söz6 psixiatr psixoloq

1. ilk 2 nömrədən başqa aşağıda olan 3 nömrəyə zəng edə bilərsiz.

2. Nə əcəb pulsuz yardım edirlər. Sadəcə bu ancaq psixoloqlara aiddi yoxsa gedib psixiatra da görünmək olar görəsən?

6. bir dəfə pulsuz müayinədə olmuşam. Nəzrin Məmmədzadə idi qabağımda, başıbağlı xanım. 30 dəqiqə danışdıq, xanım məsləhət, taktik vermə ədası ilə danışırdı. Halbuki mən konkret olaraq nəyin necə olduğunu axtaran adamam. Ümumiyyətlə, yoldaşlar, bir şeyi bilin ki, psixoloq fəlsəfi suallarınıza cavab verə bilməyəcək/verməyəcək və həmçinin, terapiyada yalanlardan da istifadə oluna bilər. Dolayısilə, əgər özünü nələrəsə inandırsanız da yaşamaq, xoşbəxtlik filan bəsməkan istəyirsinizsə, gedin. Çünki heç bir psixoloq həqiqət olsa belə "əziyyət çəkib quracağın həyatdan alacağın zövq, o həyatı qurarkən xərcləyəcəyin enerjiyə, əziyyətə dəymir. Yəni bir tərəfdən baxanda, özünü öldürməyində o qədər də dəhşət yoxdur, hətta daha məntiqlidir" deməyəcək.

(özüm gələcəkdə bu postdan yararlanmağı düşünürəm. Ümid edirəm, qarşımdakı psixoloq otaqdakı rolunu oynamağı deyil də, həqiqətən səmimi olmağı seçər.)

7. Psixoloq mənə də lap elə çox faydası olacaq imiş kimi gəlmir. Yəni nəsə nisbətən ciddi problem varsa psixiatr baxmalıdı. Danışmağla düzəlsəydi özümüz öhdəsindən gələrdik də deyə də fikirləşirəm arada.

8. Mental durumu normal olan birinin məni anlamayacağını, mənim kimi olan birinin isə anlasa da faydası olmayacağını düşünürəm həmişə :/ buna görə də psixoloqa müraciət etməkdən çəkinirəm. necə olacaq bu işlərin axırı idk.

9. @75393 sizi anlamaqçün illərlə oxumaqla bərabər bir çox sizin vəziyətdə olanlarla seans keçirlər.

10. bundan yararlanan var? yoxsa pulla fikirləşdiyimiz şeyi eliyək?

11. hort

13. @75378 boş söhbətdi. psixiatrlar ödənişsiz deyil. "hörmət" etməsən baxmırlar ya da öz dilləri ilə pul istəyirlər. hə yaxşı psixiatrlar var o ayrı. pulunu ver səni necə lazımdı dinləyim lazım olsa müalicə yazım kafasındadırlar. özüm illərdir psm'nin qeydiyyatlı xəstəsiyəm ordan bilirəm.

14. @75378 yenə də qeyd edirəm ki yaxşı psixiatrlar var amma içlərində pisləridə var. məsələn rəşidova səbinə adlı həkim məni səhv təyin olunan müalicə ilə xəstəxanalıq etmişdi.

15. @75378 o hadisədən sonra gülnarə xanım məni oradakı başqa həkimə yönləndirdi. indi yaxşıyam. yenə deyirəm heç kimi pisləmək fikrim yoxdu amma pulgir rəşidova mən daxil olmaqla neçə xəstəni səhv müalicə ilə başına oyun açmışdır. ora müraciət edənlərin məlumatı olsun deyə deyirəm

