ataya demək istənilənlər
| anket249,528 | 449 | 1993
əjdahalar googlla
sözaltı günlük - sözaltı etiraf - sözaltı sözlük - azərbaycana və ya azərbaycanlılara xas xüsusiyyətlər - erkin qədirlinin sözləri - acı uşaqlıq xatirələri - həyatın nə qədər cındır olduğunun anlaşıldığı anlar - türklərin sevilməyən cəhətləri - yalnızlıq
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860sənə çox dəyər verirəm. etdiyin bütün fədakarlıqları görürəm, özumu öküz kimi aparmağıma baxmayaraq. sadəcə hər şeyi deməyə utanıram. təbiətimdə yoxdu.
amma ne olar məni bu qədər sıxma. bir yerə çıxanda 70 dəfə zəng etmə. bilirəm ki narahatsan, amma küçə insanlarla doludu. dediyin manyaklarin 100 insan arasından gəlib məhz mənə təcavüz etmə ehtimalı yox dərəcəsindədi. men de valideyn olanda sənin kimi olacam bəlkə, amma hal hazırda bu ciddiliyi qəbul ede bilmirəm.
universiteti qurtaran kimi mәni socarda işә götürmәyәcәklәr.
bir dә ki, forexlә milyoner olmayacaqsan bunu bil. sәnin kimi savadlı biri necә belә sәhvlәr etdi bilmirәm. riyaziyyatçı olmaq çoxlu pul qazanacağın mәnasına gәlmir. bir dә riyaziyyat demişkәn gecә saat birә kimi riyaziyyat hәll etdirdiyin günlәri yadımdan çıxartmamışam. ya da yay tәtilindә ingilis dili tәrcümә elәtdirdiyin. özün dә qәbul elәmәlisәn ki, 6da oxuyan uşaqdan yay tәtilindә nә etdiyini saatbasaat dәftәrә qeyd etmәsini istәmәk vә sonra bunu tәhlil etmәk saçmalığın daniskasıydı.
konservativ olmadığın, tәhsilimizә çox müsbәt yanaşdığın üçün әn әsası da şahmatçı vә riyaziyyatçı geni üçün ayrıca tәşәkkürlәr.
kompyuterin qabağında da az otur , nә vaxt baxıram onlinesan, mәnnәn çox bilirsәn bilirәm amma gözlәrin xarab olacaq.
çox vaxt məni başadüşməsən də başadüşməyə çalışmısan həmişə. qarşına alıb məni dinləmisən. buna görə sənə həmişə minnətdar olacam. səndən çox şey öyrəndiyimi indi başa düşürəm biraz gec olsa da. nə olursa olsun haqsızlığa qarşı olmağı, mənliyimi itirməməyi, qarşındaki insan nə qədər pis olsa da pis insan olmamağı, həyatı dolu dolu yaşamağı və həyatda hərşeyin dadına baxmağı sən öyrətmisən mənə. bütün bunları sən qabağına qoyub öyrətməmisən mən səndə görmüşəm bunları və dərs çıxartmışam.
sən öz atanı itirəndə ilk dəfə göz yaşlarınla tanış oldum. halbuki heç sevmədiyini deyirdin atanı. sənə atalığ eləmədiyini deyirdin. amma ağladın. mən də sənin başqa dərin bir hissəni kəşf elədim.
sigaret çəkmirəm sənə dediyim tək yalandı. o da ki məcburiyyətdən. amma işin əslini bilirsən uşağ deyilsən ki.
keçən yay sənə bunların bir çoxunu demişdim. çünki çox sevdiyin bir adamı itirib ona demək istədiyin tonlarca şeyin olduğunun fərqinə varmaq nədir bilirəm mən. amma bəzi şeyləri yenə də deyə bilməyəcəm sənə. çünki aramızda əlimizdə olmayan səbəblərdən dolayı məsafələr var. demək istədiklərim isə bu sözlükdə tarixə qarışacaq.
və bəzi şeylər heçvaxt yadımnan çıxmayacaq. mənə ilk dəfə vurduğun anı, mənə ilk dəfə mənimlə qürur duyduğunu hiss eləttirdiyin anı, ilk dəfə rumkama araq süzüb vur görüm əəə dediyin günü, ilk dəfə evə gələndə pivə al balığ almışam dediyin günü, aeroportdaki o qısa amma təsirli dialoqumuzu.. çox şey var deyiləsi. özünə də demişəm amma bilki səni çox istiyirəm ay dəə.
indi qohumlar dirəşəndə ki, sənin qəbrinin üstünə gəlim, onları başa sala bilmirəm ki, mənim səninlə bağlı heç bir hissim yoxdur və məncə, bu normaldı - düz demirəmmi? axı bizim bir qoşa addımımız belə olmayıb; birgə nəyimiz olu ki: nə birlikdə kinoya getmişik, nə gülmüşük, nə əylənmişik.
qohumlar olmayan bir şeyi sevmədiyimə görə məni günahlandırır. hətta "nankor övlad" deyənləri də var. əşşi, onlar cəhənnəm olsun. mənə sənin yoxluğun dərddi, mənə sənin yoxluğun problem olub - bunu etiraf edirəm!
adətən sevgililərimdən də buna görə ayrılmışam; atasız qızlar adətən azadlıq sevən olur, qoyulan yasaqları, qoruq-qaytaqları həzm edə bilmirlər. ya da sevgilimdən ata sevgisi, ata qayğısı gözlədiyimdən zibil olub hər şeyin içinə.
bunları bura niyə yazdım, bilmirəm. sadəcə, bu gün biriylə danışmağa çox ehtiyacım var idi. kaş ki, sağ olaydın, lap belə başqasının atası olsaydın, eyb etməz, təki bu dəqiqə mən də oturub səninlə söhbət edə biləydim.
üzv ol