+9 əjdaha
1. son zamanlarda izlədiyim və dad aldığım ən gözəl filmlərdən biri oldu.--spoiler--
məncə film əslində nə aids, nə homofobia, nə transgender, nə də dərman firmalarının manipulasiyasından danışır. film homofobik bir texaslının aids xəstəliyinə yoluxmasının ardından həyata baxışının dəyişməsindən və xəstəliyə (eyni zamanda sistemə) qarşı mübarizəsindən danışır. ona görə də heç bir mövzunu dərinləməsinə işləməyib deyə göstərilən iradlar çox yersiz gəlir mənə. sənədli film də deyil ki bu, qalxıb sənə hər hansı bir temanı işləsin. ortada ağıllı bir xarakter var, onun mübarizəsi və dəyişimi var. içində ağıllı xarakter olan filmləri çox sevirəm. filmdə ron (baxma: ron woodroof) xarakteri sadə, anlaşılır və vurucu danışıq tərzi ilə gözəl bir profil ortaya qoyur. obrazları mükəmməlləşdirmək ən sevmədiyim şeylərdəndir, ancaq filmin bir səhnəsində ronun 50 dollarlıq dərman almaq istəyən o benavaya qarşı münasibəti məni yaman məyus etti.
rayon xarakteri ilə jared leto nun əslində ətrafımızdaki bir çox qadından daha gözəl olduğunu görmüş olduq. * glş rayondaki ümidsizlik məni məyus edən bir başqa məsələ oldu. bele güclü yazılan bir xarakterin həyata qarşı bu dərəcədə ümidsiz olmağı, nə bilim, biraz absurd gəldi mənə.
son olaraq, filmə bir neçə yerdə musiqi ilə müdaxilə edilsəydi çox daha fərqli və gözəl iş çıxardı ortaya. musiqi çox önəmlidir, izləyicini hadisənin içinə çəkir. ən çox bəyəndiyiniz filmlərdən musiqiləri çıxarın görüm, ortada heç bir pox qalmaz.
--spoiler--
)