17. @77129 İlk öncə psixoloqların boş boş çərənləməkdən başqa bir işi olduğunu düşünmürəm. bunu mən şizofreniya diaqnozu qoyulmamışdan qabaq 3 psixoloq yanında olan biri kimi deyirəm. celal şengör bir verlişdə xanımı tərəfindən psixoloqa göndərildiyini demişdi. Celal deyir psixoloq başladı uşaqlığınıza qayıdaq nə yaşamısınız falan filan. Deyir axırda ürəyim sıxıldı çıxdım otaqdan xanımıma dedim ki bu iş belə olmaz. Sonra bir psixiatr yanına getdim ilk öncə məndən qan analizi istədi. Nəticəni gətirdim dedi qanında lityum azlığı var bütün problem budu. Birdənə lityum hapı yazdı hər şey həll olundu. yəni elm budu. analiz və problemin həlli. Düzdü psixiatrlar da diaqnoz qoyanda və ya müalicəyə başlayanda bəzi məlumatları söhbət vasitəsi ilə əldə edir amma daha psixoloqlar kimi çərənləmirlər. Sözün əsl mənasında müalicə edirlər. Mən özümdəm misal gətirim. Ruhi dispanserdə yatdığım müddətdə məni müalicə edən psixiatrım həmişə deyirdi ki istər yüngül problem olsun istər ağır. Heç biri boş boş danışmaqla düzəlmir. bir tək çarə var o da kimyəvi dərmanlardı. Hətta mən stasionara ilk daxil olanda məndən soruşdu ki aşiq olmusan? Dedim olmuşam amma bunun mənim vəziyyətimə nə dəxli var. Dedi insan aşiq olanda və ya eşq əzabı çəkəndə onda ruhi xəstəlik yarana bilər. Eşq özü kimyəvi prosesdi. Sonra əlavə etdi ki sənə bir neçə kimyəvi dərmanlar verəcəklər və eşq əzabından heç bir əsər əlamət qalmayacaq. Biraz gülməli olacaq amma o dərmanlardan sonra məndə nə travma qaldı nə birşey. Elə bil heçnə olmamış kimi tam düzəldim. İndi dərmanlar qəbul edirəm və yenə qeyd edim ki elə bil heç xəstə olmamışam. Biraz yalın dil ilə izah etdim amma ümid edirəm nə demək istədiyimi anladız. Yəni danışmaqla, söhbət etməklə heçnə düzəlmir. Bütün yaşadığımız mənəvi duyğular, ruhi problemlər sadəcə beyindəki kimyəvi maddələrin işləməsindən asılıdı. Və bu problemləridə beynin kimyəvi balansına müdaxilə edən kimyəvi maddələr düzəldə bilər. qaldı ki psixiatr məsləhətinə. mən indiki psixiatrımın yanına ilk dəfə gedəndə məndən açıq şəkildə pul istədi. Yəni ordakı psixiatrların demək olar heç biri təmənnasız müalicə etmir. öz dilləri ilə pul istəyir. yaxşısı da pisi də pulsuz baxmır. mən sənə öz psixiatrımın adını deyə bilməyəcəm çünkü ola bilər hər hansı problem olsa ortada qalmaq istəmirəm.

18. @77131 əvvəla, təşəkkürlər bunları bölüşdüyünüz üçün, həmçinin sevindim ki, düzəlib vəziyyətiniz. Mənə şəxsidən mesaj yazmağınızı istəyəcəkdim sizdən, mümkündürsə, əla olardı, burada hər söhbəti dərindən danışmaq olmur. Yenə də bir neçə mövzuya deyinəcəm.

Bir şeyi bəri başdan soruşum ki, Dispanser dediyiniz hansıdır?

Hamısı pul istəyir, okay, təxmini qiymətlər desəniz? Səbinə xanımdan başqa yanına getməməli olduğumuz psixiatrları da bilirsinizsə, onları da desəniz, əla olardı.

