citizen kane — ən bəyənilən yazılar

+3 əjdaha

1. 1941 mәhsulu bir orson welles filmi.

+2 əjdaha

2. orson welles-in ilk tammetrajlı filmi. film bir çox tənqidçilər, rejissorlar və film izləyiciləri tərəfindən gəlmiş keçmiş ən yaxşı film güman olunur. film kamera işi, musiqi və sujet xəttinin strukturuna görə qiymətləndirilir, hansı ki, zamanı üçün yetəri qədər innovativ idi.

film qəzet maqnatı william randolph hearst-ın həyatı əsasında qurulmuşdu. elə buna görə onun baş redaktor olduğu bütün qəzetlərdə filmin adının çəkilməsi qadağan edilmişdir və bacardığı qədər filmin yayılmasının qarşısını almışdır və qismən də olsa buna nail olmuşdur. elə buna görə də film layiq olduğu rəğbəti öz dövründə görməmiş və rejissorun gələcək işlərinə böyük əngəl yaratmışdır. onu da qeyd etmək lazımdır ki, teatrda qeyri adi istedadını sübuta yetirmiş welles-in bu filmi çəkdiyi zaman 25 yaşı olub və filmdəki bütün heyət teatr adamları olublar.

filmin kamera aspektləri haqqında onu demək olar ki, film ilk dəfə deep focus texnikası ilə, müxtəlif animasiya effektləri və işıqdan effektlərindən istifadəyə görə seçilir. xüsusilə filmin qaranlıq atmosferinə görə onu ilk film noir adlandırmaq olar.

filmdə hadisələr flashback vasitəsi ilə nəql edilsə də film olduqca sadə məzmuna malikdir. ölməkdə olan maqnatın son sözləri "rosebut" və bunun mənasını araşdıran qəzet yazarı.

bir adamın öldükdən sonra həyatının interpretasiyasının çətinliyi filmin əsas mövzusudur. kane-in həyat bioqrafiyasına dərinliyi ilə baxdıqdan sonra bioqrafiyanın yaradıcısı müxbirlərdən soruşur; kame əslində kim idi? daha sonra onun yadına düşür ki, bir adam heç də uğurlardan, sahib olduqlarından ibarət deyil, onda nəsə daha dərin bir şeylər vardır. kane öz nailiyyətlərindən daha üst səviyyədə dayanırdı son sözünü dedikdə. qəzet müxbirinin ona yaxın olan adamlarla söhbət etdiyi zaman kane-in həyat hekayəsi mərhələli şəkildə aydınlanır.

filmin sonuna yaxınlaşdıqca kane-in son sözünün onun həyatının ən vacib anlarının onun qazandıqları insanlarda, siyasi fəaliyyətində mülkiyyətində və s. deyil sadəcə uşaqlıq illərində olduğu anlaşılır. onu ən yaxşı izah edən an onun həyatını qaytarılmaz şəkildə dəyişən bir nöqtədir ki, "daha yaxşı" olaraq qəbul olunur (materialistik baxış bucağından), amma onun yalnızlığına səbəb olur..

filmdə qeyd olunası çox məqamlar var. filmlərlə maraqlanan hər kəsə izləməyi məsləhəy gördüyüm filmdir.

+1 əjdaha

3. bir çox jurnala yaxud statistikaya, sorğuya görə bütün zamanların ən yaxşı filmi kimi göstərilir. hər nə qədər novatorluğu olsa da, bu, sadəcə öz dövrü üçündür. həqiqətən də kamera işi əladı. amma müasir dövr üçün kamera işi də, ssenari də adiləşmiş bir şeydi. jurnalistlərin baxması gərəkən filmlər listindədi