+1 əjdaha
1. serb milliyətçi, srebrenitsa soyqırımını həyata keçirən komandir.mladiç ikinci dünya müharibəsində ailəsini öldürdüyü iddiasına görə müsəlmanlara nifrət edirdi.
1991-ci ildə yuqoslaviya dağıldığı zaman tezliklə orduda yüksəlməyə başladı. 1992-ci ilin mayında serb-boşnaq parlamentinin qərarı ilə yeni qurulan ordunun başına gətirildi. bununla da mladiç tamamilə ordunu ələ keçirmiş oldu.
müharibənin başlanması ilə minlərlə insanın ölümünə, yüzlərlə qadının təcavüzə uğramasının səbəbkarı oldu. rəhbəri olduğu serb ordusu tam bir barbar idi. müharibədə müsəlman bosniya xalqının bir çox cəbhədə zəfər əldə etməsi və dayton barış müzakirələrinin başlaması ilə serblər mladiçin rəhbərliyi altında gorajde və srebrenitsa bölgələrini hücum etdilər. müsəlman dirəniş hərəkatı uzun müddət srebrenitsanı müdafiə etdi. lakin sonda gücdən düşdülər. srebrenitsa soyqırımı baş verdi və dünya bununla ratko mladiç adını tanıdı.
müharibə bitdikdən sonra bosniya xalqına qarşı işlədiyi soyqırım və müharibə cinayəti səbəbi ilə köhnə yuqoslaviya beynəlxalq cəza məhkəməsi tərəfindən qırmızı blütenlə axtarışa verildi.
2001-ci ildə serb lider slobodan miloşeviç həbs olunana qədər mladiç belqradda krallar kimi yaşadı. miloşeviçin həbs olunması ilə gözlər digər iki lider radovan karadziç və mladiçə çevrildi. 2008-də karadziç də miloşeviç kimi həbs olunaraq beynəlxalq müharibə cinayətləri məhkəməsinə təhvil verildi.
serblər uzun müddət mladiçin həbsini uzatdılar hətta onun ölkədən qaçdığını belə iddia etdilər. 2011-ci ildə mladiçin bir serb toyunda çəkilmiş şəkli yayımlandı. bundan sonra beynəlxalq məhkəmə serbiya hökumətinə təyziq göstərdi. həmin il serb kəşfiyyatının keçirdiyi gizli əməliyyatla mladiç həbs olundu. bildiyim qədəri ilə yuqoslaviya məhkəməsi hələ də davam edir və mladiçə hələlik cəza verilmiyib. verilsə də yəqin ki, digərləri kimi ömürlük həbs olunacaq.