Kiçik-böyük fərq etmədən problemləri dərmanlar ilə həll dediniz. Bəs bu ömürlük asılı etmir insanı? Şəxsən mən müəyyən məqamlarda dərmanın yox, söhbətin təsir edəcəyi düşüncəsindəyəm. Yəni misalçün, mənim cəmiyyətə, insanlara, ailəyə, seksə, sevgiyə və s. baxış bucağım həyat keyfiyyətimə təsir edirsə, bunu söhbət ilə yoluna qoymaq olar deyə düşünürəm. Əvəzinə dərman atsam, fikir formalaşmayacaq, kəsdikdə yenidən əvvəlki vəziyyətə qayıdacam. Bu ona bənzəyir ki, tonqalı sərhədləyib təbii şəkildə sönüb kül olmasını gözləmək əvəzinə üstünə bir vedrə su töküb, əlimizdə digər vedrə ilə də hazır gözləyirik ki, haçan alışsa, tez üstünə ataq. Halbuki ən kiçik qığılcımda təzədən alışacaq. Bilmirəm, fikrimi izah etdim, ya yox. Şizofreniya və s. Bu kimi hallarda hə, razıyam, ancaq hər durum üçün bunun heç də effektiv olmadığını düşünürəm. Eşq mövzusu da buna yarı-yarıya daxildir. Kimyəvi proseslərə təsir olunmalıdır, amma daimi olması məni ürkütdü bir az. Dərman məsələsini də açsanız, əla olardı.

Bu arada, problem yaranacağı halda hüquqi məsuliyyət sizdə yox, psixiatrda olacaq. məndən beşbetər vəziyyətdə olub son çarə kimi həmin şəxsə müraciət etmək istəyənlər ola bilər. Əgər vicdan mövzusuna deyiniriksə, bu halda gizlətməyiniz daha böyük vicdani məsuliyyət/yükdür. Yenə də ixtiyar sahibi sizsiniz, heç kim sizi həkimin adını çəkməyinizçün məcbur edə bilməz, özünüz bilən məsləhətdir.

19. Başqa bir sual da maraqlıdır mənə. Götürək elə sizi. sizə qoyulan diaqnoz, dispanserdə yatmağınız miqrasiya, vətəndaşlıq/ölkə dəyişmə, xaricdə təhsil və s. bu kimi şeylərə hansı mənfi təsiri var? Bu, nə dərəcədə problem yarada bilir?

20. @77135 dispanser deyəndə yatdığım xəstəxananı nəzərdə tutmuşam. mən 3 saylı sabunçu xəstəxanası psixosomatika şöbəsində 42 gün yatmışam. indi hal hazırda ambulator olaraq psixi sağlamlıq mərkəzində müalicə alıram. məsələn mən hər ay gedirəm. bəzən 20 manat bəzən 30 manat verirəm. həkimim vəziyyətimi analiz edir, suallar soruşur, lazım olsa dərmanlara görə bəzi qan analizləri istəyir (sizdən qan analizi istəməyə bilərlər. mənim içdiyim dərmanların başqa yan təsirləri olduğu üçün həkim bəzən analiz istəyir, dərmanın qandakı səviyyəsinə baxır. yəni daim vəziyyətimi nəzarətdə saxlayır). qaldı ki dərmanlara heçdə hər psixiatrik xəstəlikdə ömür boyu dərman qəbul edilmir. adətən psixiatrik dərmanların təsiri (xüsusilə antidepresanların) 6 ay ərzində başlayır. çox insan deyir həkim antidepresan yazdı 1,2 ay içdim təsir göstərmədi psixiatrik dərmanlar boş şeydi falan. xeyr elə deyil. bu baş ağrı dərmanı deyil ki içən kimi ağrını kəssin. bu dərmanlar uzun müddət tələb edirlər. Səbr etdikcə dərmanların necə möcüzə yaratdığına şahid olmaq olar. birdə ən çox aktual olan mövzu psixiatrik dərmanların asılılıq yaratmasıdır. bəzi dərmanlar (məsələn anksiyolitiklər, antipsixotik dərmanların yaratdığı ekstrapiramid pozğunluqların qarşısını alan antiparkinson dərmanları (məsələn biperiden tərkibdi akineton və ya siklodol) asılılıq yaratma ehtimalı var ki zatən bu dərmanları həkimlər asılılıq yaratmasın deyə çox az dozada və 1,2 aylıq istifadə etmək üçün yazırlar. yəni bu dərmanlar tibbdə qısa müddətli istifadə olunur. Bundan başqa antidepresanlar və antipsixotiklər heç bir şəkildə asılılıq yaratmır. təbii ki hər hansı şəxs psixi həzz almaq, türklər demişkən kafa yapmak üçün hər hansı antidepresantdan 3,4 tablet bir anda qəbul etsə onda asılılıq yarada bilər (çünki çox yüksək dozalarda antidepresanlar eyforiyaya səbəb ola bilər) amma həkimin təyin etdiyi dozadan kənara çıxmadıqda müsbət nəticələr əldə etmək olar.

