+2 əjdaha
1. akira kurosavanın 1975-ci ildə çəkdiyi şahəsəri. rus-yapon istehsalı olan film kurosavanın ilk yapon dilində olmayan filmidir. film təbiət-insan bağlılığı eyni zamanda iki fərqli mənşəyə, həyat tərzinə mənsub insanlar haqdadır.dersu uzala meşələrdə yaşayan ovçudur. onun evi, ailəsi yoxdur. o tamamilə öz mühitinə bağlıdır. elə bir mühit ki, sivilizasiyanın inkişafı nəticəsində labüd olaraq məhvə məhkumdur.
kapitan arseniev isə təqdiqatçıdır. öz dəstəsi ilə çöllüklərin topoqrafik ekspedisiyasına çıxır və dersu uzala ilə rastlaşır. yad ərazilərin təqdiqatının çətinliyini anlayan kapitan dersu-dan bələdçilik etməsini xahiş edir. dersu bu təklifi anında qəbul edir. və bu andan sonra dersunun kapitanın gözündə bir bələdçidən yaxın bir dosta çevrilməsinə şahid oluruq.
dersu uzun illərin təcrübəsi və psixik duyğuları vasitəsi ilə özünü belə təhlükəyə ataraq kapitan və onun adamlarını tundra qışından salamat çıxarır..
dersu uzalanın taleyi filmin əvvəlindən bizə məlumdur, 1910-cu ildə iki nəfərin dersu uzalanın qəbrini axtardığını görürük və daha sonra əsas hadisələrin gedişatını görmək üçün 1903 və 1907 yə qayıdırıq...
filmin sonunda dersunun gözü zəifləyir.. əvvəlki kimi ovlaya bilmir və şəhərdə yaşamağa məcbur olur. arseniev ona etdiyi yaxşılıqlar qarşısında şəhərdə yaşamaq təklif edir. dersu şəhər həyatına heç vaxt uyğunlaşa bilmir: "anlamıram ki, siz necə dörd divar arasında yaşayırsız" deyir..
film haqda çox söz demək olar, dersu-nun vodka qarşılığında bütün "pul"larını oğurlayan adamın hərəkətini başa düşməməsi, pələngin ölümü, yaşlanma, dersunun həbsi, tüfəng və s.
dersu uzala həm də bir həyat hekayəsidir. kurosava yeganə xarici dildə çəkdiyi filminə rus təqdiqatçı tərəfindən yazılan bir memuarı (bəli, olmuş hadisələrdir) yenidən həyata qaytarır.
və əlbəttə gözəl fotoqrafiyanı da yaddan çıxarmaq olmaz.
bu arada çoxlu spolier verdiyimə görə üzr istəyirəm. kurosavanın digər filmlərini bəyənirsinizsə bu filmə baxmamısınızsa mütləq baxın.