyim üçün bu haqda ətraflı fikir yazaraq bu janrı kirlətmək istəmərəm. sözlükdə kifayət qədər dərin rockçular var ki, bu haqda gözəl bir məsləhət yaza bilərlər) ağlıma qara rəng gəlir.
qaranın altında- konsertlər, headbanglər, gitar filan gəlir.
indie mahnılar isə- sözün əsl mənasında rəngarəngdir.
hippie xəyalları qurub caravanla gəzintiyə çıxmaq istəyərsən.
rəngarəng- göyqurşağından da bilindiyi kimi əlçatmazdır. yəni ki, beyin zorlayacaq, hallusinasiya fason xəyallardır.
ispan mahnıları isə-qırmızıdır.
qırmızı- romantika, sevgi, şənlik və salsadır.
mən xatırlamıram ki, ispan mahnısına qulaq asıb rəqs etmədən durmuş olum.
bu uzundur. bitmək bilməz. amma mahnılara olan münasibət və qurulan xəyallar insanın dünyagörüşündən, baxdığı film və seriallardan, kliplərdən asılı olan bir şeydir. heç ingilis dili bilməyən biri fuck-dan nə anlayacaq? bu mənasızdır.
qaldı ki, dinə mahnı kimi zövq mənbəyinə də qadağa qoyulursa,o dinə nə deyim bilmirəm.
amma əlbəttə ki, düzgün olmayan tərəfləri də vardır ki, nümunə ilə modern mənasız mahnılardan göstərim:
bir mahnıda deyir ki, ill buy you the purse, only if u show me your boobs;
im feelin like i did too much, lets get naughtier, i need all of ya; (ki bu mahnı insanı başdan başa sex-ə sürükləyəndir, mahnıya yazılmış commentlərdən görə bilərsiniz)
)lips like angelina, like selena, ass shaped like selena;
woke up by a girl i dont even know her name;
fucked her baby mama trying to sneak this;
fuck me in the car;
hətta bu mahnıda başdan-başa hər şeyi söyür:
fuck your feelings, fuck your culture,
fuck your moral, fuck your family, fuck your tribe,
fuck your land, fuck your children, fuck your wives,
and fuck your god.
(bu mahnını niyə əzbər bildiyimi bilmirəm lol)
hələ dini seçimini, allahı tanımayan bir uşağın bunu ortalıqda oxuyaraq gəzdiyini düşünün lol
və s. və s. belələri çoxdur.
ümid edirəm özümü ifadə edə bilmişəmdir. savi @66348
postun sahibi
3. @1 Eyni vəziyyət abiturient vaxtı məndə də olmuşdu. Buna görə, dərs oxuduğum yerdə mahnının sözləri yadıma düşür, və mırıldanmağa başlıyırdım. Boş-boşuna vaxt itirirdim bir sözlə. İmtahanda da dəfələrlə iç səsimlə mahnı oxuduğum olmuşdu. Hansı ki müəyyən qədər diqqətimi imtahandan yayındırırdı. Elə sualım da bundan ibarətdir, indi bu xeyirdi yoxsa ziyan. İnsanı rahatlatmasına sözüm yoxdur. Lakin mahnıya qulaq asdıqdan sonra müəyyən vaxt onun təsirində qalırıq və həmin mahnıların gündəlik etdiyimiz hər şeyə təsiri də var.
Balaca bir eksperiment kimi dünəndən başlayaraq musiqiyə qulaq asmamağa başladım. Güman ki, uzağı bir həftə dayana biləcəm. Sadəcə bilmək istəyirəm ki, musiqi dinlədiyim günlərdəki mood'um ilə dinləmədiyim günlərdəki mood'um arasında hansı fərqlər var.
postun sahibi
4. @2 məsləhətinizə görə minnətdaram. musiqiyə tamam fərqli yanaşmanız var.
Bir də "f*ck" kəlməsininin mənasını bilmək üçün ingilis dilini bilmək lazım deyil. Həm də mən sadəcə ingilis dilli mahnıları nəzərdə tutmurdum. Milli və türk mahnıları da bura daxildir.
Dinin bunu qadağan etməsinə gələndə isə, mənə görə də mənasızdır. Lakin müəyyən qədər araşdırmaq istədim ki, məsələnin background ilə tanış olum. Tapa bildiyim yeganə arqument isə yuxarıda yazdığım real həyat və xəyal dünyası məsələsi idi. hansı ki tam razılaşmıram. Klassik musiqi və yaxud instrumental mahnılar insana niyə zərərli olsun ki
Yenə də dinlədiyimiz mahnıları diqqətlə seçməkdə fayda var.
5. @3 bi inci safligi varsa da suda, artiq icilende derd verir suda meseli yada dusur bu yerde.
Men de bir ara irademi toplayib sene qosulmaq isteyerdim.
6. Mən də ziyanlı olduğunu düşünürəm, əsas da uzun-uzun qulaqcıqla dinlədikdə. Komitet 300 kitabında rock musiqisinin olduqca zərərli olması ilə bağlı sətirlər xatırlayıram. Əsasən rock-a qulaq asan birisi olaraq Elə öz üzərimdə də təsirini hiss edirəm. Bəlkə də ayrı səbəbdəndi amma düşünürəm ki son zamanlar yaranan yaddaş pozğunluğu buna görədi. Bundan əlavə qəribə bir histerik vəziyyət yaradır məndə, bütün enerjimi sərf edir buna. Qulaqcıqlarımı çıxaranda evi gəzə-gəzə heç nə etmədən israf etdiyim saatlar qalır xatirə. Daha sonrasında da nəsə etməyə qətiyyən marağım qalmır. Mən də qərara almışam ki artıq musiqini minimuma endirim. Qulaqcıqlarımı göz qabağından yığışdırmağı, hətta ən sevdiyim parçaları da silməyi düşünürəm.
Kafkanın playboy jurnalları @66401
09.07.2020 mesaj izlə Googlla