+18 əjdaha
1. Karate yapon dilində "Boş əl", "Yalın əl" deməkdir. Bilinənin əksinə karate sözündə vurğu ilk hecaya düşür.Əvvəllər karate sözünü ifadə edən *heroqlif* "çin əlləri" deyə oxunmaqda idi. Yəni karate heroqlifini yazdıqda o vaxt oxuyan adam görürdü ki, bura "çinin əlləri" yazılıb. Yaponiya ilə Çin də itlə pişik kimi olduğundan Yaponlar sonradan heroqlifə balaca bir şey artırdılar, ondan sonra olur karate, yəni "boş əl".
Karatenin əsas məqsədi sındırmaq, şikəst etmək, öldürməkdir.
Olimpiadalarda keçirilən karate əsl karate deyil. Bu döyüş növünün məqsədi əzəldən vəhşicəsinə öldürmək olmuşdur. indi niyəsini açıqlayım.
Bizim eranın 527-ci illərdə buddizmi öyrədən *Boddhidharma* adlı rahib *hindistan*dan öz cərəyanını yaymaq üçün *çinin* *Shaolin* məbədinə gəlir. Dini meditasiya, mantralar və s. ilə öyrədirdi, lakin görür ki, öyrətdiyi insanlar çox əfəldilər. Boddhidharma da hindistanda döyüş sənətinə yiyələnmişdi. Başlayır bunlara öyrətməyə. Yavaş-yavaş bu çinlilərin o dərəcədə xoşuna gəlir ki, o dərəcədə şiddətli öyrənirlər ki, həddindən artıq bərk olurlar, dəmir kimi. Heç kim bunlara qalib gələ bilmir.
Çində döyüş sənətlərinin (bax: uşu) kökü beləcə atılır.
illər keçdikcə bu sənət daha da genişlənir, hər yeni gələn nəsil bir az daha əlavə edir. Əlqərəz, professionallaşırlar. Müxtəlif heyvanları izləyir, onların vuruşmaq metodlarını təqlid edirlər.
(bax: Pələng)
(baxma: bəbir)
(bax: durna)
(bax: əjdaha)
(bax: ilan)
Orta əsrlərdə avropadan çinə gələn bir turist görür ki, bunlarda belə bir döyüş növü var, bir-birləri ilə çox vəhşicəsinə vuruşurlar.
Onlardan soruşur ki, "bu nədir?". Onlar da cavab verir ki, *kung fu*
Kung fu çin dilində isə usta, master deməkdir. Yəni demək istəyirlər ki, onlar ustadır. Lakin avropalı elə bilir ki, bu sənətin adı kung fu'dur.
Əlsində isə əla rəssama da kung fu deyilir, *leonardo da vinci* də kung fudur, çox gözəl yemək bişirən aşbaz da kung fudur.
Hər bir sənətin ustası kung fu adlanır, o cümlədən döyüş sənətinin ustası da kung fudur.
Ancaq bu, avropaya, ordan da bütün dünyaya bu adla tanındı. Hamı elə bildi ki, sənətin adı kung fudur.
(baxma: səhv bilinən məlumatlar)
Bu lap *kenquru* məsələsinə oxşayır. Avstraliyaya gələn bir turist aborigenlərdən kenqurunu işarə edərək "bu nədir?" -deyə soruşur. Aborigen də bunu başa düşmür, "Kenquru?"deyir. "başa düşmürəm" yəni. Turist də elə bilir ki, heyvanın adı kenqurudur.
Qayıdaq karate məsələsinə.
Orta əsrlərdə yaponiyada *samuray*lar əhalini işğal edib üsyan etməsinlər deyə silahlarını əllərindən almışdılar. Bir dənə bıçaq var idi kəndin ortasında, zincirləmişdilər ki, heyvan falan kəsmək istəyən gəlib bu bıçaqdan istifadə etsin. Bu zaman yerli əhalı çindən gələn döyüş mütəxəssisinə üz tutur. *Okinawa*lı siravi yapon xalqı sılahsızlığın yaratdığı məcburiyyətdən gizli bir cəmiyyət qurur. Dağda meşədə karate öyrənməyə başlayırlar. Bu döyüşü o qədər mükəmməlləşdirməli idilər ki, bir zərbəyə silahlı samurayı öldürə bilsinlər. Yoxsa samuray qılıcını çıxarıb şişə keçirəcəkdi. Bunun üçün məcbur oldular o qədər şiddətli zərbə yaratsınlar ki, əl ilə ayaq ilə dəxli yoxdur, bir zərbəyə öldürə bilsinlər. Uzun müddət məşq etdilər. Özlərini inkişaf etdirdilər. Karate sağ olsun, günün birində nəticə etibarı ilə üsyan qaldırdılar və samurayları məğlub etdilər.