Sözaltı Sözlük - Azərbaycandilli Fikir Ensiklopediyası

+5 əjdaha

1. ay dolanır batmağa
yuxum gəlmir yatmağa
əllərim öyrəşibdi
şux məmə oynatmağa...

mən aşiq, yazma məni,
al qələm, yaz məməni,
olaydım qış kürsüdə,
əməydim yaz məməni.

dan yeri qızaranda,
qız, məmən qızaranda,
qalsa qoy oğlan qalsın,
qalmasın qız aranda.

mən aşıqəm nərgizlər,
açılıbdır nərgizlər,
ər istəyən maya gördüm,
sinəsində nər gizlər.

mən aşiqəm, yad ellər,
yad ölkələr, yad ellər,
belə sərxoş gəzənin,
şamamasın yad əllər.

ay çıxıbdı bədirli
qapılar qoşa nərli
girəydim yar qoynuna
çıxaydim tərli-tərli

aşiqəm, əyən gecə,
dost boyunun əyən gecə,
cəsəddə canım titrər,
diz-dizə dəyən gecə.

+4 əjdaha

2. baxışlarım baxışınla barışdı.
əllərimiz küslülüyü pozdular.
sinən yenə daş sinəmə sıxıldı.
dodağımız yenə abırsızdılar.

biz birləşib çarpayını təklədik.
pəncərədən baxan quşlar utandı.
yaxınlaşdım, sən də çəkdin özünə.
mələfənin gözlərinə qan damdı.

artdı mənim kürəyimdə yaralar.
min bir dürlü səs çıxardı çarpayı.
gen-bol idi bədəninin süfrəsi.
şirin idi sinənin gilas payı.

şahmar kimi dolanmışdın boynuma.
saçların da toxunmamış kəndirdi.
tər çayın, tər çayıma qarışdıqca.
hiss edirdim can iki, bədən birdi.

yaralılar sevməz yara vuranı,
yaralıydın, qorumadın yaranı.
şəhvət şirin, şəhvət şirə, şəhvət can.
bal gölünə batırmışdım arımı.

bir də gördük dəyişdi hər şey qəfil,
ölü kimi qollarımız boşaldı.
itib-batdı, yoxa çıxdı, səs-səmir.
sükut bütün canımızda baş aldı.

eh, çoxumuz ehtirasın quluyuq.
yaşıllanıb, az sonra quruyuruq
can deyilik, şəhvət taxtalarıyıq,
özümüzdən insan-minsan oyuruq.

pornoqrafik bayatılar