21. @77136 hələ ki ölkə dəyişmə cəhdim olmadığı üçün bilmirəm amma məsələn mənə qoyulan diaqnoza görə mən heç vaxt sürücülük vəsiqəsi ala bilmərəm. və ya bir çox dövlət işində işləmək problem yaradır. məsələn mənim maşın sürməyə böyük həvəsim var amma ağır diaqnozum olduğu üçün və ruhi xəstə kimi qeydiyyatda olduğum üçün çətin ki sürücülük vəsiqəsi alam. bilmirəm bəlkə də rüşvət verib almaq olar amma inanmıram hansına həkim 50 manata görə öz başını ağrıtsın. çünki mənim kimi xəstələrə sürücülük vəsiqəsi vermək cinayətdi.

22. @77136 bu diaqnozun müsbət cəhəti də var-* məsələn bu diaqnoz ilə mən tamamilə hərbi qeydiyyatdan çıxarılmışam. həm dinc dövrdə həm də müharibə dövründə hərbiyə yararsızam

23. @77136. həkimin dediyinə görə bu diaqnozun təhsilə heç bir dəxli yoxdu. təhsil almaq hamının hüququdu xəstəliyindən asılı olmayaraq.

24. ciddi psixoloji problemləri olmayan şəxslər xüsusilə pandemiyadan sonra bu hallarla üzləşənlər d vitamini analizi versələr məsləhətdi. 20-30 manat olmalıdı qiyməti. sonra həkim qəbulu təyin edib müalicəyə başlamaq olar. onsuz normal həyat olanda da çox insanda defisit vəziyyət idi. 1 il ərzində evə qapanmaqla daha da bərbadlaşıb vəziyyət.

25. çox sağ olun, minnətdaram hər şey üçün. Əsgərlik məsələsi lazım deyil, dərman, Təhsil, iş, maşın aydındır, bircə o ölkə barədə olan məsələni də tam aydınlığa qovuşdursaz, əla olardı. Yeni bilgi öyrənsəniz, yazarsınız, zəhmət olmasa. Bir daha təşəkkürlər. @77138

26. Psixoloqum psixi sağlamlıq mərkəzində işləyir, özü də bu inam xətti olan mərtəbədə. Yerinizdə olsam, getməzdim, çünki özüm görmüşəm tələbələr açır zəngləri. Keçən dəfə bir qız tələsə-tələsə gəldi dedi ki, bəs dərsə girməliyəm, xətt necə olsun? Dedilər eybi yoxdur, onsuz zəng edən olmur filan. Bəlkə sırf həmin gün tələbə idi telefonun başında, ola bilər, ancaq yenə də həmin dəstək xəttinə inamım azaldı. Adam danışanda da professional biri ilə danışmaq istəyir, nəinki tələbə. Ya ola bilər tələbə ancaq zəngi açır, sonradan psixoloqa, psixiatra yönləndirir filan, dəqiq bilmirəm, amma belə gəlmədi mənə.
Hər nədirsə, Mən olsam, əynimdən kəsərəm, nə bilim boğazımdan kəsərəm, əyləncəmi azaldaram, nəsə edərəm, ancaq normal psixoloqa gedərəm - ki, bir müddət elə elədim. Bizimkilərin pulsuz şeyindən nəsə ummaqdansa...