partizan müharibəsi

1. ispanca “guerilla”, türkcə gerilla müharibəsi. qeyri-nizami müharibədir. nizami ordulara qarşı xüsusi taktikalar tətbiq edilir. düşmənə ani hücumlar edir və növbəti hücuma qədər görünmürlər. bu müharibədə ilkin məqsəd düşməni psixoloji olaraq çökdürməkdir. burada relyefin də rolu böyükdür. məsələn, vyetnam meşəlik, əfqanıstan dağlıq ərazi olduğu üçün buralarda partizan müharibəsi aparmaq mümkün olmuşdu, çünki relyef gizlənməyə və düşmənə ani zərbələr endirməyə imkan verirdi. ancaq məsələn, 2003-cü il iraq işğalında üsyançılar partizan müharibəsi edə bilməmişdilər, çünki iraqın relyefi buna imkan vermirdi.