qərar verə bilmirəm

Salam dəyərli yazarlar. Hal hazırda avtomobil ixtisası üzrə peşə məktəbində bir illik təhsilim davam edir. Peşə məktəbində avtomobil üzrə təhsil almağımın səbəbi bir işdə işləyib öz gəlirimi qarşılamaq idi amma fizika öyrənmək arzusu həmişə beynimin bir köşəsində qalmışdı. Nəzəri fizika sahəsi üzrə xaricdə (özəlliklə ingiltərəni düşünürəm) ali təhsil almaq istəyirəm. Bunun üçün ielts kursuna başlamağı düşünürəm. Açığı matematik bilgim istənilən səviyyədə deyil. İelts imtahanına mükəmməl səviyyədə hazırlaşmaq və matematikada olan əskiklərimi düzətmək 1 il vaxtımı alacaq. Yəni 1 ildən tez nə ingilis dili nə də matematika biliyim ingiltərədə bakalavr təhsilinə başlayacaq səviyyədə olmayacaq. Təhsil üçün ingiltərəyə gedib çıxana qədər körpü rolunu oynayan bir ölkə var ağlımda o da türkiyədi. Türkiyədə 1 il fizika üzrə oxuduğum müddətdə əlavə olaraq ingilis dilimi daha da mükəmməl səviyyəyə çatdıraram, həm də azərbaycan standartlarında yaşamış və orta təhsil almış biri üçün türkiyədə 1 il oxumaq xaricdə oxumaq üçün bir ön hazırlıq olar deyə düşünürəm. 1 il ərzində boşda qalmaq da istəmirəm. Hazırda peşə təhsilimi bitirməyə 5 ay qalıb. Və mən bu 5 ay ərzində türkiyənin heç olmasa ortabab universitetinə qəbul olmaq üçündə yös imtahanına hazırlaşmalıyam (ingilis dili hazırlığı ilə yös hazırlığı ikisi bir yerdə mənə çətinlik yaradar deyə qorxuram). Bilmirəm 5 aya çatdıraram ya yox. Bir tərəfdən fikirləşirəm ki elə azərbaycanda “dim” imtahanına hazırlaşıb 1 il burda qaldıqdan sonra xaricə gedim. 5 ay çox az vaxtdı deyə bilmirəm necə edim. aranızda belə bir situasiya ilə qarşılaşan varsa fikirlərini mənimlə bölüşsə şad olaram. Çünki hansı yolu seçəcəyimi bilmirəm. çox qərarsızam.