+11 əjdaha
1. son illərdə azərbaycanlı oğlanların dilinə düşmüş sözlərdən biri. mənasının nə olduğunu dəqiq bilmirəm heç. əsasən oğlanlara ünvanlanır bu söz. amma münasibətləri yaxşı olmalıdır ki, bir-birinə belə bir söz ünvanlandıra bilsinlər. məsələn, yoldan keçən birinə durub "oy kələ", "kələ kimisən yetim", "kələdiye" demək olmaz. onsuzda kiminsə yoldan keçən birinə belə bir söz deməyi üçün heç bir səbəb də ola bilməz. təsəvvür edin ki, kimsə butkadan ştuçnıy siqaret alır, yuxarıdan iplə asılan yandıranla siqareti yandırır. siqaretin ilk tüstüsünü dartır, amma içinə almayıb havaya buraxır. elə bu andaca o tərəfdən gələn biri bunu görür və siqaretini yandıran oğlana "kələ kimisən yetim" deyir. belə bir şey olsa, siqaret çəkən oğlan elə biləcək ki, ona o sözü deyən adamla hardansa tanışdırlar. tanış olmasalar necə belə bir söz deyə bilər axı ona?!qızlara da heç vaxt ciddi-ciddi demirlər bu sözü. qızların özlərinin də bu sözü sevdiyini düşünmürəm. qızlar dedikdə oğlanlara daxilən və zahirən bənzəyən qızları nəzərdə tutmadım. çox vaxt facebookda görmək olur bu sözü. kimsə canon və ya nicon ilə çəkilmiş şəklini paylaşır və "yaxın uşaqlar" tökülüşür şəklin altına. öz borclarıymış kimi başlayırlar səni tərifləməyə. sanki bunu edirlər ki, gələn dəfə də onlar öz şəklini paylaşanda sən bu cür sözlər yazasan. sözün mənası isə "vəhşi" kimi bir şeydir hər halda.