+5 əjdaha
1. çoxluq riyaziyyatın ilk riyazi anlayışlarından biridir. o müxtəlif obyektlərin, məsələn,kitabların, dəftərlərin, qoyunların, atların, ulduzların, ədədlərin, fiqurların toplusudur.çoxluğu əmələ gətirən obyekt onun elementi adlanır.
məsələn: həndəsi fiqurlardan ibarət çoxluğu həndəsi fiqurlar çoxlugu adlandırsaq onun elementləri çevrə, dairə, uçbucaq, dördbucaq, prizma, pramida və sairə olar.
çoxluqlar böyük mötərizələrin köməyi ilə yazılır, latın əlifbasının böyük hərfləri a, b, c, ..., z ilə işarə olunur.
məsələn: a = {a, b, c, ç}
a-nın a çoxluğunun elementi olması ∈ - daxildir işarəsinin köməyi ilə a ∈ a kimi, p-nın a çoxluğunun elementi olmaması daxil deyil işarəsi ilə p ∈ a kimi yazılır.
çoxluqlar elementlərinin sayına görə sonlu və sonsuz olur.
sonlu sayda elementi olan çoxluğa sonlu çoxluq deyilir.
əlifbamızdakı hərflər və ya səslər çoxluqları (32 hərf, 34 səs) sonlu çöxluqlardır.
elementlərinin sayı sonsuz olan çoxluğa sonsuz çoxluq deyilir.
ulduzların, ədədlərin (natural ədədlərin) əmələ gətirdiyi çoxluqlar sonsuz çoxluqlardır.
natural ədədlərdən ibarət olan çoxluğa natural ədədlər çoxluğu deyilir.
natural ədədlər çoxluğu n = {1, 2, 3, 4, ...} şəklində yazılır. 1 ən kiçik natural ədəddir, ən böyük ədəd yoxdur. natural ədədlər çoxluğu sonsuz çoxluqdur.
heç bir elementi olmayan çoxluq boş çoxluq adlanır və ø işarəsi ilə yazılır.
məsələn: 7 və 8 arasında yerləşən natural ədədlər çoxluğu boş çoxluqdur (yəni, 7 və 8 arasında natural ədəd yoxdur).
indi deyəssiz ki, bunun məsələ ilə nə əlaqəsi var. bəlkə bir gün biri mırtdaşmaq məqsədiynən girər, arada bu entry-ni oxuyub nəsə öyrənər.