+20 əjdaha
1. "birini fikirlərinə görə alçaltmağa tələsmə. sənin keçdiyin yoldan keçməmiş, sənin qədər cəld düşünə bilməmiş ola bilər. unutma, bir zamanlar sən də bu anda bildiklərindən bixəbər idin."malcolm x
malcolm x
əjdaha lazımdı
izlə
dostlar
mən
googlla
vətəndaş hüquqları hərəkatı - a clockwork orange - arrow - euphoria - riyaziyyat - kontr-seqreqasiya - oxşar məşhurlar - yazarların hal-hazırda oxuduqları kitablar - awakenings
başlıqdakı ən bəyənilən yazılar:
malcolm x
+8 əjdaha
2. 1925-ci il təvəllüdlü məşhur insan haqları müdafiəçisi. əsasən də qaradərililərin haqlarını müdafiə etdiyi üçün tanınmışdır. 20 yaşında olarkən məkkəni ziyarət edib müsəlman olur. islamı qəbul etməsində əsas səbəb malcolmun islamın da əzilənin yanında olan bir din, irqçiliyə qarşı olan bir din olmasına inanmasıdır. əsasən də bilal həbəşinin hekayəsi onu təsirləndirir. daha sonra birləşmiş ştatlarda eliya məhəmmədin qurduğu islam milləti təşkilatına başçılıq etməyə başlayır. təşkilat və malcolm x tez bir şəkildə afro-amerikalılar arasında nüfuza malik olur. 1965-ci ildə bir suiqəsd nəticəsində öldürür. suiqəsdin qarxasındakılar tapılmasa da ehtimallara görə potensial sifarişçi ku klux klan təşkilatı idi. onlar malcolmu öldürüb afro-amerikalılara xəbərdarlıq etmək istəyirdilər. eyni hadisə martin luther kingin də başına gəlmişdi, o da qaradərili haqlarını müdafiə edən birisi kimi öldürülmüşdü. malcolmun maraqlı fikirləri arasında islamı qəbul etdikdən sonra qadına daha az önəm verməsi oldu. o qaradərili qadınların mübarizədə daha az rol almasından yana idi. bir də onu digər qaradərili haqları müdafiə edən insanlardan ayıran şey onun ağ adamı şeytan olaraq adlandırması və ağ adama qarşı şiddət vasitəsi ilə cavab verilməsini dəstəkləməsi idi. ona görə qaradərililər ağlardan ayrı yerdə yaşamalı idilər.+3 əjdaha
3. qara pantera partiyasının başçısı. black student cooperation committee ilə sıx əlaqədə olub və bilindiyi qədər də şiddətə meyilli birisi olmayıb. sadəcə use violence if necessary doktrinasını mənimsəyib. şiddətin ancaq və ancaq lazımi şərtlər bərqərar olduğu zaman işlədilməli olduğunu müdafiə edib. ağların o dövrdəki qaraların yaşadığı yerlərdə qara namizəd qazanan kimi gerrymandering edərək seçkiləri manipulyasiya etməsini sərt şəkildə tənqid edib. bir doktrinası da the ballot or the bulletdir onsuz da. tərcümə ilə ya bülleten ya da güllə deməkdir. paramilitar qruplarla sıx əlaqədə olub, qara pantera partiyası da bir nöqtədə paramilitar qrupa çevrilmişdi və bu partiya o dövrdəki qara xalq hərəkatını daha şiddətyönümlü bir şəkilə salmışdı. solçuluğunun arxasında emosionallığının dayandığını düşündüyüm bir insandır, onu həqiqətən də başa düşürəm çünki bir nöqtədə amerikadakı qaralar o qədər diskriminasiyaya məruz qalmışdılar ki solçu olmamaq və radikallaşmamaq əldə deyildi.+1 əjdaha
4. tarixi dəyişdirənlər, ancaq və ancaq özü haqqındakı düşüncəsini dəyişdirməyi bacarmış şəxslərdir.xristanlıqla başlamış həyatını yeniyetmə çağlarında ateizmlə davam etdirən qadın alverinə görə tutulduğunda islamla tanış olaraq müsəlman olan malcolm x və ya ata soyadı ilə malcolm little islam millətindən ayrılaraq humanizmin əsas rol oynadığı yeni bir cəmiyyəti-afro-amerikan birliyi (organizations of afro-american unity) qurur. lakin elaycanın tərəfdarları əvvəl evini bombalayır sonra isə onu öldürürlər
hamısını göstər